多毛 (已結業)

作爲貓控既我，之前一直去開另外一間貓貓café，最近見到旺角有新開既貓café【Many Mo Café】，見人地話貓貓多過人，所以就去食dinner + 玩下貓。 餐廳地方唔算好大，但座位唔多唔逼，所以建議尤其周末要先book位。唔需要入場費，要點食物代替入場費。 Main係set黎既、包沙律/餐湯同一杯飲品（特飲要補差價） 墨西哥Nachos配番茄肉醬：分量都算好多，好脆、番茄肉醬唔會太酸，但好開胃。 Many Mo全日早餐包括牛角包、沙律、牛仔腸、炒蛋、炒蘑菇、煙肉、煙三文魚：調味偏淡，不過梗係好過太鹹。個人最鍾意牛仔腸同炒蛋。炒蛋都算幾creamy。 雙層芝士安格斯牛肉漢堡配炸薯角：超級大份、炸薯角好香脆，雙層安格斯牛肉非常厚、都幾juicy。抹茶latte：原來係真係latte，而唔係抹茶牛奶，另外有鮮奶抹茶，唔好點錯。 玫瑰荔枝梳打：好refreshing，唔會太甜。 另外可以買貓貓零食餵貓貓。 貓數量真係幾多下，不過訓緊既比較多。

相約朋友去探貓貓🐱及嘆brunch！ 位於旺角的樓上cafe ，入去要先帶鞋套及消毒，門口仲有張貼告示，以頸項顏色來識別貓貓的性格，好讓客人知道！這裡以學校為主題，有校長貓貓，及一大班貓貓學生，而員工就是校工😂餐廳有大玻璃窗，明亮整潔，靠窗還有幾張寬敞大枱！早上去人流少，貓貓好活躍，總是跑來跑去，好可愛！餐廳提供套餐（包主食、沙律、飲品）、甜品小食約廿款，另有咖啡及特飲等，質素有驚喜👍推介香煎大蝦辣蕃茄意粉，擺碟花心思，醬汁滿滿，蝦肉爽彈，意粉軟硬適中，食落酸酸辣辣好惹味！ 另一套餐是Oreo曲奇雪糕窩夫🧇，賣相好吸引，連為食貓都走埋嚟， 鬆脆熱騰騰的窩夫上放上冰涼曲奇雪糕，加上朱古力醬及曲奇🍪，一凍一熱，刺激味蕾！餐飲加錢點了柚子蜂蜜梳打及宇治抹茶拿鐵

😽🪄今日化身為貓貓魔法師，被貓星人包圍真係好療癒！全場大約有40隻貓店員，全部都好可愛，仲好痴人好肯同你玩，精力相當之充沛，黎過一次真係會上癮㗎！👍🏻呢度免收入場費，低消只需要叫一款套餐，可以玩足90分鐘，而且套餐已包埋餐湯/沙律、飲品，性價比超高。玩下貓食下野，心身都放鬆開心曬！👅除左貓貓好玩之外，野食份量同質素都好有驚喜，主食選擇超過10款，賣相同味道都feel 到廚師用心製作，絕無欺場，兩個主食都好味，小食都好推介，炸到卜卜脆，忍唔住好快就食晒啦！✨雙層芝士安格斯牛肉漢堡（$158）✨香煎大蝦辣蕃茄意粉（$108）✨炸魚柳手指（$48）✨脆炸雞翼（$58）

最近深受貓貓魅力吸引😻 所以又去朝聖睇貓店長 又去貓cafe同貓貓來個近距離接觸😝今次嚟到呢間位於旺角嘅貓cafe😽 多毛 號稱全港人貓比例最高 有超過40隻貓貓😼店內座位不多 同時間唔會有好多人一齊玩貓而我哋坐喺度食嘢期間 已經有唔少貓貓走過嚟 好幸福💕食物方面都值得一讚 全部都幾好食😋Cafe 免收入場費 但冇將食物價錢上調過多 套餐隨餐附送沙津/餐湯 跟餐飲品可選咖啡/紅茶/檸水/可樂/七喜 🍝青口龍蝦汁忌廉長通粉（$118）龍蝦汁忌廉味道超濃郁😍長通粉索晒汁非常好食🤤🌮壽喜燒洋蔥牛肉夾餅配薯角（$88）賣相吸引 餡料量多 滋味十足🍟炸魚柳手指（$48）上碟時仍然非常之熱辣辣炸得非常香脆☕熱榛子拿鐵（跟餐+$20）奶香與咖啡香濃郁 味道較甜 好啱唔好咖啡苦味嘅人飲

