大力棒棒摩登中菜 (已結業)

身邊一些年輕朋友覺得中菜老土，開飯地點通常選擇較潮的西日餐廳。不過，若然廚師能在保留傳統精粹之餘加點創意，炮製賣相華麗骨子的摩登中菜，未知又能否令他們改觀？位於The One的「大力捧捧」就是以中菜烹調技巧為基礎，揉合日本及西洋煮製食物風格，創作出適合後生一輩的新派菜式。餐廳門面裝修最能貫徹舖頭的意念，古樸小屋設計滲透著懷舊氣息，頂頭磚瓦卻採用耀眼的螢光粉紅，予人前衛時尚的感覺，好一個新與舊的cross over。室內大部份位置以藍灰為主調，壁畫及掛飾甚有古中國味道，燈光通明空間感足挺是舒適。今晚有幸與食友坐在獨立房間，享用店家悉心安排的招牌菜式。杏汁豬肺湯深知清洗豬肺的工序何其繁多，因此懶得在家處理這種食材。每當有機會外出飲用豬肺湯，小妹便像失控般連湯料也不放過。眼前的一窩湯水色澤奶白，打開蓋子那陣杏仁芳香徐徐飄來，此乃加入新鮮白菜及大量豬肉，經過六個小時燉製方能成事。由於沒有放進菜乾或火腿，湯水沒被鹹味籠罩感覺清怡，杏仁不帶苦澀反而馥郁。肺粒清洗透徹沒見血絲，亦無內臟腥臊的怪異惡味，而且煲得腍滑富有彈性，所有用料結合起來滋潤養生。飽受折磨 ($42)這道菜式的名字叫人有無窮遐想，原

近日接到餐廳店主的朋友的電話，邀請在下前往試食，基於朋友及普通食客的心態下，一試無妨。在下都幾喜歡大圍菜的，尤其是中菜，因為無論是家人，抑或一大班朋友聚會，都會首選中菜，一來可以有講有笑，二來夾吓夾吓，又會開心一點。而傳統中菜吃得多，或多或少有些悶納，但是近來有些fusion 粵菜，或新派粵菜，一改悶納或老餅形象。大力捧捧摩登中菜位於尖沙咀 The One 四樓，從加連威老道有一升降機直達四樓。從門面看來，都幾古色古香的。內在的佈置也十分古色古香，有著紅色仿磚牆，加上不少古代人物畫像，並以誇張手法繪畫。而天花上的燈飾，也具創意。餐廳裡內也有一間房間，可用作私房菜用途，因此感覺上也頗具私隱度。餐牌中，有一古藉般的餐薄，也有新穎的餐牌，當中古藉餐牌的菜名，也具創意的，如富二代，敗家仔富貴雞煲等。除了這些外，還有午市套餐和輕食茶餐等等，可見多樣化。雖然如此，餐廳薈萃了上海，四川及粵菜，並把這幾個菜螎薈一起，所以有種 fusion 感覺。芥末小青瓜（四十二個大洋）摃瓜總是給人一種爽口的感覺，清甜而不膩，加上日式芥未，可謂爽口得來卻帶點辛辣，可是在下卻覺得芥末薄弱了一點，未見「恭鼻」感覺。大蝦球

中菜，總予人老土之感，彷彿是老一輩的專屬食肆。至潮至型至in的年輕一輩，彷彿與中菜館格格不入，風牛馬不相及也。幸而，近年不少食肆均紛紛大刀闊斧，改頭換面，為中菜館注入了新面貌。是日拜訪的大力棒棒摩登中菜就是其中改革的一份子，不管是裝潢設計，還是菜式取名，或是擺碟設計，均玩味十足，致力把傳統和現代元素給合為一，賦予中菜館新景象和新生命。甫踏入餐廳，就被牆上掛著的數幅揉合了中西藝術特點和韻味的圖畫，以及天花板上仿油紙傘造形的燈飾所迷惑了，仿如置身藝術廊中，教人流連忘返，樂不思蜀。餐廳一角的深色木趟門後，是一間可供十二人就座的VIP房。牆身以百子櫃概念為設計藍圖，再透出柔和的白光，設計頗見心思。原來，餐廳除了提供小菜外，還有私房菜。食客可根據個人的經濟條件，向餐廳提供預算開支，再由餐廳協助製訂菜單，豐儉由人，每人消費由$200起。想安坐VIP房內享用私房菜，就由搵多幾個朋友了。 茉莉花茶$12/杯(無限添飲)、自家製薏米水和自家製洛神花茶，各$32/壺，以透明圓碌碌花茶壺盛載，高貴大方。個人而言，吃中菜，還是喝中國茶較為合適。茉莉花茶泡出一壺的金黃，呷入清香無比；薏米水味兒淡淡的，不太甜膩，

