壹號餐廳

营业中

休息中

今日同老公入開黎屯門搵朋友先知道原來有間叫壹號餐廳既茶餐廳，以為茶餐廳既小菜會無咩特別，點知都好有驚喜！我地先叫薑蔥霸王雞🐤，霸王雞雞肉嫩口，好滑完全唔鞋口，大量既薑蔥令雞更香，更惹味，隻雞仲係黃油，超肥美超正！之後就叫佐椒鹽三蔬(茄子，花生苗，洋蔥圈)🍆🥜🧅每一樣都炸到金黃香脆，茄子炸到外脆內軟，花生苗原來好得意，好脆口，洋蔥圈都好濃味，全部都好正呀！最後就係豉椒炒蜆👅每隻蜆都大大粒，豉椒好香，啲蜆好入味，又無沙，仲有啲青椒紅椒，好好食好吸引！

屯門呢間餐廳，係我少數會為左食佢服務質素嘅茶記，晚餐時間一如既往好多客，但侍應們仍然保持親切嘅態度，吾會催你落單又吾會趕住清枱係一個你可以舒舒服服同屋企人坐低慢慢食嘢品嚐佢地美味小菜地方、寶在難得😌佢的小菜都整得好出式味美！今晚同家人點了豉汁蒸白鱔，係呀爸嘅最愛，今日的白鱔肥瘦適中，蒸煮的時間亦都剛好！肉質唔會太淋身，彈牙爽口第二道菜蜜椒薯仔牛柳粒，係我媽至愛，三椒色澤味美，薯仔粒炆得岩岩好，仲索哂個汁嘅精華，牛柳好新鮮好入味！黑椒辣辣地好開胃送飯一流丫！椒鹽三蔬係呢個係每次一定嗌嘅！皆因佢採用嘅食材茄子，花生苗，洋蔥圈都大大件甘去炸，有埋椒鹽調味簡直係昇華吖！歡樂的一餐家庭飯聚，我地家人首選一定係臺號餐廳

屯門呢間壹號餐廳真係茶餐廳number one，坐得唔會好逼好唔舒服，店員又唔會好趕催人落單咁，態度好好呀！原條鰻魚滑蛋飯原條鰻魚勁大條，又厚身又肥美，鰻魚肉q嫩，炒蛋滑捋捋，半熟既炒蛋啲蛋汁滲晒落啲飯，每一啖都好香蛋味，最上面仲有紫茶碎同芝麻碎，更提鮮，味道更豐富更突出🤤叉燒滑蛋飯叉燒好大舊，每一舊都好香濃，焦香既叉燒肉質都唔會鞋口唔會乾，滑蛋都係一如既往既滑嫩，濃濃既蛋汁滲晒落白飯，令到啲白飯好香，滑溜既炒蛋配埋叉燒一齊食真係好正，成碟飯食晒都唔夠呀😆黃金楊州炒飯粒粒分明既蛋炒飯好出色，每一粒炒飯都充滿蛋香，大大粒既蝦爽口彈牙，仲有火腿粒同埋蛋黃粒，成碟飯都好香，好正！🍚

放假係屋企冇野做，宜家天氣又熱又曬，又唔想行街，係屋企hea下hea下覺得肚餓呀！同媽媽落去壹號餐廳食午飯，我哋食到連D餐廳伙記到認得我哋。餐廳位於屯門青善街4號康景花園地下12-24號舖。餐廳入面乾淨企理，空間好大，光線充足，座位亦好舒服。叫左吉列豬扒飯，即炸的吉列豬扒大大塊，炸到金黃色，新鮮熱辣，香脆可口。豬扒完全遮住個飯👍配上微辣濃郁的咖喱汁，好香咖喱味，食光一啖再一啖。好好味！又叫左原條鰻魚滑蛋飯，呢個飯份量好大，完全係蛋包飯咁的概念。柔軟的燒汁原條鰻魚配滑滑的雞蛋，已經係完美的配搭，佢仲要用滑蛋包著飯，淋上燒汁，上面再放條大大條的鰻魚，灑上芝麻和紫菜，淨係見到已經吸引！

琴日返工前同同事黎左呢間壹號餐廳食早餐，又幾好食喎!我地分別食左個特色熱狗同歐陸早餐，先講下個熱狗，熱狗最怕黎到凍哂，呢個唔會，黎到仲係熱辣辣，麵包都唔會乾，腸仔夠足料，多肉，有肉汁，啖啖肉，配埋蕃茄醬同黃芥末好好食😚🤩另外，歐式早餐就有吉列魚柳，多士，茄汁豆，炒蛋，煙肉，一碟有勁多野，真係好抵食，特別一讚個滑蛋好滑好好食，個吉列魚柳都炸得好好食，唔會厚料，啖啖肉，成個配搭都好好食！☺️😋以後早餐又多個選擇！

