影片
呢间粉面店个招牌菜就系佢既店名大云吞,记得细个时曾经平到11蚊一碗,而家搬左舖同过左咁多年,烂然加哂价,但唯一不变既系佢地既云吞都仲系咁大粒,真系粒粒都大过乒乓球,而且店员姐姐系会坐系你面前包,真材实料绝对唔怕俾你见到
继续阅读
喺某年某月某日去咗个朋友仔屋企打边炉发现佢攞嚟打边炉嘅云吞好好食啲云吞又大粒，啲虾又爽，啲虾肉又多云吞皮又唔散，真系超级好味然后就问佢喺边度买佢就话喺元朗呢一间买嘅我忍唔住某日就去咗买一打返嚟然后买返屋企同屋企人分享妈妈食过都话抵妹子食过都话正系巴打食完话虾味太鲜佢顶唔顺就系钟意佢啲鲜味吖嘛顶本来我觉得一盒12只$42有啲贵后来发现都系三个半一粒啫仲要出面啲云吞边有咁大粒下次试吓堂食先😆😆😆唔记得咗影云吞添🥲下次堂食补返😅
继续阅读
上星期去咗大西北玩，约咗朋友仔去元朗，等候嘅途中好肚饿忍唔住入咗去一间好怀旧嘅面店食嘢，CP值都几高架！呢间舖头纯粹系我等朋友咁啱见到，食呢啲咁旧式嘅面店，当然就系要试吓佢嘅牛腩同埋猪手啦！我自己叫咗个牛腩牛筋河粉，我朋友就食咗猪手双拼粉面。旧式嘅牛筋牛腩通常都系五香牛腩，而家已经买少见少，一睇碗面就知道佢哋嘅腩汁炖左好耐，所以酱汁呈现出胶质嘅感觉，五香牛腩既陈皮味极度浓厚，令到佢哋嘅牛腩入口竟然有陈皮陪甘嘅味道，佢嘅牛筋亦都炆得好淋，入口QQ好似啫喱咁，以30几蚊嘅价钱可以食到呢个质素嘅双拼粉面我觉得CP值好高。大家如果经过嘅话都可以试吓！🇭🇰大云吞面食香港元朗阜财街18号地下🇭🇰
继续阅读
喺大云呑其实我系中意哎水饺面嘅lol多葱加腩汁系最想嘅哎法。面冇剪嘅少少碱水味可接受，面底通常都送两条生菜，好似寻宝咁外卖可以哟姐姐俾一樽仔辣椒油，坐底喺铺就唔系好想啦，通常都买反屋企叹！
继续阅读
啲嘢普通云吞唔靓仲差过车仔面面啲，走果阵买2包鱼皮问佢攞个袋，因为已经掟住好多嘢，第一个阿姐唔啋我净系攞走我手上张50蚊纸，我以为佢听唔到，找完钱再问多一次，佢先好晦气咁讲……无袋㗎，要袋要5毫子本来5毫子无所谓，但咁无礼貌梗系唔俾啦，咪袋好啲钱再塞2包鱼皮落自己买嘢啲袋啰。点住第二个阿姐竟然出声喝我叫企埋一面，唔好阻住个门口，我望吓佢望吓个门口，点样阻佢呀？佢仲要加多句，系无袋加！点解啲人做饮食可以咁无礼貌嘅呢？
继续阅读