堤諾比薩 (已結業)

原來深水埗有間咁好味既台式fushion餐廳！我地叫左個2人套餐包2杯野飲 一個主菜 一個小食 一個沙律真係絕對夠飽架！個pizza係世界級好味！！必叫！果香燻雞pizza! 上面d杏仁原來咁夾！個薯條都即炸！ 勁新鮮！配埋個醬！ 食完仲想再食！杯野飲都係好好飲 雖然係無糖綠茶無咩味 但都可以沖淡d油膩感！

今日天氣好爽好清涼，勁舒服，瞓醒就出左深水埗行左陣，之後上網睇食評見呢間都唔錯，2點半經過見無乜人，就入去試下。假日無下午茶，就試左個2人餐$178，另加$68 多一個主菜。沙律都可以，橄欖油加左醋既醬汁，味道不錯雞翼一般，唔夠香脆，太乾身鞋口，味道怪怪Pizza一上枱見到有杏仁片覺得好怪，有波蘿，洋蔥，芝士。Pizza加埋杏仁片食落有D脆口，口感其實都幾得意骰子牛粒飯，一上枱已經好香，味道都幾特別，特別到我覺得太過濃烈包2杯$24以下既飲品，叫左冰柚水果綠茶同水蜜桃水果綠茶，幾清甜 （忘記左影相）

#cic深水埗- 堤諾比薩 🍕🍕* 義式果香燻雞 $90我地揀左羅馬批底(薄批) 批底果然好脆口 加埋杏仁片特別有囗感 芝士好香濃 燻雞嫩滑🙆🏽而菠蘿就係所謂既果香💁🏽 可以平衡芝士既濃味------------------------------* 松露野菇 $93咁多個pizza我最鍾意呢個❤️松露同野菌呢個組合已經係冇得輸 松露味仲要好濃😍 除左有松露油增加香味之外 仲有松露醬!!!! $93完全收貨👌🏻------------------------------* 煙燻三文魚佛卡夏 $76佛卡夏即係用意式香草飽做批底 厚度係薄批同厚批之間 批底都幾軟熟!!!! 上面既沙律菜好新鮮 完全冇焗過 配上煙三文魚同酸酸既黑醋汁 大大減低油膩感☺️ 配搭非常清新👍🏻------------------------------* 芝士薯條 $46薯條夠熱而且超級酥脆☺️ 呢度既芝士醬好好食 質地唔會太水 凍左又冇變香口膠 而且味道夠濃郁🧀🧀多啲煙肉仲正💁🏽

由於新開店時大排長龍到依家不用排才來試下星期二既晚上730左右都只係得1/3滿但一到800就開始又要等位啦証明今日才得合時第一次來唔知叫咩聽到說 2人餐好抵馬上就點了2人餐頭盤水耕菜沙律:配上芒果及奇異果粒,我覺得唔係好夾再加埋個醬汁酸酸香香甜甜,好怪。讚位係菜夠新鮮。蔬菜湯:好濃菜味既湯,好飲。蕃茄雞亦:炸得太脆所以太干,沒有蕃茄味只是甜甜的。水果茶:太甜了加了一大杯水仍是太甜。Pizza: 整頓飯最妥當的是這個Pizza好香蒜味,芝士,檻欖,雞肉分量都剛好。外脆內軟的餅皮叫人回味。

成日經過黃金，心郁郁想試吓呢間，深水埗太多野食喇，逐間試都要幾個月。今日收早，６點正入來，只有一檯客，心諗。。。「唔係中伏呀嘛？？！！」未幾，客人陸續到來。未到７點已經坐滿，放心晒！叫左個２人套餐＄１７８有～～～～水果水耕菜沙律—　蘋果片、奇異果粒、蜜桃粒香甜，　　沙律菜新鮮爽脆香脆粟米球—　香甜又脆口，幾特別意式果香燻雞 PIZZA—　好多雞肉同菠蘿，最鍾意條批邊，夠香脆加＄６８可以多叫一個主菜，叫左意式海鮮總匯烤飯—　有蝦、青口、魷魚圈、雞肶菇，份量不少飲品係自選２杯＄２４以下的飲品，叫左水蜜桃冰綠茶同埋蘋果冰綠茶，不太多冰亦不會過甜，幾好，可惜有一杯唔記得影相。食滿＄２００，可以優惠價享用兩客甜品，原味芝士餅配雪糕，芝士餅無乜芝士味；法式焦糖燉蛋配雪糕，呢個ＯＫ，焦糖燉蛋做得唔錯。Download Stampon 可以儲印花，消費每＄６０有１個印花，是晚埋單＄３２３，有５個印花，夠７個印花，可以換２人下午茶套餐，ＹＥＡＨ！！

