大吃一番 (已結業)

想當年 (都只係年幾前) 想 lunch 去大食一番 (真係行得快. 有機會有位..行得慢, 肯定無位有排等) 因為, 當時的石鍋龍蝦湯烏冬, 湯 : 超級濃郁好味, 烏冬彈牙無得頂. 今天再去食.. 當然急步行去, 怕無位呀麻...點知一去到..全店都無人...(我地以為今天休業呀) 從未試過, 12:45PM 去到, 無人..我地係第一批客人...(心諗..差左咩? 點解一個人都無) 我地兩個女仔, 叫左一個流心豬扒龍蝦湯石鍋烏冬,  一個牛柳粒龍蝦湯石鍋烏冬. 結果................大失所望... 濃郁好味的湯去了那裡? 現在, 淡而無味...以前既濃湯. 超級好飲..而且, 可以一邊食一邊飲湯...食哂啲烏冬, 仲可以有湯淨. 而家. 無味都算. 食左一半, 已經無哂湯. 好似食乾撈烏冬咁.......以前的流心豬扒, 真的是豬扒中間內夾著芝士 (芝士藏在肉內) 堅流心的豬扒. 可是今天的流心豬扒...是切片後, 把芝士夾在中間...唔知係咪轉左廚師. 點解所有好味既嘢無哂. 而家終於明白. 點解12:45pm 去到, 都可以無人了. (我地食完已經1:15PM, 都只有3台客.  而且已無人再食貴價石鍋烏冬了)…查看更多

1點放lunch,1點15落單，等咗半個鐘先來一碟小丸子，3粒優惠價$8。跟住，1點45分先有碗餃子竹輪卷湯鳥冬，餃子係芥未味，煎到個底好黑，啲黑色既蕉係啲湯度漂浮。常碗面賣相麻麻，味道都一般，好普通。午餐時間，打算叫個野菜燒餅，咁早時間都話無。餐牌寫啲鍋物要等得耐，無諗過其他野等仲耐，可能鍋物會好食啲掛。:(:(…查看更多

最近都和朋友行開長沙灣，諗住食埋飯～行行下就見到大吃一番呢間餐廳～跟住就同朋友入去食～餐廳都算幾有特色，呢間餐廳原來主要係食石鍋燒。佢哋兩邊牆都係黑板，寫上唔同款式嘅小食和幾款湯底～我同我朋友分別嗌咗龍蝦湯豬手烏冬，龍蝦湯流心豬排烏冬，另外叫咗幾款小食：醬燒凡立貝，芝士年糕和野菜燒餅～首先講啲小食：野菜燒餅，份量都幾大份，燒餅上面都淋上沙律汁和燒汁，所以食落去唔會話太鹹同太淡!而且啲菜係啱啱好!芝士年糕：因為本人係勁鐘意食芝士，所以叫咗呢個～～味道唔錯，炸得啱啱好，而且食落去唔會話好油好肥(雖然係炸😅)醬燒凡立貝：份量係四粒，兩個人食絕對係啱啱好，佢燒得唔錯，咬落去唔會太硬亦太淋，而味道都唔會太鹹!主打方面當然唔少得石鍋燒啦～龍蝦湯豬手烏冬：先講石鍋，特色係佢哋滾住咁上，啲湯算唔錯，唔會話真係太鹹，可以接受!而豬手方面，啲肉咬落去唔會話太硬，我自己食覺得好淋好入味，而烏冬就唔會話太多，一個人食係絕對食得晒!!整體上我同我朋友share食，係食得晒所有野!我朋友都話好好味，下次可以再幫襯!!!…查看更多

本來想在旁邊的餐廳吃饅魚飯，但真的人太太太太多，看到旁邊大吃一番好像幾吸引，便去試一試。點知道。。。 是伏！首先 ，點了一個 雜錦海鮮櫻花龍蝦湯石鍋燒滿心歡喜，因為應該是這裡的主打吧。海鮮還可以。但湯就。。 無味道我點了烏冬，小得可憐，吃了好似無吃過之後點左豬手。點解個賣相可以咁樣？賣相差都無所謂點解可以咁咸？飲10杯水都解吾到咸ga la就快還是好餓。諗住叫燒物一定無死Um....不曾吃過如此難吃的燒物等左半小時都算食左一啖都放底左！係立即！好浪費食物。但都無法！um...題外話餐廳內廚房只有一人（男）侍應一人（女）不知兩人是什麼關係但明眼人一看就知當天佢地鬧緊交因為廚房男不停跌野 打枱女侍應視而不見無論發生什麼事，都應該在收店後才好好商量反思吧。連客人也感受到你們的火在天上射來射去，如何享受食物呢？總結：如此工作態度及食物質素，真的應該要改善，再努力進步。…查看更多

