影片
嚟到塔门梗要食佢嘅三宝：海胆炒饭，炸墨鱼丸，椒盐鲜鱿😋 我地一行11人，见呢到几阔落又有大枱就入去😝 呢到店员同老板娘招呼很好👍 海胆煎鸡蛋 （$220）呢味菜真系要食，呢个煮法食与鸡蛋好夹， 食到滑滑嘅海胆同香味👍用料十足，夹到成pat海胆🤩海胆炒饭（$148）炒得够干身饭粒粒分明，味道清淡，海胆唔够海胆煎鸡蛋浓郁，可能炒散晒，有点失望😅炸墨鱼丸 （$120）数量都唔少有成20粒，系足料有弹性唔会好粉，咬落去好弹牙椒盐鲜鱿 （$130）炒得不错外层惹味，鱿鱼里面唔会太韧咸鸡半只（$120）肉质算滑，不会死咸，碟头都大摆盘几仔细豉油皇炒面（$75）煎芺蓉蛋 （$100）
继续阅读
塔门新汉记嘅饭菜真系正到冇话说！𠮶碟椒盐鲜鱿，咬落去外皮脆卜卜，里面鱿鱼肉嫩滑得嚟又唔会太韧，咸香微辣薄薄一层，惹味得嚟唔会过分抢味，实在系隔离铺头都闻到𠮶种好食🦑。至于𠮶碟白灼虾，鲜味绝对系满分，弹牙肉质，一啖啖嘅满足，蘸吓特制嘅酱汁，直头系鲜上加鲜，正宗海鲜嘅味觉享受🍤。当然唔少得话你知，𠮶盘海胆炒饭都系啱食到晕，饭粒弹牙唔烂，海胆鲜滑解海鲜瘾，葱花提香，呢个集合咗海洋精华嘅一道佳肴真系正呀！蒜蓉炒菜心都几得，清新脆口补充咗啲青菜嘅需要。老实讲，塔门呢间馆子嘅饭菜，真系叫我有种满足到唔想走嘅感觉。整体来讲，呢次嘅饮食体验可以用「爽口又过瘾」嚟形容，真心会想再嚟一次！👍🏻
继续阅读
行山行到半饿死，嚟到塔门不如搞搞𩠌啦！好彩撞正这间，环境满唔错。豉油王鱿鱼炒面够哂香，鱿鱼爽口得滑，个炒面真系驶唔使多讲，顶级！炸墨鱼丸好有弹性，咬落去层次感十足，唔会太胶，喺晕晕地个口味度掂晒！就算个奶茶普通过路，但打完风呀，冻一冻都算系咁解困。未完，茶餐厅必点海胆炒饭真系喺呢度揾到新定义，新鲜海胆非常入味，炒饭粒粒分明，蛋香扑鼻，简直系粤语嘅「滋味」二字嘅现身啊！而家谂起都仲口水直流呢。餐厅嘅老板娘真心好客，搭车搭船都值得！下次揾食，记得塔门呢度有一间，唔该上啦！👌🦐🍚
继续阅读
5/5鲜鱿大癫！好少店家用鸡蓉味公仔面，额外的满足。奶茶都好饮，茶香奶浓又滑。Must tried their squid here! Super tender and fresh! Milk tea as well, silky smooth with good tea and milk aroma.
继续阅读
2129 浏览
今次参加咗个本地团，由马料水出发，去探索塔门及鸭洲岛，塔门就学生年代去过一次露营，鸭洲岛真喺听都未听过，原来喺香港好北嘅一个小岛，望过对面就喺盐田港，非常近，最估唔到原来个岛曾经好多居民住过，依家都仲有街渡服务，但就好疏。行程中段，先嚟到塔门嘅「新汉记」食团餐。现时塔门都仲喺不时有好多人上岛旅游或露营，岛上都有唔少人住，以及有唔少商舖、食肆，「新汉记」属村屋建筑物，上下共两层，故此格局比较细，楼底比较矮，好有一派老风情。据了解，佢哋主要都喺做团餐多，算最揾钱嘅收入来源。顺手亦影低个餐牌俾大家当参考，当然，我哋食团餐嘅，都喺𠮶几款指定款式，为免阻人开饭，所以，啲相都喺快快手随意影。盐水鸡人齐起𩠌，第一碟喺盐水鸡，摆得好靓仔，都无话求其斩完新算。只鸡唔太肥，而啲肉质亦算嫩滑，虽然只喺简简单单嘅盐水鸡，但咸咸哋，食到啲鸡鲜味。白灼虾靠山食山，靠海食海，团餐当然都有啲海鲜菜式，白灼虾更加喺唔少得，因为制作简单吖嘛！碟虾好大碟吓，大家都可以食到好多只，包满足，而啲虾鲜味十足，虾肉结实有弹性。鲜菇扒时蔬团餐中蔬菜类菜式有两道，先呢个小棠菜，我就觉得师父啲炒工唔错，小棠菜炒得啱啱好，带少少爽身，芡汁亦唔会太多，当然草菇应该似喺罐头货㗎喇，整体算喺做得稳阵。鱼蛋紫菜汤汤品就有番啲渔村小岛风情，就喺紫菜汤，大大锅嘅紫菜汤睇都睇到好多紫菜，所以，味道清得嚟有阵阵紫菜味，咸咸哋咁啦；啲鱼蛋唔知来货定自己做，感觉唔错，弹牙有鱼味，至少唔喺沟粉货色。炸墨鱼丸睇食评见好多人都赞呢个菜式，所以，我都对佢抱有期望，讲真啲墨鱼丸大大粒，又炸到金黄，真喺好有睇头，不过食落又唔喺咁犀飞利，个墨鱼味无预期咁突出，质感都OK，唔会话好粉。蒸鱼虽然，团餐中无呢度嘅招牌椒盐鲜鱿，但呢条蒸黄立䲝都好唔错，啲鱼肉入口好嫩滑，有鱼鲜味，同枱嘅人都钟意食鱼，所以，好抢手，唔喺讲笑，转头都已经无晒。生炒排骨喺港式小炒嘅经典菜式，人人都钟意食，皆因酸酸甜甜好醒胃， 睇过芡汁多到呢……捞饭就啱晒；讲到啲排骨，其实好OK，炸得都算松化，咬落层皮仲有啲脆口，个甜酸汁调教得唔错，至少唔会好呛喉。油菜另一记蔬菜菜式就喺最后上枱嘅灼生菜，其实睇都知无咩特别，简单灼熟，淋上豉油而已，不过，灼得刚刚熟，咬落嗦嗦声。因为喺团餐，菜式就唔算好特别，但碟头大，好足份量，加上白饭任装，而每枱只喺8人，我呢枱基本上女士多，所以，吃得小弟好饱，最紧要都喺大家食得开心啫，完咗仲有啲时间周围行下添，帮助消化！
继续阅读