影片
行过见到呢一间嘅Menu好抵食，平均一个主食都唔使100蚊，于是就同朋友入去试下！入到去人流都几静，好似唔多人留意到呢一间舖头，店员安排咗我哋坐低之后比Menu我哋睇吓想食咩！手打乌冬胡麻酱$58:手打乌冬食落又真系几滑，同个胡麻酱几夹，但系个份量就会有些少细，另外配咗个饮品宇治抹茶鲜奶（冻）$12，呢个嘢饮出奇地好饮！吞拿鱼蓉丼$118:呢个套餐就会比较贵，配咗有味噌汤，呢个份量就几适中，成个饭上面铺满吞拿鱼蓉，口感好鲜，但相对打得比较蓉，入口有少少怪！同埋个饭会比较干身另外叫咗个牛肉寿喜烧$58:呢个寿喜烧嘅份量好大个，但系牛肉嘅质素就一般，但$58食到一个牛肉寿喜烧真系好抵！
继续阅读
旺角条街好多野食，令到我同朋友好难决择🤣行过见到餐厅餐牌几吸引，就入咗去，发现都几抵食，值得推介👍🏻特盛海鲜丼🐟🍚海鲜丼刺身款式丰富，有三文鱼、牡丹虾、三文鱼子、带子同玉子，样样都好新鲜！特别带子大大粒，食落鲜甜😋牛肉寿喜锅🐮🥘寿喜锅份量好大，食材丰富，有牛肉、金菇、生蛋同娃娃菜，性价比好高👍🏼而且牛肉份量又多，汤底甜甜地，食材入哂味，推荐大家叫😍天妇罗配荞麦冷面🍤天妇罗有虎虾、南瓜、蕃薯同茄子等等。厨师将天妇罗炸得香脆，食落鲜甜😋😋另外手打乌冬好爽口，好适合配搭天妇罗一齐食👍🏼👍🏼京都宇治抹茶鲜奶🍵抹茶味道浓郁，配埋鲜奶好好饮🤩
继续阅读
印象中以前女人街好多日式餐厅，但而家好似都少咗好多，心血来潮想食日本嘢但又唔想食寿司，见到menu有劲多选择同价钱都几亲民就决定去试入面座位都好舒适同好宽，墙上贴满好多特色嘅poster，好怀旧风好特别 月见免治鸡肉棒串 $28 好靓同好用心嘅摆盘!!免治鸡肉加埋鸡软骨，每一啖都好有咬口，加埋生鸡蛋同埋酱油嘅汁好夹 网烧美国牛肉 $78 质感嫩滑，每一啖都食到肉质嘅柔软完全唔洗加沙律酱，本身嘅酱料已经好好食份量都好多，食肉兽超满足 盐烧油甘鱼饺 $78 比想像中大份好多!外皮煎到好香好脆，肉质好滑 蟹肉忌廉可乐饼 $38 热焫焫送上，每一块可乐饼都有蟹钳忌廉薯蓉好滑，但蟹味唔算好特出 火炙黑豚肉拉面 $68跟餐可以+12蚊有特饮，饮品种类都有好多，有唔同生果味嘅梳打，仲有字治抹茶鲜奶今次就嗌咗青苹果梳打好够气同好冻，偏甜 拉面有好多配料，木耳丝、栗米粒之余，仲有叉烧同埋原只糖心蛋因为太多野食结果唔小心将蛋浸咗系汤度好耐先捞佢上嚟，结果都依然系流心，好正叉烧好香，大大片有三块，好满足拉面正常发挥，以依个价钱嚟讲合格有余
继续阅读
大丸和风食堂（旺角）📍旺角通菜街75-77号地舖今日陪妈咪去女人街买嘢，顺便食埋晚餐先返屋企，经过见到呢间大丸和风食堂，装修都好有日本风味，就入咗去食个晚餐。餐厅环境都几整洁阔落，叫咗几款热食同卷物，质素都唔错。杂锦天妇罗 $68👍🏻杂锦天妇罗都几大份，亦都有同种类嘅食材，例如炸虾、茄子、南瓜、冬菇、青椒同番薯，师傅火候同埋炸粉份量都控制得啱啱好，望落同食落都好松脆，卖相亦都好吸引～盐烧厚切牛舌串 $68👍🏻一份牛舌总共有两串，份量都唔少㗎，牛舌本身非常嫩口，牛味亦都好浓郁，烧得好香口，调味亦都唔会过多，配埋柠檬汁，食落去一啲都唔会油腻！三文鱼加州卷 $58经典嘅卷物，份量都唔少，三文鱼都几新鲜～蟹膏军舰 $28蟹膏份量一啲都唔少，配上清甜嘅青瓜，几清新。锅仔手打乌冬 $78用一个小锅嘅形式上菜，汤底系浓郁嘅猪骨汤，乌冬烟靭，仲有一啲配菜例如冬菇，大葱，红萝卜等等，两个share食啱啱好。另外呢个乌冬仲包多一只天妇罗虾～另外呢个乌冬亦都可以优惠价加多一杯巨峰梳打 只需+$12
继续阅读
喺旺角闲逛嘅一日，嚟到人来人往嘅通菜街，见边到有位就入去坐低，估唔到俾我揾到间性价比高嘅日式餐厅👍🏻老板安排咗卡位俾我哋，坐得好舒服食物都有好多选择，有啲似居酒屋嘅食物呢一个火炙卷有吞拿鱼、三文鱼、带子。呢三种嘅刺身用火枪烧一烧，中和左鱼生嘅油腻感，加上啲甜甜地嘅酱汁，口感好丰富，而且都几大份👍🏻免治鸡肉棒烧得啱啱好，整体texture好实，唔似有啲餐厅一咬会散开，调味都适中👍🏻嗌咗四款寿司试下，分别系花之恋、油甘鱼、黑松露带子、芥辣八爪鱼。我个人最推荐黑松露带子，黑松露嘅咸香味中和咗带子嘅腻，令到个带子有少少好似炙烧嘅感觉👍🏻明太子鸡翼啖啖肉，明太子嘅香辣味就系鸡翼最好嘅调味😋本身惊唔够饱，嗌多咗个冷乌冬，但食完个乌冬就已经超级饱🤣乌冬口感弹牙，食完觉得个口好清爽嗌饭或者面，可以+$10至$12去跟一杯嘢饮，而我就拣咗加$12加咗一杯宇治抹茶鲜奶，唔会太甜，茶味都足够👍🏻-总结：最后埋单，两个人食咗三百几蚊，喺旺角嚟讲人均百几蚊食到质素唔错嘅日本料理，我觉得性价比非常高👍🏻推荐大家都嚟试吓
继续阅读