壹小籠

今日係復活節假期嘅第三日，所以我哋又嚟咗一小龍呢度去飲返一個早茶，喺一小龍最抵嘅的確只有係早茶，因為佢哋有早晨孖寶， $40有兩個嘅點心，你可以揀點心或者排骨飯都得，所以一盅兩件就可以做到呢個效果啦食物嘅質素就中規中矩啦，我諗都係一啲預先製作好嘅嘅點心嚟㗎啦，排骨飯再加埋腸粉係一個超級好嘅配搭，我屋企人就食一個排骨飯再加一個菜苗蝦餃嘅配搭。不過值得一提嘅係，估唔到喺假期期間，飲茶嘅人數都好少啦，唔需要等位就可以入到場啦…查看更多

好耐冇嚟飲茶啦，今日突然之間想去飲茶，所以就諗起壹小籠呢一間茶樓。咁就同屋企人去食一食啦。因為之前食過嘅評價都唔錯，所以今日都係抱住覺得呢一間餐廳係有質素嘅心情去用餐，但係點知，質素已經下降咗啦，而且價錢都已經貴咗。講返食物先，食咗個鳳爪排骨飯，份量係夠嘅，但係啲飯就好腍，可能落多咗水。牛肉腸，正常發揮，但係腸粉皮，就比以前厚身咗好多，即係入邊嘅牛肉份量就少咗啦。最後就菜苗餃，呢個比較有驚喜，因為以前食菜苗餃層皮係黏口，今日係好食咗。…查看更多

行經附近，肚餓，見呢間餐廳唔駛等位，便入去食叫了個乳豬雙拼飯，拼燒肉，食落飯偏硬，乳豬偏鹹，燒肉個皮係脆嘅，味道正常，可惜偏肥，整體飯同乳豬嘅份量偏少， 乳豬切得好細塊🙈整體來說，環境同服務還可以，但食物好一般…查看更多

未試過食咁難食嘅點心，小籠包入面冇湯全部都係肥肉，叉燒腸粉唔係叉燒味，蒸鳳爪個鳳爪係硬嘅，最離譜嘅係嗰個髮菜蠔豉燒賣，上到嚟完全都唔係燒賣個樣，菜苗餃啲菜綠黑色嘅，最後同我老公淨係食咗幾啖就走咗…查看更多

今日，又係星期日，飲茶嘅好時間。一小龍呢一間飲茶嘅地方真係比較抵，因為佢哋係冇收+1服務費，呢個的確係一個幾好嘅賣點。所以今日又再嚟去幫襯啦，首先又係叫咗個孖寶套餐。最近佢哋都冇加價，價錢十分之好，都係$46就有兩個點心。孖寶點心都有好多選擇，例如叉燒包，鳳爪排骨飯，牛肉腸粉等等嘅點心都可以揀如果揀唔啱，都有其他嘅特價點心，所以其實類型都係有好多好多嘅選擇。最後佢哋嘅茶錢係$9 ，價錢合理唔係話特別平，但係都唔係話特別貴。…查看更多

壹小龍呢一間飲茶嘅地方佢哋嘅早茶時段真係最抵食，因為佢哋有孖寶，一個孖寶套餐，就係有兩個點心，假期嚟講，只係需要港幣$46 ，但係就有兩個點心食，所以個價錢真係好吸引，食物質素方面，其實同一般茶樓冇分別，我諗大家嘅貨源都係差唔多，我哋今日都係食叉燒包牛肉球，蝦餃燒賣等等嘅常見點心，質素就都算好食，而且茶錢方面，假日係$9一位，比起一般酒樓嚟講已經平咗好多，因為一般酒樓嘅茶位價錢價值港幣$12至$15。最重要係呢度唔需要+1服務費…查看更多

推住BB車入去 比左卡位 打算收起bb車 發覺收起架車會阻住走廊 之後自己換過一張枱 點知坐低之後又話條路會推點心車 其實條路仲大把位行 我哋就係睇過OK先坐低 之後先比過一張枱我哋坐 我就嬲嬲地講咗句，咁點解一早唔俾呢張枱我哋 個阿姐仲要喺度窒頭窒勢嬲到我都忍唔住出聲呻咗幾句 之前食開啲阿姐態度都好好好跟住坐咗好耐都冇人俾點心紙我老公就自己出咗去 點知着白色衫扎辮嗰個女職員 黑口黑面企喺我老公後面啤住佢 但都冇意思幫佢拎點心紙 真係嬲到想走 成班職員企喺度唔知做乜 …查看更多

今日7月1日三天長假期既最後一天，想慶賀下香港回歸祖國既大日子，所以去左壹小籠飲個茶，食個點心咁。不過而家飲茶一啲都唔平，茶錢都已經要hkd$9啦，真係幾貴下。講返啲點心先，一個孖寶點心，已經要hkd$44，有牛肉腸粉，叉燒包，鳳爪排骨飯，等等既點心。個別點心，例如咸水角，牛肉球呢d平價點心，就hkd$26左右。再貴少少既就要hkd$32了，就有蝦餃燒賣等等既高級點心。最美中不足的是，冷氣唔係太夠，一飲熱茶就出汗了。…查看更多

