壽司郎 (佐敦薈)

营业中

休息中

又係去食 壽司郎 期間限定menu 嘅時間喇～ 今次主題「北海道 x 三陸」，海鮮為主。主角就一定係 特大帆立貝 喇，真係好大， 好鮮甜，$27 真係無得輸另一個必食就梗係白老牛，話係「北海道第一和牛」嘅黑毛和牛，上枱同佢張相都相差頗遠，牛味都幾濃，肉質有啲啲榎 但影響不大， 都正～跟住呢個問題就大喇， 北海道海螺， 應該係我喺壽司郎食過最差嘅野，咬落去係硬嘅 壽司郎 炸物一向穩陣， 炸公魚都唔例外， 視乎你嘅口味， 我就覺得加啲鹽 好食啲，有啲 fish’n’chips 嘅感覺日本產炙燒八爪魚 係另一樣 唔係幾好食， 感覺上唔覺得佢有炙過，食落亦都好韌 最後兩款， 就係 炙燒喜之次 同 沙甸魚， 喜之次本身都係比較高質嘅食材， 炙過多左香味都幾好食， 沙甸魚反而有驚喜，$12 無投訴啦。甜品食埋佢個原味 卡達拉娜， 見到佢仲有上次限定嘅卡樂B 聯乘卡達拉娜， 叫埋嚟比較下 兩個嘅味道都分別好大， 原味焦糖味濃好多， 芝士味似紐約芝士蛋糕， 卡樂B 味甜啲， 比較就覺得佢個薯味幾明顯期待下次 又有咩限定食下～。希望下次少啲伏

無論排多久的隊都認為值得的壽司郎每次去壽司郎都一定會排隊！但無論排多久都心甘情願！因為真的很好吃又划算Tips ：可以下載壽司郎的人 App，觀察現在的取票情況；要是不打算出去逛逛，在店鋪内等等待的話，就提前準備好充電寶 推薦：必吃吞拿魚壽司厚厚的吞拿魚肉！香味滿滿地填滿口腔蝦三味每次也是必吃的一款，有甜蝦、赤蝦和熟蝦，肉感豐富！三文魚壽司很新鮮很甜美。甜品也是特別的讚👍🏻 很喜歡吃他們家的芝士蛋糕 🫣

都經常聽人講，佐敦店係比較好食嘅分店！於是就去左試，整體來講都係不錯，但款色好似比黃埔店少dd！左口魚裙邊一定係我最愛，魚嘅油脂係令人百吃不厭！不過我會抽走紫蘇葉先食😜中拖嘅油脂感同肉嘅質感比較平衡！比大拖好🤪呢個蝦手卷不錯，蝦好粗身、結實，炸粉唔會好厚，配合飯同配料，口感豐富！🍤天婦羅冇得輸，唔會好油，皮薄又脆，用料感覺新鮮！😼螢光魷魚好咸，不建議！牛/魚籽果兩款都普通！甜蝦軍艦好正！呢款新魚幾好食，肉質結實，有少少油脂，幾香魚味🤌🏻汁燒鰻魚中規中矩啦，厚身口感不錯！🫶🏻布甸一般，啡係底，要插到底先可以同布甸一齊食到，布甸奶味唔出。✊🏻呢個好好食，蜜糖嘅甜混合牛油嘅咸，幾有趣！試左網紅食法，都係建議正正經經食番個雪糕🙊就咁，bye！

