影片
港铁南昌站 D1 出口, 港铁深水埗站 C1 出口
继续阅读
附加资料
士林台湾小吃®是无人不知,无人不晓的夜市小吃专卖店。售卖仅限于少过7种的台湾优选小吃,如超大鸡排,蚵仔面线,肉松蛋饼,甜不辣等等... 我们就是要把台湾夜市最具有代表性的美食以最传统的烹调方式呈献给香港市民. 快来品尝哦!
以上资料只供参考，请与餐厅确认详情
行街行到深水埗，西九龙食堂冇谂过甘多人，叫左开心便当，食完一D都唔开心！开心便当其实系炸鸡扒饭，一D都唔好食，只可以话份量好多，鸡扒薄薄的，炸得好油，完全好似食紧味精粉甘，连小小肉汁都冇，炸得好干身，份量够但唔好食，系冇用架配料豆腐也做得好一般，虽滑身但冇豆腐味！完全酱料味同台湾食既。相差太远了
继续阅读
想念台湾的美食，特意来西九龙试试这间士林美食，原来西九龙美食广场超多人，揾个位都有点难道，叫左肉松蛋饼$24，即叫即做，比起台湾食的,差太多，也贵太多了吧，还以为收得不便宜，就应该不错，肉松没有肉香，蛋冇味，最好的已经是甜甜的酱汁了！不过我见人叫鸡扒好似不错，唯有下次再试下啦
继续阅读
近期小弟同西九龙中心真喺有啲缘，继上个月中晌依度嘅必胜客食饭贺细佬生日，早个星期又同亲友晌Cafe Charm's食饭聚一聚。今日又再嚟到8/F嘅美食广场食餐晏仔！事缘早前晌U Magazine网站抽奖，中咗「台湾士林小吃」嘅4人套餐，所以，趁到期前享用埋佢。平日嘅西九龙中心都有啲静，不过，星期日嘅景况就不可同日而语，就算未至水泄不通，都人头涌涌。嚟到美食广场就更加唔使讲，食物种类选择多之余，大部份都定价大众化，二、三十就有交易。但喺，啲位就一定喺唔好坐，枱与枱密到呢都算，全部高脚枱櫈（部份非高脚枱櫈喺优先座，俾有需要嘅人，如老人家、小朋友），啲櫈微微前斜，仲有，啲位明显喺裁成4人位，但非常窄，所以，极有目的要你食完快啲走，坐多阵都会唔舒服𠮶种。望入去店内就喺厨房，感觉都几干净企理。店内都喺主打几款嘢食：超大鸡排、蚵仔面线、甘梅地瓜、甜不辣、肉松蛋饼……等等，另外，每日特价有几款套餐组合。此外，亦有啲新产品，如芝味香瓜鸡、监酥金针菇。所抽中嘅套餐叫「富贵八方全家餐」，包括两客肉松蛋饼、一客超大鸡排、一碗蚵仔面线及4杯蜂蜜柠檬，所以，拉咗住得最近嘅表哥一家三口帮手食。等大概10分钟就有得食，不过，服务麻麻哋，因为你个餐明显喺4人餐，蛋饼及鸡排都叫可以就咁夹嚟食，面线点都要揾啲碗仔兜住嚟食啩！问啲店员有无啲细碗，佢回答喺无，问佢可唔可以俾只面线碗，初头一口拒绝，之后烦多几次先俾一只咁大把我哋，所以，只好用蛋饼个纸盒载嚟食，佢哋啲安排有无常理架！肉松蛋饼肉松蛋饼以前晌高雄旅行都喺食过一次，蛋饼煎得几薄皮，绵绵而几有蛋香，内里卷住好多肉松，份量十足，唧上特制酱汁，食落又真喺唔错㖞。超大鸡排鸡排炸好后再剪成细细件，方便食用，不过，就少咗一块过𠮶份豪气。鸡排食落几香脆，因为我哋走辣，所以，欠缺咗点点惹味。鸡排去晒皮，加上炸得唔错，所以，入口亦唔会好油，此外，又无话太干身、太嚡！蚵仔面线面线都好大兜吓，面面铺上好多细碎嘅鸡丝及两大粒蚵仔，汤头几香浓，口感又唔会好稀，面线入口好滑溜，的确不俗，将鸡丝跟面线捞匀，就更加好食；蚵仔肥大肉厚，味道都几鲜。蜂蜜柠檬既有蜂蜜嘅清甜，又有柠檬嘅香味，冰冻酸香，配鸡排食就更合拍！本身$12一杯，见佢周日（2:30pm-6:00pm）仲有限时促销，买一送一，行开西九龙中心就不妨买杯试吓，好过饮汽水啦。话就话喺个4人套餐，我哋3个大人加个细路而言，份量其实唔喺好够。不过，要等表姪女上完兴趣班先食，食得比较晏，而晚上又约咗朋友食任食火锅，可以留留肚，否则，个餐真喺要加配份地瓜先够4个人食。
继续阅读
肉松蛋饼($24)Lam脷: 4/5抵食: 3/5相机: 3/5呢间小食店专卖台湾小食呢款蛋饼系煎香左既薄饼，包住蛋同肉松, 配埋烧汁好香口 薄饼脆脆地，肉松都几多，但蛋太薄唔够口感 蛋饼系即叫即做, 所以热辣辣好正!! 整体几好味 搅到Vi好挂住台湾既野食 呢度仲有好多其他台湾小食!下次一定要试下
继续阅读
到深水埗买过新Notebook之后, 今个月又要挨平饭, 所以决定闯西九揾平食 第1站去到士林台湾小吃, 叫左个肉松蛋饼加柯仔面:肉松蛋饼超惊喜, 蛋香四溢, 棉棉香脆, 啖啖肉松, 外层是薄薄的蛋皮, 内是真材实料, 外是口感与味道的交战, 真系谂起都想食实在谂唔到系Foodcourt会享受到如斯美食 柯仔面反而无咩特别, 汤非常的淡而无味, 可能加了太多水的源故; 但蚵仔却是挺大粒的, 可惜在这个淡汤底下就浪费了总括这诚意小店, 下次定必继续支持
继续阅读