夢見屋 (已結業)

見雜誌介紹時已經想嚟試吓，今次一丁友自己嚟食咗個tea set，本來諗住嚟試佢個新地，不過tea set有意粉選擇，計落幾抵，又怕自己食唔晒咁多嘢，所以個甜品項目都係留番下次叫咗tea set係:1)煙三文魚蘑菇白汁意粉($52)嘢食一嚟到，嘩……..隻碟好大，隻碟成個pizza咁大，視覺上令到中央嘅意粉好似好少咁，但其實望真d份量一d都唔細，比起其他日式cafe得幾"注"確實多好多，男士足夠有餘，女士嘅話可以2個share再叫多個甜品就prefect啦，賣相唔錯，面仲有d蔥花添色講番味道，本人一向對煙三文魚情有獨鍾，味道唔錯，蘑菇屬新鮮貨，意粉雖未去到al dente程度，但亦煙韌彈牙，有一貫日式意粉特質，每條都掛上汁料，而配料與意粉比例拾到好處，只係食到尾段白汁料始終較杰、溜及汁較乾身，如果做得稀身d同有汁就好喇配)黑蜜牛奶抺茶(+10轉飲)賣相好靚，面有忌廉+黑蜜點綴裝飾，中間牛奶抺茶，而最底層係黑蜜糖，一向不嗜忌廉嘅我都覺佢d cream好味，唔係現成貨，質感滑溜綿密，唔係佢唔凍嘅話以為自己食雪糕，牛奶抺茶香濃，與cream和底部黑蜜混合味道清新，好飲環境舒適，只係當日屬sun

...夢見屋有機咖啡 ($22) － 咖啡杯極漂亮, 不過咖啡本身比較濃酸，所以我少有地要下奶和代糖--> 請改為以下一句:（我見下面的食評相中, 咖啡的奶是用個mug 上的，今之只有 Key West 的盒仔奶，真頹）。...

趕工一晚之後, 還未未正式食早餐就要返教會, 散場後已餓到不行, 反正又想試夢見屋, 就來吉之島食食個唔駛同人逼的 Sunday Brunch。10:40 am 來到，還以為未開，只有兩個姐姐在打點; 只是 11 點前未叫得食物，唯有坐下先。所以以下這三樣東西就分了三次叫：夢見屋有機咖啡 ($22) － 咖啡杯極漂亮, 不過咖啡本身比較濃酸，所以我少有地要下奶和代糖（以前的奶是用個上的，今之只有 Key West 的盒仔奶，真頹）。杯底有咖啡渣, 證明非開粉貨色, 有誠意。和風煙肉雞蛋意粉 ($48) －不就是日式 Carbonara了，蛋已混在意粉中, 有香濃的芝士和奶油味, 好肥膩也好 creamy 呢; 意粉大大份, 也夠 al dente，我以為我吃不完, 結果可能是我太餓, 清了碟! 要彈的話, 就是蔥花洒得不大勻稱啦。白玉寒天甜點 ($38) －大受歡迎的甜品，來到當然要吃了。有紅豆蓉、栗子、綠色和白色的糯米丸子，下面是半透明無味但爽口的寒天啫喱；另有一兜黑糖漿供調味和一碗抹茶（是用日式攪法泡出來的）供飲用。這幾樣東西放在黑色木盤子內, 挺賞心悅目。紅豆蓉偏甜, 用來拌寒天

2008年7月10日晚上7:00 見到jusco有新食店喎! 勁鐘意日本o既沙牛男友一見到有新日本引入餐廳, 即刻飛去試…好多人等位啊! 好肚餓啊我地…買咗一個puff食. 唓! 唔係日本cream, 一食已經知, 又唔香又唔滑! 即刻唔等位啦! 咪攪我!無下次!

店子裝潢以簡潔為主，以木、木地板配上米白色的梳化椅；四周還放置著少許盆栽，感覺悠閒舒適。食物以西日式意粉為主，師傅用上橄欖油，而配料多選用海鮮、蔬菜及雞肉，口味健康又清新。另外，綠茶及甜品亦是其重點推介，用的都是日本宇治綠茶粉，必試黑蜜牛奶綠茶、綠茶蛋糕芭菲及鮮奶綠茶伴紅豆，茶味相當香濃 , well done @@

終於有機會試下呢間夢見屋, 吉之島重開至今都係超多人排隊... 入面d裝修都幾和風, 大部份都係梳化位, 坐得好舒服...Set Lunch 蟹肉莧菜長通粉 -- 味道OK, 蟹肉有殼, 要小心d食...Set Lunch 蕃茄火腿意粉 -- 味道OK, 淡咗小小, 買相就靚...藍莓芝士餅 -- 味道OK...食得多pokka, 食下呢間唔使咁悶... 下次o黎要試下佢d和風甜品先...相片 : http://hk.myblog.yahoo.com/ken-merry/article?mid=2099

2/8/2008星期六同姐姐特登搭16個站(mtr)去康怡jusco 試下d甜品。第一站去夢見屋，點知就出事喇......點九去到拎左飛，等左半個鐘先有位。坐低左就即刻叫野食，叫左個set lunch 茄醬吞那魚意粉(包湯& salad) + 迷你芭菲+ 寒天白玉甜品。落完單咁梗係叫佢唔好上甜品住啦。食食食..個意粉ok..食完個意粉，叫佢上甜品果時竟然話冇曬甜品!!!問佢爭d咩材料，佢話爭丸子，咁問佢可唔可以果將d丸子換多dd寒天或其他野，竟然話廚房話只可以減野唔可以加野......咁o既服務態度-_-"結果淨係食左個意粉，二人埋單共$55......最後去買左幾個銅鑼燒補償返。大家下次如果想試夢見屋d甜品，請o係入去之前問清楚賣晒未。兩點半已經冇甜品，咁夜晚賣咩呢???

