堅離地 7 PO (已結業)

聖誕節到處都係人，聖誕餐通常好貴好貴. 今次朋友推介呢間地中海風情真心好正.裝修好靚，d馬賽克燈吸住眼求.首先係沙律，挪威的森林沙律，清新足料健康好味跟住再來一個串燒加印度薄餅勁好味分量剛好，然後又加個大蝦意大利飯，只係賣相已經100%，當然係非常之好味，最後再加個帶子意粉，帶子大大隻意大利粉味道很適中及一份薯條. 朋友在五分鐘食完一個好滿足的午餐. 一定再光臨.重要讃下小店的服務態度非常之好，小男生非常之有禮貌.

見呢間餐廳幾有特色，所以揀咗嚟同朋友慶祝生日。入面嘅裝修好靚，好有異國情調，牆上的畫作、宛如土耳其地氈的掛簾、傳統花紋的餐墊，加上幾盞土耳其燈，真係好有氣氛！我哋揀咗午餐Set Lunch餐牌上4款特色菜式🧡乳酪黃咖喱雞配中東米雞肉好嫩，配搭薯仔、洋蔥等蔬菜，乳酪汁香滑又清新。咖喱唔算太辣，唔食辣嘅朋友都食到。🧡烤肉串各一配皮塔餅烤肉串烤得很嫩好juicy，羊肉冇乜羶味。調味上利用咗唔少中東香料，帶有孜然的味道，惹味又風味十足。💚紐西蘭肉眼扒肉質口感正常，唔算好有特色。💚墨西哥牛肉芝士餡餅餡料豐富均勻，加上邪惡嘅芝士，非常滿足！總括嚟講食物質素唔錯，價錢唔算離地，但份量較少。

個名叫堅離地已經好特別😛入面仲要係食土耳其菜🇹🇷未食過就緊係去試下啦🤣今次去係晏晝食lunch set😛另外散叫咗個店員極力推介嘅沙律🥗無花果石榴沙律店員介紹呢個沙律嘅無花果同石榴都係用返當地嘅🙌🏻酸酸甜甜幾好食😗白色嘅應該係乳酪🤔石榴同無花果都好清甜😊我食嗰陣時仲要係無花果最當造嘅時期😋食呢個沙律建議當造季節去食🤣秋葵燴羊配皮塔餅呢個食落完全唔會有羊嘅臊味😊上面又係配咗啲乳酪撈埋幾特別😛個餅煙煙韌韌幾好食😗同埋本身自己都好鍾意食呢啲餅呀naan嗰啲🤣不過唔知點解我個碟得一舊秋葵🥲太Random了🥲墨西哥芝士牛肉餡餅配沙律呢個應該同皮塔餅係一樣😗不過入邊包咗芝士牛肉嘅餡😊朋友話食落充滿芝士味😗好食而且好夠飽肚😂杯嘢飲又係店員介紹但我唔記得咗叫咩名🤣我記得係石榴嘅嘢飲🤣唔係好甜清清地不過記得要撈勻先飲🙌🏻因為要撈勻咗先至飲到個味如果唔係就會好淡🤣

間唔中都想去試下特別既黃店，呢間係我既打卡餐廳之選。店內掛左好多馬賽克燈+畫，連餐具都好精緻😍>中東串燒配中東塔可餅：有4條串燒（雞+羊），食果陣要將d肉整出黎，再將菜+洋蔥+醬汁塞入個餅度食，覺得都幾得意，味道還好。>秋葵燴羊配中東米：羊肉煮到好腍唔羶，個汁似酸酸地既咖哩汁，我諗係加左蕃茄，中東米好有咬口，整體都幾好味👍🏻>脆皮炸豬手：我會形容為唔鹹既德國豬手，個皮又真係幾脆，好似食緊乳豬咁，豬手肉質結實，又唔會煮到好乾。>香草去骨燒春雞：好大份，我地4個人最尾食唔哂，就將佢打包，變成我第二日既午餐，我翻叮完佢都好juicy😂餐廳位於佐敦，響嘉多利餅店再行入d，可以順手買埋法式布丁再食野。

