夏麵館 (寶石大廈) (已結業)

放工於荃灣會合Tebbie往夏麵館食黃魚煨麵, 小籠包、蒜蓉菜心、砂鍋雲吞雞、雞排菜飯和豆沙鍋餅；黃魚煨麵魚湯好白滑, 面好柔軟、黃魚去哂碎骨, 好窩心；小籠飽夠熱, 皮薄肉汁鮮甜, 美味；蒜蓉菜心食落爽口, 菜心新鮮、蒜蓉香口；砂鍋雲吞雞有半隻雞, 雞肉鮮甜嫩滑, 雲吞份量適中, 而凱上的白菜食落爽口新鮮；雞排菜飯, 菜飯有蛋花絲, 食落口感多層次, 配菜飯的紫菜蛋他湯、略嫌稍鹹, 雞排煎得香口乾身, 好惹味；最後豆沙鍋餅豆沙好香, 鍋餅煎得脆脆。總結餐廳坐得舒服, 環境高格調, 而且坐得舒適, 值得一試。

原來荃灣都開左夏麵館, 8點左右黎到差不多已經爆滿!地方都幾大! 都好多位呀! 裝修新, 坐得都幾舒服!哩度都算好多食物揀! 我揀左花雕醉雞、雞扒担担麵、蟹粉小籠包、蟹粉炒年糕、同埋一個宋嫂鮮魚羹!仲有係豆沙鍋餅~ 2個人好似過份左,,哈哈!蟹粉小籠包超讚好呀! 入面仲係熱熱野湯, 湯好鮮甜! 而且皮簿! 入面既肉質也鮮美! 店員提點要即刻食先好味呀! 雞扒担担麵碗麵一上枱我係呆左...勁大碗！真係好大碗！炸雞扒炸得好鬆脆...份量勁多！而佢既担担麵煮得啱啱好！好彈牙！而湯底夠濃味！帶一點辛辣咁！😋但係味道會比較辣...如果唔食得辣既最好同店員講啦！蟹粉炒年糕都好煙韌, 食到勁多蟹粉! 美中不足係佢比較多油! 如果可以少d油就更加好喇! 花雕醉雞既酒好入味呀! 雞夠滑! 佢又唔會好濃既酒味! 味道啱啱好! 宋嫂鮮魚羹也不錯! 清清地咁! 入面都好多料呀! 細細碗夠一至兩個人食! 因為可以揀(例)或者係(位)!豆沙鍋餅不得不讚既! 出面金黃色脆卜卜, 入面既紅豆仲係熱辣辣最緊要唔會太甜!好好味! 食落係知道即叫即做的! 總括夏麵館食物都唔錯呀!

下午時分，與友人路過寶石樓新開的夏麵館，看看餐牌，二人份量的午市套餐，價錢相當吸引，記得早前，曾光顧過位於荷里活廣場的分店，食物水準不錯，決定入內，來過午餐。坐下來，熱切的店員，極力推介這裡的蟹粉系列，就點了蟹粉小籠包一試，熱騰騰的上桌， 急不及待，立即咬一口，皮薄餡靚，蟹粉非常甘香鮮味，內裡注滿鮮甜肉汁，非常美味。再來，夏味薰蛋， 煙薰味香濃，口感鬆軟，流心蛋黃，水潤欲滴，蛋香滿溢。上海醬鴨，光澤香脆的醬鴨外皮，蘸滿濃稠甘甜醬汁，肉質新鮮結實，有嚼勁，佐飯一流。蟹粉炒飯， 配上雜菜的炒飯，粒粒分明，不油不膩，混著飽滿的蟹粉，鹹味甘香，齒頰留香。再點了，宋嫂鮮魚羹，餡料有鮮蝦、魚肉、豆腐及菜粒，清爽口感，鮮味十足。甜品，酒糟丸子， 這個就有點失望，酒糟味道很淡，沒有酒香， 而且丸子過於黏腍，彈牙口感欠奉，加上甜度過高。店舖位於繁忙的沙咀道，人羣熙來攘往。但身處於夏麵館內，除了能為你帶來美味食物之餘，也能為你帶來一份恬靜的舒適，這裡樓底高挑，半落地玻璃，天然光輕輕灑落，空間明亮寬敞，坐在這樣的環境下用餐，食物味道自然會變得更加好。

店舖11:30pm關門,10pm坐底,10:30pm last order,其實都差不多食完,此時單都巳經埋完,飲埋杯茶已經可以走,但係不停有不同侍應埋枱收野,想飲多啖茶講多一句說話都唔得,好似好阻佢收工,還有幾枱客,不過各人只顧做收舖嘅工作,茶都冇人加水,離開時只是10:40pm,絶無下次食物方面叫左幾樣,冇樣好食,冇推介醉雞~D肉勁梅上海粗炒~油淋淋,有色冇味道酸辣湯~足料不過個獻好杰