士林台灣麵

营业中

休息中

那夜被女朋友帶進元朗呢個美食老區，日頭車水馬龍，充滿人流既大馬路慢慢移進各個內街，都係為了食食食，中西日韓台的食物，最終都聽女朋友仔話，食佢想食既士林台灣麵，皆因佢講以前成日食，要試下🤷🏼‍♂️，點敢逆佢意，到左餐廳門口，貼滿台灣主理廚師的獎項，另門口街邊都放左幾張檯接待客人，不過街邊就無冷氣架喇，所以無咩人坐，客人都等室內座位，懶得等既我們同就得人的女朋友都決定坐街邊位置，簡單既餐單，點既都係熱門大路食物 1. 士林牛肉麵 2. 炸雞排 3.飲品兩杯（芋香奶茶和椰香奶茶）上菜速度其實算好快，飲品先到，不過好可惜，我覺得椰香奶茶其實唔好飲，味道好水既感覺，或許食物才是此店的強項！炸雞排：夠香脆，大塊，而且無炸過龍，雞排仲係食落鬆軟，唔油膩👍牛肉麵：食麵類食物湯頭好重要，更何況係台灣有名的牛肉麵，其份量一人應該剛剛好，先一口湯已有濃郁的味道，同係台灣旅行食時候有過之而無不及，麵都有咬勁，煮時間適中，牛肉亦沒有好柴好硬的感覺，入口鬆軟，帶點湯汁食其實好juicy 😂椰香奶茶：味道好水，唔係好推薦。

士林有下午茶餐了👏🏼，我愛吃它的水果沙律，皆因弄得好味，內有番石榴、菠蘿、哈密瓜、蘋果等，配合自家調製的沙律醬(合我)，再加上外脆肉嫩的香酥雞翼，實在無得輸，我給💯分除了香酥雞翼，香酥雞扒也是好味之選，同樣是外脆揉合啖啖雞肉還有我最愛的紅燒牛肉麵🍜，肉質軟淋，好味非常，加配一杯凍蜂蜜綠茶，大滿足😁光顧了這麼多年，當然清楚下午茶最少人是甚麼時段，這景象像是我們包場似的，多寧靜和舒服啊😌下午茶餐牌🔖

聽講元朗呢間牛肉麵好出名，特登入嚟食，去到中午12點左右，唔洗排隊，入去坐低就叫咗個紅燒牛肉麵。好期待等左5分鐘個麵就黎到，好多牛肉，都係牛展嚟，有三大條！以呢個價錢來講，真係好抵食，牛肉好林好好味，湯底濃郁，少少辣，加12有珍珠奶茶。佢個麵嘅質地有咬口，好啱我口味，喺出邊食唔到不過我食到一半開始覺得好滯，因為湯底太油膩，但係又唔想浪費就夾硬食埋果一半，結果食完我一個星期都淨係想食素但係係好味嘅，我食唔慣咁油啫

剛從台北回來，牛肉麵已吃了幾家，所以急不及待跑來一試，比較一下。我以為要排隊的，但很快就有位。 點了紅燒牛肉麵(4/5)，牛肉是直切的牛腱，很軟也有牛味。台北牛肉麵最大的敗筆就是牛味唔重。湯底亦有牛味，紅燒味，微微辣，易入口，可以，但是說16小時煮的，我就不覺得。

今日同老公特登揸車入元朗，就係為咗去食呢間士林台灣麵，之前已經食過幾次，好回味。今日可能因為兩點先嚟到嘅關係，唔洗等位。如果揸車入嚟通常都可以拍喺門口，坐露天座位，可以望住架車，非常好。每次嚟到都必定會點紅燒牛肉麵，湯底充滿濃郁嘅牛肉味，有四塊大大塊牛肉，牛肉好淋，又唔肥，好足料，每次我都食唔晒啲牛肉，麵底亦都好彈牙，配埋個湯底不得了。呢度啲飲品都好好飲，推介芋香奶茶，唔會太甜又有芋香味同奶茶香。呢到的牛肉麵真係食過返尋味，每隔一段時間都會想食一次，又再專登揸車入嚟。

士林台灣麵除了牛肉麵好味外，豬腳飯也值得推介，首先飯的份量夠多，不會吃不飽，豬腳味道醃法剛好，不會太鹹，也不會淡味，三舊也是軟淋淋，炆得軟度適中，皮也可以吃，沒有毛毛在皮上，可見清洗乾淨，豬腳不會太肥膩，不會吃到成口油，飯上加上鹵肉，鹵肉入味，而且也足夠伴飯，鹵肉反而較豬腳味濃，椰菜有時是熱的，今次是涼的，有菜伴碟，感覺良好，美中不足是豬腳只有三隻，雖然大大隻，如果可以再添一隻便最完美，整體來說也值得一試。

元朗真是個美食天堂，朋友介紹這間台灣店，水準很高，牛肉麵做得很好食，特別是牛腩，朋友還要額外外賣回家食🥰😆我第一次嘗試豆腐肉鬆皮蛋，有意外的驚喜，原來這三種食材配合會食那麼好食，三種不同質感味道的食物完全沒有搶到彼此的原味。值得一讚的是這裡的麵煮得很好，麵不會太軟也不會一硬，控制得很好！

有個friend 介紹元朗有間好好食既台灣牛肉麵，有日經過元朗，就決定一試究竟。撞正星期六晚上，要等位，大約等左半個鐘，終於有位。坐底，當然立即order 呢度最出名既紅燒牛肉麵。 牛肉麵湯底勁濃郁，但一點也不油膩口。 牛肉大大舊，但煮到剛剛好，不會太硬太老，很軟很香很易入口。 另外加點了一份滷水拼盤，$59 ，拼盤來說不算貴。拼盤有雞翼，豆腐，蛋，鴨舌，豬耳，滷肉等。 滷水很入味。總括來說，都係一間出色既台灣小食店。

