壽司郎 (麗新商業中心)

营业中

休息中

📍長沙灣-Sushiro 壽司郎🍣✨今日同大家分享foodie介應該最多人post嘅壽司郎🍣對比起其他foodie朋友仔 我真係冇佢哋咁勁可以每一期都追到最新promotion嘅壽司🥹🥹❤️所以就同大家分享我最常叫嘅幾碟壽司吧 🍣海膽軍艦個人覺得海膽軍艦好高性價比！雖然食落去唔會話同出邊比較貴嘅日本餐廳有得比 但係只係$2x!! 呢個價錢食到海膽仲想點？🤣🤣🍣🍳茶碗蒸每次食壽司郎都想食啲熱食 但係佢哋嘅湯真係搞唔掂 個人嚟講覺得好多味精同埋唔好飲🥲所以就會叫茶碗蒸！食落去好暖胃~ 入邊都好足料！🐟三文魚籽軍艦我完完全全係一個三文魚籽怪！雖然佢哋嗰間嘅三文魚籽嘅魚味唔算好重🐟🎣但係都有好處嘅起碼唔會腥！過下口癮都不錯！以上就總括左我每次去食壽司郎都會叫嘅三款食物！喺相入邊有提及，但係caption冇嘅 都係我覺得性價比偏低 又或者冇鮮味嘅食物 通常叫過一次就唔會再叫♪( ´θ｀)ノ🤍🩵 Btw: 💫特別推介大家朝頭早11:00去食！因為係可以walk-in!! 完全唔使等位✨👍🏻趁呢幾日打風 會po埋喺日本食嘅壽司郎！🥺❤️同大家做個對比！————📍長沙灣-Sushiro 壽司郎🍣✨ 地址:

一個月前就book咗8月食荔枝角壽司郎😂 撞啱第一日推出四週年創業祭，差唔多試晒所有款式，除咗牛之前食過麻麻地🤣大部分款式都係之前出過再comeback，只有兩款係初登場！🥢長鰭腩肉配蔥花吞拿魚 $12好抵食！腩肉部位無筋👍🏻 幾軟腍，加埋棉棉嘅蔥花吞拿魚，口感幾好又鮮味！試咗兩件質素都幾好食，必試！🥢龍蝦忌廉可樂餅 $22都幾好味！炸粉比較多油，入面嘅龍蝦味忌廉好creamy，龍蝦味就唔係好出啦😂 不過都係一件好食嘅炸物！下面係comeback款式～🥢生松葉蟹腳 $29好耐無食！幾鮮味嘅，都推薦食吓，但唔係必試！🥢炙燒三文魚腹 $12無咩特別，同價錢食吞拿魚嗰款抵啲又好食啲！🥢特大熟帆立貝 $17帆立貝都算幾大粒，一碟兩件，可以試吓～🥢特製軟殼蟹卷 $22好食！有蘋果片幾fresh，有quota可以試吓～🥢濃厚海膽拌麵 $32好食！有少少海膽，醬都足夠！甜品時間～🥄奶茶味卡達拉娜 $22感覺無原味咁甜，限定味都要試吓嘅😂🥄白桃味芭菲 $32必食！白桃味係咁多款芭菲中最好食嘅～ 雖然對我嚟講都係甜咗少少，但都好食🤣 整體嚟講，今次創業祭嘅款式無咩特別，最驚喜係長鰭腩肉配蔥花吞拿魚！抵食

今日天氣熱辣辣，和家人嚟咗食壽司郎。今次已經係第二次嚟呢間分店，因為夠曬平靚正。我哋三個人連加一都唔駛$300就落得樓，比起去飲茶真係非常實惠。當然老人家始終係鍾意慢慢嘆吓茶，坐返粒幾兩粒鐘咁先夠皮啦！但當你趕時間，強烈建議大家可以嚟食返個光速餐我哋用apps一早預約咗，等咗5分鐘有枱就入得。職員安排我哋坐低之後，就急不及待捧起部ipad就落單啦！每次只可以點四碟，點知真係極速地輸送上食物來。我哋又食得好快，一件一件咁KO掉。結果大約半個鐘就已食飽飽啦！講返食物質素，性價比確實係高😁如果唔係都唔會長期有咁多人喺門口等位啦😆呢個價錢絕對係超值，元X嗰啲起碼要過$300以上。我已冇幫襯元X好多年喇😆另外，SUSHIRO經常會有期間限定items, 啱曬我呢啲鍾意試新嘢嘅人啦。今日最正嘅係$12/2嘅藍鰭吞拿大切，肉質新鮮味美，我哋三個人總共encore 咗幾轉😆赤蝦好大隻兼且爽口彈牙，絕對令人欲罷不能😋😋🤤我哋大戰咗半粒鐘，總共14隻紅碟（$12@）、3隻銀碟（$17@）同埋2隻金碟（$22@），滿足地捧住個肚仔，踏上另一征途了✈️

