士多啤梨甜品餐廳 (已結業)

只有食過呢間分店...實在唔會有下次....本人就order左西瓜汁+蝦喇唦order西瓜汁時, 已經問明經理係鮮炸定係溝(水)... 經理話鮮炸...當杯西瓜汁到時, 只飲了一小口, 整杯西瓜汁就原封不動, 太難飲啦, 完全覺得係d粉再加糖水, 只有好甜既味.至於蝦喇唦, 我就覺得同d真既差好遠, 而佢又唔係一般既麵, 令到d喇唦變左怪味, 都係唔會再食囉!

Very disappointed about the service. Please deliver my message to the head office for making improvement, if they wish to. Thanks.

幫襯過幾次, 都係試?d 甜品. 頭一次食左個士多卑梨拿破侖, 都ok 既. 但我發覺依家個size真係縮左水喎, 唔抵食, 唔會再叫. 另外試過藍苺泡芙, 有埋strawberry伴碟, 呢樣抵食d. 而strawberry cheese cake 就普通, 冇乜芝士味. 朋友試過咩strawberry 咖啡脆糖, 其實好似咖啡味布甸咁, 味道都幾濃. 但講到食完又想食既都係杯tiramisu, 好正, 都算滑, 但略嫌蛋糕個層濕左d. 16蚊一杯幾貴, 以前明明12蚊咋嘛, 竟然加左價. 我去過黃埔個間都無加到啦, 人地仲有其他咩芒果慕絲杯之類添. 呢間野真係幾貴呀, 野又細件, 環境同服務又唔咪好好, 都仲要加埋一, 仲限定每人最低消費二十蚊, 真係離譜左少少.

去吃晚飯，點了叻沙和意粉，全部都係ｍｉｎｉ到不能能再ｍｉｎｉ的ｓｉｚｅ，細碟到女仔都食唔飽！

星期五的下晏,我去了葵芳那間分店。由order至食物到來,起碼超過45分鐘以上;其他食客也感到不滿。試問上班一族豈能在短短的個半鐘的LUNCH HOUR吃完餐(還末包括等位呢!)整體運作混亂,某些服務生態度亦欠佳,常竊竊私語。真的不想再幫襯了。

行街行得耐，走入o黎坐o左一陣。只係叫o左一件士多啤梨拿破崙餅，$32，以咁o既格局o黎講其實都收得幾貴，不過件餅o既賣相都幾精緻。酥皮整得唔錯，幾脆，士多啤梨又大大粒；中間D custard略嫌「漏」一D，整體味道都算唔錯。Service都okay，D侍應幾有禮貌，只係坐o左好耐先記得俾水我，睇o黎都唔算好醒目；不過杯水有陣味，其實叫o野飲好過！

呢間野認真無良,紅磡果間,頭兩次都可以,野食其實唔錯,士多啤梨拿破倫幾好。唔知係唔係上過電視,完全唔同晒...最後一次去果陣，佢連杯水都唔比。以前叫個餐，有野食，有野飲，都會比杯水，食完甜野，飲完咖啡，有杯水沖下個口，之後都舒服o的。問佢比杯水..."冇呀,要o既就比錢order啦" "以前都有比杯水o架喎""而家冇o架喇,要o既就比錢order啦,有汽或冇汽?""你地幾時唔比水o的客人飲o架?""兩個星期前左右啦."咁o岩我就係兩個星期前去過..."點解個士多啤梨拿破倫細過以前咁多o既?""o下? 唔係呀. 一樣姐"其實我都幾肯定佢係細左三份一,以前係長方形,而家孌左正方形...佢間鋪入面都有張相啦"冇理由o既,就算以前真係大o的,都係師傅重手左比你"真係... 呢o的係咩野態度.紅磡呢間鋪,間唔中見到一個中年女子,大概係老細.佢從來唔serve我,見有人要落單佢就係睇你唔倒.後來發覺原來?只係serve o的身光頸靚o既客,哎...真係巴閉,成間鋪有幾大呀,客多果時唔夠人落單,等咁耐,佢係睇你唔起就無論如何,點都唔出手.以前都外賣過佢o的朱古力士多啤梨,十二蚊有三粒,味道唔錯,冇見