今次又係同老公去行街之後既下午茶✌🏻，去到黃金商場附近，周圍都係茶餐廳好，行行下見到有一間餐廳，係門口睇下佢個餐牌，感覺好似幾好，咁就入左去啦，環境幾好，夠大，服務生好有禮貌，只叫左2樣野食，個pizza都好好食😝，但飲品就麻麻地，但勝在夠平，又坐得舒服，所以都值得一試既😂

同朋友一齊去聚餐，放工後就近近地去咗深水埗，咁一間都算係深水埗少有嘅Pizza店，台灣佢都有好多分店，咁我哋都比較鍾意食台式嘅嘢咁所以就揀呢間。有個沙律啦，分量唔算大，不過始終少返屋企食飯食多啲菜好啲。羅宋湯飲呢個羅宋湯囉OK嘅，開胃啲呀嘛。跟住就嚟咗個小食，炸洋蔥圈，呢個好香口配埋沙律醬食好好食跟住再嚟多個小食拼盤，乜嘢都有，好快就俾人搶曬。芝士薯條，如果多啲汁就好啦。叫咗個pizza，即叫即正好正。呢個就特別啲，都幾多料架。個意粉都幾好，有蘑菇，又有肉。咁佢杯都幾好飲，唔會話太甜。呢個面係真係有紅豆，幾特別。

排隊等位時已經見侍應不足也好像未熟練，有心理準備要等耐啲先有得食，果然係要耐心等待上菜，但食物質素唔錯，價錢也合理，值得一試。不太肚餓，order 了個最少的套餐有pizza, 小食, salad, 湯或飲品蘋果冰綠茶有鮮蘋果，套餐都唔係hea飲品南瓜濃湯Creamy又有南瓜味，唔夠熱，面的粟米片已經淋了水果水耕菜沙律水果有奇異果同黃桃粒，不過好少沙律汁好味香脆粟米球細細粒，略咸，夠熱意式果香燻雞pizza雞肉有煙燻咸香，用新鮮波蘿，加少少橄欖同杏仁片增加口感，pizza 餅底唔啱啱好，唔會太焦，少許香脆，唔um，略嫌冇乜芝士味，整體唔錯

南瓜湯外表顏色吸引湯好濃郁(好清甜的味道)好重南瓜味粟米球第一次試，外脆內裡有層creamy汁包住粟米粒，好sweet 炸粉皮，不厚身(熱熱上枱)加分海鲜薄餅海鲜滿滿鋪滿薄餅餅底，傳統麵包底，外邊位香脆，薄餅底鬆軟(新鲜焗)鱿魚鮮嫩，芝士有拉絲效果(好香口)軟殼蟹温泉蛋飯汁好creamy,温泉蛋1OO分(蛋黄好流心)軟殼蟹炸得香脆，但size 细隻左d鱸魚，好新鮮(肉好鲜嫩)，而且起左魚骨(超级细心)，西蘭花，蕃茄吸收左魚肉d鮮味，好惹味，青口雖然细隻但好鲜味魚無腥味，而且無魚骨，加分錫蘭奶茶鍚蘭茶味濃，奶的比例適中，好好飲!p·s·店主張(有需要先俾食用水飲用)不錯的做法單據有節錄聖經句子有深度~~~反思中☘☘

星期日返完教會過左深水埗果邊食lunch, 因為揍住BB, 所以搵間坐得舒服D既舖頭食野. 在條食街入面竟然有一間裝修得好靚既pizza 店, 而且入面地方較闊落, 所以就入左去坐. 之後簡單叫左一個pizza+$18 轉set (有沙律同飲品), 同一個小食. 沙律入面幫客人落埋醋同柑欖油, 生菜都幾爽口. 之後再黎個奶油燉焗肉丸 ($46) , 原來呢款小食配有四塊薄餅, 將薄餅蘸D融融地既軟芝士黎食, 都幾好味! 薄餅都烤得好薄脆! 不過要襯芝士仲未凍同硬!之後再黎一個波蘿那風情手拉pizza ($78), 材料雖然唔算好多, 不過都幾好味! 餅底較薄身! 啱晒唔太大食既客人! 芝士茄醬都合宜!不過杯凍珍珠奶茶又就好般了. 