是日慶祝呀妹既生日，同屋企人去咗一間極具特色嘅土耳其餐廳食飯。餐廳由香港人主理，廚師以前曾經到土耳其學廚。今次我哋就嗌咗四樣嘢食。乳酪咖哩燉雞配長米飯，土耳其烤串配烤餅，無花果紅石榴沙律，芝士牛肉烤餅。無錯，我地真係好中意食烤餅，食到尾聲都仲另外加多一份烤餅配咖哩汁😛好味餐廳食物未算十分正宗，但味道都唔錯，價錢亦合理，幾十蚊-百零蚊。最緊要係環境靚，裝修有格調，地方細細但唔會話坐得唔舒服。我地仲加左一枝酒，人均都係200蚊鬆d. 侍應態度都十分親切, 坐得舒服食得開心。總括嚟講-會翻桌😆

🍛乳酪黃咖哩雞飯 $146我個人其實唔係太中意咖喱，但佢真心驚艷到我😍首先佢好足料先拉，雞多配料多😆岩晒同我一樣都唔係甘食得辣既朋友仔！！係微辣，真係好香好惹味，中東飯第一次食，比較長身啲，帶少少煙韌感😋🥙墨西哥牛肉芝士餡餅 $95無唸到呢塊野可以食滯左我地😂😂 佢落左好多芝士🤩每啖都係芝士同牛肉😋😋足料又好食！🍢中東串燒配中東皮塔餅 $168包括2串雞2串羊，我就唔食羊既，但我朋友話唔*穌*😂雞就ok唔錯，唔算係好乾，還可以！！中東皮塔餅唔係煙韌口感，佢係包住串燒食，但我覺得好dry，加埋咖哩汁係好夾好多！

估唔到佐敦有一間特色嘅中東菜一入餐廳已經比排得好靚的土耳其燈飾吸引到，隨手影已經好靚😍成個環境充滿異國情調。墨西哥芝士餡餅配沙律有牛肉同雞肉揀，我地揀左雞肉，餅皮幾脆，雞肉餡料好足料，另配埋乳酪醬酸酸地無咁膩印度乳酪黃咖喱雞配皮塔餅咖喱少少辣，撈埋乳酪醬好惹味，雞肉份量都唔少，皮塔餅比較乾，配咖喱剛剛好。

餐廳嘅裝修充滿住中東色彩😆好有feel! 而佢地嘅turkish lamp絕對係每個人黎都會打卡嘅位😌當日就同朋友們試左4款菜式～人均$200左右___________中東串燒配中東皮㙮餅🍢羊&雞各兩串～羊串係我同朋友一食入口就讚嘅😌燒得幾好唔會話好重羶味～雞串就正常冇驚喜位😗兩款串燒辣味都好勁🥵點乳酪食好似冇咁辣～㙮餅就比較乾身～但夾埋串燒架乳酪食就好夾🤤🤤*唔食得辣唔好叫___________乳酪黃咖喱雞配中東皮㙮餅🐔咖哩都係偏辣，但配左少少乳酪係面，令到佢好似冇咁辣👍🏻另外配料都同我地平時食嘅咖哩有啲唔同，仲有蕃茄，薯仔同秋葵～*唔食得辣唔好叫___________墨西哥牛肉芝士餡餅🌮牛肉同芝士都好多好大方😆啖啖爆芝啖啖肉😌食落係好滿足～點埋個乳酪食一樣咁夾不過餅皮都係有啲乾～唔知係咪中東特色？___________大蝦龍蝦汁扁意粉🍝反而係我覺得冇咁驚豔嘅一道菜～好似平時去其他地方都食到～不過佢意粉好掛汁，而龍蝦汁都好濃😆

