大公雞 (已結業)

今日搞完回鄉證，葵興真係難搵食，經過KCC見到小店幾光猛開揚，一於去試試。🔹️四寶手工麵 (雞翼、牛筋、牛腩、大腸)食材豐富，全部用滷水汁醃到入晒味，牛腩肉質緊緻，牛筋軟腍，大腸下了功夫去肥膏 讚。手工麵煙煙靱，口感十足，湯底是牛骨湯。🔹️鹽酥雞扒小腸飯雞扒脆炸而不膩，肉質滑嫩，小腸配上蒜片，清新爽脆，連白飯口感十足。🔹️椒鹽魷魚鬚脆卜卜炸物，搭配啤酒一流🔹️肉鬆手抓餅餅底酥脆美味🔹️柑桔蜜酸甜清新🔹️龍眼冬瓜茶解膩之選🔹️整體評語性價比高及高質小店，打工仔飯堂之選

自從通關後，可以周圍旅行去玩，而台灣🇹🇼亦係香港人鍾意去的地方之一。但其實習慣香港🇭🇰生活的我，其實係香港一樣食到好多不同地方的美食😋今次就來到葵興KCC———大公雞🐔，同朋友聚會食台灣菜啦。呢度絕對係平民價，好食夾大件，感覺性價比同棲身於台灣一樣，真係超級抵食。主食加小食再加飲品，當一個set 咁樣點，真係$100左右，而且食物質素，餐廳服務都無得彈，正宗的台灣菜，最喜歡牛肉麵，鹽酥雞這裡的份量超級多，肉燥青菜的肉燥好入味，台式飲品也是地道味道到位，抵讚👍🏻staff熱情服務態度好，讓人有賓至如歸的感覺，四個人食經多野，$500 都唔洗，下次一定會再來😋

午餐一試一間台灣餐廳，叫左鴨腿湯飯同埋雞扒肉燥飯，可配一杯普通飲品，但我見有特式台灣飲品，於是就加$15飲奶蓋奶茶同埋珍珠奶茶🧋另外加多份花枝丸😙鴨腿湯飯味道好阿，而且食完無咩口渴感覺，估計都無咩味精，冬瓜好入味，不過我覺得鴨腿略嫌鞋咗啲😅另外肉燥雞扒飯，好細心切好一小舊方便食，但雞扒都略嫌較薄，整體都可以花枝丸就好夠味，而我覺得最出色係杯奶蓋奶茶，奶茶唔會太甜，而且奶蓋都好濃郁，真係好值得一飲整體來講簡簡單單一餐都還可以，但不是太驚喜🙂

同老婆參加完一個聚會，完咗就啱啱喺晚飯時段，所以，行幾分鐘過到嚟「KCC」呢一間台式小店「大公雞」食返個台式晚餐。因為好多年前都曾經到訪過，印象中啲嘢啱食之餘，價錢又親民。咪睇佢門面細細，裡面其實環境幾大，目測估計都有超過50個位。裝修簡約，地方企理，一邊有落地大玻璃對住街景，雖然喺馬路景，但感覺會更開揚。而另一邊有啲卡位，喺非常之闊落好坐。唔好見個餐牌大大隻字寫住精選午餐，其實全日供應架。攤開去，兩大版睇晒，分別有台式飯類、湯飯、麵食、撈麵、手工水餃、小吃及多種台風特飲，另外仲有兩張滋潤嘅特色飲品餐牌，所有嘢食定價都好相宜，睇番上次食評，啲價無咩點加過，又無加一。五香豆干配滷水蛋 $25呢一款喺頗為經典嘅台式滷水小食，啲豆乾好有豆味，口感挺實，卻好軟身；至於啲滷蛋同樣入晒味，啲滷水汁好醇和芳香，心諗，就咁用嚟撈飯食都覺得正呀！香炸餃子 $25講到明一客有6隻，啲餃子炸得香口，外層脆脆哋，唔油膩，咬開啲皮夠薄，肉餡好鬆化，最好喺唔多肥肉，啱老婆食，沾上少少醋汁，更有去膩之感。安平蚵仔肉碎湯飯 $55老婆本身就幾鍾意食蚵仔，清清哋嘅湯飯亦好啱佢口味，所以，呢個湯飯就合晒佢心水。啲蚵仔確喺

