多寶茶餐廳 (已結業)

Last sunday, I went to this place for a breakfast meal.I ordered a set meal including spicy beef 🥩 noodles with fried egg 🍳, Sausages and sandwiches, and hot lemon 🍋 tea. The Overall meal was very good

因為每朝都要帶小朋友去學野，變相每朝都要為外出早餐而煩惱。😢可能暑假的關係，四處都好多人，突然今日見到一間門面唔發眼的茶餐廳，即刻入去，仲有卡位坐，必要讚下佢個多士超香，牛油味好濃，下次一定要試佢個菠蘿油，因為好耐無食過咁香的牛油啦。😊😊😊雞翼煎得好香，沙嗲牛肉麵好多牛肉，一定夠飽，奶茶有茶香，不錯

是日同小朋友黎到元朗已經係下午一點半，由於仲未食午餐,唯有求其搵間店入去坐低隨便叫尐嘢食，小妹叫左個豉椒排骨炒河 。河粉黎到，外貌唔算吸引人流口水，河粉好似係白洽嘅咁；但食落原來好夠鍋氣排骨亦唔會話全部都係肥豬肉，有廋有軟骨。另外要提提杯凍檸茶，檸檬都算多片，但茶亦都落左多甜，搞到杯茶先係勁酸之後又覺得勁甜

今日同女朋友去大棠睇紅葉,入去之前食左呢間茶餐廳叫左2個特餐,分別炸菜雞絲米線 同埋 雞中翼通粉另外仲有火腿奄列同埋一杯熱朱古力米線同通粉味道較淡,要另外落辣椒油先有返d味但係份量都幾足夠加埋個火腿奄列就飽晒但係d蛋都幾"鞋"連我唔識煮野食既女朋友都話可以煮得滑過佢但係$27一個餐都算係抵同埋服務都幾好,好快就有野食可以有足夠體力出發去大棠

難得來到元朗朗屏站附近，在繼續路途之前，先在這兒隨便吃點東西。來到的時候正是上午11時左右，吃早餐好像有點晚，吃午餐又似乎早了些，真尷尬！幸好，在這些港式茶餐廳中，總有些全日供應，巧立名目的常餐、特餐或快餐。每次看見這些乜餐，物餐，總會令我想起麥兜電影中那些常餐即是特餐、特餐即是快餐、快餐即是晚餐的令人忍俊不禁的橋段。說回正題，這天我們兩夫妻，一個吃常餐，一個吃特餐，卻是一人一個，各不相干。常餐貴些，要 $28，老婆仔較為慳儉，只是要了特餐，才 $25，划算。我的常餐是「雞扒回窩肉湯意 + 火腿炒蛋 + 熱奶茶」。老婆仔的特餐則是「豬扒通粉 + 油多 + 熱檸茶」。坦白說，一般茶餐廳的常餐、特餐以至快餐，都不會要求太高啦！這兩個餐的水準正合乎預期之內，飽肚是完全沒問題的，甚至可以代替午餐，不過通粉腍得可以，火腿炒蛋無非是薄薄的蛋皮包著一丁點的火腿絲，這些都是這兩個餐中不及格的地方。不過這兒的常餐與特餐都有一樣好，就是通粉和意粉中都有數條青綠的菜心，這一點已被不少連三數條菜都來得吝嗇的茶餐廳好一些了。吃罷這兩個餐後，充滿力量的我們便繼續上路，朝我們這天的目的地 ------ 大棠 --

五點幾，要出香港飲，未夠鐘，有D肚餓，甘o岩經過，見D下午茶餐幾抵，所以入去試下！入到去，坐低，typical 街坊茶餐廳，唸左一陣，有個 餐蛋菠蘿飽 + 熱飲,要HK$17，唔貴 甘試下啦！當個飽上枱，一攞上手，擺入口......嘩...個菠蘿飽夠熱，個皮烘得夠脆，蛋煎得夠香，午餐夠香，好好食呀！落order時加兩蚊叫左杯凍奶茶小甜，OK啦！一路食，一路望下價錢，都幾大衆化o窩，下次有機會會o黎試下其他野！

多寶於旁晚時間係門口有小菜賣一餸 $15二餸 $20姐姐介紹京都骨, 就買左 $15 試試...一盒都有12件味道好好, 肉又嫩滑, 佢地真係用金沙骨來煮, 一流呀~ 不似其他餐廳, 明明餐牌寫住京都骨, 來到就變左京都豬扒, 有時都冇所謂, 嚟左就算, 不過如果 d 豬扒又乾又硬... 真係乜心情都冇

對於元朗的食肆，其實我的認識還不是太深。在元朗返學的細妹，某程度上比我更識得搵食呢!這間多寶茶餐廳，就是她的介紹。　星期日的中午，與龍來這裡食quick lunch。我點$18的特餐，有一碗肉丁米，一碟火腿奄列，以及凍奶茶(不另加$2)，平得令人傻了眼。難得食物又沒有將貨就價，我的肉丁米份量很大，還吃不完呢...　龍點了咸魚肉餅飯，有例湯有飲品$24。他說肉餅很好吃，於是一大碟飯都清光...　食完無聊拍照，嘻嘻哈哈，一點壓力都沒有。食茶餐廳，都可以很開心!!