之前食過佢地d 烏冬一次覺得都ok今次試其他小食燒餅：食到d 菜 如果想食燒餅d 醬可以食 但一個幾口菜的燒餅$45 可以唔使食餃子： 軟林林既餃子 唔知自己食左咩都係食番海洋烏冬算 配左龍蝦湯…查看更多

午飯時間來到，各店皆是爆滿，但這間仍有很多空位，心中一突，還是走了進來。黑板和menu設計得幾靚，有點可愛卡通風格，把我穩住，於是我叫了一碗拉麵，是麵鼓湯底的。一試之下，哇，搞唔掂，雖然並未expect 如豬骨湯底般香濃，但也不是這麼淡吧? 而那些麵，其實並非拉麵，而是不知道甚麼粉，很淋。其實也不算難食，但說是拉麵，未免有蒙騙之嫌。其他配料都沒有甚麼特別，有一點上當的感覺。…查看更多

芝士豬扒好薄似薯片，d芝士唔係包係豬扒入面，淨係攝入切好既一塊塊既豬扒之間。芝士唔識流、無拉絲，似系超市嗰啲芝士片。好彩蕃茄湯烏冬搭夠，大家可以試下其他主菜既～…查看更多

大吃一番晏晝搵野食，見到有間日式小店入去試下，叫左個紅酒牛肉拉麵. 都幾快有得食，不過，野食就一般. 我鍾意飲湯，於是試下佢既湯底，佢話係味噌湯底，但真係好淡，淡而無味. 跟住試下啲紅酒牛肉，偏甜，牛肉偏韌，味道好一般. 最後再試下拉麵，一見到拉麵純白色已經有啲擔心，食落好腍，煮到腍哂既米粉既質地，冇蛋香. 簡單黎講，一個字，伏. 見到有人食飯都係唔係幾食得落，反而見到有石頭鍋熱辣辣好似幾吸引. 不過唔會番黎啦我. …查看更多

呢間係一間石窩烏冬專門店，但麵底都可選拉麵或烏冬。寒冷既晚上，石窩熱烘烘咁上到面前好感動～是晚選擇左芝士湯底配烏冬，加流心芝士炸豬排～芝士湯底不錯，但再濃一點的話就perfect~ 流心芝士豬排中既豬排比較薄，所以食起黎會覺得比較似食緊芝士焗脆脆..💫💫💫💫💫💫💫💫💫💫💫整體黎講晚餐平均HKD80 一個set都唔錯啦。注意：店舖只得5-6張4人枱，一定會搭枱同埋坐位好窄。值得一讚：女店主會不停為客人加水，而且有禮貌。…查看更多

今日行過舊區長沙灣, 行經呢間店名有點土既小店, 係門口睇左兩下, 就走入試下大吃一番點評:食物: 湯底有7款, 選了龍蝦芝士湯配流心豬扒手打烏冬, 湯底調配岩岩好, 食得出芝士味又無蓋過龍蝦鮮味, 烏冬夾上黎癡住湯汁又不失彈性, 流心豬扒不過不失, 小食芝士年糕咬落Q彈, 不沾沙律醬都好好味。環境: 木枱木椅配埋牆上黑板就好似返咗學校課室一樣. 黑板上手畫圖案好有心思服務: 小店只有一個侍應, 細心介紹卡通menu, 主動加茶衛生: 食物賣相乾淨靚仔抵食: 性價比高, 不設加一服務費…查看更多

今天和同事想試試公司四周未試過的餐廳，摸下摸下見到這間的午餐蠻便宜就一支箭標左入去。我們坐下之後餐廳已經爆場，看到鋪頭的牆貼著不同媒體的訪問，滿心期待。 menu設計十分吸睛及可愛，看了之後，什麼都想點，一問之下他說我們想吃的石鍋午市並不提供。等的期間我們被冷氣吹得好凍，細心的男同事著他們較細冷氣，他們卻說石鍋有200度，需要開大冷氣的，一轉頭，隔壁桌的石鍋就上了，我們心想我們的午餐也是石鍋，所以較細冷氣的事就不了了之。不久，食物上桌，方知中伏。 我們a b c d e餐都點齊，沒有一個是石鍋，何來石鍋呢？我這個燒汁牛肉味噌湯烏冬，烏冬是超市8元有4包的那種貨色，牛肉的燒汁怎麼找也找不著，湯底是即食麵麻油湯粉加豬骨湯粉，承惠38元，我覺得自己在家煮應該比他更美味。而其他同事的午餐也是十分難啃，大家也吃得出很多味精。 這塊所謂的芝士流心豬排比我的手還小，索價49元。芝士是超市買到的片裝乜乜芝士，豬排薄切了，粉也炸過龍。 另外我們點了野菜燒，整個最好吃就是那些燒汁醬還有美乃滋呀紫菜粉。整個野菜燒一夾就散，菜只有椰菜，而且沒有啄碎。間中會咬到一口粉漿，十分核突。 最正常還是我跟餐加8元點的雞軟骨餃子，因為是現成的。我們剛吃完，他們一個箭步遞上賬單說麻煩買單，外面很多人等。用得著這樣趕我們嗎？也不過是多坐幾分鐘。服務差，食物差，無下次！…查看更多