今次經手機App 預先預約，只等了20分鐘左右便可開餐🤤。用App可預約1個月左右的booking，據觀察荔枝角店6:00-6:30pm會較容易成功預約。二訪荔枝角店，又試不少較貴價的款式，例如今月新推甜品 — 桃🍑芭菲，面上的白色是桃味雪芭，雪糕中層還夾有蛋糕，蛋糕部分濕潤，將三者混合，味道清新。另一本月推薦是辣蔥蝦壽司（已忘記正名🤣呢個係我改嘅新名嚟），如爆炸頭的蔥非常搶眼，決定一試，味道不錯…但實在不覺得辣，辣味大概是逃走了🤣雖然並非新款，但鰻魚壽司依舊很好吃🤤現在很多都不是以前常吃的那種鰻魚了…但這是舊時的味道！

當日大概6:00pm左右到舖頭攞飛，7:15pm左右已成功入座👍🏽前面等左超過30張飛，壽司郎嘅風潮睇嚟仲繼續緊！壽司郎作為一間壽司店，最令人印象深刻嘅當然係…甜品🤣卡達拉娜返左嚟，仲係增量裝。依然係表層脆下層軟，好好味😋芭菲亦係咁好食，朱古力醬、雪糕、脆脆，層次分明🤣👍🏽仲有呢個蘋果型嘅雪芭，果汁味濃…雖然佢個樣唔係好睇得出係咩🤣🤣但可能實在太專注係食甜品上，加上繁忙時間只有90分鐘時間食，雖然有試過新款，但對大部分食過嘅壽司都無咩印象，只可以話水準正常？

壽司郎每一期都有唔同壽司款式嘅主題，唔同主題都有唔同壽司嘅風味，壽司質量新鮮，味道10分唔錯，仲有不同嘅炸物，同埋甜品，每次去到都會食到好飽咁出返嚟，價錢亦都平民

壽司郎是一家值得推薦的壽司連鎖店，其長沙灣分店的壽司選擇豐富，而且新鮮美味。我在早上到店時，已經有十多個人在排隊等候，但是服務員待人親切，讓人感到很舒適。雖然需要等待約30分鐘，但是當日店滿座，這也是可以理解的。當我品嚐到壽司時，我對他們的新鮮程度和口感印象深刻。三文魚刺身非常新鮮，入口即化，讓人回味無窮。壽司的選擇也很多，吞拿魚的選擇尤其豐富，可以滿足不同人的口味需求。此外，他們的壽司也沒有添加太多醬料，保留了原味，讓人能夠真正品味到食材的風味。總的來說，壽司郎的壽司質量非常優秀，服務也很好。唯一需要改進的是等候時間，但是這也是因為店內客人眾多所致。如果他們能夠增加座位，改善空間問題，讓客人能夠更舒適地用餐，那麼這家壽司店就會更加完美了。我會再來這裡用餐的。

我最近去了壽司郎餐廳，試了他們的壽司。整個用餐體驗非常美妙！壽司的口感很鮮美細膩，色澤鮮亮，每一口都令人愉悅。他們的銀鱈魚腩壽司是我的最愛，特別是如果加上一點醋醬油和芥末，味道更加美味。餐廳的環境也很舒適，現代化的裝潢讓人感到很放鬆。服務員也很熱情且專業，能耐心地解答客人的問題。總而言之，壽司郎是一家高品質的餐廳，非常值得一試！

Have heard of this famous dessert from Sushiro for soooo long and we can’t believe that it tasted THAT GOOD! it’s a piece of rectangular dessert It looks like cheesecake The top is brûléed with crispy caramel And the main body is a chilled piece of cake/custard/ ice cream texture Oh my goodness it tasted divine Everyone should try this dessert out if they made it to Sushiro (yes it’s still a long queue and the fad didn’t fade yet) My sister even wanted one extra piece for takeaway!