老實講葵涌都算美食沙漠（對比起行過少少嘅葵芳）如果喺呢頭返工食咩好？我覺得KCC嘅大公雞都唔差有set，大概$60已包埋餐飲份量一定夠曬飽，味道都ok㗎！主打台式料理，但亦都有港式茶餐上菜快，啱曬打工仔🥹士林半筋半腩麵牛魔王必食之選😁意外地個湯唔錯，冇犯「台式=甜」呢個錯誤（因為我發覺好多地方都太甜了）麵底可轉米粉，夠曬彈性忘了有幾多舊牛筋牛腩，但印象中算多啲蘿蔔都煲到入曬味，幾好幾好台北麻醬雞絲撈麵天氣又焗又熱食呢款唔錯㗎佢唔係凍嘅，但起碼唔會食到一身汗除左雞絲，仲有青瓜絲同蘿蔔絲鍾意麻醬一定唔會失望，大量！叫多款小食台灣腸share至鍾意係夾埋生蒜片咁食食完口臭臭都冇有怕🤣🤣加錢可以換台式特飲不過小妹係港式奶茶咖啡嘅死忠試下呢度嘅咖啡啦，即磨嚟㗎唔錯㗎！夠香夠滑都幾高質總括嚟講呢度食得幾自在，唔太迫放飯之選

好耐無黎葵興，是日過黎拎啲野順便食埋晏先，到KCC睇下有咩食，就食返幾年前食過嘅大公雞啦😆餐牌好多野都想食，最後決定叫主食再加小食先，台灣野唔少得台式小食嘛。🟧台式半筋半腩飯朋友點左半筋半腩飯，賣相唔錯，肉炆得很淋很入味，仲有啲鹹菜伴下碟，勁好下飯喎。🟧安平蚵仔肉碎湯飯自己要左個湯飯，蠔仔湯飯嘅台式版😆蚵仔鮮味肥美，瓜粒爽口，湯頭鮮甜，真係幾好味👍🟧寶島鹽酥雞台灣名物就梗係要叫鹽酥雞，炸得很香脆呢，但味道偏淡少少，個人覺得可以加多啲鹽😝🟧皮蛋肉鬆豆腐豆腐加麻醬本身已經無得輸，再加上肉鬆同皮蛋就更正添啦🤭🟧仙草奶茶&奶蓋朱古力主食包港式飲品，可以用優惠價轉台式特飲，要左仙草茶同朱古力，微甜啱口味👍價錢貼地食物大份量，抵食🤤

朋友喺工業區返工，話葵興有兩個靚嘅商場，入邊都有好多唔同嘅嘢食，所以就去接佢放工試吓。一去到門口已經見到好友台灣特色嘅裝修，入到去坐位置都好闊落，窗邊嘅位置仲可以望到公路嘅景色，見到餐牌上面都有唔同嘅食品由滷肉飯牛肉麵，去到甚至港式嘅飯餐都有，咁當然就係試台式嘅嘢食啦。分別嗌咗幾樣小食同埋主菜。炸嘢方面，寶島鹽酥雞，鹽酥雞粒粒香口，份量方面，大小適中，尺寸都好平均，唔會話時大時細。雞粒亦唔會好乾，咬落有肉汁。外皮炸得好香脆，但又唔會好油，令人停唔到手。椒鹽魷魚鬚魷魚絲每一條都非常之香脆，上面更加有輕微炸粉黏住，外皮真係卜卜脆。更重要係佢唔黏牙且易咬開，魷味香濃，每一條都係十分之大嚿，咬落唔會有油溢味，咸香十足，而且廚師炸落去嘅時候火候控制得好好，唔會令到個魷魚變得太韌。店員上菜嘅時候會配上醋，食落去就唔會覺得咁熱氣。主菜方面，我就叫咗個台灣紅燒牛肉麵，佢同其他餐廳相對上冇咁一樣嘅，就係佢哋比嘅係牛𦟌，但係牛𦟌份量都好多，食落都係非常腍，而佢哋嘅湯底，相比起出面唔會係咁濃味，而我食得出係有少少藥膳嘅味道，飲落去就更加健康。配上嘅蘿蔔亦都係好夠淋，所以咬落去唔需要點樣咬就已經可以將佢消化。

依個商場細細但又幾多野食，依間台灣野抵食又好食！主要食台式飯、麵同水餃試左台南香腸滷肉飯($60)，滷肉汁鹹香味重，送飯一流，台式香腸多汁有咬口另外叫左台灣紅燒牛肉麵（$60），湯底顏色好靚，飲落濃郁鮮甜，麵質都幾煙韌，唔會太過淋或者過硬小食試左椒鹽雞中翼($42)，炸得相當脆口，但食落又唔會太厚炸粉咁，同椒鹽鹹鹹地又香嘅味道幾夾！飲品方面選擇好多，試左柑桔蜜(+$8)，飲落潤喉舒服又唔太甜依間價錢親民，味道又好食！