同朋友去屯門行街，去到屯門青善街4號康景花園地下12-24號，見到一間叫《壹號餐廳》的餐廳。反正今日屋企唔煮飯，就同朋友食埋先返去啦！天氣實在好熱，先叫左2罐啤酒🍻解渴先。菠蘿咕嚕肉，咕嚕肉肉質柔軟，菠蘿酸酸甜甜，洋蔥，紅椒，青椒配上甜酸汁，非常開胃，配飯一流。豉椒炒蜆，蜆肉吐沙吐得好乾淨，蜆肉非常鮮甜，用豉椒炒蜆好惹味，用嚟撈飯一流👍招牌紅燒乳鴿外皮燒到脆卜卜，撕開乳鴿果陣肉汁流出黎，見到嫩滑的乳鴿，未食已經流口水🤤啦！

星期五Happy Friday，又到晚餐時間，放左工約朋友係屯門食晚飯，聚一聚，交流下近況，分享下有咩趣事。去左屯門青善街4號康景花園地下12-24號，一間叫《壹號餐廳》的餐廳。我哋叫左薑蔥霸王雞，蜜椒薯仔牛柳粒，椒鹽鮮魷，配樽裝紅茶2支。薑蔥霸王雞，雞肉肉質嫩滑，好有鮮味，肥瘦適中，用薑蔥整仲有啲蔥油香味，正呀！蜜椒薯仔牛柳粒有紅椒，黃椒和青椒，三色椒又甜又爽口，薯仔炸過再炆煮，牛柳粒一口一粒好易入口，再灑上黑椒粒一齊炒，黑椒的香味和微微的辣味，令人食欲大增。椒鹽鮮魷新鮮即炸的魷魚炸到金黃色，新鮮熱辣，配上椒鹽，炸米粉和炸蒜粒，非常惹味。如果覺得油膩，仲可以食埋伴碟的生菜絲中和下。

屯門一向都多野食，今日難得入到黎搵姊妹，中午時間就黎佐壹號餐廳試下。雖然係普通茶餐廳裝修，但勝在環境都好乾淨，唔會坐得好唔舒服。🍅🐷招牌鮮茄焗豬扒飯一上枱已經聞到好香，豬扒超級大塊，蕃茄都有好多，每舊都大大舊，焗飯面頭鋪滿芝士，焦香既芝士直情半溶拉絲，超香超正，豬扒好嫩，唔會鞋口，啲飯本身有炒過，已經有味，成個焗飯超好食，好正呀！🥚🍚原條鰻魚滑蛋飯一黎到見到條鰻魚就要打卡先，真係原條鰻魚，又厚肉又大條，好肥美，鰻魚肉好嫩好好食，炒蛋當然都好出色，滑蛋鋪滿白飯，半熟既滑蛋充滿蛋汁，全部滲晒落啲飯入面，每一啖飯都好香，而鰻魚上面仲有紫茶碎同芝麻碎，令味道更豐富更好食😋呢度連凍奶茶都好出色好好飲！

幾位中同搞reunion , 一齊喺樓下附近食個dinner 加傾下少女心事！我地呢三個女人最鐘意茶餐廳的浪漫！二嚟呢度夠近大家！我地大家都係椒鹽愛好者，第一時間點了兩款椒鹽菜式！🤤椒鹽鮮魷新鮮炸起的金黃椒鹽鮮魷睇見都流晒口水。魷魚好彈牙爽口！非常有鮮味！椒鹽配上炸蒜粒超匹配！食到停吾到吖🤤椒鹽三蔬比較無甘罪惡感叫咗碟椒鹽三蔬，有番啲菜落肚會好啲，佢洋蔥圈大大塊，另外有茄子同花生苗，樣樣食材大大件，蔬菜配椒鹽，少了一份油膩感及罪惡感haha🤤蜜椒薯仔牛柳粒香噴噴既牛柳粒配合黑椒粒爆炒，呢個菜色簡直無得輸！超夠鑊氣，又吾會炒得過熟，真係值得來一試💜

同朋友去屯門行街，去到屯門青善街4號康景花園地下12-24號，見到一間叫《壹號餐廳》的餐廳。餐牌好吸引，決定去試下。餐廳入面乾淨企理，空間好大，光線充足，座位亦好舒服。我地叫左2份午餐食，我要左杯凍檸茶，好友就飲芬達。XO醬豬扒炒公仔麵份量好大碟，豬扒仲大過部iphone14😂，公仔麵炒得剛剛好，唔會太諗，亦唔會太硬，色水好夠，好入味，佢有啲辣椒一齊炒，所以有少少辣味，好開胃。叉燒滑蛋飯呢個個份量都好大，完全係蛋包飯咁的概念。甜甜地的叉燒配滑滑的雞蛋，已經係完美的配搭，佢仲要用滑蛋包著飯，上面放滿叉燒，再淋上叉燒汁，淨係見到已經吸引！叉燒肥瘦適中，蛋汁流落白飯到，一隻匙羹勺要全部放入口，好味到好似中華一番咁！第日又再黎食過。