尖沙咀晚上食飯通常要等好耐呢間無咩人，仲俾佢個雞煲多士盒吸引住就去試一試～一來飲左個荔枝茶，甜甜地唔錯大蝦餃子其實係蝦多士，一上枱熱辣辣好加沙律醬好好食，想加單～叫左個咖哩多士盒，仲可以要牛油蒜味個感覺唔太似curry ,不過同包食都幾夾個白肉好食呀，最好食係個source ,唔食得辣就好咁貪心點咁多嘞紅燒肉軟綿綿，好入味！魚湯雜菌白茶仔清清地。最arm 中和下油淋淋感覺甜品叫左杏仁蛋白，唔算太重味杏仁味，但係好滑呢度最好係唔太多人，唔洗趕住走，同埋d人好好禮貌好helpful ~

今日無食早餐，見有新餐廳，於是入去試下early lunch. 可能因為早，只得我地一枱，員工都好似尚未準備好。午餐選擇豐富，有平有「貴」，最「貴」富貴餐有鮑魚，＋鮑汁撈飯（好懷念阿一鮑汁撈飯...）只係百幾蚊，一於豪一豪。富貴餐賣相唔錯，鮑魚有口感仲有D似乾鮑，花膠都唔算太薄，鮑汁撈飯原來係比碗白飯你自己撈碟餸D汁，見鄰枱仲可以免費添飯。以這價錢算超值，套餐仲包例湯，太感動啦！最後食到兩點，都只係得6成滿，仲要有好多自由行，可能宣傳不足。

其實週未晚(星期五)出街搵食, 預左等位, 預左多人. 今次同埋家人(三人行) 去到The One 搵食....本來諗住食金牌小籠 或者 泰國野, 點知間間都要等位. 行過見到E間<大力棒棒> 望入去, 唔洗等位喎....好啦....試下啦 !! 老實講, 食物係好味既 , 環境係乾淨的, 正當我地諗住下次再黎食既時候...我一放低筷子, 正所謂食物都未咬完,  D 侍應就嘭嘭聲黎執晒枱面既餐具, 仲叫我立即埋單  我問 : 下, 我冇叫埋單喎.... 佢答 : 因為出面好多人, 麻煩你即刻埋左張單去 !! 下... 唔係麻....明白晚餐時間多人, 你大可以我入黎之前同我講明幾耐要交枱, 如果我遲左, 我唔岩 ! 又或者你可以同我解釋左先拎張單黎, 我都可以配合你 !! 但而家你咁叫我埋單, 我認為你趕我走嬲 !! 不知所謂 !! 其服務質素比茶餐廳更差......對於一個以服務行先既, 就算你食物好味到飛天, 我都不會再試.....講返食物先.....當日叫左4 樣餸 ...

上星期呀Bu 帶我去The One 睇一間新開張無幾耐嘅公仔鋪頭。本來一心想食吉列豬扒專門點，但眼見呀Bu 好像有點想試這間openrice 上食評沒幾個嘅大力棒棒雞，甚少就佢嘅我就決定就吓佢。欣賞這店的創意。有幾道小菜賣相和presentation 都很特別。像這道晾衫白肉，增加了用膳嘅趣味。至於呢碟菜, 我已經回想唔起佢個味其實個雞煲唔係唔好味, 只係味道唔特出, 有啲似一般酒樓食嘅小炒. 可取之處係唔膩

好一陣子沒有來 The One 吃飯，朋友推介之下，來到這間開業只有個多月的大力棒棒，一試這裡的新派小菜，順道慶祝友人生日。餐廳的侍應很親切禮貌，裝修也頗用心思，每個角落的桌椅，掛畫和燈飾亦各具特色。一坐下，侍應便端上幾款特色前菜，辣土豆絲/辣野菌絲/雞絲粉皮青瓜，土豆青瓜很爽口，辣的也香夾惹味，總之食完就更醒胃。還有椒鹽豆腐粒和椒鹽金菇，炸得皮脆內滑，香口而沒有油膩感。接著奉上茱莉和菊花茶，茶壺茶杯摩登懷舊兼備，用火保溫著也顯出餐廳細心的一面，只是苿莉香略遜一籌。　主菜前除了吃前菜刺激味蕾外，這款蜜瓜瘦肉煲老雞我覺得很值得推介。湯清澈見底，可看見一片片蜜瓜浮沉當中，鮮甜有肉味，而且油份相當低，吃得滋潤又健美。　主菜陸續進場了，說真的，每道菜也賣相精緻，同通點都是不肥不膩。好像大蝦球鍋貼，大小適中，很鬆脆，吃罷，墊底紙仍然乾乾淨淨，比起一般吃完後滿佈油跡的墊底紙，的確出色。　晾衫白肉，單是可愛的造型已很加分，白肉青瓜相間地擺放有致，附著白肉的肥豬肉口感像粉皮般軟熟。別忘了點他們的特製辣醬，即使平日少吃辣的我，也覺得滋味度立即提升！　秘製麻辣皇帝雞盒，又是賣相出色的一道，侍應會先為我們剪