綜合芝士pizza...批底好好味，夠脆。幾款芝士配合得好好，唔太濃。好香，好夾，仲有合桃toppings，層次好丰富個松露薯條就差少少。。不過都ok ge。主要係唔夠脆，同唔夠松露嘅香味。當然，幾十蚊，想點呢。所以，我係同triple o嘅薯條比較白酒煮青囗呢，都ok ge, 酒味都入青囗。可以再濃啲就perfect啦。總體感覺係好。响40度嘅深水埗有個咁舒適嘅環境，俾你差足電再去血拼，感覺十分幸福。。

深水埗食意式野唔算多🤔，黃金隔離就有間「提諾披薩Tino's pizza」🍕～呢度唔知係咪同基督教有關，但見佢地埋單時有金句都幾得意🙆🏻～---------------------二人餐有一個Italian pepperoni 🍕；兩個小食「水果水耕菜沙律」「芝士薯條」🍟；兩杯飲品，另外再加個香辣粟米波🌽～沙律好清新有好多生果，配上佢地特製的沙律汁都幾開胃🥗～芝士薯條唔係太夠芝士汁，煙肉亦唔太多，不過薯條十分香脆👍🏻~Pizza 同辣粟米波的辣其實都唔辣😂，如果要講最多係話幾惹味啦，pizza 真心幾油但係味道唔錯🙂，不過兩人食呢個二人餐都真係幾飽😅⋯

深水埗行一陣街！見到呢間 Pizza 店入去試一試先！出乎意料地好味又唔貴!坐得幾舒服，我哋叫咗個套餐有沙律Pizza意粉同埋嘢飲沙律好新鮮Pizza熱辣辣仲有個白汁三文魚天使麵最後散叫多個pizza，尤其個芝士炸薯條食到停唔到口！Pizza 同意粉都好好味！！今晚晚餐超級滿足開心開心！😋😋😋👏🏻👍🏻👏🏻

今天我們一行八人, 很久沒有見面，當然要找一些又可以坐又可以食的地方，友人提議來這間店，我們8個人，有早有遲，只需1個人便可以拎位，而且我們中途也有加單，坐了很久，店員也沒有要求我們快些離開。坐及環境方面也十分好的，只有廁所環境較差。講開食物，我們也十分好吃PIZZA及意粉，其實本人覺得食物質素真是十分OK, 因此我們是有加單的，雖然影相不多，但也會看得出食物看上去也色香味俱佺。特別推介這個軟殼蟹意粉，真的是超級十分好吃，另外青口也是很鮮味，我們也叫了第2份。我們離開的時候，也叫了店裡的職員幫我們影了大合照呢!所以會向朋友推薦這間店的!

小妹今次就黎到深水埗堤諾比蕯。裏面嘅裝修唔錯，係深水埗少有嘅餐廳，一間餐廳亦都係間基督教背景嘅餐廳。這個餐廳來自台灣，台灣有差不多十多間舖，在內地、新加坡、馬來西亞也有分店，香港深水埗和大埔亦有分店。咁就叫左佢哋嘅個人餐，加＄18就有沙拉一客同＄24以下嘅嘢飲，有菜食真好⋯⋯菜和蕃茄的新鮮度還可以，不過不太喜歡他的醬汁，酸酸的黑醋。香脆粟米球 corn nuggets $42推介指數3/5味道甜甜地，普通的炸物。個人就不太喜歡，不過我的朋友就說好好吃。芝士薯條 Cheese Fries $42推介指數4/5上枱熱辣辣，但份量就比較少，勁鍾意食佢啲芝士，如果可以多芝士就更加好。西西里番茄炸雞翅（3隻）Sicilian Fried chicken $48推介指數4/5呢個雞翅嘅醬好食，味道酸酸甜甜，皮脆又入味都唔錯。波隆那風情 Bolognese $78推介指數4/5呢個Pizza好好食，即叫即焗，一份有四件，唔油膩好乾身，每件pizza都充滿着芝士。瑪格莉特烤麵 baked margherita spaghetti $86推介指數4/5有少少似肉醬意粉的感覺，多咗啲芝士，整體感覺都唔錯。