影片
食家推介
呢间系专食汤河嘅餐厅，最出名莫过于系牛腩！呢度嘅牛腩唔似出面𠮶啲，重点系冇乜肥膏而多瘦肉，而且分量多仲会提供辣椒油之类嘅调味料，好贴心㗎！同埋啲姐姐都好好人，好热心服务，推荐推荐！
继续阅读
趁着周末长假期天清气朗，与友人于油塘魔鬼山一游后路经德田街市。一番体力劳动后被传来的阵阵香气吸引，回头一看见此小店，眼见内外均坐满街坊食客，饿肠辘辘的我们二话不说决定入内祭五脏庙！店面不大只有数张枱，看似属家庭经营格局，供应传统潮州粉面。贪心的本人点了墨丸牛腩双拼米粉，分量充足，牛腩香稔不腻，肉味香浓可口；墨丸属合格水准，喜见米粉为幼细滑的一种，与清汤底配合得天衣无缝 (平常吃粉面很怕吃到粗靭像铁线的那种米粉，完全不能吸收汤底) 再配上潮式粉面传统作画龙点睛之芹菜香葱炸蒜，好吃得令人一口接一口。加配饮品油菜也只索价五十余元，在现今寸金尺土的香港来说绝对超值。蓝田作为街坊住宅区，餐厅多属实力小店而不卖弄花巧。不用刻意找寻，无心插柳下找到了平凡的味道，也是一种幸福。P.S. 付款之际忍不住向店员表达‘碗粉好好味’，本已礼貌招待的姨姨嘴角泛起更深的笑意连声道谢。心想这番赞美可算除营业额外对他们的另一种支持和肯定吧。
继续阅读
星期日放假，天气好又阳光普照冇理由白白浪费咗个假期瞓到自然醒就睇下有咩郊野地方去行下山运动下出身汗，今次就由将军澳轻轻松松行到去蓝田，行完山就四周围睇下，发掘下唔同地方的隐世食店，今次真系有惊喜由蓝田公园直落冇几远去到德田商场地下就闻到阵阵牛腩香味，去到尼间坤记面家小店舖位唔算大加埋舖头外都系得十几个坐位，不过人唔多唔驶等位就真接坐低睇下有咩好食，既然系被牛腩香味吸引嚟到就试下D牛腩系咪色、香、味俱全，简单叫咗个牛腩面，冇几耐牛腩面就送到尼间面店唔系清汤腩系五香牛腩，牛腩肥瘦适中、入口松化，真系有惊喜，辣椒油都唔错又香又野味可以一试，埋单计数一碗牛腩面$31真抵食，真系一间唔错的隐世小店，有机会真系要试下其他嘢~
继续阅读
同朋友由蓝田商场行到去德田邨，只脚已经好攰，谂下附近有乜嘢食。睇下附近嘅小店，有泰国嘢、有烧味、有茶餐厅，最尾畀呢间潮州嘅面店吸引。本身钟意食鱼面，所以见到有鱼面，即刻叫一碗，汤底几清唔算好咸，鱼面弹牙，食到好似 潮州白鱼蛋一样既质感。至于配菜方面，因为我唔食牛嘅关系，又唔想简单食白鱼蛋或者猪，最后我选择一个少见嘅配搭，简直令我非常惊喜 ，就系白灼鹅肠。佢可以选腩汁或者沙嗲汁，当然唔食牛既我会选择沙嗲汁。白灼鹅肠肥嘟嘟，每条非常干净，雪白嘅颜色，留低少少脂肪，入口一啲都冇骚味，非常好味，坦白讲 我相信净食白灼鹅肠都已经好满足，鱼面太大碗，对于下午茶黎讲可能有啲饱。佢嘅白灼鹅肠，绝对唔系廉价酒楼𠮶啲干噌噌嘅饿肠「皮」，而系一条条大概手指粗幼、长短非常平均，入口滑捋捋冇苏味。同个啲挛晒一pat嘢嘅鹅肠皮一啲都唔同。我朋友系牛魔王就叫咗一个腩汁牛腩捞粗，对佢嚟讲都几满意。但系食到咁上下我发现身边好多人都同时叫另一个𩠌菜，令我好有惊喜， 虽然已经饱咗八成，但我都要同店员讲，写一碟净沙姜鸡($50)。 我同朋友讨论咗好耐究竟要沙姜鸡饭或者面($42)定系要净沙姜鸡($50)最终决定都系黎一碟净沙姜鸡。鸡系滑嘅不过有啲冻，大概例牌嘅size 淋上非常惹味，但我觉得有少少咸嘅沙姜汁，仲有几菜垫底，当系小菜一啲都唔失礼。我朋友食咗一嚿，饱到顶唔顺，我自己成碟食晒，去埋皮一啲都唔觉肥，一丝丝白色嘅鸡肉令我几回味。下次如果有有心人，由蓝田地铁站经过白田直上德田去，探下呢间小店，记得c试试。座位唔算好多，所以你都要睇住时间，我哋今日去嘅时间系下昼三点钟，正好冇人，所以都非常松动。不过你问我嘅话下次我都想再叫多碟白灼鹅肠。
继续阅读
蓝田约有五间粉面店， 最差的是德田 坤记粉面，相比地铁站「乐Garden」更恶劣 。 牛腩非常肥，有肉的部分有点韧，非常奇怪！ 没有再吃下去！粉呢？ 可入口， 只是比较重味精。 我只吃了两啖米粉，再 没吃下去。 与其迫自己食垃圾， 不如早点埋单，再另找食店。
继续阅读