夏捌月 (已結業)

今天行過望吓午餐餐牌，連埋加一都覺得幾平就走入去試下。單看價錢牌除左西冷扒，牛柳之類五六十蚊，其餘都係五十蚊樓下，非常平民價錢，唔怪得好多學生，附近做野，連地盤佬都見到入黎食。小弟點左西冷扒午餐五成熟，加3蚊要凍奶茶。估唔到係玻璃樽上既凍奶茶，冇冰同時好夠喉。羅宋湯就非常驚喜，有兩大舊牛肉比我，平時出面啲餐廳都係多多菜加啲啲肉碎，而且呢間既羅宋湯好有番茄既酸勁，證明有落足料。一片蒜蓉包都好香口脆卜卜仲真係有蒜粒。五成西冷扒可以話冇咩可以挑剔，冇根，易咬，唔會食到起渣。埋單加埋一都先67蚊，老實講比80蚊我都食!

同友人去完南生圍影相，落翻元朗食野，見到鋪頭裝飾好型格，望下個餐牌先發現係食西餐，價錢親民價，就梗係試一試。白湯-周打魚湯，好重鮮魚味，見佢好足料，有四五件小魚肉(應該係鱈魚），好滋味。再配塊香脆蒜蓉包羅宋湯都好有料，大大舊豬肉同埋湯好濃郁，唔會話似藥水咁稀。主菜分面-鱈魚皮煎得好香脆，淋啲忌廉汁，每啖都好Creamy feel，另外綠色個醬係沾鮑魚吃的，鮑魚好彈牙。豬手就揀咗配薯菜，佢啲薯格不得了，一啲都唔油，好脆口，重點佢係真材實料的薯仔切成，睇到少少薯仔皮就知。豬手份量我自己一個就食唔晒，要同友人開心share啦。豬手肉質嫩滑，啲皮勁脆，配埋個蜜糖芥末，會無咁鹹，最貼心係佢切好晒一舊舊。最后叫左佢店既招牌樽裝凍奶茶，非常香滑，偏向重奶味。待應服務太態好好，仲會周不時refill water。

之前喺朗屏食過一次，覺得佢係一間幾有heart 的餐廳；現在喺教育路開新店，當然要試吓!場內裝修簡潔今次叫咗個二人套餐頭盤：焗蟹膏麵豉釀蟹蓋：材料豐富，啖啖蟹肉/洋蔥/醬汁,鍾意食蟹的朋友絶對不能錯過。餐湯有酥皮雜菜湯和忌廉湯2款選擇，酥皮充滿牛油香外，材料亦好豐富，真材實料，絶不欺場。肉眼扒配薯菜，肉眼扒七成熟，但好似過熟了，有點韌。蟹肉蟹膏意粉：意粉中鋪滿蟹肉蟹膏，Sauce 好creamy, 仲帶有香濃的芝士味，意粉軟硬適中。

之前食過富來花園果邊果間，今次見到教育路開一間，地點仲方便，梗係叫埋阿爸阿媽去試試。環境同第一店一樣，裝修以Marvel 主角為主望望餐牌當然要點我至愛蟹膏蟹肉意粉啦～餐湯 -忌廉粟米湯，夠creamy 配脆脆的蒜蓉包一流蟹膏蟹肉意粉 - 無令我失望，重重既蟹膏沾滿每條意粉，面上仲有炸香既蟹肉。我地share 食就岩岩好!元貝黑松露什菌意大利飯 - 帶子夠大粒，亦好鮮甜，黑松露香氣撲鼻，飯硬度唔會太淋，岩我口味。牛魔 - 爸爸好少讚食物，但呢碟爸爸都話正，牛扒叫7成，出黎岩岩好，中間粉紅色，份量亦夠多。配菜薯格非常脆~爸爸話之後自己都仲有黎食其他牛扒餐，都係讚既~餐飲 - 有樽裝餐飲，凍既，不過我地無叫到~熱飲暖暖身好啲

得知夏捌月於元朗開了新分店，這夜就與家人前去一試. 餐廳的裝潢與總店沒大分別，牆上掛上特色電影人物掛畫，配以柔和燈光，感覺舒適. 餐枱數目比總店多一些，不過座位偏窄，如果椅下可放置置物籃就好得多了. 晚市套餐有意粉、意大利飯、扒類等，多達二十款，扒類更奉送餐湯、蒜蓉包& 熱飲，相當豐富~ 雜菜湯 餐湯可選紅/ 白湯或是日精選的南瓜湯. 雜菜湯熱度足夠，內裡有大量蔬菜，相當足料、酸甜開胃. 蒜香焗法包 蒜蓉包都焗得很香脆，用來送湯就最合適. 真。香煎銀鱈魚扒拼鮑魚配忌廉汁 ($168) 銀鱈魚扒有2大塊，外皮煎得金黃香脆，內裡魚肉相當嫩滑且有豐富的魚油，非常美味; 配上一小隻鮑魚更感覺矜貴. 至於意粉都相當有嚼勁. 伴碟的西蘭花都仍然翠綠. 喜歡吃魚的朋友不妨一試呢! 德國咸豬手配蜜糖芥末汁 ($158) 下單時要求咸豬手切碎上，方便我們享用. 咸豬手外皮香脆無比，不過肉質有點乾硬，不及總店弄得好. 不過沾上芥末汁就好一點. 伴碟的薯格份量極多，喜歡吃炸物的我很滿足~ 樽裝奶茶/ 朱古力 (凍飲加$3) 用樽裝的自家製飲品幾有特色，奶茶頗香滑，甜度