夏天天氣咁熱又成日落雨，放假最啱去室內涼著冷氣食住野嘅貓cafe俾一聚主子寵幸，前排就黎到旺角呢間貓cafe——🌟Many Mo Cafe🌟呢間cafe嘅貓貓嘅數量非常多，全部貓貓都好斯活潑，大部份同人都好互動，最清彩就係當你擁有一碗雞絲餵食嘅時候，仲會有成大群貓貓包圍住你討食，呢個畫面一定會貓奴們非常幸福😻令到成間貓cafe都好熱鬧呀💕而且貓cafe黎講，唔上貓貓得人歡心，連食物都唔錯👍🏻._.🐥｜日式唐揚炸雞｜🐥炸雞炸到外層好香脆，裏面雞肉腍身，熱辣辣咬開，香氣撲鼻，配上沙律醬可以點·🍝｜煙肉卡邦尼意粉｜🍝卡邦汁充足，意粉唔會好乾身，煙肉數量適中，整得幾好食·🧡｜青口龍蝦汁忌廉長通粉｜💛（配soup of the day粟米忌廉湯）濃濃嘅龍蝦汁包圍曬長通粉，好惹味，青口肉大大隻，新鮮口感彈牙·🍔｜雙層芝士安格斯牛肉漢堡配炸薯角｜🍔（配salad of the day)漢堡包厚身大舊，牛肉都有成兩塊厚厚的，充滿黃色嘅車打芝士，好正好吸引·☕️｜Cappuccino｜☕️☕️｜Americano ｜☕️._.

上網見到呢間新開既貓cafe，上星期平日晚上就去左呢度玩🙆🏻‍♀️ 入門口前要先在鞋套機度套上鞋套，然後用消毒液抹好雙手後就可以入去啦.左邊前方牆邊就放左個大大的貓架可以俾貓貓爬來爬去四圍走，目測起碼有三十幾隻貓貓😱餐廳好貼心地整左張圖說明唔同頸圈既貓貓係咩性格，要點去應對🙆🏻‍♀️ 窗邊位既座位類似塌塌米，不過對腳可以穿入去，我地就坐左呢度。同貓貓玩都要有力氣💪🏻我地叫左兩個餐同小食😋 每個餐包一個餐湯或沙律，同一杯飲品。我地叫左：.🍔雙層芝士安格斯牛肉漢堡配炸薯角呢個超正😍Burger好大！兩層厚厚的安格斯牛肉同芝士，仲有大蕃茄同生菜，配上醬汁超juicy! 安格斯牛肉肉味濃郁，成個burger口感好豐富好好食！炸薯角大大條，好香好脆！.🍝香煎大蝦辣蕃茄意粉份量好大，好多大蝦而且蝦肉好爽！辣蕃茄醬汁好開胃，意粉好入味！.🐟炸魚柳手指一碟有5大件，厚厚的炸魚柳條好香，內裡既魚肉好鮮！真係好好食！旁伴有茄醬點炸魚柳，仲有沙律菜，很不錯.🍲粟米湯兩個餐都叫左餐湯，就係粟米湯！好香好濃好好味！.☕️凍朱古力咖啡簡單以迷你棉花糖同cream裝飾，朱古力咖啡好香濃，味道幾好👍🏻.🌹玫瑰荔枝梳打好濃既

貓奴福音！這間貓貓咖啡店有高達30隻貓免入場費，每人只需點一個餐就可以坐90分鐘90分鐘後都可以在貓貓榻榻米繼續和主人玩😍場內可購買貓小食，然後所有貓會聚集在一起可以盡情感受被主人包圍的幸福感😍每隻貓頸上都有名牌超可愛🥰而且貓貓們幾乎都不怕生非常活潑🥰🍝青口龍蝦汁忌廉長通粉 $118有兩隻青口，質素中規中矩，醬汁調味適中，通粉掛汁🥐Many Mo牛角包全日早餐 $138全日早餐包括有牛角包，炒蛋，煙三文魚焗豆，沙律菜，炒菇，牛仔腸份量不少，質素也不錯，還配送餐湯👍🏻🥫墨西哥nachos配蕃茄肉醬 $68曾試過吃墨西哥脆片很靠醬汁，因為完全沒味道，但這個單吃都很香脆可口