平時唔行唔知有間價錢合理台式餐廳喺葵興KCC喺度嘅上班一族可以係度經常食午餐。台式排骨肉燥撈麵 ➰ $55炸排骨外皮好酥脆，偏薄身，但唔會好乾身。肉燥係細細粒果種肉醬，麵係幼身的麵，同肉醬撈埋好夾。〰️〰️〰️〰️〰️〰️〰️〰️〰️〰️〰️〰️〰️〰️〰️〰️紅燒大腸牛筋麵 ➰ $60大腸好淋，冇腥味，入左滷水汁味。牛筋超淋，好入味，面條好有彈性，好有咬口。〰️〰️〰️〰️〰️〰️〰️〰️〰️〰️〰️〰️〰️〰️〰️〰️椒鹽雞中翼 ➰ $42雞中翼隻隻大隻，椒鹽味唔重，但外皮好鬆脆。〰️〰️〰️〰️〰️〰️〰️〰️〰️〰️〰️〰️〰️〰️〰️〰️皮蛋肉鬆豆腐 ➰ $32食咗咁多炸嘢，叫咗一個清清地嘅皮蛋肉鬆豆腐，全部嘢配合起嚟好清新，同埋芝麻醬好夾。〰️〰️〰️〰️〰️〰️〰️〰️〰️〰️〰️〰️〰️〰️〰️〰️蜂蜜香果茶 ➰ $8好多百香果子，淡淡蜂蜜味，好解油膩。

難得葵涌返工區有台灣野食🔥放工緊係試試佢入去之前以為細細間✨點知入到去發現比想像中大🐮紅燒牛肉麵湯頭超入味完全冇味精味牛肉都好軟好夠味😏唔會好似橡筋禁樣咬唔開而麵底都好彈牙而且似佢地人手整嘅😋✨🐷雞髀滷蛋滷肉飯完隻嘅雞髀配上肉燥同滷蛋係完美嘅組合但相比紅燒麵會比較油怕油嘅可能可以叫佢少肉燥會比較好而滷蛋十分入味🐣🌮肉鬆手抓餅手抓餅十分酥脆配上甜嘅沙律醬同肉鬆勁易入口就算成個飯食完都仲食得落肚🤤✨

以前番工番葵興成日黎大公雞食，自從轉左工就無食到了，今日同番個舊同事食個Dinner，再食番一次先。紅燒牛筋麵 ($60)我自己叫左牛筋麵，牛筋份量真係幾多，差唔多有6,7舊，牛筋炆得好淋，湯底係有少少藥材味嘅牛湯。手工麵好爽口，另外如果你想食辣，可以叫店員加麻辣比你。夜市蕃茄牛肉麵 ($60)朋友叫左蕃茄牛肉麵，驚喜地個湯有少少蕃茄味，原本以為係純粹加左少少蕃茄塊。牛展total都有4大塊，炆得好入味。椒鹽魷魚鬚 ($42)魷魚炸得好脆口，點埋醋食好夾蜂蜜綠茶 綠茶茶味幾濃，可以解番食炸野嘅油膩感。

葵興新商場的好味台灣菜去了葵興附近看電影,然後在一個幾新的商場食晚餐,其實選擇都好多,但差不多半年沒有吃台灣菜,所以就決定入去這間大公雞,名字都幾有趣,環境又幾新淨,都不錯,最重要是價錢公道!寶島鹽酥雞鹽酥雞是台灣菜最經典的小食,份量好多兩個人食好多粒!炸皮不會太厚,雞肉軟嫩幾好食~椒鹽魷魚鬚 (即炸)等了15分鐘才有,每一條都炸得好香脆,魷魚鬚易咬開,每人幾條就好快食完,非常推介~士林半筋半腩麵帶有藥膳香味的湯底,牛筋和牛腩都又軟又淋又彈牙,配上有咬口的厚麵條就一流~台式炸排骨古早肉燥飯炸排骨都幾好味,不會太乾身,配肉燥飯真係好易好快就食完~蜂蜜百香果茶 & 龍眼冬瓜茶其實最先上的就是兩杯凍飲,百香果茶好解渴如果夏天飲就爽,冬瓜茶加一粒龍眼又幾好飲清甜,台灣菜不一定要飲珍珠奶茶的~大公雞葵涌葵昌路72至76號Life@KCC1樓101和103號舖#大公雞 #葵涌 #魷魚鬚 #KCC #台灣菜 #商場 #香港 #美食 #Taiwai #台灣 #Hongkong #葵興 #百香果 #蜂蜜 #龍眼 #冬瓜茶 #炸排骨 #古早 #肉燥飯 #士林 #牛筋 #牛腩 #鹽酥雞 #三傻 #熊本熊 #

