影片
每日返工必经之路，小店不会像大型连锁饼店很多人！虽然此店面包种类不算多，但每个面包都足料及抵食。小店在横巷附近一间店，一般人不会知道它的存在。满满大大个新鲜出炉面包，进入眼帘，超级香喷喷！毎天都促使我再光顾～今日买左2个面包.菠萝包$7及鸡尾包$7，现在普遍都是缩水又细件！此店真材实料，菠萝包松脆又美味。大大个热辣辣的菠萝包真的令人满足。鸡尾包又是我的最爱，入面超满椰蓉经过烤焗后松软又正料。还有白芝麻在面包上，立即更香口。
继续阅读
上网网友介绍呢间饼店，话好味兼价钱超值！今日特别去买来试下！去到只系一间好细嘅店，门口用雪柜栏住，无座位，因为去到都已经接近8点，净低嘅西饼唔多！连我想试嘅荔枝玉露都无了！想买一件西饼、一个布甸！雪柜后坐了个后生女店员，比较散漫，爱理不理咁！我落单后佢慢慢将西饼及布甸放入个纸袋！最后一件嘅红豆抹茶蛋糕：绿茶味忌廉唔算浓，几滑，红豆唔多！夹层蛋糕松软！合格的！焦糖布甸：其实我好怀疑呢个系呍呢拿味布甸，因为我见雪柜焦糖布甸系浅黄色！呢个系白色，中间夹杂呍呢拿籽！而无焦糖味！当店员攞呢杯出来，位置唔系焦糖布甸度攞，系另外一个位攞出来！比较游魂，如果以呍呢拿味来讲，唔系浓，亦唔算creamy!一分钱一分货，价钱相宜味道亦一般！唔算吸引！
继续阅读
路过见到个样好吸引，点知好睇唔好食买了一磅的栗子蛋糕，外表真的很吸引，水果颜色艳丽，不过很酸，表面的栗子忌廉硬硬的，有点像小时候吃的花塔饼上的糖果，感觉很特别还有下面的蛋糕太结实，虽然蛋糕层之间有颇多栗子蓉，但味道不会太甜，配合蛋糕来吃刚刚好但因为小妹比较喜欢软绵绵的蛋糕，所以只能好睇唔好食了。
继续阅读
晌「南龙冰室」食完一个虾酱炒公仔面、一个芝士捞公仔面及一客金砖焗咖喱鸡扒饭，虽然身处冰室，照样有精致嘅饭后甜点，当然唔喺讲紧普普通通嘅布甸、啫喱、忌廉蛋糕……等等。而喺对面「壹饼房」嘅出品，真喺估佢唔到，原来晌南龙可以点壹饼房嘅蛋糕 。壹饼房除供应甜品、蛋糕俾南龙冰室外，当然有做零售，仲有个装大大个嘅蛋糕卖，大可卖嚟庆生日之用。再细看「南龙」个甜品餐牌，前后两页，一共有10多款甜点，有件装冻饼，亦有杯装甜品，定价一啲都唔贵，都喺廿零蚊左近。最窝心喺，跟热饮$25，跟冻饮先至$28，如果你拣最贵类别嘅蛋糕（$22），即喺加$3有杯热饮，加$6有杯冻饮，仲唔抵到晕 ！不过，依个甜品供应时间只由2:30pm至9:00pm，午饭喺黄金档期，做埋甜品估计应付唔嚟，虽然南龙收11:00pm，但供应到9:00pm完，何解？因为壹饼房收9:00pm嘛，有心食就唔好磨咁晏。我哋都好晏先点甜品，所以，有啲款式都无咗，可以嘅话，点定先，让店员先放晌南龙依边嘅雪柜 ，咁就多重保险食到想食嘅款式，咁就唔会一饼难求！ 纽约芝士蛋糕 $22 几款蛋糕中，纽约芝士蛋糕喺小弟最欣赏嘅一款，消化饼底做得非常薄，仅仅够托起件饼已OK，而中间忌廉芝士馅够丰厚、浓郁，挺身而柔软，绝对落足料 ，而面层嘅酸忌廉亦恰到好处，酸香得平衡一下忌廉芝士嘅浓味 ，喜欢芝士味甜品嘅人，值得试吓佢。 意大利芝士蛋糕 $20 做法比较平实，无任何花巧或修饰，就只有咖啡酒蛋糕、马卡风芝士及唂咕粉，$20以言，味道真喺不俗，蛋糕湿润有咖啡酒香，芝士打得十分幼滑，唯一问题喺落得太多唂咕粉晌面。 情浓朱古力慕丝蛋糕 $22 虽然个层次做得唔够靓，下层个朱古力海绵蛋糕太薄，中间层又做得太厚，但个朱古力慕丝实在够情浓，朱古力味极之香浓，少甜而甘苦，柔滑度都OK，加埋饼面轻抹一层嘅特浓朱古力浆，成件事就喺情浓滋味，只卖$22，值得推介 。 薄荷朱古力蛋糕 $22 薄荷朱古力雪糕食得多，但蛋糕印象中应该第一次食，估唔到效果都唔错㖞。朱古力海绵蛋糕夹住上下两层薄荷慕丝，慕丝中又渗入好多朱古力碎碎，形成有点薄荷绿嘅云石花纹。薄荷慕丝几清新，有种凉快嘅感觉 ，久不久咬到朱古力碎糖，口感上添加趣味，可以不妨一试嘅选择。蛋糕嘅水准暂且难跟酒店嘅去相比，至少卖相仍有段大距离，但喺佢哋走嘅喺平实路线，唔搞太花巧嘢，感受到用料唔「求其」，有质素，所以出品亦有一定水准 ，再者，区区只卖廿零蚊一件，其实喺好抵食 。
继续阅读
周末往南龙冰室晚膳，在门外见到以下的张贴提示，说只要惠顾冰室任何食品或饮品，均可以 $15 换购壹饼房的西饼或甜品，于冰室内进食，比原价平了$5-$7左右：步入冰室，被侍应安排上二楼坐窗口卡位，隔著玻璃窗，清楚地见到壹饼房在营业中，那时候大约8pm，不少路人帮衬，生意应该唔错！看看餐牌，确有多款选择我拣了红豆抹茶蛋糕及荔枝玉露：红豆抹茶蛋糕抹茶加红豆，是最佳配搭，抹茶慕丝幼滑，绿茶味浓郁，红豆呈粒状，但腍身，带豆香，再加上topping的抹茶粉，整件蛋糕十分对味，甜而不漏，水准之作！荔枝玉露外型讨好，顶层以忌廉花喞及荔枝肉作点缀，果肉新鲜，多汁；荔枝奶冻口感滑溜，可惜味道偏淡！
继续阅读