這裡的貓貓全部都很乖不會主動出爪，很適合帶小朋友來放電。而且餐廳很細心地會用4款顏色頸圈大約分類貓貓性格，令人可以安心抱抱貓咪。根據以往經驗，女僕/動物主題餐廳的食物都食之無味，這裡竟然是好食，而且是有擺盤的，很驚喜！而且環境舒適，有足夠空間讓貓貓來向訪客討摸。現場提供雞絲貓零食18HKD讓訪客購買，只雞絲在手，群貓起舞，何其壯觀！朋友是名貓痴，適逢他生日帶他來慶祝生日，只要跟職員說明，甜品就可以加上HAPPY BIRTHDAY及名字，雪糕窩夫才88HKD就可以打卡留念，比起買一整個蛋糕更化算呢～

今日我哋book咗一間貓cafe ，諗住玩下貓Relax下～一去到已經坐滿半場，侍應安排咗一張可以坐到四人榻榻米枱給我們，我們點了兩個餐一個小食，我們等了十分鐘多啲，食物已陸續送到首先到個忌廉粟米餐湯，看落去平平無奇，但味道不會過鹹，粟米味道比較突出，飲不到味精味，好味～跟住到墨西哥nachos配蕃茄肉醬，脆片鹹鹹地配上香濃蕃茄醬，肉醬足料～主菜到了，香煎大蝦辣蕃茄意粉，意粉不會過淋，辣汁嘅一般出面餐廳較辣，但本人鍾意食辣，覺得剛剛好，好惹味～雙層芝士安格斯牛肉漢堡 ，份量十足，好飽呀～ 味道與質感都不錯，還有Juice嘅感覺。食完晚餐了8:00左右，竟然坐爆場，好在我哋有book位～到咗我最鍾意嘅環節啦，就係玩貓，我們在這間餐廳行咗一個圈，雖然唔係大，但係環境都不錯，沒有擠迫感～貓貓雖然好多隻都同樣，老闆娘說，這些貓由細在屋企養到大，不是外購翻來，所以大部份都是同血統的，所以同其他貓Cafe不同。但係佢地啲貓貓不怕人，好鍾意同人玩，我哋買咗一兜貓糧餵貓貓，九成貓貓過哂黎，兩個字(震撼)～總括黎講，食物不錯，貓貓好活躍又多，性價比高 ～又多一個好地方，可以Chill 吓 ！爽呀！

😸 旺角可能全港係最多貓店員Cafe 嘆香煎大蝦辣蕃茄意粉壽喜燒洋蔥牛肉夾餅#食好西旺角美食 😸旺角最近新開咗一間貓Cafe ,號稱可能係全港最多貓的貓Cafe ,仲要免入場費，只需每位點一個Set 就可以，價錢最平$98 就可以玩足90分鐘，店內有超過20 隻以上貓店員返工，計埋休息放假嘅店員總共有40隻咁多，有曬足夠人（貓）手照顧客人😺cafe提供多款的意粉漢堡及輕食甜品飲品，可以一路摸住貓咪咁食，亦可以用店家提供的𢭃貓棒同貓貓一齊玩，亦可以購買貓小食，當手上有貓小食時所有貓咪會聚集一齊，被廿多隻貓咪包圍係滿滿的幸福感💕😸每位貓店員都好整齊咁掛上佢地名牌，特別鐘意「毛獅王」因為佢係全場最肥最乖，肥tum tum 塊珠勁得意好好摸，另外仲有好多位好動派，鐘意追來追去非常活潑呢😺 香煎大蝦辣蕃茄意粉+菠蘿梳打熱辣$108 +菠蘿梳打 $15香辣味蕃茄意粉，配上爽彈香驚大蝦熱熱非常吸引，蕃茄味加上香辣味道非常香濃，辣辣的味道鐘意炒得乾身香口感覺😸 壽喜燒洋蔥牛肉夾餅 配 炸薯角 $98 +荔枝梳打 $15用上壽壽燒汁煮成的牛肉，加上洋蔥的清新，夾餅焗得香脆，外層口感脆脆的內層牛肉甜甜的

