影片
星期日, 入到大埔, 同斋妹行行街, 看看家具. 有哂idea之后, 正直tea time, 大家唔想行, 佢就跟我去寻旧...寻少人地方, 就行到入大元邨, 访一访老字号.对大元的感觉, 是广福邨那一间, 正宗大元邨大元, 倒是第一次来. 在门口, 看得出, 这里应该比大埔中心的清静, 起码唔会人山人海. 但一入门口, 找了个位坐....原来是马迷世界, 而且粗语横飞. 莫说女仔听不惯, 连我都听唔惯....差点儿想走....不过, 侍应姐姐帮我们找来下午茶餐牌, 亦两杯热茶放下....既来之, 则安之吧!!!叫了下午茶名物, 西多士, 我再加叫一个炸脾薯条. 首先, 浓香滑俱全的奶茶, 非常正, 最好就是连冻奶茶, 斋妹一饮已经feel到, 好滑, 好重奶味. 之后, 是西多士, 金黄的西多, 是理想的佳作. 粗重的分饼功夫由我做啦.. 把西多切成9块, 再由边食起.....唔.......好香浓的花生酱味. 牛油亦是纯牛油. 好食做得正宗的西多士, 其实不多.随后, 便是我的炸脾.....一碟上来......是炸脾么......是油脾再放入焗炉再焗吗......是烧㶶了......??? 是乌鸡鸡脾????? 为何是黑皮的.......食落....干....系是炸什么脾, 应该是微波炉"丁"出来的油脾, 卤水汁"丁"到干哂, 所以皮黑....肉汁蒸发了, 所以干身......不多说了, 鸡脾....失了分.......大家最后都系忍唔住马迷的乱耳........反正天气唔错, 出公园坐, hea到5点才走......
继续阅读