壽司朗一直都係人龍店，間間分店平時閒閒地都要等個幾兩個鐘🥹 今次好好彩可以係app成功book到位🤩 係門口等咗一陣就入得lu🥳🐟特盛蔥花吞拿魚軍艦 $12比平時有更加多吞拿魚蓉，更加滿足。🦐特大虎蝦天婦羅卷$27每一舊都好足料，差啲唔可以一啖放落口😳✨日本產原隻帆立貝$22超級鮮甜，大滿足😋 不過不夠之前黑碟大隻，懷念黑碟🫡🐟炙燒羅勒三文魚$12配合得好好，但上面嘅醬汁會令到整體比較濟，唔可以食太多件。🐟三文魚腩 （二貫）$12正常嘅三文魚，不覺得特別肥美。✨🐟醬烤鰈魚鰭邊$12上面微微烤過，令油脂感更突出，滿滿的油香🤤✨🦐香蔥赤蝦$12係赤蝦上面配上沙律醬和炸香嘅蔥，十分香口嘅配搭。🦐鮮蝦天婦羅$12天婦羅蝦炸得干身，正常抵食之選🤣🦐蝦三味$17超級抵食，一碟滿足三個願望🌟🦑魷魚$12中規中矩，但稍微較韌。🐙芥末章魚軍艦$12芥辣味十足。🐟鰈魚鰭邊$12缺乏咗醬烤嘅油香感，比較推介醬烤。🐟炙燒芝士三文魚$12上面嘅沙律醬同芝士會較heavy。✨🐟極上厚切長鰭大吞拿魚腩$12超級肥美，$12食大吞拿魚腩係無可挑剔（雖然都有少少筋）🐟炙燒三文魚腹$12正常水準。✨🐥炸雞軟骨$17即叫即

唔經唔覺原來壽司郎係香港開咗3年,  今次"三週年創業祭"就帶返D受歡迎嘅限定品一再回味下面呢5個係必食推薦千葉縣產金目鯛 - PRIDE FISH出品, 肉質彈牙, 油脂豐富, 炙香後突顯魚油甘香雪花和牛雙味 - 平時生牛肉都唔止呢個價錢, 抵食之選Calbee x 卡達拉娜 - 超有玩味嘅packing, 外層嘅脆焦糖, 牛油香氣加上蜂蜜嘅甜香,  本身卡達拉娜已經好軟滑, 複雜有層次蟹肉忌廉可樂餅 - 炸粉薄, 內裡creamy, 新鮮即炸就係皇道冷製茶碗蒸 - 已經係encore之選, 有驚喜, 面層啫喱係湯, 入面有蝦有帶子, 足料!!其餘唔錯, 大家睇相就決定係咪自己心水

呢間壽司郎啲壽司好大件足料，而且很新鮮製造。我哋叫咗下列既味道：🥑鮮蝦牛油果卷🍣炙燒三文魚腩🍣蘿蔔蓉炙燒三文魚腩🫙醬烤日本產帆立貝🍣三文魚腩🌸花之戀🐟極上鰻魚🐟炙燒油甘魚🐟鰈魚鰭邊🐟醬烤鰈魚鰭邊🦐赤蝦🦐炙燒赤蝦🦐炙燒芝士鮮蝦🐟炙燒特上海鰻全部都好味，不過無左口魚實在太可惜了。綠茶任湛既，豉油同wasabi 都優質。不過唔知係唔係大家講得太好食，食既時候就變得無想像中咁好食了。啲碟疊到好高，證明大家戰鬥力十足😋

朋友心血來潮話想食壽司郎， 咁岩要係佐敦剪頭髮就順便去拎飛。 6點半去拎飛， 估唔到最後都要等到差唔多9點先入到去。 真係好誇張， 就算開左咁多分店，佐敦果間好似都永遠最多人幫襯。講番食物先食左幾款壽司燒三文魚腩必點，正常水準好食芝士燒鰻魚好食，但口感差少少， 有d細骨， 食果陣要小心留意大拖羅好食， 但今次果件竟然食到有筋，扣分🥲仲有食左腐皮，帶子，三文魚牛油果都唔錯， 可以一試炸物淨係食左佢個忌廉可樂餅，好食， 一定要食。最驚喜反而係茶碗蒸， 懷疑係全店最好食， 好有蛋味， 又暖粒粒。一定要食。下次試埋佢d拉麵烏冬先。最後最後點左幾樣甜品綠茶蛋糕個蛋糕似係cheese cake咁， 唔似海綿蛋糕果種口感軟綿綿黑隻， 但d cream係好食， 比我要知人食哂oreo軟雪糕好耐冇食過oreo,同個軟雪糕好夾好正。卡樂b 卡達拉娜都唔差， 好似cheese cake咁。一食落口要覺得好似唔係甜品咁， 因為好似咸咸地唔甜， 之後先會食到好似好濃味既cheese cake咁， 都唔差， 可以一試。最後兩個人食左4百幾， 兩個人都飽到要由佐敦行去尖沙咀消化下再坐地鐵番屋企，大滿足

