堅信號上海生煎皇 (青衣城2)

营业中

休息中

初一睇戲前6點幾搵嘢食。好多都冇開。呢間直入就去試下。啲位係窄嘅，但咁嘅價錢又響港鐵商場，冇咩好講。啲嘢全部都幾細碟吓。招牌生煎包係唔錯嘅，好多汁，亦冇祥興記咁油，不過唔係好夠熱。蒜泥白肉啲肉真係好刀工，好鬼薄，粉皮有啲鞋。菜飯啲菜仲少過一粥麵。蔥爆牛肉其實都預咗油，但真係無預過油成咁！油到咁真係大陸先食到！總結：食個生煎包。諗唔到點解要返黎。

本人一向都愛吃上海小食 因多年都沒有吃過粢飯 上網搜尋 見到這間店舖有粢飯的照片 但去到睇菜單原來沒有粢飯供應 下午2：30 店內有一半以上座位空置 店員竟然說兩人不能坐卡位 看看附近一張卡位 坐了兩個員工在舒服的用膳 生煎飽 小籠包 上海粗炒 全部都唔夠熱 上海粗炒好細碟 衹有幾片菜和兩條肉絲 這樣的食物質素 和這樣的待客之道 以後看見這個招牌都會閃開 不會再幫襯.

琴日中午去到青衣城, 揀左去堅信號, 佢d午餐和下午茶餐唔係太啱吃, 唯有散叫, 叫左雪菜黃魚濃湯拉麵, 加左個小食, 叫京汁茄子, 唔想飲凍野, 叫左杯熱豆漿, 先來茄子和熱豆漿, 茄子顏色好靚💞, 賣相幾吸引😍, 之後來左個雪菜黃魚濃湯拉麵, 其實兩舊黃魚太炸😅, 先飲啖湯, 顏色好濃, 但味道一般🙊, d湯唔熱, 拉麵都唔係太熱, 所以一般般, 有d失望🙉, 食舊黃魚, 真係太炸, 我浸d湯食, 側邊太多脆漿粉, 食的時候味道一般, 只知道自己係食緊魚, 以前係其他店食過, 係幾好食, 唔好炸到敢, 又食舊茄子, 雖然上面鋪滿蔥油, 但食落唔會感覺好肥好油, 依個好好食👍, 出奇地好熱添, 再飲啖豆漿, 好熱有豆味, 其實都唔算好甜, 不過再淡番少少就更好, 除左碗麵其餘二款都有85分以上, 不過我再來青衣城的話, 應該會試其他食店了😅😅

唔知係咪因為我地9:00先入座，職員又好趕住收工嘅關係，一入座就話9:45要交枱，一落單就要即刻埋單，呢啲都係小事，但係朋友嘅黃魚湯麵差唔多25分先送上黎，仲要俾我見到明明係到拖地嘅呀姨變左送餐，唔換手套都算，仲去執杯執筷子，之後仲入去包垃圾，全程同一對手套，我真心覺得唔ok,可能佢地覺得我地係西客啦，因為我地等食嘅期間，佢地大堂做清潔，係咁好大力推啲枱櫈發出嘈音，我問可唔可以細聲小小，明明10:00先關門，無必要仲有幾枱客係到食嘢，一路發出嘈音好似我地阻人收工咁。講返啲嘢食，生煎包唔熱嘅，好似煎完一段時間，唔係新鮮整，我都明，仲有一個鍾收工，唔預仲有人食飯，呢個時間食飯都係求求其其啦，另外黃魚係腥嘅，腥臭味搞到完全成碟無郁過，只係寫左配住嘅湯麵。酸辣湯餃子都算係正常發揮，辣多過酸，餃子皮少厚，酸辣湯配料都幾多，同埋杯凍綠茶，係有啲甜，但係茶味都幾出，欣賞

