影片
土瓜湾又一名物：猪扒包 - 猪扒皮脆，肉厚而嫩，值得一试！四十蚊，已有个猪扒包，仲可以拼生果沙律及饮品，性价比极高，真系唔驶过澳门，在土瓜湾已可以食到极有水准的猪扒包，正！
继续阅读
土瓜湾有好多茶餐厅，好多间都地道又高质，今日就嚟试吓呢间叫大伙头嘅茶记，我同另一半两个都拣咗茶餐，沙嗲牛肉面系正常水准茶餐厅嘅质素，不过不失。炒蛋份量几多，呈现鲜艳嘅黄色，而且唔会太熟又唔会太生，熟到刚刚好，不过蛋味就唔系咁浓。午餐肉厚厚一片，好有诚意。我拣咗多士，备注咗想要多牛油，上台嘅时候系一片厚多士对切，牛油好似唔系特别多，但系烘到比较深色，边角有少少焦啡色，非常之脆，个人几钟意，如果多啲牛油就好啦。另一半拣咗甜多士，系长方形一片嘅，食落同多士差唔多脆脆地，但系有多少少甜味。茶走就好得意，系分开上嘅，可以因应自己钟意嘅份量倒，不过我系一个嗜甜嘅人，所以倒晒之后都未能满足我，我有另外再落咗少少砂糖。成个早餐整体感觉几好，就系地道茶餐厅嘅感觉，几欣赏佢个茶餐可以拣两款𩠌，而家好多剩系得炒蛋多士，如果喺附近嘅话应该会再返黎食下。
继续阅读
难得的跟同事外出晚餐，要好好记录一下到访位于土瓜湾的茶餐厅「大伙头」，首次到访时看到餐厅有提供扒餐，可惜现在已不再提供了，只好点小菜-蒸鱼小菜二人套餐 $188配2碗丝苗白饭及足料靓汤，奉送热饮 (冻饮+$3)及甜品▶豉椒凉瓜黄花鱼▶甜梅菜蒸肉饼▶金银蛋肉松时菜煲蒸鱼变炸鱼有点失望，庆幸味道还不错；梅菜蒸肉饼有惊喜，肉饼嫩滑弹牙，调味刚好；金银蛋时菜上汤清甜，发挥正常-鲜鸡小菜二人套餐 $168配2碗丝苗白饭及足料靓汤，奉送热饮 (冻饮+$3)及甜品▶例牌霸皇鸡▶虾仁炒滑蛋▶鱼香茄子煲霸皇鸡鸡味欠奉，肉质偏韧；虾仁炒蛋蛋香全无，虾仁大只爽口；鱼香茄子煲富镬气好惹味，惟略嫌偏油腻-店员服务较冷淡，有待改善，而且最后并没有奉上甜品，扣分！
继续阅读
来土瓜湾上堂, 唔想食连锁店, 想食小店, 比我行到依度, QR code落单, 选择也多, 我叫人姜丝猪润配通粉, 见包都有好多选择, 我叫左左麦多士, 餐肉, 烚蛋, 热央! 麦多士淋左d, 不过味道可以, 烚蛋只蛋好香, 餐肉干左d, 央就正常味道, 唔会太苦😅, 最正系姜丝猪润通粉, d汤够热, 猪润厚又爽脆, 好食, 不过我觉得多士可以比少一块, 早餐收平d
继续阅读
话说我今日系到食个早餐，咁落单前就打算电子落单。但电子落单冇花生酱多士冇走牛油及另加烘底。我就立即向侍应落单，待应立即显得不耐烦（确实电子下单不够全面），到餐首先冇走牛油，第二次就冇烘到底。我地都向待应查询，佢就用极为散慢的态度，帮我跟换。结果牛油走左，但最后都冇烘底，（再询问待应佢又声称有烘底）烘底同正常面包会显得干身，佢面包仲系软，简直当食客傻，好我就将就下。到埋单果时我有几张d储印仔既卡，要求店员整合。其女收银员话冇得整合，但我过往食晚市他们都有将其整合。下一句就用质问我的态度问我边个帮我整合，佢要罚钱$50蚊之类（佢应该讲佢员工内部守则整合要罚钱），但首先作为一个食客系唔会知你任何员工守则。佢都极为企硬以及不作出不友善的态度（真分储够10个印先减小小钱）仲要受你气，如果咁唔钟意人支持你间餐厅，取消你个计划丫，你将你员工守则放在客户身上，好似客户找你麻烦似的。结果呢间餐厅员工令我感觉无下次，一般食物，态度极差。（一直支持的老顾客，透彻的感受）。bye bye 土瓜湾大x头
继续阅读