塚田食堂

营业中

休息中

-今次想同大家介紹一間性價比爆燈既日式餐廳🌟！大家記得Bookmark定啦👍🏻！-今次要介紹既餐廳係位於坑口既塚田食堂，呢間餐廳主要係食平民化而且性價比勁高既日本料理。基本上，你係呢間餐廳叫定食既話，跟餐既前菜同麵豉湯已經超級豐富。-我同朋友今次就叫左炸池魚定食同4式刺身定食。而跟餐既麵豉湯非常好味，應該係白麵豉，唔會太濃，亦唔會太鹹，有啲豆腐同昆布，飲完成個人暖笠笠，舒服哂。-兩款餐點既前菜都非常豐富，包括有日式薯仔沙律🥔、麻油牛蒡絲同醃製青瓜🥒。日式薯仔沙律既沙律醬偏向香港口味，並唔係日式沙律醬咁甜，比較適合本地人👍🏻。而麻油牛蒡絲就切得比較細，唔會太乾柴，食落好有麻油香，而且仲甜甜地。至於醃製青瓜🥒，呢款比較濃味，非常開胃醒神。-主菜方面，先講炸池魚定食🐠。呢款定食足足有三大塊炸池魚，睇落去已經非常香脆，擠埋跟餐既檸檬🍋，唔單止可以無左魚腥味，而魚既香味仲四溢出黎！炸池魚食落無骨，比普通魚柳更加厚實，加上餐廳用麵包糠炸，香脆無比。而且呢款定食勁有飽足感，朋友食完一塊加白飯，已經要外賣打包走。-至於4式刺身定食，基本上前菜、湯同白飯已經係必備，所以我想著重講刺身。吞拿魚赤身方面，刺

去過日本旅行都會去過當地的食堂幫襯，裝潢簡單設計，價錢親民。係坑口呢間日式食堂，正正是有這個理念。鍋燒鰤魚定食魚鮫部位，特別嫩滑又肥美。啖啖肉，香口惹味。跟餐有麵豉湯，白飯，沙律和漬物。豚肉味噌湯定食豚肉味噌湯採用了三種類型味噌和酒糟烹製成湯，蔬菜和豚肉吸盡精華，入口時慢慢滲入口腔，滋味無窮！另有吉列池魚，即叫即炸，外脆內軟，肉質嫰滑，沒有魚骨方便享用，最重要炸得不油膩。講真食物咁有水準，價錢咁平，超抵！

某天晚上去坑口行街，黎到一間門面幾靚既日式餐廳門口都幾多人買外賣同等位，好快我就入左去，環境舒適，空間感好闊落，光線充足可以選用電話qr code落單，方便快捷，我叫左一個九州和牛火鍋套餐，呢度最特別既地方係當你叫左定食餐之後你只需要加多$15既價錢就可以出外面近門口附近既位置度任食沙律吧同任酙飲品，飲品選擇多，菠蘿青瓜汁都幾特別上菜速度都幾快嫁，九州和牛個湯底用左走地雞湯入面既精華形成固體湯底透明狀，和牛入口滑溜，呢個餐仲伴左一個新鮮蔬菜藍，健康又美味。

又同朋友黎到塚田食堂，今次襯住近排天氣仲涼涼地，嗌左個和牛壽喜燒定食！壽喜燒湯底係超濃嘅雞骨湯，上菜嘅時候好似布甸咁，湯底味道甜甜地，和牛肉質都唔錯唔韌。除左和牛之外仲配有好多唔同種類既蔬菜！啲菜好新鮮沒有發黃，亦有京蔥呢啲壽喜燒必備嘅配料。呢個定食仲有溫泉蛋可以沾牛或者撈飯食，份量係岩岩好，正！另外仲可以加15蚊有自助salad bar，甜品同飲品，飲品種類都多有汽水，果汁，茶，咖啡，仲有小蛋糕。平時自助區甜品都係伏，但呢間嘅朱古力蛋糕好好味，好濃朱古力味！令飽肚嘅我哋想一食再食，但可惜拎完一轉之後就無哂了，下次再encore!

有日我滿心歡喜衝去坑口，諗住買樣新出嘅野，點知身為潮流尖端嘅我(講笑)，就係因為走得太前，前到原來個樣野未出，所以買唔到🥺咁唔開心所以我就搵下坑口有咩野食，又比我搵到間未食過嘅野😏呢到好方便係掃QR code落單嘅，叫左2個定食。🔸刺身6点定食 個樣都幾好呀，我偷食左舊帶子，合格！🔸照燒鰤魚定食配南蠻炸雞呢個就我嘅，舊魚好好食呀！好滑身又無乜骨，塊皮平時我係唔食架，但呢個好脆呀！脆到薯片咁，所以我食左😆至於個炸雞就無乜特別，ok正常味道。🔸加$15仲有自助吧(有飲品、甜品、沙律)埋單都係3百頭，呢個價錢有咁嘅質素我真係無咩好彈佢😂

