夏麵館 (荷里活廣場)

营业中

休息中

鑽石山廣場看看有什麼店舖適合吃晚餐和朋友商議後選了這間上海菜因為想吃湯麵食物🍜😊選了一份雞排擔擔麵雞排是即炸起的 熱熱的 也挺香脆上碟時已細心地切開了可以直接夾起吃😋😋😋擔擔麵點了不辣味道湯底和材料有些花生和肉醉 很香👍🏻👍🏻👍🏻碗很大 麵的份量也頗多的😊😊😊

因為上月不快的飲食體驗，本是打死也不想再來，唯朋友堅持拉著，而又再度買了coupon，只好勉為其難頂硬上。小周末星期五去，所以黃昏6:30就到，怕難攞位。上次點的小籠包、抄手、高力豆沙難吃到一個點，所以今次不再翻叮。死就死，就點了較不推介的 五小碟（水晶餚肉、虎皮素鵝、四喜烤夫、糖醋小排、海蜇）；先來第一碟，有點驚喜，顏色醒神，餚肉凍食不膩開胃有嚼口、素鵝外脆內熱含蘿蔔絲味清爽、烤夫海線模樣彈牙微甜、比較一般就是糖醋排，汁底調較甜度剛好但肉太硬太粗糙，海蜇亦欠缺平時的彈牙口感；砂鍋雲吞雞，半隻雞煮得夠腍，肉質保持到幼嫩，吃不停，下了很多棵小棠菜，雖然切得大件但菜軟熟了很易咬，雲吞皮雖厚但不滯胃，最意外是那個湯底，本不打算喝這疑似味清湯，但最後喝了三碗，吃完返家也沒感口渴，估計味精就算下了也不多；上海醬鴨，看起來以為會又硬又鞋，吃起來是夠入味及軟腍，又是煮得很嫩。連今次的侍應比上次也禮貌得多，見是用coupon也沒西面，抵讚番！

食過呢間好多次，連鎖店得黎又維持到水準，最重要係服務態度好。今次兩個人叫左五樣野，包括美味海蜇，花雕醉雞，麻醬拌面，桂花拉糕，酒釀丸子。海蜇好彈牙，好爽口，食到索索聲，條條都好入味。碎雞好重酒味，不過稍為苦左少少。拌面大讚，雖然佢無咩料，表面上只有花生醬同豉油，但唔知點解勁香，好想知佢仲落左咩醬料，面質勁有口感。桂花拉糕好煙韌，同平時既桂花糕唔一樣，唔係晶瑩剔透個種，有少少年糕feel，不過勁香桂花味。酒釀丸子又係勁香酒味，丸子細細粒，煙煙韌韌，甜甜地。如果想入黎食個飽肚既話，建議叫番粉面飯，食完一定巨飽，完全食唔落其他野。但如果純粹口痕想食上海菜，建議叫下涼菜同甜品，細細份，每樣都可以試少少！

之前已經食過一次覺得啲食物水準低於正常水平，見有團購優惠，响琴日(20/9)比多次機會啦，點知....今次叫嘅菜色系👉紅油抄手👉擔擔麵👉松子桂花魚👉牛肉生煎包👉高力豆沙除左個汁偏甜之外，其他都正常。擔擔麵完全唔掂當。個人認為食擔擔麵湯底系最重要。佢個湯勁稀，水汪汪咁，就好似辣油加水開出黎，冇花生醬味。麵質煮得耐左少少偏淋。松子桂花魚扺讚嘅位系個汁做得幾好，酸甜適中。可惜嘅系通常呢啲做法系唔會食到腥味，比啲汁蓋過晒架嘛。但系佢條魚好腥....生煎牛肉包，麵包裏面可能索晒啲油，搞到好淋，勁唔好食，而且餡好少。印像中食過嘅高力豆沙唔系咁嘅口感，系好似沙翁咁架嘛，但系而加就好似食緊一舊麵糰咁嘅感覺。

有一段時間沒來，一直覺得這店服務不怎麼樣，沒期望，料不到甫坐下，鄰座有一家人的食客，還未點菜就給服務員氣走，已有心理準備，大部分女服務員冷漠的，想點菜就叫不到人，還未吃完就想收走你的碟，一副唔休冇客的模樣，不要緊，忍你一次沒下次吧。因用雅虎優惠券，服務員的面就更「西」，而且講明要下午6時前埋單及只能點某張菜單，於是點了：炒鱔糊淮山面，這個是整晚最好吃，雖然黃鱔份量少，汁還是較得恰到好處，而淮山麵也很爽口不滯胃；紅油抄手，汁不甜沒味，皮太厚，餡少❌炸春卷，又是餡少，還好沒油臆味；蟹粉小籠包，首次吃小籠包是有腥味，歎為觀止，更遑論有沒爆肉汁；高力豆沙，熱是夠熱，但皮厚硬，又是餡少。不再見👋🏻。

去荷里活行完街有的肚餓經過見到呢間有下午茶時間剛剛好三點三又唔洗等位👍🏻價錢唔貴$50-60元左右有一個餐加錢可以加小食回鍋肉粗炒，好惹味有辣味選擇選左小辣，都幾多回鍋肉回鍋肉半肥瘦排骨擔擔麵豬排熱辣辣，外脆肉嫩擔擔麵有麻醬味面有的醃菜唔太見肉碎三鮮炒年糕有好多餸蝦，雞肉，火腿都算多另外叫左小龍包不過不失咬開好多肉汁皮就合格la生煎包好迷你差不多一啖一個底唔脆勝在唔油紅豆鍋餅外脆，紅豆饀唔太甜超好食不過份量都係偏細下午茶有飲品送叫左豆漿好大杯，味道唔錯但飲得黎又飲唔到的茶$4茶錢（六日先要）都飲唔到兩杯🙈