還記得第一次去台灣九份，已經係十幾年前，食過人生最好食牛肉麵，就念念不忘，喺香港食過好多間，味道都唔係正宗，搵左好耐終於搵到呢間台灣牛肉麵，係我係香港食過最好味嘅，小弟係住喺九龍區，雖然地方唔係好就腳，但係一想食，就會用盡方法去食，講一講佢哋牛肉，係用咗上成嘅牛肋條，非常軟熟，中間有少少煮溶咗脂肪，個湯底係非常香濃，好有牛肉濃湯嘅感覺，每次飲完都唔覺得口渴，還有佢最經典嘅面，麵質爽口彈牙，又非常滑溜，真心一絕👍🏻👍🏻

第二間喺元朗試嘅長龍台灣料理店，就係士林台灣麵。鄰近千色店，地點方便得多！店外有露天茶座，係狗主嘅福音~不過等位時頗多蚊，我哋都係等店內嘅位，涼住冷氣食~舒服啲~紅燒牛肉麵 $58牛肉有三大舊，又淋又夠肉味，麵都夠彈牙，正~美中不足嘅係湯底較淡，而且有少少牛羶味，唔係我杯茶。香酥雞扒干伴麵 $50呢個真係抵食夾大件！難怪坐附近嘅食客都多數叫雞扒乜乜乜~雞扒大小可媲美豪大大雞扒，切咗八件都仲超大舊~雞皮酥脆夠香口，唔會過咸，雞肉夠嫩滑，冇炸乾~干伴麵麵質彈牙，肉燥咸香，青瓜絲爽脆，口感清新唔會膩。凍珍珠奶茶 $18珍珠唔會過淋，有口感，不過飲落似用奶粉開嘅~味道不過不失啦~

經開屯門走去元朗搵食，聽講呢間既牛肉麵好出名，咪同班frd去試下。去到等左一陣就有位，叫左牛肉麵、炸雞麵、炸魷魚鬚、豆腐同珍珠奶茶。野食出得好快！唔洗點等就有得食。牛肉麵真係超正！每塊牛腩都係一層筋一層肉，炆得夠淋夠入味，麵質煙韌、湯底香濃。另外，本來食炸野最驚炸粉太厚，但呢間既炸雞同炸魷魚鬚外面層炸粉只有薄薄一層又夠脆超正！不過建議食左炸雞麵先好食牛肉麵，因為前者既湯底較清淡。有機會一定要再去食多次！

元朗有咁多間出名麵店，其中我覺得一定要介紹比大家！就係士林台灣麵，我諗大概都開左無10年都8年，以前讀書放左學會著住校服黎食。仲記得老闆娘同我講：「我個女又係你呢間學校架！」原來係師妹，好懷念呢段時光！🕞香酥雞扒麵 轉牛肉湯（$50）🌟老土都要講句：識食一定係轉牛肉湯！🐮🌟呢到嘅牛肉湯熬足16個鐘，好香濃，少少辣，超級正！🌟麵好有麥味，自家製！🌟雞扒香脆，唔厚粉，入面依然juicy！😻滷水雞翼肉燥飯（$50）🌟呢個比起招牌湯麵的確好失色，就只係普通雞翼飯，無乜特別！🌟不過份量足夠，雞翼有4隻咁多，女仔一定食唔晒！凍珍珠奶茶 少冰（$18）🌟一向都鍾意台式奶茶多過港式，因為鍾意重奶味！🌟本身擔心唔叫少甜會太甜，點知係啱！啱！好！超好飲！👏🏻-自從中學畢業就好少食lu，咁多年後帶男朋友去食，味道依然好好，當然情懷會加好多分。🥰

即是坐喺馬路邊，都經常過嚟試一試他們的大大塊鹽酥雞扒，外脆內院實在太入味可口了，滷水鴨舌也是我很喜歡的其中一道菜色，滷水汁相當入味，令人總是一食再食，不肯罷休，牛肉麵也一流，麵條都係有勁道好好吃。

行得遠也要去食的紅燒牛肉麵，肉質嫩滑，麵條軟硬適中，湯底濃郁，份量相當不錯，有三件牛肉，除紅燒牛肉麵外，還有其他推介，香酥雞扒麵和豬腳飯也十分滋味，雞扒外脆內軟，大大件，包你吃得飽，豬腳也滷得剛好，晚上通常排隊，如果想試便要提早，午膳時間也坐無虛席，雖然價錢貴一點，不過也十分值得推介。飲品方面，我較喜歡學珍珠奶茶，可能有些人會略嫌甜一點，但是我覺得可以接受，珍珠也十分軟滑，食完牛肉麵加一杯珍珠奶茶，當天很滿足了。

星期日訓到自然醒，起身落樓下食個早餐，平時都幾多人排隊，今日好好彩，一蚊就有位，唔使等😋👍🏾🐔香酥雞扒麵（牛肉湯） - $50👉🏾雞扒非常脆，熱辣辣，雞肉好鮮味👉🏾麵嘅湯底，味道濃郁，牛肉味十足，而且麵質爽口🐥滷水雞翼飯 - $50👉🏾本身已經有少少肉燥同埋肉汁喺度，但係肉燥略嫌乾身，但係味道不俗👉🏾雞翼嘅滷水味唔算特別濃，有啲淡😟🥤凍珍珠奶茶 - $14👉🏾呢杯珍珠奶茶做得相當出色，珍珠夠軟林林👉🏾茶同奶嘅味道相當平衡，唔會太甜又唔會太淡👍🏾——————總括來講，價錢算係略嫌貴少少，但食物質素亦不俗，作為早餐來講係唔差嘅👌🏾