想試太耐了但實在太誇張唔敢挑戰呀係最近朋友仔話有D分店可以BOOK就試下呀第一次係比較CRAZY哈哈飽到攬住肚基本上全部野都滿意呀唔止SUSHI仲有熱食甜品大滿足呀覺得佢CP值好高EVEN 價錢唔貴但質素唔會好HEA而且SERVICE都OK一定會再來呀

又係去食壽司朗期間限定嘅時候喇，今次係慶祝佢地喺香港開左三年嘅「三週年創業祭」，即係大家都已經排左三年隊 🤭🤭🤭 今次主要就係一啲之前出嘅限定品再次回歸，但係係唔係你想佢回歸嘅 item 就見人見智喇我覺得全 set 第二正就係「金目鯛」，係來自千葉縣 Pride Fish 嘅金目鯛，鮮甜肥美，好食！其次就係 雪花和牛雙味，作為牛魔王呢個就唔會投訴喇，可惜嘅係距離「雪花」就的確係甚遠，不過以佢個價亦唔會要求太多 😉佢個蟹肉忌廉可樂餅可樂餅都係出色嘅，外面又薄 又脆，入面好夠 creamy 又熱辣辣，一食立即「思鄉」🥹最不得了，就係卡樂B聯乘嘅「蜂蜜牛油味卡達拉娜」，卡達拉娜 即係西班牙加泰羅尼亞嘅焦糖奶凍，聯乘左卡樂b蜂蜜牛油味薯片，成件事好出色，如果唔洗排隊我會再去就咁食呢個跟住走🤣🤣其他限定品，其實就只係不過不失，幾款都有「妹仔大過主人婆」嘅感覺，配料濃味過食材，又等下下次限定搞邊料先 😇😇

幾天前看到壽司郎將會在香港開設第一間居酒屋，才發現自己直到今天仍未試過已在香港有10多間分店的壽司郎。一向都沒什麼恆心去等待數小時為了吃一頓飯，但這次既然下定決心便決定在平日中午時段到佐敦店提早一點拿號碼票，怎麼也要試一下如此受歡迎的壽司店🙌🏼大概等了一個多小時(不用站着等，可以在一App上留意號碼)，店員終於叫到了我們的號碼，內心不由得有點興奮，大概這也是壽司郎的市場推廣策略吧😽 我們總共點了大約20多碟壽司、熟食和甜品，比較欣賞的有以下幾款：1️⃣ 特選大吞拿魚腩 $272️⃣ 吞拿魚蓉軍艦 $12 3️⃣ 炸蝦卷 $124️⃣ 醬燒日本帆立貝 $225️⃣ 卡達拉娜 $22 個人認為質量一般(下次不用再點🙈)的幾款：1️⃣ 極上鰻魚 $22 (帶有細骨，要吃得比較小心)2️⃣ 鮟鱇魚肝軍艦 $12 (味道正常，但感覺有點乾身)整體來說，我們都十分滿意食物和服務質素，甚至是排隊用餐的安排🤭 雖然用餐時間限時60分鐘，但食物可說是即點即到，所以也不會吃得太衝忙 👻 下次有時間一定會再來大吃大喝一番😋😋😋

後知後覺, 好遲先知佢有 期間限定 九州 x うなぎ (鰻魚),   諗住去試下 但係真係估佢唔到今時今日佢地已經開左十幾間,   都仲係排隊排到呢......   九州款式,  有啲已經賣晒,   剩返有嘅係兩款可能係因為大家比較小見嘅魚,  其中 最鍾意係 紅曈赤鯥 ,  有香味有口感,    油感又豐富,    另一款 鹿兒島產 間八 都唔錯,  比較鮮味,  都係絕對對得住個價. 但係個炸油甘魚鮫就係失望嘅,   完全唔覺佢係炸,   肉已經乾晒同都幾難夾.鰻魚方面有三味,     一碟三件三個唔同玩法,    蒲燒,  白燒以及山椒,   唔難想像山椒係會比較特別,    蒲燒就係大家由細食到大嘅味道啦,   所以都顯得白燒 特別啲.   另外有鰻魚肝軍艦,   本身味道唔係好濃,   個青瓜個味仲明顯,  變左有少少本末倒置... 食完限定品,   叫返啲大路野,   滿足下「 返鄉下」嘅心情,    跟住見到有人叫 茶碗蒸,  睇下 menu ,   話係「冷製」茶碗蒸,  叫嚟試下,   係冰凍喎,  幾得意, 入面仲有好多餸,  呢個有啲驚喜. 下一期睇下佢有咩期間限

