影片
招牌菜
食记 (27)
拖咗半年嘅食评，本来一食完就好想快啲写好佢，不过当时忙于搞去旅行嘢，放埋咗一边，就系咁摆吓摆吓无晒火去写。最近，同依班死党又有饭局打鞭炉，重提番依餐蛇宴，讲开大家都好想今年再搞番转，所以，先「的」起心肝要写埋佢。其实，有班中学死党，加部份波友，「枕住」都有出嚟食饭，一年都好几次，不过次次都唔会齐人，所以旧年尾就谂住入秋搞大啲，包个房，整围蛇宴，结果约嚟约去就要到今年二月下旬先搞成，但系无减大家出席嘅热诚。而拣嚟多彩，因为依度有我哋唔少嘅回忆，仲系中学年代时，我哋大部份都系晌大坑东读书，住晌深水埗一带，晌伟智街打完波就去南昌食大排档，大排档拆咗之后，𠮶时各人都出嚟做嘢，就开始升格去多彩，周六食完食一齐睇英超，几开心呀！虽然依家人大咗，各散东西，各有各忙，波亦无踼喇，睇波食饭就仲有嘅，乘机呻吓工作嘢，呻吓屋企嘢咁啰。故此，今晚齐晒人成围枱，真系近年难得架。绵绣烧味大拼盘烧味包括有油鸡、叉烧、分蹄、烧鹅、海蜇，晌度帮衬咗十几廿年，佢嘅烧味都OK架，虽然唔及得一啲出名中菜馆嘅出品，但食落有感情。七彩炒鸵鸟柳大堆头制作，以红椒、青椒、西芹爆炒鸵鸟丝，鸵鸟肉系近年新兴，网上资料指鸵鸟肉含较多铁质同蛋白质，较少脂肪同胆固醇，确实都几好食，质感、肉味都似牛肉，系啖少少，不过炒得够镬气，又够晒大碟。太史鲍丝烩五蛇羮预咗两大窝，咁先够皮嘛！阿姐话蛇羮唔系佢哋酒楼嘅出品，系托附近蛇铺交嚟，深水埗都有好多蛇铺卖蛇羮，睇落就好足料。席上，阿姐原窝再翻热，果然，非常足料，啖啖鲍丝、蛇肉，味道唔错，汤底鲜甜，阿姐仲放低一大兜薄脆，惊死我哋唔够分。我哋食完一窝，隔多阵至再食第二窝，一窝绝对够分12-13碗。流沙白花蛇丸蛇肉同虾胶打成丸，里面再加咸蛋黄蓉，然后黐啲米粉酥炸，蛇丸本身做得爽弹，流沙效果又OK㖞，咸咸香香咁！菜胆蛇汁龙岗鸡虽然系街坊酒楼，但𩠌菜卖相一样做足，依个菜胆蛇汁龙岗鸡，菜胆用上娃娃菜，砌好伴碟，不过个人觉得用上小棠菜够绿就仲抢眼。龙岗鸡斩好砌番成只「鸡样」，加少少玻璃献，成个菜就完成。鸡肉入味而肉嫩，皮下脂肪又少，甚有水准。豉汁蒸蟠龙鳝依个蟠龙鳝做得出色，原条大黄鳝轻轻鎅开一截截屈成蟠龙咁形，加配大量豆豉蒸，上枱后由阿姐切番散一件件。一来条鳝蒸得恰到好处，肉质柔嫩带少少烟韧感；二来鳝肉满有油香，系就系肥咗啲架啦，但咁先好食丫嘛；三来，豆豉蒸，绝对系中菜惹味嘅表表者。蛇汁灼唐生菜唐生菜加咗蛇汁灼，食唔出有咩特别，不过，生菜灼得爽脆，但卖相样衰咗啲，一堆乱菜咁款。枝竹羊腩煲天寒地冻，整煲羊腩煲就最合时，一大窝枝竹羊腩煲滚住食，咁就最正，枝竹索晒羊腩汁，份外香，而羊腩炆得够晒谂，唔韧，带少少膻。本来原先个菜单跟个腊味糯米饭，但识食嘅老死话转窝白饭仲好啦，因为白饭捞腩汁食，仲滋味过食腊味糯米饭，又唔使嘥晒成兜腩汁，佢又有佢个道理㖞，所以就嚟咗窝丝苗白饭喇。除咗捞腩汁，亦可以捞蟠龙鳝啲豉汁，同样咁正！蛇汁炆伊面同个蛇汁灼唐生菜一样，虽然加咗蛇汁，食落同平时食嘅干烧伊面真系唔觉有咩分别，唯一可以讲系个伊面本身炒得几好，唔太油腻。多彩多数都系街坊生意，服务比较随便啲，晌石硖尾都称得上大酒楼一间，过时过节都例爆，嘢食都见得人，唔失礼，而且，价位唔贵，好似今晚围菜，包茶芥加一，12罐汽水，送埋生果盘，全包价都系$1,980，食得成围12个大男人都饱晒。
继续阅读
话说我一向都颇喜欢吃烧味特别是脆皮的烧肉最外层如果烤得好，真的比炸虾片还要脆比嘉顿威化还要松是日经过看见这间酒楼装修完毕瑰丽堂煌，并有烧味48元一斤的优惠心动便买了"一条骨"试试说好一条是40元左右，切出来却55大元问题想了，盒有开洞，我也没有放太久才吃可是外层的皮不是像煮的猪肉一样，就是烧到变炭，又黑又苦(就如前面一食评，拍下的乳猪)附送的芥末酱更是又苦又辣，我宁可吃街头小食那种黄芥要做好的烧肉真的不容易55元在又一城的瀚腾阁只能买到一碟十二粒左右1cm*1cm大小的烧腩仔在这间多彩虽买到一大盒，但却跟食煲汤瘦肉无异下次我也不会再贪这种小便宜，乖乖到真正的高级酒楼买算了劝多彩一句如果想吸引食客，这种连街市烧味都比不上的货色只会惹来食客不满!要么就做得更好，要么就直接取消烧味部!