今晚好想食日本刺身，醒起係坑口有間塚田都很不錯，於是就直接去搵食Lu😋。今晚點了刺身6點定食配上燒花魚，套餐已包了味噌湯同前菜，前菜有薯蓉、蘿蔔同埋酸瓜，而6款刺身分別是油甘魚、三文魚、帶子、吞拿魚、珍寶蝦同三文魚籽，食到啖啖新鮮滋味，最愛油甘魚，滑口又爽身，很正啊。配了燒黃花魚，即叫即燒熱辣辣，黃花魚肥美味鮮，魚皮燒得邊位微焦，內裏肉汁豐富。所有套餐均可加$15享用沙律、飲品同甜品吧，非常之抵食。味美抵食又豐富，真係飽晒😋。

今次同朋友食飯叫左個和牛漢堡扒定食同生薑炒豬肉丼首先講左個和牛漢堡扒定食先，未黎到枱面已經聞到陣香味，黎到桌面聽到磁磁聲，果一刻好驚會過熟，點知切開果下又啱啱好，加埋佢既配菜，尤其是係嗰芝士蕃茄簡直係一個享受。另外附送嘅係住喺薯仔沙律、醃青瓜、牛蒡，超好食😋。另外個生薑豬肉丼都好好食，我朋友唔鍾意食洋蔥，黎嗰時同我交換，最後發覺好甜又香跟住一個人食晒。另外要提一提，佢既米係用珍珠米，細細粒細細咀嚼後比其他米甜。而且佢可以加$15去自助吧食嘢，有甜品有沙律重點係有特色嘢飲，例如西班牙特飲，美人果茶，呢啲平時都好少何飲到，想要其他普通嘅維他奶可樂全部都有，我最愛既提子汁更加唔少得，非常正。

今次又去到東港城搵食，行過見到人氣食店-塚田農場！竟然唔算多人排隊！即卡去攞飛先！今次叫左兩個lunch黎食，同尖沙咀果間好唔同，呢間價錢真係好實惠！燒黃花魚定食成條魚燒得金黃，一上到黎就熱辣辣，個皮又脆卜卜，但啲肉仲係軟林林嫁！ 一條唔算大既魚可以燒到咁，真係要好多技巧同功夫！一百蚊都唔洗既價錢就食到 ，抵！四色刺身定食 $118今次既刺身有三文魚、帶子、魚子、蝦，都好新鮮好好味！師傅一啲都唔姑寒，樣樣都比足，帶子都有成4舊！三文魚又唔係薄切果種，食落好滿足呀！

呢間餐廳原先係美人鍋, 最近改左名做塚田食堂, 餐牌都更新晒, 去試下先. 坐低之後店員俾左張紙, 再scan QR code落單. 價錢都算抵食, 晚市最平$58有一個定食, 仲可以加$15有埋個沙律吧! 沙律飲品甜品吧, 跟定食+$15沙律吧有栗米、洋蔥、青瓜絲、意粉、西蘭花、車厘茄. 有兩款汁揀, 我落左好多千島醬, 正~~ 飲品選擇都幾多, 有幾款罐裝飲品、咖啡、果汁、仲有幾款果茶, 我自己就揀左玄米綠茶, 清清地帶有玄米香, 好飲! 甜品見到有兩款, 有朱古力蛋糕同紫薯蛋糕, 兩款味道都唔錯, 唔會好甜, 係比較硬身少少既蛋糕南蠻炸雞定食 $83定食1set上來好吸引, 前菜都有幾款, 包括有蘿蔔絲、酸瓜、薯仔沙律, 仲有味噌湯! 每款都唔錯, 最好味就係薯仔沙律, 好多薯仔粒, 入口清爽! 主角南蠻炸雞都一樣好食, 新鮮炸起, 雞件好滑, 配埋他他醬真係一流! 而且份量都唔少, 唔錯!!豚肉味噌湯帶池魚定食 $83朋友叫左呢款, 佢話都唔錯! 味噌湯係偏淡, 不過入面好足料, 好多豚肉, 同白蘿蔔, 撈飯食好好味! 另外條池魚炸到好好食, 都係新鮮炸起, 脆卜卜, 又大件,

平時都鍾意嚟呢到開餐，貪佢坐得舒服，食物種類又多。有刺身啦、日式熟食定食、小火鍋。不得不提嘅係，加$15 就有個自助沙律添。不過今日唔係太餓，就咁叫左個定食。炸豬扒定食 $98豬扒炸得香脆，而側邊啲沙律菜更加係畫龍點睛，可以中和油膩感。薯仔沙律更加係我至愛。如果沙律吧有埋呢個就一流啦。朋友就嗌左蛋包飯帶池魚定食 $98嫩滑嘅蛋包住蕃茄醬炒飯。而炸帶池魚都炸得好香脆，沾上沙律醬食，口味特別夾。份量十足，真心抵食。