原本諗住食永年點知條隊排到去長生店度，咁就漫無目的周圍行，見到有間餐廳叫夏捌月就入去試試啦！一間普通既餐廳D員工都幾殷勤有禮貌，坐底後即奉上menu。好快睇完後就叫咗一客紐西蘭西冷牛扒同牛柳絲意粉，餐湯一個磨菇忌廉湯加個羅宋湯。湯就同一般餐廳差唔多但個蒜蓉餐包真係值得一讚，包好脆好香。飲湯後主菜就上，個意粉都幾濃味，唔乾身。另外個西冷都唔錯，但我叫3成熟但我就覺得熟咗D喇，咁個洋蔥汁都幾香嘅。兩位埋單$120~普通食個lunch，咁嘅價錢有咁質素真係值得推介。

路過發現夏捌月開了分店到教育路了,十分懷念上次在舊舖食過的火熖排骨,真係好野味,小小酸酸地,原條排骨非常入味,越食越開謂,如果可以加杯啤酒就完美了朋友點了個極級牛扒,7成熟,肉汁豐富,嫩滑,加薯菜,份量算大,薯塊炸得好脆口食得好飽,講返餐湯,羅宋湯偏酸,我最喜歡,配蒜容法包,餐飲凍檸茶大大杯,够晒餐蝶好得意,全部用動物係列,用佢地黎食飯特别開心,可能店主好鍾意小動物地段十分方便,座位不算闊,但算舒適

昨晚因事跟朋友由銅鑼灣轉陣地到元朗晚餐，友人推薦了這間名為「夏捌月」的西餐廳，到達時看到店面小小卻全場爆滿，一開始已有點期待～朋友是這裡的老顧客，所以我們也沒有再特別去想吃什麼，由她來發板就好第一道上桌的是這裡的招牌菜「蟹膏蟹肉意粉」，一放在桌面上時已香味四溢，蟹味非常濃郁，吃下去時也是滿口的蟹味，喜歡吃蟹的朋友必試邊吃邊想着下次要帶媽媽來嚐嚐然後再來是「德國咸豬手」，在德國回來的我對這個是挺有要求的～ 這道菜在水準之中，肉質頗嫩，聽說也是店家的招牌主菜，難怪差不多每枱都有一客，果真做的不錯另外為了飲食均衡，始終要點些蔬菜來調劑一下，我們就選了「芝士焗西蘭花」。本以為是最簡單最穩陣的一道，可惜西蘭花完全沒味道，芝士跟西蘭花就像兩個搭枱的人零交流。牡丹雖好也需綠葉扶持，這樣的簡單配菜卻讓人有做得不用心的感覺是這一餐的敗筆。店主在餐具上也頗有心思的，如果把配菜也用心做，就真的能做到誠意滿分的小店了。總括而言，我還是推介這家餐廳的～ 值得幫襯

偶然間經過呢間新開食扒嘅餐廳🐮早聽聞朗屏總鋪但一直未有機會食、今日路過新鋪不太多人就去試下,一間小店座位不多但環境舒適可能係平日不太多人、服裝尚算ok但部份waitress 不太積極招呼有待改善，是日叫咗個西冷牛扒、炸薯條、蟹肉意炒都係餐廳推介：炸薯條配上自家制醬料才是主角🤤🤤🤤🤤🤤牛扒7成熟剛剛好鮮嫩多汁配送蘿宋湯🥕🍅🥓非常足料！蟹肉意粉蟹肉豐富絕不欺場🦀🦀埋單3百多以食物質素來講絕對優勢

行完千色，見嘉誠廣場斜對面新開左間西餐，平日約8點一度滿座，需等位，好奇之下試下先。餐廳以簡約工業風為主，四周掛上不少卡通掛畫，予人舒適既感覺。套餐有熱飲、湯及蒜香法包，都算抵食！不過我就加左$18 upgrade超愛既酥皮湯啦原個酥皮脹卜卜蓋曬成個碗，即叫即焗熱辣辣咁保留內裡忌廉湯既熱度，有少量洋蔥、蘑菇、煙肉火腿，配料充足！用小鐵罐裝住既蒜香法包，好香蒜蓉味，好似多士咁脆！10安士既紐西蘭牛柳超厚，啖啖肉，揀左七成熟，煎得剛好，勁多薯格食到反肚！鵝肝黑松露雜菌risotto好香黑松露味，逐少將肥美既鵝肝加入飯中一齊食，好美味！為左減卻油膩感，仲夾雜左少許紅黃綠椒粒、洋蔥及蘑菇粒等配料另外，唔知係咪心理因素呢，總係覺得用樽裝裝住既朱古力同奶茶係特別滑溜既