今次黎到葵青區另一個美食天堂，位於葵興Life@KCC既大公雞係葵青區相對較少台式餐廳，而大公雞對於熱愛台灣美食既你絕對唔會失望🌼 麻辣蒜香牛肉麵本來就係餐廳主打既紅燒牛肉麵，配合港人非常鍾意食既麻辣口味，創新既麻辣蒜香牛肉味。麵底煙韌，厚身，非常掛汁😋湯頭完全無味精，都係用肉骨煲成，非常香濃牛𦟌彈牙而且夠肉味👍🏻麻辣味同湯味配合得怡到好處，唔會過份沉醉於辣，辣味唔會cover左湯既濃郁好滿足既一個牛肉麵呀 ❤️🌼 珍珠奶茶奶茶茶味香濃，老闆指奶茶既茶底係佢地自己手製 ⭐️的確係飲得出同出面用粉沖出黎既係唔同味道，但又同傳統港式奶茶有d分別☺️加上珍珠都非常煙韌，呢個珍珠奶茶絕對推薦。佢地唔止有凍飲既珍珠奶茶，仲可以揀熱既珍珠奶茶，貼心 😌🌼 寶島鹽酥雞非常酥脆既鹽酥雞，每粒都雞肉飽滿成碟鹽酥雞大大份，價錢抵絕對抵食呀係KCC除左滿足到一眾係葵興返工既打工仔之外，都好適合大家週末、假期黎一試 😚仲有各式各樣台灣小食及夜市小食都可以係度搵到 😆 如果人多仲可以叫個小食拼盤，樣樣都有d，啱晒鍾意開心share既你地啦 🤎除左以上既種類，大公雞仲有多種台式飯食，麵食。

係葵興KCC life 入邊其實有唔少野食嘅選擇。今日收工約埋同事去食下呢個主打台菜嘅-大公雞🐓餐廳環境闊落舒適，而且餐廳食物選擇原來都幾多下。推介主食-士林半筋半腩麵半筋半腩組合絕對推介俾大家。雙重口感配搭濃郁湯頭，正。而麵條係刀削麵嘅形式，爽口彈牙-麻辣三寶牛肉麵想一次過食多幾款絕對要叫三寶/四寶麵。濃郁湯頭加上麻辣更惹味開胃。而大腸亦都爽口乾凈，份量唔少小食食台灣菜梗係唔少得佢哋嘅特色小食-椒鹽魷魚鬚炸得香脆，沾埋特製醬汁可以中和下油膩感-寶島鹽酥雞鹽酥雞非常香口，一口size 啖啖肉超滿足，而且份量幾多下。

隱世抵食台灣菜🌸蔥油雞飯$60 🌟🌟🌟🌟勁多蔥油，蔥油味新鮮，夠重薑味，大大碟白切雞，皮薄肉嫩，配搭蔥油超好味！白飯比較綿，撈埋蔥油大滿足呀！仲有塊酸蘿蔔解下油膩，真係唔錯。🌸四寶手工麵（雞翼、牛筋、牛𦟌、牛肚）$65 🌟🌟🌟🌟🌟大大碗，湯底好重藥材味，不過小編好鐘意，雞翼超重滷水味超入味，肉質唔算嚡口，牛筋軟糯而且入味，牛𦟌厚切重牛味，牛肚易咬而入味，手工麵麵質彈牙，口感不錯。🌸椒鹽魷魚鬚$42 🌟🌟🌟🌟🌟每一條都炸得超香脆，粉漿唔會太厚，魷魚鬚易咬開，一上枱好快就被小編同朋友搶吃一空，可言之幾好味！🌸肉鬆手抓餅$32 🌟🌟🌟🌟兩大塊鬆手抓餅，上面各放了一些肉鬆同沙律醬，小編就咁卷埋大啖大啖地吃，每一啖都充滿肉鬆沙律醬，非常滿足。🌸龍眼冬瓜茶 跟餐+$8 🌟🌟🌟🌟依家天濕濕熱熱，最好飲用龍眼冬瓜茶，因為可以清熱袪濕，益氣補虛，飲完成個人都舒服晒！🌸仙草奶茶 跟餐+$15🌟🌟🌟🌟小編叫左少甜，所以奶茶好滑茶味道好出，仙草碎偏硬身，但可以連奶茶一齊啜入口，都不錯。======詳情======大公雞 (葵涌) @dadagongji葵涌葵昌路72至76號Life@KCC1樓101和103