今日去咗渡船角食晏，嗰度不嬲都有好多臥虎藏龍嘅小店，但估唔到連中東菜都有。之前食晏試過Walk in一次，但全場爆滿，所以今次一早透過OpenRice預訂咗。有興趣嘅朋友都記得一早預約定。其實門面一眼睇晒，唔算好大，都係坐到10鬆人左右。左邊幾張枱，右邊一個半開放式廚房，佈置簡單。但裝修絕對有花心機，大至燈光，細至枱面嘅餐墊。雖然未去到美輪美奐，但絕對感受到異國風情。細心一睇，其實menu未至於清一色好中東化，都配搭左幾道常見嘅西餐菜式。可能係店主知道中東菜口味比較偏鋒，未必個個啱食。但一場嚟到，就揀咗兩個比較中東嘅菜式試吓。中東串燒（羊+雞）配中東皮塔餅 $78兩款串燒非常入味，配搭咗中東菜特有嘅香料，十分惹味。可能比較少食中東菜，總係覺得皮塔餅Pita同印度烤餅Naan分別不大。後來google先知有咩分別：// 印度的naan多年前由中東波斯傳入，因此它跟pita的確十分相似，同樣是以麵粉加酵母經發酵後製成。然而pita所有材料比naan簡單，而且沒用印度的傳統tandoor烤爐烤焗，只在一塊圓拱形的石板上隔火烤成，pita因此沒有naan的鬆化，加上其餅身一般較厚，吃起來更具質

今次決定玩玩新意思！唔再淨係食西餐😋決定試吓啲新野——中東菜！一入到黎餐廳環境佈置都幾靚☺️吊住啲好有土耳其民族風情嘅馬實克吊燈，用嚟打卡就岩晒啦🤣最欣賞嘅係，佢地連餐墊、餐具都好特別👍🏻［乳酪黃咖喱雞配中東皮塔餅 $126］呢一個真係要嗌黎試吓👍🏻佢地嘅咖喱唔會好辣，反而好香好惹味🤤配埋佢地個皮塔餅，真係超好食！呢一個皮塔餅唔似我地平時食開個隻印度薄餅nann，呢一個比較簿身啲，口感少少煙韌，不過用嚟配佢哋個咖喱雞都一流☺️［墨西哥牛肉芝士餡餅 （4件）$98］呢個真係黎到必必必食！一黎到真係好熱辣辣！拎上手已經感受到佢哋好足料😋裏面有勁多芝士，咬每一啖都拉到絲🤤配埋佢地嘅墨西哥牛肉，真係啖啖都好足料！點埋佢地嘅乳酪醬，唔會怕食到好油膩！大家嗌嘅話記得趁熱食！［脆皮炸豬手（半隻）$128］最後呢一個豬手都相當出色！外皮燒到好香脆，唔會好有油膩感，肉質軟腍，食落去feel到炸豬手嘅骨膠原🤣真係唔錯！配埋佢哋嘅酸菜，真係好開胃！小編們食過唔少餐廳嘅豬手，呢一個都絕對係數一數二好食👍🏻總結嚟講，野食方面呢間餐廳的確係做得唔錯👍🏻😋不過呢間餐廳就有個幾嚴重嘅問題，就係要等。好。耐😭我哋等嘢食足足

本身好鐘意土耳其嘅燈，難得見到呢間餐廳裝修咁靚，梗係要同朋友黎打卡。因為唔近番工地方，就算我地點幾黎到都唔洗等位。中東串燒(雞/羊各一串)配中東皮搭餅 $78分量唔多，雞串比羊串好食，羊串比較硬同埋咸咗少少。皮搭餅厚身但都比較硬，不過旁邊嘅他他醬唔錯，點嚟一齊食幾夾。墨西哥芝士餡餅配沙律(牛肉/雞肉) $78極推介芝士餡餅!拉絲芝士配埋足料雞肉多，絕對比到驚喜你!!!餅相比起頭先皮搭餅一啲都唔硬，好易咬開。印度乳酪黃咖哩雞配中東米/皮搭餅 $78咖哩味普通，唔太辣，不過就唔係好食到乳酪味。中東米就比較乾身，食落口感唔算特別好。秋葵燴羊配中東米/皮搭餅 $78羊都係配咖哩汁，同頭先分別唔大。不過羊煮得唔錯，夠腍又冇羊膻味!整體黎講，野食ok，環境舒適優美，打卡一流!