今日同男朋友入咗屯門，做完嘢之後就喺附近搵晚餐，跟住男朋友就話想食小炒，我哋就根據朋友嘅推介去咗康景闊花園附近一間茶餐廳。依間茶餐廳有好多唔同嘅小炒菜式，亦都可以坐低飲啤酒傾偈。今次我哋分別叫咗三樣嘢食，豉椒炒蜆和薑蔥霸王雞，椒鹽三蔬(茄子，花生苗，洋蔥圈)。呢度食物嘅份量都非常之多所以佢嘅CP值係好高的。我哋自己就最鍾意食佢嘅薑蔥霸王雞同埋椒鹽三蔬，佢嘅椒鹽茄子同埋洋蔥圈都做非常香脆。而且佢嘅霸王雞的肉質非常嫩滑。

放假係屋企冇野做瞓到黃朝白晏，覺得肚餓呀！同媽媽落去壹號餐廳食下午茶，餐廳位於屯門青善街4號康景花園地下12-24號舖。麻辣雞丁公仔麵，麻辣雞丁好夠味，配公仔麵，經典港式口味，香港人明啦！火腿奄列多士，奄列包到脹卜卜，賣相非常靚，多士條厚多士嚟架，所以超有咬口。特色熱狗🌭️熱狗好大隻，麵包烘熱左，外皮香脆，裹面非常軟熟，大大條熱狗腸上面吱滿茄醬和芥末醤，仲夾了一堆沙律菜和幾片蕃茄，咬落去醬汁流出面，沙律菜的清爽口感和熱狗腸好配搭😋……我知女仔鐘意吃菜，唔怕，餐廳仲有一堆新鮮的沙律菜配日式芝麻醬，満足曬我地的口味。凍檸茶少甜，檸檬和茶的苦澀味好正。熱奶茶☕️多奶，所以好夠奶味。餐廳有好多唔同選擇，下次再黎食過。

今日同朋友喺屯門附近踢完波，想搵一間茶記食小炒同埋飲啤酒🍻見到一間係康景花園地下嘅，見到佢入面嘅座位都坐得非常之鬆動舒服，就同朋友入咗去食嘢得閒我哋今次見到三個小炒都非常高質。我哋分別叫咗薑蔥桶蠔煲，豉汁蒸白鱔和椒鹽鮑魚。佢哋嘅薑蔥桶蠔煲非常指向，而且份量好多，嚟到嘅時候仲係熱辣辣的！佢嘅豉汁蒸白線同埋椒鹽鮑魚都非常好食，椒鹽鮑魚非常惹味，口感仲非常爽口彈牙😸而我哋好鍾意食煮所以都好喜歡他們的蒸白鱔，他的豉汁非常夠味。

今日同老公入咗屯門搵朋友，之後我哋就喺附近搵嘢食，我哋見到有間茶餐廳都幾多嘢食選擇，而且裝修環境都非常乾淨。我哋就入咗去呢間茶餐廳度食午餐！❤️蝦仁牛肉拼滑蛋飯我哋今次叫咗蝦仁牛肉拼滑蛋飯，佢呢個蝦仁牛肉非常豐富和足料，佢嘅蝦仁調味非常之夠，加上佢嘅滑蛋不會處得過熟，加埋豉油撈埋一齊食就非常之惹味！❤️叉燒滑蛋飯另一個我哋就叫咗叉燒滑蛋飯，佢嘅叉燒份量亦都非常之多，而且每個叉燒傷口仲係偏瘦半肥肉，食落去非常之好食。

今日同朋友一齊入屯門食咗一間好好食嘅小炒，入到茶餐廳座位都非常闊落，而且店員嘅服務非常友善，他們還會推介不同的菜單。我哋今次就叫咗四樣食物，分別就有紅燒乳鴿和豉椒炒蜆，他們的紅燒乳鴿非常之大隻，他是整一隻乳鴿上來的，自己咬嘅時候啖啖肉非常滿足。他們的豉椒炒蜆亦都非常夠味，亦都唔會好鹹，他們的蜆肉亦都非常之大隻。另外我們仲叫咗菠蘿咕嚕肉同埋椒鹽鮮魷，呢兩個餸用嚟送飯就非常一流，佢嘅菠蘿咕嚕肉酸酸甜甜非常開胃，而且佢嘅生粉唔會好多。椒鹽鮮油亦都整得非常好食，先有非常煙銀彈牙！