家樂那間環境其實都幾好架！但實在太過開放了！食得有點不自然！所以我讚成大家去那間新開的葵芳分店！那裡的環境好上百陪呀！我兩間都食過！兩間一樣咁好味！不過價錢不便宜呀！但我覺得係值得一試！但就唔好成日去囉！

我上一次去到看...嘩,d大千細到呀..值唔值$20呀...我見到佢另一間果件比呀...佢地d teaset件千層都大過去呀...還有佢地d蛋糕...一係就太細,一係就唔知放了姆耐的...d 12蚊3粒的士多呀...點睇都唔直呀...周圍地另一間比..佢地果d12蚊3粒!!!!!我覺得我會係另一間買囉!!還有佢地d餐單好似沒點轉過囉...成日都係果幾樣...沒什麼新意!!!

雜誌經常介紹，而且見到D cake咁靚好想試一試。叫了一個士多啤梨千層酥同一個鮮果窩夫，兩個都係set o黎。個窩夫新鮮熱辣即制當然好食啦，可惜落了太多士多啤梨醬，味道太甜。而個馳名士多啤梨千層酥，都係不外如是喎。酥皮唔係太鬆脆，與起酒店出品還差好遠。講環境真係麻麻地，佢係正“家樂”門口，而“家樂”是等人集中地，所以都係嘈o下。而且同意Nat講法，服務真係唔得。

新店分別在旺角新世紀廣場和葵芳新都會廣場.

本人和朋友在2003年9月6日下午3點光顧家樂商場的Strawberry Forever dessert caf憿A 換來九流的服務。我們落單後等了15分鐘也不見食物，連鄰座遲來的顧客的食物也出現，我們問侍應食物為何遲遲未到，幾個侍應你眼望我眼發現我們的枱是無落單及找出那個先前替我們落單的侍應，那個侍應試憑記憶再落單，及後再問我們要甚麼飲品，並說”我只是沒有幫你們落有關飲品的單”，我們坐近入單的電腦，所以肯定無入單，食物來了後，我朋友點的士多啤梨窩夫變了什果窩夫，我朋友在落單時問清楚套?上的什果窩夫可否轉士多啤梨窩夫，那個侍應答”可以”。我們就這件事問藍衫的經理，經理說”套餐不可轉士多啤梨窩夫，但會換給你”，但她沒有拿走什果窩夫，只是逢上一碟有十多粒士多啤梨粒。由無落單到上食物事件，一句”對唔住”也無，侍應同經理說話態度惡劣，什果窩夫加士多啤梨粒等於士多啤梨窩夫????這樣的服務也要付加一，真心有不甘

今日又走左去tea, 上次食左士多啤梨千層, 好好味, 今日都有d心掛掛, 不過佢都仲有好多choices, 所以試左其他野. 我同男朋友叫左2個tea set, 佢要左個士多啤梨批. 唔... 都幾好食, d strawberries好甜, 唔係加左工. 有好多吉士, 唔太甜. 唔錯,唔錯!! 我就食左一個士多啤梨hot cake, 普通左d喎. 只係一塊mc當當hot cake加左d士多啤梨汁, 再有d果肉伴碟. 早知食鮮果窩夫啦, 我見到人地食, 好似好正咁!! 佢好似有d新野, 上次去都見唔到, 好似有士多啤梨千層蛋糕, 個樣都幾好. 仲有0既就係12蚊3粒0既朱古力士多啤梨. 個賣相就一般啦. 當然冇godiva咁靚, 但係價錢差好遠喎!!overall, 呢度係一個tea0既好地方, 但係唔可以坐得好耐, 地方細, 成日都有人等位. 唔好意思坐咁耐!! 服務算係咁啦!!

同老婆吃了其士多啤梨吉士千層酥，灑滿icing 的酥皮加甜吉士係幾好食，士多啤梨有少少酸，咁起碼佢無浸糖水。不過就一定要新鮮整起至好食，見佢左一排的占話味道必大打折扣。其他食品吸引力都不大，咖啡味道亦平平。32蚊一件唔平，叫做試過咁啦！

講番佢個賣點:strawberry千層酥,食落都幾好味,不過D酥皮"膿"左D,扣左分囉!我bf就食左strawberry pudding,都OK,不過好普通~兩樣野加埋$60+,就真係唔太值!我尋日食d strawberry都幾新鮮,唔酸的~總括而言,間野外賣會平D同埋抵好多,因為堂食又要加一收費!加上果度環境真係麻麻,好嘈呀~