《夏捌月》 教育路分店🔹蟹肉蟹膏飯 $108🔹蟹肉蟹膏意粉 $98🔹牛魔 （西冷拼牛柳）$148🔹松露醬粗薯條 $58-🔺蟹肉份量算多 蟹膏味好濃好香 配飯會好味好多✔️ 配意粉太乾✖️🔻牛魔 西冷都ok夠嫩 牛柳5成熟都咬唔到🔻薯條炸唔透 偏粉較淋身 松露醬太少-整體一般 好似本店質素係好d 分店試過兩次非繁忙時間質素都麻麻吹捧得太勁 雖然蟹肉蟹膏飯係唔錯嘅-byT: 7.5/10instagram: 90sfoodieshare

元朗的夏捌月到晚餐時間就經常要等位，今天到千式逛街後走回家竟然看到他在對面街。本以為看錯了，原來是開了分店。時間剛六點半，沒有人等位我和媽媽就馬上入座了。這家裝修走型格路線，坐位也不算多，但每張枱都挺大的坐下休息一會慢慢看餐牌，人不多，放慢腳步看看西周，半暗的燈光令人放鬆。牆身掛滿了動畫掛畫店員都很禮貌幫忙介紹菜式聽過這裡豬手有名氣，馬上點一份。另外點了一份 真。 鱈魚扒，看名字感覺很吸引餐湯和蒜蓉包湯料有豐富的磨姑，火腿。另有羅宋湯選擇。鱈魚扒先上，有兩塊魚扒呢。魚肉很滑，我喜歡配沙律醬吃，很鮮甜。再配上鮑魚，套餐立即感覺升級。點餐時餐廳解釋說豬手即燒制作需時。大概等了15分鐘。上菜時，感覺等得值得的好大塊，肉感豐富。外皮燒得似薯片一樣超脆，裹面還可以見到肉質仍保持嫩滑。芥末汁減少了豬手的油膩感。師父真的很用心來燒制作這茶式。所以我們也吃光光，這份量其實夠3個人吃又是滿足的一餐

聞說夏捌月喺教育路開咗分店，所以今日就老公去新店曰開餐😋新店喺嘉城廣場對面都好易搵餐廳裝修同舊店都好似，但新店位置較多，都有十幾張檯套餐價錢都係百幾蚊一個晚餐，唔貴呀👍🏻加錢升級將餐湯轉做酥皮湯即叫即焗，上檯時個酥皮超級脆美國特級牛肉眼（12安士），$238超抵食，塊扒勁大塊，仲要有牛味十分juice，有肉汁😋銀鱈魚扒拼鮑魚，$168呢個深綠色既汁原來係用鮑魚肝整出黎，有d似鵝肝醬既味道😜銀鱈魚煎得剛剛好，魚肉好滑👍🏻最尾緊係要飲呢枝特式奶茶啦，滑嘟嘟

今日去試吃午餐,這間餐㕔名字好特别Summer August夏捌月西餐㕔。我看了餐牌了七成熟纽西蘭鑊仔牛柳薯菜餐($64)，首先到洋䓤餐包、忌廉磨菇湯和熱朱古力,洋葱包微暖很軟有些洋䓤味,忌廉湯真才實料有少許栗米、煙肉磨菇,湯煮好濃味,不稀。餐飮平時多數最後出單。等了十分鐘主餐來纽西蘭牛柳,牛柳好易切配燒汁很好和開胃呢!薯條炸得鬆翠。不過2棵西蘭花太少。這個午餐很開胃和滿足。

今日同老公及2個朋友去元朗食晩飯，去教育路夏捌月既新分店食，大約晩上7點，舖入面已人頭湧湧，好在友人預先等位，我唔使等入到去，分店比總店大三分一，寛敞好多～侍應禮貌地遞上餐牌～老公order左德國咸豬手配蜜糖芥末汁，而我和友人就order左銀雪魚扒鮑魚配忌廉汁。另一友人order左美國特級牛肉眼扒～等左大約10分鐘，酥皮忌廉湯及蒜蓉包就上枱，湯上面嘅酥皮好脆，而忌廉湯入面有煙肉、粟米，十分足料。等左大約20分鐘，德國鹹豬手上枱，隻鹹豬手好大隻又脆卜卜，因為太大隻，侍應好貼心咁問我地洗唔洗要廚房幫我地切開，我哋當然話好，切完後，大家都試左一啖，大家都覺得水準同總店一樣高，外皮夠脆，入面肉唔乾銀雪魚扒鮑魚配忌廉汁，碟入邊有一小疊綠色嘅醬汁，係用鮑魚肝醬整嘅，侍應話用黎點鮑魚好好食我試點嚟食，汁好鮮味 而銀雪魚亦有魚油流出來，魚煎完都好滑，冇魚腥味及雪藏味，非常好食仲有一亮點，餐飲既凍奶茶，奶茶原樽冇冰，原汁原味，我覺得仲好飲過茶餐廳奶茶