影片
招牌菜
今日又入来元朗探望我朋友，上次来呢度食开都觉得几好，于是今次决定再来响呢度食lunch!环境都算干净以上为餐牌干炒肉片河 + 冻朱古力 ($58)，整体炒得均匀，都算不会过油或过咸，可惜肉片有些干嚡，也欠了肉鲜味。但整体来讲其实都算系几好味既！朱古力D味道好香浓，都唔会话知系得个甜字，奶同糖同可可粉既分量配合得刚刚好，非常有水准！特别—提的是餐厅内有—两位年青男侍应非常有礼貌，其他员工也不错。平日免收加—的。
继续阅读
朋友极力推介来这间餐厅，说味道一流而价钱超值，所以昨天特来一试!由于是星期六，所以预先订位，6点半入座时人并不多，到了7点半就差不多坐满了!点了几款餐厅的招牌菜试试:炸乳鸽 – 皮脆肉滑好好味! 10个赞白贝蒸鸡 – 白砚带点酒香而鸡很嫩滑, 又是一赞小炒皇 – 足料好味菠萝生炒骨 – 好耐未食过咁好味的生炒骨, 炸粉适中, 酸甜汁恰到好处, 菠萝新鲜，排骨肉嫩。正正正!杂菌腐皮鱼汤浸娃娃菜 – 渔汤很鲜味，与腐皮及娃娃菜很是配合!
继续阅读
在 贵网页搜寻元朗食市，见到呢间被评价很好，很正！但已是2012年的评语，是吃西式的，现在已转了吃中菜，在家附近都即管试试啦！我们顶了6大1细，吃晚饭。一去到人不多，不用等位，即入坐，环境阔大舒适，发觉原来多年前已来过，那时也是吃中菜，是酒楼，而现在却是西式装修做了中菜！见到她们服务很周到的已安排好B B櫈及BB胶餐具，很有心！！正题当然是𩠌菜，十分意外的好味，像吃私房菜呀！我们点了以下几样：秘制豉油鸡 （我不爱吃鸡也觉好味）鲜腐竹浸菜苗 （超常好味，很赞！）特色波萝姑捞肉 （好特别，新鲜波萝，松脆肉皮）清蒸笋壳鱼特色炸鸡卷 （少肉，多斋，反而吸引，正！）足料炖汤全部都好好味呀！！
继续阅读
睇咗ladygaga编食评，决定去大使馆试试! 因为有歌手唱歌既餐厅已买少见少，而且呢间餐厅就喺我家附近。 虽然家住锦绣花园，但今日都系第一次嚟加州花园。一家四口约7点多驾车到达大使馆，没有选择看到歌手的位置，反而选择了靠窗的卡位。不久歌手开始唱歌，第一首唱的是我佷喜欢的What A Wonderful World，自弹自唱，很不错。今日天气非常非常热，快要打风，太太话食清D，所以叫咗沙律、海鲜、意粉、PIZZA及脆炸鸡中翼。头盘拣咗个白酒煮青口，清口鲜甜带淡淡的酒味，很好!沙律系烟三文鱼凯撒沙律，D生菜爽口新鲜，份量十足!再嚟系海鲜并盘，卖相唔错，有花蟹、大虾、大蚬、生蚝、翡翠螺及青口等等，我地4个人食唔系样样都够分，我同太太食生蚝，呀仔同囡囡就食翡翠螺，整体来说各样海鲜都很新鲜，生蚝无咩蚝味但清甜、花蟹好鲜甜(4个人食唔够喉)、虾每人一只够弹牙、蚬啖啖肉，$380非常超值(比起酒店$500以上的还要好)!!食完海鲜，就系意式薄饼，食惯Pizza Hut的厚批，今日食薄饼底，觉得唔错，稍微是材料少了一点。意粉系黑松露酱野菌天使面，虽然系无肉，但味道够浓，而天使面的韧度亦控制得宜，好好味，稍嫌油多了一点点!吃完意粉太太同囡囡都话饱，急不及待要食雪糕，叫咗士多啤莉及芒果各一个share食，两个都话D雪糕真系好正，似系用鲜菓做，好好味。我同呀仔仲食得落，所以叫多一客脆炸鸡中翼，加多一杯生啤，配合现场歌手唱歌，感觉很不错! 甜品我唔好，呀仔都拣咗个芒果雪糕。大家对呢顿晚餐好满意。最开心系屋企附近有间质素高味道好既餐廰，以后钟意几时嚟就几时嚟。
继续阅读
星期六与老公驾车到南生围，拍照观鸟看日落!! 接著来到加州花园的大使馆餐厅食晚饭，拣呢度系因为知道佢有免费泊车，而且星期六有人唱歌，想感受吓系咩Feel，所以决定一试。由南生围过去非常方便只需5分钟。未入到餐厅已经听到音乐有人唱紧歌，入到餐厅听到首好熟既英文歌，但唔记得歌名。望吓四周，觉得个环境同气氛唔错，最后拣咗个可以看到歌手的座位。我地叫咗两个SET DINNER，再加一个头盘。头盘拣咗个巴马火煺伴蜜瓜，啲火煺有酒店水准，新鲜好味，就连啲蜜瓜都好甜(十个赞)。餐沙律系杂菜沙律，啲杂菜好新鲜，老公叫个餐汤系杂菇忌廉汤，料多忌廉味香浓!!主菜我叫咗个扒海鲜而老公就叫咗个烧德国咸猪手。海鲜味道OK，只虾好新鲜爽口、带子及青口都好味，鱿鱼一般；老公话个咸猪手好得，皮脆肉嫩，配埋啲酸菜及一杯比利时生啤，佢话无得顶!!食到咁上吓，我叫老公点唱，佢点咗首Can’t Help Falling In Love, 个歌手叫Ricky, 佢唱之前读出老公名, 话首歌系点俾我听，好冧!是日甜品系雪糕，侍应姐姐特别强调呢度既雪糕系苏丝黄推介过的意大利雪糕，又叫我一定要试士多啤梨味，而老公就拣咗芒果。嚟到硬系会交换嚟食啦，雪糕真系好滑，而我从未食过咁好食既士多啤梨雪糕，个味道好Raw带酸甜，好正! 食完好开心，觉得自己选择正确。心谂如果呢间餐厅开喺市区, 一定会好爆，因为食物水准得、环境得、气氛得，惟一系唔太就脚，有车除外!!
继续阅读