堅信號上海生煎皇 (上水中心) (已結業)

晩餐時段，又要揾餐廳開飯，路過堅信號，門口有不少人，拎張飛仔，只係等一個號，去完洗手間洗手，已經可以入坐。店子很少，座位狹窄，疫情下四人枱，中間隔塊膠板，環境唔舒適。二個人點了:掃QR Code做會員，送了一隻堅信號生煎包灑上芝麻、蔥花，用筷子夾起，看到金黃焦脆的底部，賣相討好，聞一聞，淡淡的蔥香、芝麻香熱騰騰上枱打開煎包，肉香撲鼻，小咬一口，肉香、油香、芝麻香，蔥香全湧上來，好吃。皮鬆軟、肉鮮香，底焦脆，色、香，味俱全，有個好的開始。灌湯小籠包兩個~$18皮薄，湯汁鮮味，略嫌肉質粗鞋新登場~流心芝士龍蝦小籠包~ $25/2個細細隻，內有滿滿的芝士濃厚的芝士混合肉汁的鮮味，真心讚再來新款式，龍蝦海鮮湯麵伴熱溶之士醬~$78有幾件龍蝦、蟹柳，魷魚、青口，露筍，賣相不錯，龍蝦肉較實，其他食材平平無奇，先喝一口湯，合上眼就飲唔出是龍蝦湯底，完全沒有驚喜，分到二至三小碗，但是一點也不好吃。熱溶之士醬加上熱溶之士醬，味道不錯，芝士味香濃，可是未能挽回湯少，麵淋失去的分數。期望愈大，失望愈大。加$5的熱豆漿熱度不足，豆味欠奉埋單$126煎包、小籠包水準不俗，下次還是會再到訪，試試酸菜魚，再吃吃生煎

灌湯小籠包 (4隻) $324隻小籠包係痴埋一齊，啲皮勁影穿，夾一隻另外果2隻已經爛，所以最後係4隻都爛曬，未夾到啲汁已經漏曬出黎😅生煎包 (2個) $20個底煎到好脆，但係好油，一拎到黎已經見到包底好多油。入面好多汁，但係啲汁好得濟，一咬穿好多汁漏曬出黎，如果入面少番啲汁會好啲。同埋入面個餡粒肉好細，咬開之後粒肉好易就甩左出黎，最後餡同皮分開食。迷你酸辣湯水餃(2隻) $28份量比想像中少，但係有兩隻水餃。味道正常，但如果辣啲會好啲。糖醋排骨菜飯 $60菜飯加左好多黑椒，完全食唔到菜飯既味，每一啖都係得黑椒味，小朋友根本就唔會食到。因為我唔係好食得辣，啲飯要加小小汁先叫做蓋過左啲黑椒味，但係因為啲汁都有啲咸，又唔可以加得太多，最後啲飯淨係食到一半。啲糖醋排骨就好腍，一食啲似已經好易甩左出黎。堅信號豬扒湯麵 $65啲豬扒好腍，食落有小小似叉燒。配個麵感覺清清地。

7月31日夜晚買了酸菜魚加小籠包外賣🥡番屋企食，打開發現酸菜魚竟然無魚！嬲到震！最恐怖係不熱又冇味！等候時間又勁耐！🤮🤮🤮🤮真係無下一次！打去鋪頭同職員講，佢話下次補番俾我～心諗又無味，又等得耐，最重要又唔係平，仲食？🤬🤬🤬🤬其實佢地唔係check清楚先交給客人嗎？我真係唔想再食番酸菜魚，點解可以咁難食，我寧願食其他或退錢，不過我諗我唔會返去叫佢補番酸菜魚俾我！真係食唔落！😡😡😡😡

今日本人12點去上水店買4個生煎包，等左10分鐘，問問為何咁耐，職員話係生煎要等多5分鐘，途中出左至少20個飯盒外賣。本人再等多5分鐘，最後曰職員同我講個包煎爆左，問我會唔會退錢，前後等左15分鐘，我最後退錢。請問你間鋪係賣食生煎包定係賣其他食品的？煎個包煎15分鐘最後煎衰埋，叫客退錢，請問是什麼服務質素？？利申：本人之前未食過，見新開又想試下只想試試您們招牌貨，但得來這些不快體驗，真的十分失望。