當我知道康怡jusco有大量新的餐廳加入後，就迫不及待來試了﹗夢見屋是第一站，我們到達時還有tea set，於是點了一個tea set+甜品﹗煙三文魚磨菇意粉配凍咖啡($52)︰意粉很快便上桌了，賣相不錯，但有點奇怪怎麼會有點蔥花的呢？意粉煮得很有咬口，每一條都沾有忌廉汁，只是煙三文魚是碎碎的，如果是一片完整的應該會更好。咖啡等了好久，又要追單才送來。味道果然是同一集團的味道，咖啡酸酸的，很不喜歡。另點了寒天白玉甜點($38)，賣相很美﹗吃起來就一般了。寒天是像jelly的，但口感不好，白玉煙煙韌韌，都算不錯。紅豆實在太甜了，個人覺得如果不太甜會更好。比較喜歡的是那杯綠茶，很濃很濃，作用是否就是要清一清紅豆的甜膩感？不知道是否新餐廳各方面運作還需要適應，總之我們又要等食物又要等結賬，好在我們時間充裕，不然真的感到很麻煩呢﹗

之後睇幾本雜誌都有介紹, 咁上星期同我媽咪去吉之島咪試吓啦!!我地叫咗個TEA SET (茄汁忌廉芝士意粉) 同咖哩OMELETTE飯,茄汁忌廉芝士意粉好醒胃, 雖然無肉, 但真係好好味!!咖哩OMELETTE飯個咖哩汁都OK,但塊旦唔係包住D飯, 而家煎完塊旦就放上面!!SERVICE都OK, 有禮貌, 而家仲唔使加一, 我會再幫襯!!下次仲要試甜品!!

夢見屋新裝修既jusco多左d野食, 所以搵左日又去食野係二樓見倒呢間野, 佢同italian tomato係同一個集團, 呢間除左甜品之外仲有lunch食叫左個set lunch, 秋葵山藥海鮮意粉, 仲有湯同沙津清清地既一個菜絲沙津, 食完好開胃。湯就係忌廉湯, 第一眼睇既時候仲以為係茶碗蒸, 因為佢用一個杯仔盛住, 細細個咁。個湯好一般, 冇咩驚喜。意粉比想像中既好, 海鮮有魷魚同蝦, 同另外既配菜好夾, 佢係清炒意粉, 所以冇汁, 但都已經好夠味。要彈既地方就係油左d, 食完成個碟都好令。間鋪吳大, 但幾好坐, 而且吳會催你走, 我諗都會再去既, 但下次去就專攻甜品啦

以前在日本吃過美味的紅豆甜點，見這裏的賣相幾吸引，價錢又不貴，就叫來一款試試。名叫白玉寒天甜點($38)，其實是紅豆配上苣蒻、栗子及湯圓。味道對我倆來說已很夠甜，用不着附上的糖漿。紅豆夠腍，丸子又煙韌，加上一杯熱熱的濃抹茶，相當滿足了。意粉也似乎是此店主打之一，吃了莧菜忌廉蟹肉意粉($55)，加$10試埋杯咖啡。熱辣辣的意粉軟硬適中，creamy的白汁也不令人感覺「漏」，蟹肉頗多，雖發現有兩小粒蟹殼碎，不過只算是瑕疵，未有影響滿意的評價。這個set lunch還包吞拿魚碎沙律及餐湯，一般水準。至於咖啡就香濃但偏苦澀，不算很好。試業期間免加一，埋單不過$103，更覺抵食。

位於康怡吉之島的Yumemiya外貌並不特別，餐牌的選擇亦多，本着一試無妨的心態試試看。我和母親二人點了一個五穀雞肉沙律、蟹柳意粉、白汁三文魚risotto 、Green Tea Latte with dark syrup、白玉綠茶丸子紅豆果子。五穀雞肉沙律﹕味道一般，配上芝麻醬很有「和民」feel。蟹柳意粉﹕蟹柳是蟹脚肉，並不是一般的蟹柳條，味道一般，略厭意粉中仍拌雜着碎蟹殼。白汁三文魚risotto﹕一見"risotto"便想起意大利菜，在日本餐廳見到"risotto"還是第一次，當然要試吓啦！這個味道不錯，很有意大利菜的影子，飯身較軟，可能是使用日本米的關係吧！這個值得一試。Green Tea Latte with dark syrup﹕茶夠熱、很香、有一種很傳統日本茶道的風味，配上鮮奶和黑糖，給你一種幼滑香甜的感覺。喝了一口，你會忍不住又再喝多一口。掂！白玉綠茶丸子紅豆果子﹕這甜點原有別的名字...還是看圖吧‧這個甜品叫我想起在大阪的「夫婦善哉」，只賣紅豆白玉丸子，而且味道極甜。在Yumemiya的這個甜品有所改良，不是太甜，很適中。但若你是好甜或喜歡超甜，你可以加上附送的黑