夢想號 (已結業)

女人街不嬲都多餐廳韓國菜，日本菜，泰國菜，台灣菜等等餐廳應有盡有真係多籮籮今日一個人出咗嚟旺角又唔知食乜嘢行行吓發現左呢一間新店，下午一點多嘅時間來到看到門口嘅餐牌價錢亦都相當便宜所以就吸引左入來了雖然位於女人街不過晏晝嚟呢度都幾多人幫襯價錢方面都豐儉由人, 午餐價錢都幾抵食架原條鰻魚飯＄66呢個下午套餐價錢好抵食! ＄66可以享受到一條鰻魚, 真係相當吸引!鰻魚嘅味道同一般味道差不多,唯一係甚少鰻魚汁, 需要向職員攞其他下午套餐40蚊到就可以食到, 價錢真係好抵食

同友人去左間新開既韓國菜食飯，餐廳內燈光較暗，整體環境舒適，可能比較新，客人唔算多，食完飯坐多陣傾下計都唔怕阻住人地做生意。雖然係韓國菜館，但可以食到原條鰻魚飯又可以食到泡菜，感覺似日韓mix。鰻魚唔腥，泡菜有韓國味😄即有應有既酸辣味，唔會一尾得個咸字或者酸。。。。至於燈膽果茶外形吸引，但太甜完全飲唔到果味。

星期日同媽咪去旺角行街，買完野就諗進順便係旺角食埋晚餐，經過見到呢間食韓國野好似幾抵食，就入去試下啦。裝修幾有格調，環境唔錯。第一次見呢類型既容器裝水，好得意😂餐牌設計吸引，望落已經流哂口水🤤佢晚市套餐都幾抵食，平均五十幾至七十有一個飯，不過我同媽咪想食小食多d，於是決定散叫媽咪叫左杯芒果GiGi，佢話飲得出係新鮮芒果，仲要係好甜既芒果。而我就叫左杯shake shake紅豆抹茶，抹茶味幾濃，同紅豆真係好match，唔會太漏吉列炸蠔:一上枱已經聞到好香，蠔味好鮮，而且裡面好juicy，出面炸得好酥脆。邪惡炸午餐肉:炸既午餐肉真係第一次見😂外形好特別，炸左零舍香口。夢想號炸雞: 雞肉肉質好嫩滑，仲配埋韓式辣醬同芝麻醬，令炸雞更惹味木糠卷:其實係炸壽司，能幾好味喎，中間既青瓜可以去除油膩感。芝士傻仔和牛粒:個人最中意食呢個，芝士味好香濃，和牛粒既牛味好重而且肉質好腍，正!兩個人食咁多野三百蚊都唔洗，食韓國野黎講算係好抵食!

每次經過女人街，發現很多食肆都會向路人派傳單宣傳，希望吸引對方駐足看看餐牌。但怕羞既我有時反倒會被嚇倒而急忙走開，這晚遊走時發現到一間隱蔽的日韓派菜餐廳。門面沒有人一直游說，而是全靠牆上的食物圖，讓我不自覺地停下並翻閱餐牌，最後更走入去試試！餐廳的裝潢設計簡潔，播放著輕快的音樂，而牆身看起來十足一隻船的內部結構，難道表示現正乘住「夢想號」去探索未知的旅程？枱上有一支印有刻度、類似搓手液的玻璃瓶，原來是自助(泵)斟水器，最岩我呢個懶人。餐牌的食物偏向韓式，如拉麵、部隊鍋、小食和串燒。是日晚市套餐有9個選擇，大致分為便當和丼飯。晚市日式套餐，餐湯有點似味噌湯，裡面還有蜆肉呢～芝士年糕 2件 $22芝士餡料多到滿溢，加上熱騰騰出爐，口感軟綿綿又煙軔，重點是不會覺得濟膩。夢想號炸雞 $59 啖啖肉，表面炸到好脆身，滿有韓式料理的風味；一盤備有兩款醬汁，甜辣醬和沙律醬。喜歡辣味的，蘸上辣醬汁的炸雞更惹味！餐飲也有啤酒選擇，好吸引！韓妹海苔卷 4件 $35 撒上芝麻，裡面有午餐肉，表面輕微的香脆感。原條鰻魚飯 $76 鰻魚用蒲燒的方式烤製，髹上燒汁吃起來更軟和美味。旁邊有咸蛋和沙律伴碟，使套餐更豐

