夏娃 (已結業)

We found this newly opened restaurant in North Point and decided to have a try on it! It’s really surprised me as we tried out 3 dishes in total. One of the slow cooked beef was really really nice! The medium of the beef was tasted very very good! Apart from the food that we ate. The staff service is good. Since there’s too many choices of the food, and the would recommend the best sell one to us! And as a result, it is not disappointing!! I am definitely going to come and eat again!!!

放假咁岩經過北角附近就搵嘢食...因為《夏娃》呢個名咁特別，加上係西餐之中價錢算係合理嘅一餐所以就入去食。環境簡單，有點歐陸式風格餐牌亦有好多選擇最後選擇了汁煮鰻魚飯&慢煮牛扒8安士餐廳好體貼，鰻魚有半條選擇或者全條..最後我選擇了全條，因為太肚餓😂😂比起想像中冇咁*留..而且伴菜唔係求其白烚...而係用蒜蓉炒過另外牛扒好有牛味一啲都唔肥..唔會有肥膏係個口度纏住哂，而且佢個薯條係用蕃薯整，唔使用茄汁都好好食而且佢冇加好多鹽...完全同mc Donald 2回事！絕對不能忽略餐湯的部份，雖然係附餐送但好有心的一個湯完全不是求其既例湯。如果你單叫一份的話我建議你可以叫一個湯share飲都得因為真係好好飲😍😍😍總結這間餐廳的大廚對菜式很有心，每星期都更換餐牌一次而且從菜色中看到那份熱誠我會繼續幫襯😋

和富道多野食就係人知，不過帶得朋友／老細去食嘅西餐廳除左bellini之外，終於新進另一間！呢間小弟食過兩次，一次lunch - Ravioli，一次dinner - slow-cooked pork tenderloin，兩次都維持倒水準：由餐牌菜名、汁料、伴碟味道嘅配合，都可以睇出廚師對自己食物質素嘅執著。尤其想講係個炸蕃薯條，冇估錯應該係正宗將蕃薯（或平時嘅薯角）先烚後搖再炸黎做出外皮鬆化內裡綿滑嘅口感，不過如果再厚身D就好，可以更凸顯後者。見今日boxing day都咁冷清，忍唔住為佢抱不平。當年食bellini又係咁食下食下就越黎越多人，依家成日冇位。咁樣幫eve bistro賣廣告係有D矛盾，不過作為美食之都，呢間surely deserves a lot more attention!

臨近聖誕 同朋友聚餐又唔知去邊好見北角個頭開左間新西餐就試下點知都幾驚喜 價錢唔貴，比起其他同類型西餐既定價低，最抵食係movenpick兩球只係加25蚊！仲平過7仔買！另外整體食物質素都高而且夠份量！同朋友聚餐Share 食一流 嗌左湯,四個main 同雪糕埋單最後四個人食平均每人二百幾，如果出面食聖誕餐一定唔止！Highly recommend!

很凍的一晚 一入店店員已經問凍唔凍 需唔需要暖風機 隨即遞上熱水 服務非常周到。叫左護心扒 ，西餐廳比較罕見，醬汁幾特別，而且好惹味而且份頗大，建議可share一齊食。另外叫咗羊鞍，肉質非常淋，另外值得一提薯蓉亦很有心思，加左黑松露，絕對唔馬虎，看得出廚師很有心思。個人比較喜歡羊鞍多啲，值得讚揚是這間餐廳在菜式上的確花了很多心思，很有誠意。

同朋友係北角放工搵野食，行過新餐廳夏娃見menu 吸引價錢又唔貴，就走左入去試。一打開menu 小食同main都好多選擇！！美國頂級護心牛排吸引左我眼球，因為未食過而且又唔太貴，一於決定左要護心牛排，溫泉蛋Parma ham salad,一個小食 三文魚多士真係有驚喜！護心肉牛排超級好食！！肉煎4成，好嫩滑，係口到好快就融解左，廚師既祕製醬汁好味，同牛扒好夾，加哂分！牛扒可再配蕃薯薯條或黑松露薯蓉。覺得黑松露薯蓉幾吸引又嗌左試下。又真係好好食！首先佢薯蓉煮得好淋好滑，又有淡淡既黑松露味道，唔會搶左牛扒醬汁既味。我食完不停比仲有要讚既係，佢地啲碟係熱既，令我食緊牛都唔怕食到最後啲肉會變凍同變韌另外，沙律配溫泉蛋都係第一次見🤣唔錯喎，不過黑醋醬汁加多啲會令沙律味好啲。最後，就係小食三文魚多士，本身以為好普通，食落去佢個醬係甜得黎帶少少wasabi，加上好多明太子，surprise 左我😍😍😍估唔到隨便揀幾樣都比我咁多驚喜，要帶多啲朋友去試佢其他菜式呀😍😍😍

前兩日約左個朋友去北角傾野，夜晚搵野食，見到呢間叫夏娃既餐廳，個名幾特別，入面無乜人，有 D 淆底，望望餐牌，好吸引，忍唔住入去試下，有驚喜! 我朋友食左個羊鞍($198)，佢話好食! 配菜都OK，薯蓉好滑，重有黑松露，雜菜睇得出係炒過，唔係求其烚熟，擺盤都好靚仔。我食左個大蝦意粉($128)，哇! 兩隻巨型大蝦，遮住成碟意粉，蝦煎得好香，好彈牙，意粉個汁甜甜酸酸，有少少辣好開胃。呢間野好似係新開，食物質素的確唔錯，CP 值高! 呢間真係有質素，最慘係無乜生意，所以大家經過北角，不妨試下呢間新野，會有驚喜!