好似都開左一排，但而家先發現呢間餐廳，試下佢咩料先。🙈😆1️⃣堅信號生煎包（$36/4個）呢個價錢都算唔錯，皮脆，入面超多湯汁！記得小心食，避免燙傷呀～可以先咬開一個小窿，飲晒啲湯汁再慢慢食。🤤2️⃣麻辣海帶絲（$18）我就唔係好食得辣，但食得辣既你地應該覺得唔錯～👍🏻3️⃣四川擔擔麵（$47）幾好味又唔會太辣～4️⃣灌湯小籠包（$18/2個）可能生煎包實在太好食，小籠包係有點比下去～😆

星期六去上水食下午茶，知道上水中心開了間堅信號主要食上海生煎飽，之前經過有很多人排隊等候，但今天沒有太多人，不需要等候很久便入座。下午茶時段沒有下午茶餐，沒有特別優惠。我們兩人點了兩款食品和一杯飲品：厚切豬扒上海粗炒：豬扒厚切味尚可偏濃，以HK$68的價錢份量算可以，但沒有驚喜，普通非常。新肉絲素食擔擔麵：這個味太淡，採用新肉絲入饌製擔擔麵，適合素食者。新肉絲本身沒有味道，應該要醃過才烹調，湯雖然有色、有花生味，但入口味如清水，我只可以說沒有味精，但連基本的味道也沒有，非常失望。飲品是鷄骨草，枱邊隔板貼上套餐加HK$5可以換這款和另一款飲品，但店員說今天沒有這個優惠；其實我不知道有什麼套餐，餐牌好像沒有套餐。這家店有素食所以吸引我光顧，店員說遲些會出素食生煎飽和小籠包，但這樣的質素令我不敢期待太多。

想試下新嘢第一次食呢間望落唔錯嘅餐廳啦。但係，大佬呀。。。我食咁耐薯粉呀寬粉之類從來都未試過食到一次係連夾都夾唔起嘅！餓咗一日諗住食個酸菜魚紅薯粉開心下，由買到拎返屋企三個字時間都唔洗。打開諗住食啦，第一下夾落去，個粉已經係煮埋一舊癡住哂，一舊呀係，你明唔明要煮到個粉一團嘢係咩玩法呀。btw佢哋講係紅薯粉但其實就係寬粉好啦兩隻粉我都ok所以無問題但個粉好唔容易比我分開咗佢哋少少，一夾起5CM左右咋，斷L咗！d粉散架😡😡😡彈到我成塊面成件衫都係！煮到個粉一d咬口都無不單止，夾又哂力哂時間，大佬食餐飯姐！你哋搵錢都要有良心架點解可以是但求其到咁呀？我未試過食飯食到要上網留言話人，真心嬲，食到燥。

最新上水中心開左一間堅信號上海生煎皇既餐廳，主打係食上海菜，今日放假就過來試下lunch。早上十一點幾過來，已經好多人拎飛等位，就算有人食完離開，侍應得兩個，執枱個侍應又慢，等左好一陣先可以入座。間餐廳地方細，座位同張臺都窄，想叫多d野食都無咩位置放，感覺坐得唔係好舒服，相比同樣都係做上海菜既上海姥姥同上海婆婆環境差好多。食物價錢唔算平，全部野都係單點，無套餐優惠。我就點左堅信號秘製豬扒擔擔麵，因為平時食上海野我都會食擔擔麵，想睇下佢所謂秘製有咩特別。上菜時間算快，豬扒擔擔麵個樣唔錯，但食落麻麻，首先個湯太少，麵多湯少，好難食，其次個湯又無咩辣味，完全食唔到平時上海擔擔麵個種風味，豬扒夠瘦，但食落好似落左好多蜜糖⋯豬扒偏甜，口感麻麻。另外叫左兩個生煎包$20，每個要$10，都幾貴，生煎包個皮我覺得有d厚，生煎包咬落都有d汁，不過不失，味道好普通。飲品方面叫左一杯熱豆漿，要$12。總括來講，食物質素麻麻，無咩特色，lunch來講食左$100偏貴，雖然佢無加一服務費，但下次都唔會再來惠顧。