同肥仔去MK食新野!係女人街都幾易搵，餐廳裝潢有D工業風。呢個斟水幾搞笑，點左以下幾樣野食：推介！北海道燒蠔 20$，98$半打，芝士味: 蠔身幾大隻，燒溶用咗嘅芝士，加上洋蔥片，好易入口好好味，仲保留左小小海水;而蒜蓉味: 蒜蓉味不太重，不會搶走蠔味。推介！海蝦芝士三層燒$38底層是茄子，上面有團肉碎、小海蝦、混上沙律醬加芝士一起燒！好香芝士味，咬落去好有口感，幾值得試！夢想號炸雞$59炸雞即叫即炸，而且不會厚粉，加上有兩種醬料(酸辣/甜辣)可以點。木糠卷$35炸過的飯卷，外層的飯加上炸過的木糠，包住牛肉和青瓜，略微飯身有點黏，但呢個卷都幾有驚喜Ｄ餐: 滑溜溜牛肉飯$54送碗硯湯，有好大粒硯肉。蛋尚算滑，但汁多d會再正d。Ｈ餐: 鰻魚丼飯$56有四塊鰻魚，仲有溏心蛋， 鰻魚配有燒汁，加碗日本飯，鰻魚真係會唔夠食架！半價左$13 加野飲 電燈膽果茶賣相幾吸引，果茶有火龍果，青蘋果，橙汁咁，易入口。紅豆綠茶,要自己去Shake下個樽先飲，都幾特別，綠茶的奶味偏重。overall價錢都幾平，裝潢幾有格調，下次去女人街可以再試其他。

係通菜街行下搵野食見到呢間之前未見過既餐廳就好奇心入去食以為係食日本野 原來係以韓國野食為主一入到按見到呢個以為係冼手 結果係用來飲水 覺得好得意覺得呢間餐廳改名改得好得意咩傻仔同蛋黃哥邪惡炸餐肉$42 以為上店會用返普通碟 結果用呢個咼🤤裹面應該係韓國牛餐肉 外脆內軟 邡落熱氣但食落又真係吾覺 可能裏面比較軟身豬骨湯拉麵$58 豬骨湯味香濃 吾係味精味 飲左幾啖湯 叉燒係甜既幾中意蛋黃哥牛丼$48呢個朋友叫 我就無食到 不過牛粒份量都多 配上蛋黃同燒汁 芝士傻仔和牛粒$48望落以為得咁細碟 原來個壺裹面仲有 芝士都多 裹面仲有菜同薯仔 牛粒肉汁多好咬口嘢飲叫左紅豆綠茶$26同青BB梳打$23紅豆綠茶既綠茶味唔係好濃 係淡淡綠茶果種加紅豆就好咬口不過我自己就中意梳打多d 可能係汽水類 好岩夏天

跟很久沒有見面的2位朋友食飯，住的地方天各一方，最方便就是在旺角晚餐。沒有特別想食的餐廳，於是便走到女人街覓食。晚餐時候很多餐廳都開始要排隊，還好到夢想號的時候剛好有3個座位，如此一來遲一分鐘才決定在這裡晚餐，就要等位了。餐廳用上昏暗的黃光，加上簡單的裝修，感覺都挺舒服。本以為是食西餐的，打開MENU才知道是偏韓式的。食品種類很多，但每個種類的選擇不是太多。木糠卷($35)就是炸過的飯卷一樣，外層的飯炸過後香脆，裡面的飯帶點黏口，還包著好食的牛肉和青瓜。哈哈沙拉($45)材料挺多的，就大蝦已經有4隻，加上新鮮的火龍果和沙律菜，很FRESH。花青魚($33)很喜歡食燒青魚，燒到剛好皮脆肉香。將魚肉沾幾滴檸檬汁，更是開胃。同不釀茄子($36)個人很喜歡的一個小食，茄子很厚一件，中間再釀入了蝦膠。首先是茄子外層炸得香口，茄子肉還很軟身。另外蝦膠很彈牙，而且食得到很香蝦味。部隊鍋($105)很足料，有蝦﹑即食麵﹑魚餅﹑牛肉﹑午餐肉﹑芝士腿等，材料多到有點記不起，而且還加了大量的芝士(雖然芝士味不重)，也太邪惡了吧。本來覺得即食麵的份量太少，3個人好像都不夠分似的，但食落又都好足，食到好飽。夢想

表妹去旅行買左啲野俾我，新年之後都未見過面，所以要出出嚟食個飯先得吖。 到嗰日約到出嚟行行吓先決定食乜。 見到依間門面幾光鮮幾有格調，門外的價錢牌幾經濟又有相幾正咁款，就入去啦～ 首先點左步隊鍋，這裏的步隊鍋只係賣$105 勁抵，出面的無$200都唔得。 咁平但絕不馬虎，有午餐肉，芝士腸同韓國麵之餘仲有中size的蝦同拉絲芝士。 午餐肉算係厚既，蝦十分鮮甜，肉十分實。最好的有很多娃娃菜響窩底，啱矖鍾意食菜的我地，不過多少少芝士仲好，可令湯底更香。 炸珍寶蠔，似係美國蛹蠔,好大隻，係薄薄的吉烈皮層，剛剛係金黃色，炸完都唔會縮細，點少少沙律醬食，都幾醒胃。 叫了兩杯飲品，我的係Lime Soda,但啲soda唔夠汽，酸度就夠，飲完感到清涼。表妹的係生果茶，佢覺得過甜，似fruit punch. 但一次飲咁多生果，感覺幾健康。 仲有叫左第一次食既炸壽司,好得意，唔太油，十分推介！ 這店係性價比超高，地點方便，價錢便宜，又有格調，服務又好，下次嚟女人街食野，必選依間！