啱啱開門嘅壽司郎，無乜人，靜啲啲，感覺舒服同埋自在咗。其實成日幫襯，邊款啱食只存喺記憶，嚟緊諗住試吓選擇性記低 🤭 當係參考。《特選大吞拿魚腩》🤔 今日唔得，定一向少腥？仲要唔肥美，可能我期望有差。《油甘魚天身》😋唔係腩嗰種口感，今次幾好食，少少油脂咁入口快溶。《蘿蔔蓉炙燒三文魚腩》😂今日嘅蘿蔔蓉有啲乾……《芝麻醬漬油甘魚》😌味道係唔錯嘅，雖然偏鹹，但壽司飯濕晒，有無辦法兩全其美。《炙燒羅勒三文魚》😋自從有次🐼喺屋企食過就難忘，重口味，like。《蝦三味》😋睇片話最抵食嘅選擇，而且鍾意食赤蝦，今日埋尾揀呢款。赤蝦似係啱啱ready，仲凍，鮮甜；甜蝦okay；熟蝦係combo咗一定要食。今日只係 12件，因為之後要返工，唔得咁飽 🤪

作為近年大熱嘅日式食店,當然我要去試一試壽司郎。今次等左半個鐘就有位,其實相對算快。今次我地兩個人嘅戰績係20碟食到好飽already)。咁主打嘅刺身壽司都唔錯,就咁睇表面嘅色水都好好。三文魚同甜蝦係我favourite,所以都try左幾碟。至於其他嘅野食,整體表現都唔錯,e.g. 手卷。甜品方面嘅質素幾好,try左oreo ice cream, 無令我失望,味道一流。Sushiro其中一個大賣點就係CP值高,所以今次埋單都係400內就ok。店舖入面嘅間隔算大,坐得舒服。所以,推介所有日式愛好嘅人come and try。

美味的壽司郎, 首先在價錢方面, 它是分了3個類別, 紅碟是$12, 銀色碟是$17, 金色碟是$22, 而黑色碟是最貴的$27。除了有迴轉壽司外, 還可以在平板電腦點餐, 非常方便。味道方面, 大多數的壽司都好吃及價錢合理, 特別是吞拿魚壽司, 只是銀色碟$17, 但級數是拍得住中拖。個人推薦吞拿魚壽司, 真鵰壽司。而且多數的期間限定類別就不太好吃。座位方面, 比一般迴轉壽司好, 有卡位或吧枱, 按人數分配座位。但用餐時間就只有60分鐘, 時間略嫌不足, 因為平板電腦每次只能點選4項食品, 較為費事, 如果能夠把用餐時間加至90分鐘就更好了。

已多次回顧，只分享最新嘗試。三文魚子軍艦 $17👍🏻魚子新鮮、粒粒飽滿，一啖食晒，鮮味四散。小柱海苔包三文魚籽 $12👍🏻小柱滑捋採，魚籽作用提鮮，筷子🥢要有技巧咁包住夾起，墨魚汁拌麵 $32👍🏻細細一碗可以留肚食壽司。原本墨魚汁冇也味，但佢有調過味幾好食，壽司郎啲麵條質素不嬲ok 。仲有炸墨魚圈圈，西蘭花熟透而保持翠綠。炸蝦天婦羅烏冬 $27🤏🏻天婦羅焗得耐眼見已經冧晒，不過整體味道都接受得到。鰻魚三味 $27🤙🏻浦燒、白燒、山椒三款都好味，魚肉綿滑細嫩，一定不會失望。白桃味芭菲 $32🤙🏻芭菲清甜，入口即融，相反雪糕個人覺得一般。🫶🏻我的最愛🤙🏻正到要encore👍🏻好味👌🏻正常發揮🤏🏻一般般👎🏻低水準