堅泰

营业中

休息中

旺角中心立食區細細間舖估唔到可以咁多款式，又有煎餅又有主食同小食，仲有得完包蝦餅買走，堅係泰廚主理😍泰式套餐 - 堅泰炒金邊粉 $50Pad Thai 可以揀蝦肉/雞肉/豬頸肉，揀咗豬頸肉肥肥地份量又多都幾抵，超香羅望子醬但唔會太甜，調味啱啱好，金邊粉都炒得好香。套餐送飲品泰式奶茶，雖然細細杯，但啱啱好解咗頸渴，又唔會令定價太高都幾好 👍🏻 除咗泰奶仲可以揀龍眼茶秘製沙嗲豬肉丸米線 $35果然係秘製，沙嗲味好香，辣辣地，米線都好滑，豬肉丸肉質結實，都幾juicy泰式雞棗（雞肉丸） $16/四粒 & 泰式魚餅 $16/四塊兩款小食都好驚喜！新鮮炸起金黃色熱辣辣，兩款小食入面入邊都有少少蔬菜粒，點個甜辣醬好正肉鬆香蕉煎餅 $34六款煎餅有五款都係甜嘅，我就試吓鹹嘅肉鬆，都係同一個煎餅底，但上面鋪滿肉鬆，香蕉蓉熱辣辣又甜又腍，個餅夠脆，成個配搭得好好🤤

🇹🇭泰道地旺角泰開心掃街🥡-好耐都冇掃過街 難得同行朋友都有興趣做一日MK仔女 就帶咗佢去旺角中心呢個立食林立嘅掃街天堂🤣 呢間-🍌榛子香蕉煎餅 $32食泰國街頭小食 除咗芒果糯米飯之外 最鍾意就係食香蕉煎餅 煎餅好香脆配上香蕉嘅夾餡 加埋榛子朱古力醬 唔使講都知好夾啦😎-🍤即炒蝦肉Pad Thai $50炒金邊粉又係另一道Classic嘅餸菜 估唔到呢間小食店廚房細細 都做到即叫即炒 所以好有鑊氣🤪-🐷泰式烤豬頸肉 $68烤豬頸肉都唔錯 外層烤到焦香 而且份量都唔錯 有成七至八片 仲要係厚切 啱晒食肉獸😎-📍堅泰 (旺角)旺角彌敦道688號旺角中心一期2樓SA25A號舖-

旺中而家有好多唔同款式嘅食物應該好多人都知 最近發現新開咗一間叫堅泰嘅泰式餐廳🇹🇭 顧名思義堅係由泰國人主理👩🏼‍🍳即叫即炒pad thai 可以揀豬頸肉/雞肉/🦐 我揀咗豬頸肉 有嚼勁又香口🐷 跟餐有一杯龍眼茶 唔會過甜 值得一讃👍肉碎粉絲沙律 我就轉左撈泰國媽媽麵😛 酸辣豬肉碎好開胃 同mama麵都幾夾 不過應該都係同粉絲更好更索汁🌶️最後就緊係有第二個胃俾甜品😝 有我最愛嘅椰汁西米糕 椰汁同班爛嘅香氣加上啖啖粟米西米 香滑Q彈我至愛☺️仲有我每次去泰國必食嘅香蕉煎餅！呢樣好似唔係成日喺香港啲泰國餐廳見到 而且仲有好多配搭可以揀㖭😗 我就揀咗榛子醬 滿滿🌰同大量🍌蓉 充滿泰國街頭風味🇹🇭

喺旺角行街搵速食都唔係剩係得篤魚蛋嘅，想食得飽肚又好啲，呢間位於旺中2樓嘅泰式小店係不二之選～店面不大，但係都好用心咁留一個角落俾人打卡、影相兼食嘢～堅泰即炒Pad Thai($50)真係望住佢喺店入邊即炒㗎，炒粉條條分明，唔會黐埋一pat pat，除咗選擇嘅配料蝦肉之外，仲有超多唔同材料撈埋一齊炒，口感豐富，每一啖仲食到花生香味，超有heart堅泰榛子香蕉煎餅($32)呢度嘅人氣No. 1甜品，見到佢上邊有成層榛子醬，諗會好甜好溜啦，反而我覺得OK喎，香蕉夾心有少少濕潤感，煎餅香脆得來又有少少煙靭龍眼茶（凍）(+$10)落足料有好多龍眼肉，好有龍眼味