墨西哥芝士餡餅配沙律(雞肉) 🌮內餡足料咬落去啖啖肉+芝士🤤芝士🧀份量十足，可以拉絲🫕雞肉用香料調味，肉質尚算嫩滑餡餅外皮烘得香脆外脆內軟口感層次豐富👍🏻即叫即整上到枱熱辣辣♨️好難唔好食 >🤪伴盤既沙律菜🥗新鮮爽脆撈埋醬汁食🍾可以解膩👅印度乳酪黃咖喱雞配皮塔餅 $78配料有雞肉🐣、菇片、蕃茄🍎同豆等雞肉都有七、八舊，夠嫩👌🏻其他蔬菜正常、無特別黃咖喱🥘辣度高過平時食既咖喱🌶🌶但好惹味😽面頭既乳酪🍼可以中和返比較突出既辣味同香料味總括而言係好食既咖喱🥰皮塔餅🫓帶少少麥香🌾質地有咬口煙韌🤤沾上咖喱一齊食一流🎉整體而言，食物新鮮製作用料大方👍🏻味道唔差，但未至於驚艷餐廳環境有異國風情🌞經過既話可以一試👌🏻特登跨區拜訪就唔洗啦😛

好想香港有多啲呢種價錢合理，又有自己特色嘅小店。喺出面望入去已經見到排好靚嘅彩色玻璃吊燈，連枱面張餐墊都喺中東風好得意👳🏻✧ 中東雞羊串燒配皮塔餅 $𝟟𝟠好耐無食過kebab，一上菜嘅時候發現得嗰一塊pita bread呆咗🙈 d肉燒得幾好但如果個羊重少少羶味同多啲香料味會惹味啲。✧ 無花果石榴沙律 $𝟞𝟝除咗生菜之外無其他菜，調味得沙律醬再加少少芝士，有少少單調，但好彩無花果唔算太少。✧ 水牛城辣汁雞翼 $𝟟𝟠個調味又係好似比較單簿，淨係食到Tabasco味，食唔到茄汁嗰種甜酸味。粉漿有啲太厚，不過外皮炸得夠脆，入面肉嘅生熟度啱啱好。

原本預約了12點，不過來到店員說今天遲一點開門，最後12點半入去。入面坐位唔算多，大概坐到20至30人，想食最好book定位，因為12點半入座，都已經見到好多walk in客無得入。 叫咗墨西哥芝士牛肉餡餅 同 咖哩雞配中東米本身上網睇相以為細細舊唔係好多，點知現實都幾大份，牛肉多，芝士又多，自己一個食哂4件都會幾濟，味道都唔錯，牛肉略鞋，不過中東牛肉係咁。咖哩雞飯，雞件好滑，咖哩算幾辣。有評語話加咗乳酪，唔食得辣嘅都可以食，事實並非如此，哈哈！店內嘅中東擺設都幾靚，店員態度不錯，還免收加一，中東菜來說算係幾抵食

去餐廳食飯，食物才是重點，但今天到此小店進餐，就必需要講述一下其環境雖然環境很有格調和韻味，燈飾，餐布，以至餐具也很有心思。用的餐具無奈地，因為小店店面太小，座位與座位之間相隔太近，如果要聊天，實不容易。而且也很擠擁跟餐點了一杯紅棗茶，紅棗味不太重無花果石榴沙律＄６５乳酪酸酸微甜，很開胃，牛菜也很新鮮，但雖然可以多點沙律菜的種類，會感覺上比較豐盛有少量紅石榴粰和無花果灑在面，但份量太少，到後段也只餘下生菜，而且質量也一般，沒有一絲甜味，整碟沙律只有乳酪帶起整碟的味道中東串燒配中東皮塔餅　＄１６８以這個價格，份量上算是比較少，而其塔餅也不能做到煙韌，更加失色，勝在配菜新鮮共串串燒，２串是羊，２串是雞，味道也是偏淡，吃不出有太多的調味羊沒有太大的羶味，即使我不吃羊的也能接受，而且無論雞串燒或羊串燒都燒到烚到好處，有少少燒烤香氣，也保持肉質不會太乾但配上中東皮塔餅就大大扣分，因為中東皮塔餅比較乾，再配上比較乾的串燒，就乾上加乾，配搭上不太合適。黃孔酪雞 配中東香草飯＄１２６這個價錢比較相宜，因為串燒已經配了塔餅，所以這個飯選了中東香草飯這個飯不會太濕，而且偏硬身，較合我口味，但無其飯沒有飯香