比餐牌吸引左入去, 整間餐廳既設計都係一筆一筆畫上去, 就連餐牌都係Q版公仔點了午餐吉列小豬扒拉麵:)等左比較耐但都滿心期待可惜.........有點失望先說湯底, 淡而無味, 可以講係同白熱水無分別拉麵好硬, 可以硬到係未熟既感覺, d麵仲可以係痴埋一舊既:(再說吉列小豬扒, 真係好少, 又薄仲要切條, 其實係咪唔捨得比人食呢？…查看更多

天氣轉涼，友人今晚帶我黎長沙灣隱蔽小店石石鍋，咋看以為食韓式食頭鍋飯，原來另有乾坤，係石鍋配湯烏冬，小店只有20個位左右，剛好有張二人台，坐底先送上熱茶暖下手先，餐牌好得意，簡單三個step，1.選湯底>2.選配料>3.手打烏冬/拉麵/飯，我選左豚骨湯配牛尾手打烏冬，友人食龍蝦芝士流心豬扒湯飯，牛尾西餐食得多，配烏冬食都係第一次，小食選了醬燒豬手，石鍋黎到仲好滾，一個個小氣泡連鍋裡係乜都睇唔到，侍應提我地攪攪佢小心癡底，烏冬滾咗咁耐咬落仲係彈牙爽滑，豚骨湯底唔太油膩清清地抵讚，牛尾肉質炆得好入味, 配彈牙烏東係絕配, 醬燒豬手起咗骨，個汁有小小甜味, 淋淋地連皮食好邪惡好, 食咗好有罪惡感，最後黎多過迷你甜蕃薯, 面上塗牛油燒, 外脆內軟又香甜, 芝士龍蝦唔太濃, 芝士味又唔會蓋過龍蝦味, 流心豬扒夠乾身, 炸粉薄身食落好脆, 芝味夠濃郁, 今餐大滿足 …查看更多

太差了，中伏！伏中之伏！大伏！本新以為有石窩做賣點，點知剛入去坐下便告知沒有石窩，只有普通碗裝。我們也沒有問題，只要湯夠熱便可以。而且還說為了補償，可以送小食。烏冬剛上桌，喝了一口湯，完全是冷的，問是否可以加熱少少，他說已經最熱了，港煮好的。叉燒也是冰凍的，完全嚇死！送的小食只有兩只很小的餃子。從來沒有吃過湯冷掉的拉面烏冬，70大元一碗太不值了！:(:(:(…查看更多

最近聽朋友介紹呢間石窩烏冬專門店, 今日終於有機會嚟試, 店裏牆上黑板畫咗唔同可愛插圖, 餐牌好可愛, 有七款湯底選擇, 樣樣都想試, 友人選咗龍蝦芝士, 而我心大心細又想食南瓜又想食芝士, 我就大敢問侍應可否破例叫廚房做南瓜芝士湯, 侍應問完廚房就話ok, 仲要唔洗加錢, 跟芝士湯同價加10蚊就得喇,好開心可以將兩樣至愛夾埋一齊試, 呢度主食都有好多款, 我地選了牛尾同朱手, 小食就選了雞軟骨餃子同野菜燒餅, 石窩上枱仲滾架, 暖笠笠係冬天食岩晒, 南瓜香甜味配上芝士, 仲有微微拉絲正呀😍, 醬燒朱手無骨軟淋淋好入味, 朋友個芝士龍蝦有蝦殼真係有龍蝦啵, 大家飲湯時要小心, 偷咗舊牛尾試, 好少食店用牛尾做配料, 值得推介! 雞軟骨餃子煎到脆脆地, 野菜燒餅好足料, 多菜少麵粉食落唔會膩既感覺, 配上燒汁木魚碎簡值係一絕👍…查看更多