疫情後已經好耐冇去過旺中原來呢度有間由泰國人做主廚價錢又大衆化嘅泰菜小店😋不過餐廳堂食就只可容納兩個位置眼見食客大多數都係附近返工嘅朋友仔所以餐廳應該多以外賣為主講返佢哋嘅地道菜式先👋今次我哋點咗幾款都係餐廳嘅熱賣：1）青木瓜沙律🥗$38青木瓜沙律酸甜得嚟又帶有少許辣嘅味道份量豐富；另外配搭少許炸豬皮，口感脆口，非常充滿泰國地道風味！2）堅泰即炒Pad Thai 配豬頸肉+泰式奶茶 $50每次食泰菜呢個都係我必食之選😋炒Pad Thai係泰菜一個非常地道嘅菜式配料方面都很豐富，配搭埋豬頸肉真係令人食指大動；不止賣相吸引，味道也充滿泰式風味！而且唔會炒得太過油膩又唔會太乾，火喉適中～推介👍🧋泰式奶茶口感香滑又係大愛🤭4）椰汁西米糕 $15/2件西米糕上層充滿椰香味口感細滑，下層有西米+馬蹄層次更豐富，價錢貼地值得一試！5）香蕉煎餅（堅泰榛子）$32餐廳人氣甜品～必食推介👍👍👍主廚煎得剛剛好熱辣辣很香很脆，餅底脆加上滿溢嘅香蕉蓉，上層再配埋榛子味道，3層唔同嘅口感一口咬落去真係食到停唔到口噃！整體餐廳食物質素高質，味道都相當不錯而且價錢又合理，如果大家經開呢度都值得入去試吓！

上個星期六，我同我男朋友去咗旺角中心3樓嘅堅泰食晏晝飯，呢間餐廳裝修都幾搶眼，而我敢講入面啲嘢食仲搶眼堅泰的環境都幾舒適，比起旺中嘅其他鋪頭，佢都算幾有特式，冇太花巧嘅霓虹燈，只有簡潔面嘅裝修，牆上掛著一些泰國的風景畫，同埋令人眼花撩亂嘅食物大圖。食物方面，堅泰嘅泰國美食絕對地道。我哋嗌咗佢哋嘅招牌榛子醬香蕉煎餅，食落唔會太甜，反而佢個皮做得幾出色，食落好酥脆豬頸肉金邊粉：呢度啲金邊粉唔係乾炒嗰隻，面係濕濕哋，酸酸哋，都幾開胃肉碎生菜包：我男朋友食開清淡嘢，所以對佢對呢碟餸評價都幾高分，啖啖肉，啱哂佢呢啲食肉獸吖特別值得一提嘅係佢哋嘅泰國奶茶，香濃順滑，帶有茶香和甜味，絕對是一個必試的飲品。堅泰嘅價格相對合理，份量都夠。佢哋嘅菜式品質都幾唔錯

好耐冇行過旺角中心，今日去到美食區嗰層發現有新開泰式美食🤤🤤招牌有我最鍾意嘅香蕉煎餅🥞而且價錢公道，味道都幾出色，特別係炒金邊粉😋😋香蕉煎餅煎餅有多款口味，我揀左招牌竪泰🤤佢哋即時新鮮製作，加上滿滿嘅榛子同煉奶，味道一流😍😍如果可以一定要襯熱辣辣新鮮食🤤🤤因為我買外賣返公司食，焗左一下，雖然都好香脆，但係感覺新鮮即食效果會更正🤣超推介炒金邊粉揀左蝦炒金邊粉，份量幾多，滿滿一盒。炒到非常有鑊氣，愈食愈起勁，惹味十足🤤🤤佢哋仲有套餐價，免費包一杯飲品，可以揀泰奶/龍眼冰😍我揀左一杯龍眼冰，雖然係免費跟餐，但用料十足，有大大粒龍眼肉，好滋潤☺️西米糕見到幾抵食，$15有兩粒，椰香味好突出，同西米真係絕配，唔會失色😋📍堅泰 (旺角)旺角彌敦道688號旺角中心一期2樓SA25A號舖#kindeethaifood #kindee #hkthaifood #堅泰 #KINDEE堅泰 #旺中美食 #旺角美食 #香港餐廳 #泰國菜 #旺角 #旺角中心 #hkfood #泰式香蕉煎餅 #香蕉煎餅 #泰式奶茶

旺角中心係我中學時期和同學仔經常去逛商場的其中之一商場飾物和衣服都好抵，幾拾蚊左右近年top商場啟用後，係4樓有天橋通過旺角中心的2樓係一條好多小店的食街有我非常喜歡食既可麗餅舖，又一戟行前少少我被一間好多人排隊買香蕉煎餅的小店堅泰係主打泰國菜有青咖喱$50，炒金邊粉$50，泰國小食$16同埋香蕉薄餅$32商場有用餐區，購買後可以去用餐區品嚐青咖哩豬頸肉飯$50 連龍眼冰香茅味非常香咖哩係湯汁狀態淋上比較硬既飯身味道好有豆角，茄子等蔬菜豬頸肉大細剛好一啖一塊能夠保持儀態炒金邊粉$50 連泰式奶茶金邊粉可以選蝦，豬，雞我叫蝦有5至6隻蝦仁好有穫氣非常香魚餅$16 4塊魚餅 惹味配泰式辣醬榛子香蕉煎餅$32榛子醬非常甜煎餅非常脆身煎餅由店主自製香蕉新鮮趁熱食最正埋單$148立食或外賣返屋企都係好選擇