前言果日中午響青衣有野要做，去到青衣搵下野食。眼見青衣城一期鬼死咁多人，就四周去下睇下有咩少人尐嘅地方，搵搵下居然發現青衣城二期靜蠅蠅，就是但搵間餐廳食。上海嘅小籠包就成日食，上海嘅生煎包作為賣點就小見。而且間店個名都好吸引我——堅信號……「到底信緊尐咩野呢？」「到底有幾咁堅呢？」間店就中午十二點先開嘅，有位店員就叫我先係出面等住先，都幾有禮貌。(當然我認為更好嘅選擇係叫我入去坐住先，咁樣我就唔洗係出面企。)入到去點餐係用手機點餐，(而加新開好多店都係用手機點餐，真係個上網慢小小，又或者係阿公阿婆黎食，唔識用手機點就麻煩了，不過呢個係趨勢黎都無計)但我其實係更加鍾意用手機點，因為唔洗好似有個人望住你咁，無咩壓力點餐呢間店我叫左個「早鳥優惠」嘅豬排飯，加左杯豆奶，同生煎包通常係商場食都預左至少70-80無走雞，但點知呢度叫個飯都係50幾，而且佢個「早鳥優惠」嘅餐點好似平過正常果個20蚊咁我緊係無執輸，就叫左個三十幾蚊嘅飯，不過其實佢正常價我都會覺得合理，我用呢個價會覺得真係抵左好多等緊尐野食嘅時間，坐係間店度我覺得就幾好坐，都算大地方同夠乾淨之但係實在太光，雖然我無影到相，但其實佢上面又

平時都係食開豬扒粗炒 今日試下食飯～飯既份量又多 食得好飽Btw 辛苦曬員工我食飯時隔離台有對情侶，台上面啲野已經食得七七八八，突然舉手投訴話野食冇味，又唔咸又唔辣😂聽得出佢地純粹想食霸王餐

四川擔擔麵麵質彈牙 有花生醬味 個湯再杰d會更好同埋可以再濃味多少少堅信號生煎包呢個size應該係生煎叫小包包？細左小小得2節手指白菜豬肉水餃八隻可以 但餡料份量少左d都幾貴…

之前成日見到人排隊多人所以一路無試，近排見無乜人同屋企人去食，一坐底個職員已經串串咁，好啦都係食野所以都無理。點知黎到啲小籠包係凍既，同個職員講話係咁啱啱整出黎（吓啱啱就凍哂，其放左幾耐先比客人定求其翻熱？）我未試過小籠包啲汁唔係熱到辣口，而係凍既⋯仲有個上海粗炒，味道還好，但油淋淋既。其他野食一般啦，但啲員工態度真係無野好講，求其答你就算無諗住去跟進，態度又差仲要個個都係咁，我不嬲唔寫食評但呢度真係令我差唔住要寫⋯

今天是第二次來餐廳！我是因為食物同服務留下印象青衣城也不錯的唯一選擇。今天睌上來門口很多人在排隊等位，可能是星期六吧！等待途中，有兩位男士拿了號碼未齊人有位置而不能進去，我認同餐廳這樣做其實很公平對待，看見不知道為什麼神經的年輕男士一直用粗言穢語指着員工的駡，還要一直難為，口沒停駡人，問候了員工的全家人，還看見那個女孩流了眼淚說從來都沒有見過她媽媽為什麼給他這樣駡🤦‍♀️真的覺得兩位女員工很可憐呢，我也因為去廁所過了號碼也重新排過，這種模式很正常，未齊人不能進。其實出邊好多餐廳都是這樣，那對無理取鬧的父子企門口弄了1小時還說要投訴，我吃飽他們還在公司門口繼續駡，難道他們的嘴巴不累嗎？我覺得貴公司應該要正視員工的感受，我也是過來人做飲食，對於其他客人在這劣評，各位要三思，看見評語客人說到服務態度方面很差，其實並不是！這餐廳年輕員工比較多，感覺親民，兩次來他們位位都很親切，我兩次來吃的都很有水準，很熱和美味是有家的感覺。貴公司應該不能聽客人一面之詞，這服務性行業都是辛苦，貴公司應該注意一下員工的壓力，這一晚的回憶我深深記着，員工能忍氣。還看見她跟兩位瘋子道歉，真的很看不過眼。貴公司不要責怪員