同朋友旺角行開街，旺角唔難搵餐廳，有時都會去內街搵食，發現開左間新餐廳，環境好乾淨，餐廳座位坐位坐得舒服，order左兩個晚餐定食，有餐湯送同特飲半價，餐湯鮮味，湯渣有蜆。一個鰻魚定食，不過不失，串燒即叫即做，炸雞用左半隻雞去做，肉質嫩滑。而且有兩款醬汁初時心中有個疑問，為什麼店員不為我加水呢，原來，原來台上己經擺放了一個好可愛的加水器，餐廳真是好細心。最特別是，跟餐特飲的水果茶，是用電燈膽杯裝著

終於揀好咗朋友嘅結婚姊妹裙，一於食餐好嘅慶祝朋友最鍾意食韓國嘢，佢話新開左一間想試吓咁就去啦八點三去到都差唔多成10個人等緊位，好彩等左10分鐘左右就有位啦！開頭以為呢個係洗手液，原來係水自斟自飲幾方便！同朋友叫咗個部隊鍋，夢想號炸雞，韓妹海苔卷，同芝士傻仔和牛粒首先嚟嘅係韓妹海苔卷果然係fusion,配日本豉油同埋芥辣卷物做得夠紮實，青瓜夠清爽，口感唔錯如果麻油重d再好啲之後部隊鍋就嚟啦！賣相靚仔有齊腸仔，魚蛋，午餐肉，肥牛，蝦仲有半個辛辣麵朋友係咁用啲芝士配腸仔食佢話好邪惡湯底係清湯，如果多少少泡菜，味道濃郁啲辣啲就更加好芝士傻仔和牛粒，芝士好香做到拉絲效果和牛肉味香濃，配芝士夠Rich薯仔亦都夠香口，唔錯最後嚟嘅係夢想號炸雞雞件算係細件有骨，有d其貌不揚...點知食落非常驚喜！雞炸得夠脆而且冇話厚粉火候控制得好，外脆內嫩，朋友係咁話好juicy應該係生炸！配兩個醬汁，紅色嘅夠辣夠惹味另外一個好似日式芝麻醬，酸甜夠醒胃餐廳裝修都好有特色，亦坐得舒服值得一提嘅係洗手間附近設有露天煙區對春嬌與志明黎講的確好方便為咗個炸雞，值得翻食

新開扺食有驚喜第一次係OpenRice 寫食評同女朋友兩個食落第一啖鰻魚以$4x價錢嚟講質素真係超班兩個套餐埋單都係$129抵食另外餐廳環境不俗裝潢典雅放工撐枱腳唔錯遲下會再試其他菜式以下係我地今次叫左嘅嘢食1）蒲燒鰻魚飯蒲燒鰻魚好味道脆而不膩有魚味值得推薦番尋味2）岩燒鯖魚飯鯖魚厚肉但多骨大碗白飯底有汁配上檸汁味更鮮3）電燈膽果茶燈膽外觀巧得意味似橙汁多於茶不過其實都好飲4）紅豆綠茶粒粒紅豆好𡁻口略嫌綠茶味不足幾似紅豆冰走冰不過不失幾扺飲紅豆好多大滿足

沒有計劃的星期六晚餐，路過夢想號，有個女侍應在門外介紹：新開張優惠，即場讚好他們的面書，會送特飲一杯。如此吸引的著數，我又怎能錯過呢？馬上入座，店內環境舒適、整潔，裝修簇新，我們二人獲安排坐四人桌，所以感覺特別寬敞。桌上已放好餐牌、水杯、餐具，最搶眼的可以說是那瓶飲用水，假如玻璃瓶上沒有貼標籤，我會以為是酒精搓手液呀！看看餐牌，食品種類不多，有小食、串燒、拉麵、部隊鍋等，飲品頁雖然有酒精類飲品，但貼上標籤，暫時未有供應。點菜後，飲品很快送來。我們喝了原價$26的Shake Shake紅豆綠茶和電燈膽果茶：前者要自己搖勻，綠茶味足夠，紅豆沒浸泡過糖水，所以較淡味，亦有些硬，最有需要改進的是不夠凍；後者果茶又甜又有足夠的水果，賣相可愛，好！食物方面，我們吃了：芝士傻仔和牛粒($48)：賣相令我眼前一亮，製作用心，牛肉粒很嫩，薯仔煎過又入味，另外還有不少生菜，值得推介！部隊鍋($105)：一如餐牌上的說明，午餐肉有厚厚的三片，蝦大大隻，牛肉厚薄適中，用料十足。我平日極喜愛吃辛辣麵，所以這個部隊鍋對我來說完全沒有辣味；相反朋友不能嘗辣，就覺得那些被湯底浸透了的娃娃菜頗辣。雖然我們對辣味有分歧，