壹心海南雞 (已結業)

好突然，轉左第二家，我一直都好支持你地嫁，做節斬隻雞做外賣。午餐，下午茶甚至晚餐都買你們的海南雞。除咗海南雞夠滑，還有雞油飯夠香，例湯夠甜！真係好唔捨得，請問是搬了嗎？好擔心以後都食唔返你地嘅海南雞飯🥹

平時晏就12點半呢間油麻地壹心店就會好多人排隊所以今日早啲就去，買幾個餐返嚟同公司啲同事食，今次加咗啲新小食，同天婦羅炸蝦有驚喜，去骨海南雞個個食完都話掂，水準保持到👍

行街經過，唔知食乜好，見新開有間海南雞。就買外賣返屋企食。真係估唔到，竟然有咁滑嘅雞，雞有雞味雞瘦皮靚。有個靚仔推薦煎肉餅，煎肉餅都出色，煎到外脆外軟個人推薦覺得海南雞非常出色，回味無窮的感覺。下次會繼續叫返隻雞

$ 55呢間外賣海南雞好似係開咗無幾耐收工經過決定去試下隻雞其實都幾滑而且好有雞味又有齊雞胸雞脾雞翼唔同位油飯真係好有驚喜 軟硬水份適中食落夠晒香又唔會油膩椰汁冰超香濃 椰味超出

由開業到現在已經到訪壹心海南雞三次，交通方便，每次到這裏買食物的時候，都會望望店舖的招牌，因為覺得上面的雞仔很可愛，帶給人一種溫馨感覺！服務態度都幾好！這三日嘗試了不同的食物，分別有手剁瑤柱肉餅飯，明太子雞翼，秘製滷燒豬頸肉飯，滷水元蹄飯！我覺得這間店鋪很貼心，預先為客人把食物切好，方便我們進食，個人覺得所購買的食物味道都不錯，份量都幾足，值得下次再光顧！在這裏感謝店舖製作食物的用心，使我們能享用美食！

路經油麻地想買外賣番屋企食，見佢新開張，買三款晚飯試吓。海南雞好嫩滑，配三款醬汁，雞肉同埋飯嘅份量仲唔少添！口水雞屬於少辣，幾惹味。另外仲送南瓜湯，湯料有豬骨、青蘿蔔、粟米同埋豬骨，幾足料，小朋友好鍾意飲。呢個價錢絕對抵食！

經過發現呢間海南雞飯，應該係新開，即時買外賣返去試吓，隻雞好滑，油飯都好香，但我個人覺得油飯加咗乾蔥落去好正，碗湯係南瓜幾好冇味精，這個質素同價錢值得食，新開張送飲品good.希望繼續keep住水準

做這家店第一個食評最鍾意試新嘢，前日買左4個餐，兩個海南雞飯，一個口水雞飯，一個豬頸肉飯。大家都異口同聲讚不絕口，雞真係好好好滑，份量又夠，佢個飯係雞油飯，粒粒米分明，小朋友自己一個飯差不多食晒，連平時叫少飯的友人都話太邪惡食食吓食晒成個飯🤣🤣🤣口水雞上的櫻花蝦及炸蒜好香口，唔係好辣，這個味道的麻辣真係未試過，自家創作很特別。豬頸肉邊邊好脆口，都好好味！第二日家中平時唔多願食飯嘅小朋友都話要再食，所以係連續食左兩日海南雞飯做午餐，睇嚟佢好快會食到肥肥白白，正啊！🤣老闆你整得好好味啊！👍🏻會多啲嚟幫襯