继续阅读
由于有队友因为抽奖而得到了多彩的免费乳猪卷, 所以我们今晚返完training后, 一行九人去了多彩食饭. 那时已经9:45pm, 但酒楼内仍然很多人. 今晚点了八样𩠌, 不过好似每一样都要等好耐, 而每一样𩠌都好咸 其中的多春鱼, 又硬又干争争, 好恐怖 乳猪等到十点半才来. 可是这乳猪却有很多缺点: 乳猪是大只, 但乳猪肉不新鲜上半身好咸, 下半身就味道适中. 乳猪皮好脆, 不过好多肥肉不过真的好咸呀, 下次都要考虑是否再来...
继续阅读
我就经常黎食既所以我就对早午市作出少少评价早市方面佢系香港少数仲有推车仔形式既酒楼之一所以早茶同午市既点心方面大家就千祈唔好谂住会有新鲜野除非大排档或者睇住架车出黎啦点心系大中小点一律8.8(星期一至五,假日除外)抵唔抵就见人见志啦午市方面就有个价值$168既套餐(只限星期一至五,假日除外)包括4个点心(新鲜出炉)、一碟烧味例牌(建议系烧肉)、3个小菜同1碟饭/粉/面全部有得拣我食个好多次系适合5-6个人食既餐都几抵其他野就都ok既至于点解心水推介会系烧肉我迟d会讲下午茶方面点心改为划纸供应想食新鲜点心就请向2:00黎啦价钱系大中小点8.8,星期六、日及公众假期9.8都算几抵头先讲开烧肉e间野既烧肉就真系远近驰名既出名皮脆肉所以如果黎食晚饭或者外卖饭盒就一定要叫烧肉啦
继续阅读
星期日个朝我同友人黎到多彩饮茶...好耐没上过茶楼,突然好想怀念一番就拣左多彩喇一入到去没人招呼我地,个侍应话自己揾位架w0最后同人搭枱,见到张点心纸都算几多野食..2条友嗌左9笼包括:春卷/炸云吞/凤爪/金钱肚/牛柏叶/虾饺/9菜饺/棉花鸡/萝卜糕笼笼都吾太新鲜..味道可以的只有虾饺和萝卜糕!!1.虾饺皮不是晶莹剔透的...好像放很久了,味道正常,多虾2.芋丝春卷微温,不是即炸的,入面好多好廋猪肉,好少芋头...明明系猪肉卷甘扮咩春卷,都没虾3.炸云吞值头系冻既无虾架!!入面系酸既,疑似系素菜个类...这个完全不正常4.凤爪吾够淋吾入味,得雪味!但热既啰...污染我既味觉,影响凤爪系我心目中祟高既位置5.金钱肚系霉既..细细旧..淋到吾知咩甘.所谓既酱汁金钱肚系好淡,好似蒸左几日没人嗌6牛柏叶好淋,侧边好多萝卜同葱..唯未见入味,失望7.9菜饺超大只,半粒虾肉其他全部都系9菜..荪得好干8.棉花鸡这笼最有问题!!d鱼肚还鱼肚,鸡肉还鸡肉!!吾系包住架w0!!最离谱既就系得2块鸡肉,竟然话系特点$15.8,似乎过份d!!d鱼肚有阵胶味吾知有没洗过,原汁原味荪哂d胶出黎,之后摆半埘蟹柳系到..充上品!!9.萝卜糕微温..但算系呢次饮茶既甘露,唯一正常的但点萝卜糕既甜酱都吾好味既!!侍应既态度亦欠佳,见到我举手都扮睇吾到,,,摆出一副吾想捞好不屑甘既样埋单$121..价钱贵食物欠理想..吾值呢个价我宁愿比贵d去前面间明星饮...后悔死我啦!!
继续阅读