菜飯唔熟，餐廳女經理話菜飯係半生熟嘅，真係第一次聽，之後，外婆紅燒肉，味道可以，但豬肉部分好軟綿綿，部分非常硬，完全係擦子膠口感，生煎包，完全唔趣，包皮非常煙靭，衛生非常差，侍應帶着手套抹完地下嘅嘢，然後就攞餐具食物比客戶，付款比錢結帳，收銀個女經理態度非常惡劣，她回應如果不滿意，你有選擇，不要再來本店，所以，真的不會再食此店，總結，上海粗炒，好味，菜飯，唔熟，外婆紅燒肉，味道可以但肉質完全係一般

早幾日同爸爸媽媽仲有兩個小朋友去食，等左一陣有位，因為媽咪未到，佢話你齊人先入得，咁我地就等多一陣啦，因為媽咪只係響樓下，都冇五分鐘媽咪到左，佢話冇枱你地再等，好啦…等左十幾分鐘佢有位啦，叫左個粗炒因為個粗炒真係冇味，不過食物一般都算，員工態度好差係真，想問佢有冇豉油嗰啲，佢態度已經好差，我地冇喎，我問佢咁有啲咩醬可以比我地點等佢有味呢…個侍應再講，冇喎，咁我就話咁算啦…然後我諗住一個侍應有問題，原來佢地全部侍應都係咁對啲客，有個客人見到有兩張枱，因為覺得個位好大風想掉位，個侍應就同佢鬧交，個侍應話張枱一陣員工要食飯比左你員工點食，叫個客唔坐就走，當然個客緊係比佢鬧走左，鬧走完個侍應依然大大聲同幾個侍應企埋鬧個客

去左青衣開會😅又唔夠時間食飯，就係青衣城搵間餐廳食，由於今日做到差唔多3點先食午餐🥣間餐廳已經有下午茶套餐，我就叫左個上海粗炒，不過比較油膩，而生煎包就保存到個水準🤗

一人晚餐好抵食，包括前菜（醃蘿蔔/韭菜餃）、主食同飲品～當然要加點生煎包啦😋皮脆多汁，好好味，不過要小心辣口🙈整體黎講食物質素都唔錯，而且員工態度良好，值得推介👍🏻

買個外賣都要受個收銀姐姐氣，明明好有禮貌地落單，個收銀講野語氣都可以極晦氣，好似得罪佢咁，樣樣野都答錯可以講到係個客唔岩咁。其實個生煎包以前好食，而家水準差左好多，其他食品唔好味衹屬普通但又貴，鳳爪加配份量細，計落要四五蚊細細隻，口水雞衹係雞亦三隻半開成六隻，配個飯就已經六七十，衹係貪佢方便可提早落單然後係必經之路先買佢外賣，但咁既服務真係趕客完全無下次啦。上來睇先知呢間分店原來出名服務差，真係勸大家三思。

今次食堅信號真係有驚喜！其實平時見到呢間野都幾多分店，屋企附近同公司樓下都有。今日係青衣行完山好肚餓，又見餐廳入面好多人食，決定試一試！椒鹽脆黃魚好新鮮炸到好鬆脆，外層微微辣又香口，食得出係新鮮嘅，鮮肉咬落結實，配菜飯好味道，鹹鹹啲但好香口。🤤豬扒粗炒都唔錯，豬扒肉質細嫩，唔會鞋，炒得啱啱好，有鑊氣。👌另外，上海酸辣湯真係非常好味，湯面裏面有木耳、肉絲，好過癮。👍我見呢到嘅生煎包都好名，下次一定要試！