今天叫了半隻燒鵝，無論係肉質和味道都係燒鴨，請大家評下理。 I have taken a photo of the goose and it tastes like duck. Please comment…查看更多

實在忍不住投訴，人生第一次投訴！ 今日去咗屯門壹小籠食中午飯，原以為上次只是其中一個員工經常講電話不理客人，今次去又係遇上態度惡劣嘅門神(長曲髮收銀員)，黑面加態度極差，絕對是趕客之用！！！一入去便呼喝叫我們㩒票，叫了號碼指我們去最近第一張枱（只有2步路），當你行去時，佢叫我回頭比票她，原來佢係上面寫個1字, 還有，餐具全部都是油，油到不得了，似沒有洗過！ 連侍應也將整盤餐具倒反了我們身上，還哈哈大笑一餐，一個道歉也沒有！！ 老闆在那？？ 為何完全沒有人管理！！！ 我們以後都不會光顧這間店，怪不得香港人要北上食嘢！…查看更多

今日放假想去飲個茶，就去返呢間dim sum既小茶餐廳去食dim sum。而家d dim sum都係預制架啦，所以dim sum既味道同一般酒樓既都冇乜分別，都係果d味道。不過，呢間食店已經加左價啦，以前孖寶dim sum只係hkd$38，而家已經要去到hkd$42了，雖然係加左價，但都算是可以接受既範圍。不過香港餐廳有一樣冇咁好既地方，就係去到邊度食都要限時，如果真係要一盅兩件嘆下dim sum，真係要長少少時間。…查看更多

小型的點心餐廳在香港疫情前已存在很多，主要原因可能是香港人喜歡飲茶吃點心，而大型的酒樓屬於老一輩的聚會場所，跟年青人有點不搭，加上大型酒樓的成本高，地方大，更令人手不足。小型點心餐廳更有些點心是自家做的，更合香港人意。這家就近屯門站和屯門舊街市，方便了很多附近的居民。食物方面，我最喜歡少有的，這鵪鶉蛋燒賣，現時很多食市都沒有提供，雖然熱量高、膽固醇高，但也想嘗一口。可惜的是，鵪鶉蛋蒸得過火，蛋太熟了。…查看更多

一入座，人都未坐低，女侍應就在我聽緊電話的耳邊重複多次地問我飲咩茶。我唯有儘快結束通話後，再去答她。其後，她極速將茶壺放在我小孩的手邊，熱水從茶壺咀燙了出來，意外差點發生。我即時跟她說，她有跟我說不好意思。其後，有食物漏單，也算了吧！不用補單，因不想再浪費時間等。之後，我幫小孩穿外套；有兩個侍應四手極速將我們檯上的茶具及食具全都收走，再用檯布抹檯，連放在小孩放在檯上的手一同抹。即擺上新餐具。我已經忍不住說，我杯茶都未飲完。她們以為我走，即刻說「我開過壺茶俾你」，我話不用了。我想找經理反影服務質素，但侍應找了個前台職員過來與相談，再跟我說開壺茶俾我。真的不想再將乾淨而帶油的茶杯再洗過，再等杯茶沒那麼熱地喝。食物質素愈來愈差都算，連服務也一樣。真的不明白在沒客人等位及有吉檯的情況下那麼趕客。衛生情況下降，餐具愈來愈油，梳化座位極污糟多漬。…查看更多

今日想飲個早茶，所以就黎左呢間壹小籠飲下茶，之前都飲過架啦，隔左一段時間，再黎幫襯下。雖然都係抵既(因為唔洗收加一服務費)，但係佢都係加左價，我地只飲早茶都係食佢D特價點心，尤其是孖寶套餐最抵，HKD$40.8可以選擇兩個點心，有鳳爪排骨飯，菜苗蝦餃，牛肉腸粉，叉燒包等等大眾化選擇。不過之前只係HKD$38，所以都加了價 :(食物方面都係正常發揮，可能大部份酒樓點心都係差唔多地方入貨，同埋上點心速度都夠快，點心又夠熱，所以食物方面係OK既。環境方面之前就冷氣唔夠，食食下野會覺得熱，但今次去到，明顯係涼爽左，所以都抵讚一下。…查看更多

經過諗住晚餐求其食入左黎首先第一碗食叉燒燒肉賴燒味凍嘅！ 燒肉味道只有油益味🥲賴粉個湯底一啲味都無！之後食蒸點，一pat 野咁最難頂之作，蒸飯！個飯完全入唔到口，好濕！ 個肉餅凍嘅🤷🏻‍♀️就連我3歲嘅女兒都唔肯食我成餐飯無郁過走人…呼籲大家，千祈唔好中伏………………………………………………………….………………………………………………………….………………………………………………………………..…查看更多