榛子香蕉煎餅(32hkd)佢比起我以前食過嘅香蕉煎餅都仲要脆，接近炸嘅口感，香蕉🍌蓉好多，幾足料，榛子🌰醬都落得不遺餘力泰式喇沙(35hkd)真係好抵食，做tea都幾開心，推薦附近番工嘅人要試吓，湯底好好飲😍唔係好嗆辣嘅喇沙，帶少少甜味，令人想一啖接一啖咁飲🙈米線亦唔會煮淋哂烤豬頸肉(68hkd)就咁睇價錢好似覺得以立食嚟講有少少貴，但食落就明，有豬味，肉質有咬口但唔會過韌，有少少脂肪好香口，煎到微微焦邊，加埋個酸汁，掂！椰汁🥥西米糕(15hkd@2)椰汁香濃，下面嘅西米同馬蹄增加口感#Foodiblum東南亞

估唔到旺中竟然買到泰國菜，不過只有兩個企位可以食，但食物質素相當唔錯堅即炒Pad Thai可以揀蝦、雞肉或者豬頸肉，炒得好香，而且唔會好辣，口味調校到好啱香港人食，唔夠辣旁邊仲有辣椒粉比你撈，值得再encore泰式烤豬頸肉飯真係好多片豬頸肉，而且仲係啱啱燒出嚟，塗滿燒汁，配埋佢嘅自家制酸辣汁真係冇得彈，加上佢嘅白飯好夠熱，冬天食簡直暖笠笠泰式奶茶唔太甜，好香泰茶味，龍眼茶都好清甜自家椰汁西米糕同平時食開有少少唔同，佢嘅西米係加咗斑斕汁落去，所以係綠色嘅，而且好香斑斕味，好食過平時傳統正方形嗰隻呢到既香蕉煎餅原來有六款口味，我就揀咗肉鬆香蕉煎餅，煎餅好酥脆好有牛油香，加埋肉鬆同埋雞蛋仲有煉奶真係好正

今日行旺中，再次幫襯一間由泰廚主理嘅小店，呢次見到店主推出左好多新嘅菜式，有啲係可以作為正餐，有飯，有麵，亦有行街可以食嘅泰國小食：泰式鳳爪，一啲魚餅咁樣。之前黎果次食左香蕉煎餅，都好出色👍👍，呢次我就叫左個泰國炒金邊粉，份量都好多，足夠2-3人食，好有泰國🇹🇭風味，另外叫左個肉碎粉絲沙律，酸酸辣辣，好野味下次可以試埋轉媽媽麵食埋個芒果糯米飯，啲糯米飯好軟熟，芒果都好甜，不過糯米真好飽肚。唯有拎走，返屋企再食，哈哈😆

最近同女友出開旺角買嘢，順便去旺中搵食。俾我哋發現呢間新開叫KinDee嘅泰國小食店，鍾意試新嘢嘅我哋決定TryTry佢。天氣熱，我哋就先嚟一個”青木瓜沙律”開吓胃，平時喺出邊食開嘅同款食物味道比較淡，但係呢個沙律就鹹酸味適中，令人越食越想食，加埋脆口配菜，味道一流，份量十足。食完個沙律唔夠喉就叫個”朱古力香蕉煎餅”，煎餅即叫即整，好彩前面冇太多order，好快就有得食，煎餅味道外脆內軟，甜品控一定要試吓，係香港可以食到好味嘅香蕉煎餅唔多，呢間我一定會再幫襯，試埋其他味。食野其間都多人叫豬頸肉撈面，決定留返下次先挑戰佢。埋單兩樣野唔洗$80，啱晒我地小資一族。

難得假期，去左旺中整指甲，之後口痕就上左二樓搵食。見到有一間泰國小食店裝修幾特別決定幫襯下，佢地食品種類都算多，有炒PadThai，泰式喇沙，青咖喱，青木瓜沙律，泰式鳳爪，雞棗，辣肉腸，芒果糯米飯同椰汁糕等泰國必食食品。但估唔到佢地連香蕉煎餅都有，真係超想試。睇緊買咩食個陣有個泰國姐姐係鋪頭入面行出黎講左幾句泰文，估計應該係泰國人主理，味道夠正宗。可惜約左人High Tea，如果唔係一定狠狠敢懲罰佢。最後忍口買左包蝦片，返到屋企一路煲劇一路食，好快ＫＯ晒，脆卜卜，好味。影低晒Ｍenu，下次試下其他食物。