塚田食堂都開咗一段時間，一直未有機會試。今日屋企無煮飯，一於食呢間啦。揀咗燒雞定食 $98同芝麻醬油火炙三文魚配鱈魚子丼 $78。燒雞定食有前菜：薯仔沙律，薯蓉配埋煙肉碎。冰涼好味，十分醒胃。酸青瓜都好適合送飯另外仲有味增湯。主菜燒雞扒。表皮燒得香脆，雞肉嫩滑。配上白飯，一個定食分量已經好夠。芝麻醬油火炙三文魚配鱈魚子丼配味增湯。估唔到芝麻醬油同火炙三文魚都幾夾。而鱈魚子微微鹹香，更加帶到三文魚嘅鮮味。

一個唔好嘅進餐體驗，由一開始入去食飯等咗好耐都未出到野食，諗住問staff睇下整食點，最後發現漏單一句唔好意思都冇 再問多幾次就「哦」住好唔耐煩咁回應。豬扒又硬啲汁又鹹 本身見到open rice都幾多正評都有少少期待 食完真係即刻失望咗 再加上咁樣嘅服務態度 雖然知道同事可能都忙緊 但基本禮貌都係需要的吧到之後食緊嘅時候 水又冇杯 咩餐具都要自己拎但要收加一服務費 個下真係好失望😤每個人去餐廳都係想輕輕鬆鬆咁食餐飯

由之前嘅黃金骨膠原美人鍋，變成現在親民食堂，都係屬於塚田農場旗下，食堂走日本和食小店風格。平日晚市時段，總見到有人在店外等候入座，今日路過見冇人龍，係時候俾個機會自己試吓堂食啦⋯⋯燒雞定食雖然冇menu 張相咁吸引，但係照燒汁好味，唔太甜。雞扒燒得緊緊熟，雞皮有焦香但唔係燶，肉質嫩滑有肉汁😋有火箭菜做伴菜👍🏼 餐牌上介紹話呢個係日本鹿兒島嘅赤薩摩雞，雞皮與雞肉之間冇肥膏，所以可以好安心咁食雞皮啦 😂😂炸池魚配南蠻炸雞定食炸池魚定食 $78 加$22 可以多一份南蠻炸雞。 有驚喜！池魚上啲粉漿好薄麵包糠外皮炸得好鬆脆，池魚有調味，好好味及 juice ，一D都唔乾，冇魚腥或雪藏味道，三大件份量好足夠仲配上奇妙沙律醬，都係個句⋯⋯好味 😋 正呀·但南蠻炸鷄相比就好失色，有三件，上枱時已經凍了，個漿皮變腍咗啦，味道係 OK 嘅，但要加$22蚊 就覺得唔係好值，應該可以好啲⋯⋯⋯兩個餐都有飯，麵豉湯，薯蓉及兩細碟前菜。所有套餐另加$15可變成任食沙律，甜品及任飲果汁，咖啡，茶及汽水。最初選擇了一杯橙汁及蜜桃茶，可惜味道非常淡，感覺好似加咗好多水，完全冇橙及蜜桃味道，後來攞咗汽水安全啲🤣沙律菜頗

聽友人說，前身是家日式火鍋店，現在搖身一變成了這家日式料理餐廳。前菜及飲品都是自助，在近門口位置自行拿取，形式都是任飲任食。先掃碼點餐，十分方便。之後就可出去拿飲品及沙律了。第一杯拿了果汁茶，沙律方面則有各式各樣的沙律菜、螺絲粉沙律、粟米粒粒及車厘茄等，選擇雖不多，但食物新鮮。店員不時都會添加新食物，確保新鮮衛生。6色刺身定食配燒花魚：刺身一大盤，有六種類的 刺身，色澤鮮豔，紅潤，新鮮，不是那種雪藏了很久的魚肉。最愛就是吃魚了，無論是中式的蒸魚抑或是日本刺身、燒魚等都喜歡，除了定食本身的鮮魚外，另加了燒花魚。午市還包自助沙律及飲品吧，十分飽肚了。定食還有湯、小菜、漬物及白飯。之後加單點了一小碗烏冬麵。冷烏冬質感細滑，彈牙，清淡簡單的醬油湯底，很掛湯，蠻出色的。午市套餐加上這個自助沙律及飲品吧，十分豐富又飽肚。

唔多去將軍澳！揾食有點難度！見到尼間在尖沙咀海運食過！見個價錢合理！咪試吓價錢比起尖沙嘴平！當然環境都無尖沙咀好！+15可任食沙律吧及甜品及任飲值得推介南蠻炸雞定食～我哋座個位冷氣偏強！所以啲嘢食好快凍！都大嚿但炸粉偏厚滑蛋猪扒定食～炸猪扒有點失望！猪扒太薄粉太厚反而可以任飲有驚喜有汽水！茶包！花茶 ……甜品一般