自從壽司郎喺樓下商場開咗之後，基本上每個月都會食一次，試下當月新品，又可以儲下印花換小禮物。前排試咗4月嘅新品，覺得比起之前嘅新品稍為遜色，特別係甜品，無咩驚喜，味道只係一般。今個月推出嘅三貫盛都幾抵，香蔥三味最惹味！魷魚🦑一般啦，無咩特別。周打蜆肉湯麵幾好食，本身鍾意呢類湯底。最鍾意嘅壽司都係燒鱈魚子配忌廉芝士，鹹香嘅魚子遇上軟滑忌廉芝士🧀️，好好食！每次都會叫！今次兩款新甜品都試咗，鍾意布甸多啲，口感比較厚實，唔係好滑嗰種。脆皮朱古力香蕉雪糕蛋糕比較甜，我就一般啦。4月新品唔算好出色，期待5月新品😆

上星期六好想食壽司🍣，大約六點去到新都會廣場壽司郎，到門口先至知道停止攞飛，令我非常失望，今次揀左荔枝角店，特登早D五點左右到，等左大約過半鐘。四月期間限定壽司郎人氣三味原隻日本產帆立貝、赤蝦、大切三文魚，有我至愛食既帆立貝壽司，大隻又鮮甜真烏賊三味魷魚🦑，真烏賊、真烏贼鰭，非常有嚼口。貝三味北寄貝、 赤貝、海螺片，正常味道！軍艦三味蒽花吞拿魚、飛魚子、甜蝦🍤，味道一如既住。醬燒鰈魚鰭邊、壽喜燒牛排炙燒過魚鰭油脂強勁，入口融化，牛排都一樣，牛味重可惜好嚡。白子冇味道，下次不會揀仲有揀咗呢幾款，整體而言，平靚正

係壽司郎退步咗定係我期望太高🤭 定係因為等咗一個鐘覺得要拎返相應嘅質素🤔️ 定係我叫嘅嘢好多地方都有得食🙈 卡達拉娜同蟹柳天㷌羅係我嚟到必嗌嘅🧐 其他好似都係咁佢雖然有啲通常你去Omakase先食到嘅嘢，好似鱈魚白子軍艦、北海道漬鯡魚卵軍艦、金目鯛天婦羅，但如果第一次係選擇係到食嘅人，我都相信會有啲抗拒🫠 佢唔係唔好食，但係唔稱得上好食🧐 同埋壽司郎人氣三味嗰賣相都有啲醜😅 希望再下次我嚟嘅時候會有改善🙃

今日又去長沙灣壽司郎，5點半左右拎飛排左大概1個鐘15分入坐見到牆上有4月新品叫左幾款黎試♥️軍艦三貫 $17有吞拿魚蓉、烏魚子、甜蝦呢三款都食過 咁樣配搭感覺性價比高，因為一次可以食到3個唔同嘅味道真烏賊三味 $17有三款魷魚，不過除咗白色個舊，其餘兩舊薑味比較重香蔥三味 $22有三文魚腩、赤蝦、魷魚香蔥加左啲沙律醬係面夾埋黎食，好味道呀！呢個又係性價比高之選👍🏻周打蜆湯拉麵見到賣相，感覺係有心思有啲好香口嘅菇，加上湯底好濃郁，仲有小小香草碎增加左個香味，同個湯好夾，又係推介之選呀！！希望可以長註餐牌入面焦糖布甸🍮焦糖布甸驚喜較少，布甸質感唔夠滑身正常味道，始終都係原味娜娜最好其餘食嘅蝦正三味一如既往嘅好 鮟鱇魚乾份量性價比高，完全滿足到鮟鱇魚乾愛好者滿滿沙律醬蟹柳壽司$12特大吞拿魚腩油脂分泌得好，入口就溶芝士三文魚同薯條都係我必點之選總結：長沙灣壽司郎係keep到水凖

又係壽司郎，餐廳已經食過好多轉，但係唯獨未試過長沙灣呢間。長沙灣壽司郎下午時段都係要等位的，中午放飯時間超級多人，然後等到差唔多晏晝一點幾至兩點就開始小人，建議唔趕時間嘅人可以下午茶去壽司水準同其他分店差唔多，可能呢間比較多人，轉頭比較快，食落嘅魚生都覺得比較新鮮。服務員都係後生女比較多，好似全個樓面都冇男人🤣服務一如既往日本質素，平價迴轉壽司不過不失👌🏻如果要計性價比嘅話我覺得都值得排隊過嚟試一試

下午茶時間經過壽司郎，竟然唔使排隊就入到，雖然唔係好肚餓，不過我就唔放過個機會🤣衝左入去食幾件壽司🍣 呢間壽司嘅質素都唔錯，最緊要係可以食個甜品，最好味係抹茶芭菲