今晚去食。叫咗一碗外婆紅燒牛肉麵，一碟生煎飽，一杯凍豆漿。1。碗麵同紅燒牛肉係分開上，應該係為咗用同一煲湯黎煮麵，方便配不同餸。咁就變咗紅燒牛肉還紅燒牛肉，淨麵還淨麵。不倫不類。為咗令淨麵無咁陽春，啲湯好濃，飲咗幾啖即刻血壓升。要飲返半杯豆漿沖淡。2。點知凍豆漿唔凍，無豆味。又係用豆漿粉開水。3。招牌生煎飽，裏面好多水，食時要小心。為咗 噱頭整到鬼咁多水但無肉味，飽唔香。想學人整醬爆生煎飽噱頭，但紙巾都唔畀張。埋單九十幾蚊。完全唔抵食。無下次。

新野啊係！食飯當日係本人繼開晚市堂食嘅第一餐見佢係新開 又冇人排隊 就去試下坐低見到呢張紙先知係連鎖餐廳不過都正常 喺上水中心立腳都應該未必係小店喺疫情打入商場舖上海舖 我多數都中意食上海粗炒( ´▽｀)雖然我唔知正宗嘅應該係點樣 但食過唔同舖頭整 就算唔同味有冇蒜蓉我都啱食我左看右看上看下看 都睇唔邊道有上海粗炒舉手一問先知原來呢間新舖暫時冇。。比佢張龍虎榜呃左。。。。兩個人本來就係打算嗌以上加個粗炒但既然冇 就嗌少一樣啦 全部都係龍虎榜上嘅食物然後啲野黎得好快冇諗過等埋一齊影相 係真係一次過到有樣幾好嘅係 佢有得嗌兩件裝 咁可以比2條友試多啲野但比個大籠 入面又有一隻拎起左嘅痕跡有啲好笑拿拿林食 但入面個湯又唔係好熱嗰種皮厚薄都算適中 入面舊肉都幾重疑似胡椒粉味 但唔辣舊肉嗰陣香料 調味粉遮哂肉味生煎包用碟上 有教應該點食嘅步驟本身都冇留意 但佢一提又真係有少少芝麻同蔥香一食 係真係熱同會燙嘴嘅不過佢個表面唔算脆 仲少少硬入面舊肉 如果我冇食錯 應該同灌湯小籠包係一模一樣嘅後來諗落覺得都合理嘅 不過可能香料太搶令人好在意雞絲粉皮都係細細份我會預期係腸粉嘅質感而佢係少少膠嘅感覺比較有

><新開都幾多人食 外賣都等咗一陣堅信號豬扒菜飯($60)個豬扒個樣好似牛腩食落冇咩肉味 整體係腍但質感有d怪第一次食菜飯 可以咁唔好食 油油哋午餐配嘅醬蘿蔔唔錯生煎包2個(+$18)個包完全係灘凍 個皮變得硬身充滿凍咗嘅湯汁 說好的招牌菜呢灌湯小籠包($18/2)呢個反而仲係熱 皮厚度適中畀咗薑絲 冇畀醋><><><><><><><><><><><><><堅信號上海生煎皇上水智昌路3號上水中心2樓2087, 2088及2089號舖

今晚外賣自取暫時做緊9折，雖然新開店，但裝修就好似開左五六年咁，有點舊。叫左兩樣野1）雪菜黃魚濃湯拉麵 原價$70⭐️⭐️⭐️⭐️ 分湯，湯奶白色，先飲一口湯，係飲到几濃的魚味少許甜但同一時間都几重胡椒粉味，之后再將雪菜魚同麵倒埋落去，魚味剛好仍有胡椒味。幼身的上海麵，麵質剛好不會淋滋滋，魚身都實正，唔鞋口。整體可以，會再幫襯ga, 唔會話心思思想再食。2）堅信號秘制厚切豬扒菜飯 原價$58 ⭐️ 一開盒件豬扒以為係牛，先食菜飯，嘩，係有味，似味粉（感覺雞粉味精咁）仲要係有d粉未撈混，d飯應該係台灣版的珍珠米，有少許硬。豬扒甜甜地，口感似凍肉店買黎燒野食便宜的牛扒咁，肉唔鞋口，肉質實正，但又有點梅咁。呢個一定唔會再食。