到訪時間係兩個月前 補返評價食物有小食同飲品🍸主食套餐提供，當日嗌咗兩個套餐，份量正常 味道都唔錯👍 貓咪全部都唔驚人 仲要勁可愛😻 隨便摸都冇問題👍Cafe有白灼雞肉買即場餵貓咪，只要一撳「召喚貓貓叮叮鐘」啲貓咪就會沖曬過嚟包圍你😂

超多QQ貓嘅cafe😍免入場費每人叫一個套餐就可用餐90分鐘～如果客量唔多可以坐耐小小 非常抵玩🤣貓貓唔同顏色頸圈代表著唔同性格可以睇吓先去摸摸佢地🤣另外見到店員空閒時都會抱抱貓貓如果小朋友玩得過激都會善意提醒👍🏻食物方面必叫雙層芝士安格斯漢堡🍔大大個 麵包鬆軟 芝士同牛味都幾濃郁👍🏻入面有少少醬汁食落幾juicy😋另一壽喜燒洋蔥牛肉夾餅賣相美美的配上壽喜燒汁同安格斯牛肩胛偏向重口味之選 想講佢地個薯角好好食🤤套餐已包每人一杯飲品食到咁上下可加購$18買雞肉餵貓貓係超多貓貓向住你跑 瞬間比貓圍🤤幸福感up up

人流管理好差，建議想去嘅平日先去！！！當日係星期日，book咗3點入場，上到去入邊係滿曬人。職員叫我哋喺門口等一陣，過咗5分鐘後邊已經有第二三組客人又喺book3點，排喺我哋後面。等咗10分鐘入去，職員叫我哋可以摸下猫先，佢哋清緊枱，個問題係根本唔會摸到！場內有兩枱相識嘅家庭帶咗5-6個小朋友，加埋其他客嘅全場超過10個小朋友喺度跑嚟跑去，根本連企喺度都逼。到坐低食咗一陣嘢，職員攞咗個蛋糕出嚟，先發現嗰兩枱家庭嘅人喺度慶祝生日…嗰啲食完嘢嘅人又唔會想走，啲小朋友又全程又跑又跳又吵，啲人任意可以抱起啲猫，職員唔會理。如果係咁多人，根本建議佢哋係包場而唔係將所有人都放曬入去！個管理好差。另外嘢食，意粉好少，價錢偏貴，嗰日係食完唔夠一個鐘就直接走，如果唔係坐中間條柱嗰邊嘅位，根本唔會有猫嚟。好失望仲有啲職員見到猫猫跳上枱係直接掃啲猫落嚟而唔係抱，見到啲猫係跌落地下。猫猫清潔唔夠，眼唔乾淨。間嘢係新開，上去都係為猫唔通為嘢食咩，真心希望佢哋可以慢慢改進，反正點講都會有人去，但建議平日。

呢間貓Cafe有成40隻貓咪🤩，d貓貓仲要好痴人唔怕人摸佢，唔會避開你😚，相當啱貓奴去呀(入座時間計90分鐘)🥗沙律/餐湯餐湯係粟米忌廉湯，沙律菜新鮮👌🏻🍔雙層芝士安格斯牛肉漢堡配薯角 $158有兩層漢堡扒🥩好厚同juicy💦，肉味濃郁，加埋芝士🧀、蕃茄🍅食落好滿豐富，整體味道唔錯👍🏻🍝香煎大蝦辣蕃茄意粉 $108意粉🍝辣度適中幾惹味，蝦夠彈牙🦐，而且都有幾多茄蓉🍅令個蕃茄味更加濃🤌🏻🍵宇治抹茶拿鐵+$20/抹茶朱古力+$20都幾有抹茶味🍵，味道唔錯🤓拿鐵果杯甜度似無糖，如果再甜少少就prefect 😘Overall餐廳環境唔錯，好衛生無異味👍🏻，人貓🐱🧍‍♀️🧍🏻比例係我哋去過最正嘅🤩想比貓貓圍仲可以比$18買雞肉餵貓貓🥰d貓貓會衝哂上黎好搞笑🤣，呢個價錢又有嘢食同有咁多貓玩，推薦俾大家去L下貓！P.S. 記得預早book位呀

所有貓貓都好親人，肯比人摸，好活潑貓貓全部好可愛好乖巧！環境好舒服唔會趕人走！食物對得住價錢，價錢合理係我去過最好最舒服既貓cafe去完心情好治癒愛貓人士一定要去