路過和富道，知道有新餐廳開張，店內人氣旺盛，加上肚餓，引發一試動機。款式多而未能揀選，於是邀請服務人員介紹，怎料主理厨師竟肯親身推薦，可見誠意可嘉。我們先嚐匈牙利燉牛肉湯加蒜蓉飽，味道香濃，牛味十足。前菜蒜蓉炒蘆荀有新鮮感覺，難得是厨師竟將部份較粗糙的蘆皮批走，加强鮮嫩口感；主菜兩款，德國燒豬小脾爽而不腻，配上私房調教的燒烤汁恰到好處。再加上香煎牛油帶子配意大利飯，簡直是神來之作，滋味在心。最後我自選了一杯檸檬樹沙冰作結，肚子終於大滿足。衷心感謝你們的細緻安排！

朋友話佢附近開左間新餐廳好似幾好，就拉埋幾個人一齊去試。入到去，餐廳設計雖然簡樸，但勝在空間夠闊落舒服Menu有5款main，較少，不過聽waitor講下個月就會有full menu d 名有d長不過就好清楚知道有咩材料，唔洗估估下。最後叫左個長通粉同肉眼扒個長通粉一未上台就聞到好香，見到隻溫泉蛋就好想篤爛佢 撈勻之後，每啖都食到充滿黑松露味既長通粉同好滑既蛋朋友就叫左個肉眼扒。可能係因為慢煮，所以個肉唔會“鞋”或者韌。而個汁有少少甜味好特别至於薯蓉，一般餐廳都係整普通薯蓉因為只係伴碟，但呢到係加左黑松露另外仲叫左個雞翼。燒得好香脆，最有驚喜係雞翼下面個沙律，好fresh好好味最後加左$10要甜品 雖然已經好飽，但係個甜品好特別。上面個柚子雪萉就好酸，下面個白朱古力mousse就好甜，但係兩樣一齊食就剛剛好，好夾！係出面食唔到最後食到好飽但夾埋大約每人$150有找性價比好高既餐廳！難得

餐廳位於北角寧靜細街 所以人流不多 但勝在安靜享受晚餐一共點左兩份晚餐 一份小食 兩杯飲品及甜品小食：法式鮮虎蝦多士虎蝦彈牙多士香脆 配合千島醬作為前菜一流主菜：帶子扒露荀野菌牛肝菌忌廉汁意大利飯意大利飯半生熟做法正宗 值得一讚唔似其他鋪頭貪快直接煮熟意大利米慢煮美國肉眼扒熟度剛剛好 7成熟左右 但個人較愛食5成熟 所以呢個對我黎講熟左啲牛扒表層微脆 內裏冧冧地口感好燒汁味道不錯 完全能夠襯托肉眼扒而且擺碟值得一讚甜品：白朱古力慕絲配柚子雪葩柚子雪葩甜而不膩 口感清新 配合甜甜既白朱古力慕味道好好 飲品：lemon tree 檸檬沙冰 酸酸地又帶點蜜糖甜味 非常醒胃解膩Mango Lassi芒果乳酸 酸酸甜甜適合唔想飲咖啡既人食物有驚喜 員工態度有禮餐牌仲會每月都換 神秘感十足 令我更加想一試再試呢間餐廳好值得一試

今晚專登去左北角新開的餐廳同朋友食飯.由地鐵站A1出口行過去其實唔係好遠,位置都易搵.餐廳環境好闊落,成個氣氛會令客人覺得好舒適. 個Menu好簡單清晰,但我望住佢揀左好耐,因為樣樣野都好吸引咁.尼個係今晚晚餐Menu個餐湯,飲落似係西蘭花湯.同另一位朋友都一樣叫左帶子扒露筍野菌忌廉汁意大利飯,擺盤真係好靚.粒帶子煎得好好食,個飯朋友話有D硬,但我又覺得岩岩好.另外一個朋友叫左個燒法式春雞繪紅椰菜蘋果燒汁繪雜菜.又係個擺盤真係好精緻,朋友想食,我都要問佢借黎影張相先.朋友勁讚個汁做得好好食,隻雞都燒得岩岩好. 除左正餐,都叫左兩個小食,不過基於本人太餓,唔記得左幫個蔬菜牛肉卷影相.上邊張圖的係雞翼配柚子沙沙醬蟹籽沙律.個醬好好食,就算D雞翼食哂,都會想繼續食個醬.食完之後我地3個都每人叫左杯野飲,一杯凍檸茶,一杯凍焦糖Latte,一杯Mango Lassi.欣賞餐廳係糖水另上,俾客人自己自由落,因為有時出去一D西餐食飯,好多時都係水吧整好哂,冇得揀鐘意幾甜落幾甜.總結: 環境好岩一班朋友去聚餐慶祝生日,價錢又唔係貴,但食物質素唔差. 所有食物擺盤都好有心機,全部都好精緻.侍應態度好好,

We saw this newly opened restaurant and decided to give it a go. We were definitely not disappointed.We went there for dinner, menu comes with dinner set, snacks, dessert and drinks. Dinner set includes soup or appetizer and main course. Prices were pretty reasonable with a dinner set just less than $200.We’ve ordered a snack to start with. The prawn on top was fragrant and fresh, tartine was crispy. However I couldn’t really taste the crab meat. I would still recommend it thoughThe soup of the