途經荷里活，找了這餐廳，餐廳格局舒適，帶有少許上海味道。叫了碗雞面，雞面非常大碗，作為男人的我也差點吃不完，雞塊很鮮滑，湯很濃很鮮甜，讚！蟹肉小籠包很鮮甜，蟹味很重。鵝炸得很脆很香口，老人家也很喜愛吃。白雲鳳爪就一般，但不之於不好吃。整體味道高質，價錢便宜，屬於高質餐廳。

聽講係上海品牌引入既品牌就去試下喇。入到去一陣酶焗既感覺，但坐低左開左茶冇得走喇，原來噩夢既開始。食物質素差，小籠包不美觀，皮厚，個皮同其他小籠包店顯得較”凌“ 身，唔知落左 D 口羊。黃魚唔新鮮，食落腥既。醉雞肉酶，唔知浸左幾耐。服務最差，趕客，入去既時候都冇講用餐時間，好你話有人等緊位，咁咪埋單走。已經走緊，仲黎執野，已經叫唔好執我走緊都係要執，結果就整污糟曬人。叫個經理出黎就唔見人，龜縮埋一邊。想食到一肚氣既可以試下。

約朋友去鑽石山行街，GU開咗咁耐都無去睇過。行咗一圈能量耗盡，於是決定先補充能量。我地揀咗呢間夏麵館，裝修幾復古，好似客棧咁。我地都有選擇困難症，揀餸都要揀半個鐘……最後揀咗一個前菜：涼拌小木耳，酸酸地，又爽口幾開胃。一個麵：嫩雞煨麵，好大一碗，D雞幾滑嫩，青菜都有幾多下，分量好足。一個肉：蔥爆牛肉。牛肉好嫩滑，帶上蔥香味，餸D麵食，好滋味。仲揀咗個青菜：濃湯浸津白，呢個真係好油，我地都係食咗一兩條就唔想再食，唔建議叫呢個餸。我地都覺得間嘢幾好食，價錢都合理，碗面真係好大碗，好抵食。8分推介！

因為住喺附近，所以經常都落嚟呢度食飯。我自己最鍾意就係呢度嘅排骨擔擔麵，排骨不會炸得太乾身，而且面底又唔會太淋。可能我自己鍾意食辣，所以通常都會叫大辣。另外黃魚煨麵亦都推介，魚湯夠鮮味同清淡。價錢亦相對便宜，值得推介。

本身係出面睇緊二人餐，入到去老公決定散嗌5小碟我揀左素鵝，水晶肉，海蜇，雞絲粉皮，糖醋排骨麻婆豆腐，都辣，個人覺得呢個太油，老公覺得幾好味完全唔記得5小碟已經揀左排骨…跟手又一碟話梅骨😂😂唔知以為我地好鍾意排骨要嗌2款口味最搞笑係我地唔係配白飯或菜飯…嗌左津白肉絲炒年糕所以我只係就咁不d豆腐食，一來太油二來會太咸到埋單比錢，老公話散叫仲平過二人餐，有時懶諗我地都會叫餐，只不過撞正唔啱食揀嚟揀去都唔知要乜好先散叫。

好多年前去食，因為張曼玉親自為一碟餸改名，叫DoReMi。已經有一段時間無去，今晚再度光臨，大部份食物保持質素，例如我最鍾意嘅黃魚燴麵、屋企人鍾意嘅擔擔麵……不過，今次蟹粉DoReMi煮得太鹹，已經按照餐廳建議選用饅頭，但都中和唔到，可能要一碗飯送兩匙羹先得，呢方面需要改進

今日同朋友去鑽石山睇戲又唔知食乜又距離睇戲時間得番小小時間行行下就見到呢間夏麵館就入左去食啦本身都無期望d乜 求其食一餐就算呀 點知呢間又幾ok喎我地嗌左個老上海炒飯望落平平無奇架 但食落又唔錯 個飯夠乾身 唯一缺點係無肉不過唔緊要 當健康d囉 又唔太油岩哂keep fit之人另外都嗌左個xo豬頸肉麵個麵有得簡硬定軟 我地簡左硬唔錯 個豬頸肉都幾好食總括黎講 呢間性價比都幾高架 佢入面仲有好多點心 同其他麵飯類下次同朋友都話要再黎試下

   一早約了老朋友聚聚，但又唔想飲茶，朋友就選了夏麵館，我第一次食，都好開心可以試下新野。我們11時左右到達，已經有午餐供應，可以點一前菜、主食及有飲料一杯。朋友就喜歡單點了醉雞及蛋。午餐其實都好抵食，因為個麵都好大碗，而且都好爽口彈牙。另外單點的醉雞都好好味。店內環境都有古典味，座位比較近，所以比較逼。勝在我地都可以坐到好耐，都可以傾到一陣。

啲裝修真係好靚，係中國嗰啲復古風，啲凳係桃木，枱都係，坐得好舒服，感覺好靚。裝修幫呢間嘢加咗好多分。今日叫咗個酸辣餃子麵，另外配咗生煎包。個餃子麵極度大碗，一碗兩個人食都夠曬。個麵真係好好食，煮得好熱，啲麵都唔淋身 。另外我覺得個碗都好靚。個生煎包就真係見仁見智。佢唔係傳統廣東嗰種好薄皮膚嘅生煎包。你可以望一望個圖。佢個生煎包啲皮係好似叉燒包嗰種，所以鍾意食薄皮生煎包嘅人應該覺得麻麻地。我自己就覺得幾好食嘅。