坤記糕品專家 (已結業)

有晚食完維記後,便轉程去此店試試.因為這裏有出名的芝麻糕,但去到已賣光了.只好看看其他選擇,最後我們選了白糖糕和紅豆糕.當時白糖糕只有數件,店員應一早放在膠袋裏,所以賣時不知道大小.當付錢時,兩件加起來要$11.5心想不是頗貴,而是好貴,但唔試又有點不甘心,唯有搏一搏.當我打開膠袋後發現,比我想像中還要少.正常人一口半就KO,既然有貴有細件,應該味道定會特別過人,食完後,我微微一笑.因為我已經成為受騙者之一.當一件白糖糕做到唔酸,就可以成為賣點嗎?一看便知道此價格是炒作回來的.紅豆糕方面也不用多說,價格與質素也是炒作的.但總的來説,跟其他店鋪味道相比可以說合格,不算十分出色,所以反映出整體也是一樣.希望大家打算轉程去食的話,先"停一停,想一想"!!

每次到黃金, 一般都會到坤記買點糕點。這次剛巧其門庭冷落, 不用排隊。其間, 一婦想買"邊"的白糖糕, 因四眼女店員堅稱任何位置均一樣而令婦罷買; 四眼女店員還回應一句: 那隨便妳, 可見其服務水平之"高"!至於買的白色砵仔糕, 前所未有的黏口, 口感極差, 加上上次糊狀紅豆糕後, 我想這次是我最後的光顧了。

品嘗完公和的滑豆花後行過一個路口就係坤記店外仍是一堆人這裡的芝麻糕是九層的滿心歡喜要了芝麻糕和白糖糕點知店員係一堆已經袋好哂的糕隨手拿件俾我一開個袋...當場滴汗個芝麻糕扁扁的, 九層有幾層已經倒榻了本身凍係可以原諒, 不過放係袋入面溶哂仲有咬下去的口感很差, 味道亦比之前淡話哂$6件, 都幾貴. 要佢新鮮切出來一d都唔過份如果因為人多而粗製濫造, 真係可惜

跟朋友吃完譚仔，走過來買件砵仔糕，過下口癮也相當不錯，要了黃糖有豆，是例牌口味！　味道不錯，甜度剛剛好，但豆就太硬了，比起以前的鬆化，差了一點，可以再進步！　下次來，就買芝麻糕了

雖然住係附近, 但被問及呢間出名既糕點舖真係冇咩印象, 要朋友指引先知係呢間特登買左紅豆糕同芝麻糕黎試試雖然見到好足料製作, 但價錢一d都唔便宜相比附近其他糕點舖貴好多, 但味道又唔係真係好突出, 所以我唔會再黎呢間買糕點食

雖然住係附近, 但被問及呢間出名既糕點舖真係冇咩印象, 要朋友指引先知係呢間特登買左紅豆糕同芝麻糕黎試試雖然見到好足料製作, 但價錢一d都唔便宜相比附近其他糕點舖貴好多, 但味道又唔係真係好突出, 所以我唔會再黎呢間買糕點食

臨入去深水步地鐵站心郁郁....點解?就係因為這裡的芝麻糕一層一層的, 味道濃濃的糕狀芝麻糊比菲林芝麻糕好吃得多這裡的芝麻糕成日都好快買哂其實$4一小件, 有點兒貴所以有時口痕先會買一件過下癮有錢寧願加多幾蚊去公和歎豆花~

食左芝麻糕..好'林'呀..而且無咩芝麻味另外個紅豆糕比芝麻糕'煙''un'些...但都不是太好..可能是因為期望太高

食完譚仔~心思思想食D甜食~其實之前食過佢既白糖糕唔係咁好食~不過附近又無~係無得揀既情況下,我都係去左買~叫左2個紅豆黃缽仔糕亞姐比左一個白一個黃~我同佢講我要2個黃豆呀~佢就好唔耐煩咁~大佬~我知你好忙~不過你都唔係咁做生意呀?!得~我明啦~咪再幫襯你嘛~4蚊一個~又無咩豆又唔係香~無下一次!

食完豆花, 行行0下又見到呢度, 雖然已經好飽, 但既然一場0黎到, 又0黎睇睇. 雖然砵仔糕「馳名」, 但我又唔太好砵仔糕, 結果試了一件「九層」芝麻糕($5).一件份量都幾大, 亦真係有9 層的, 賣相「岩岩cham cham」, 拎上手係凍的不過好似就0黎溶咁, 唯有快脆d 食晒佢. 味道唔太甜, 都有少少芝麻香, 食落口感似蘿白糕/馬蹄糕/白糖糕etc, 入口即溶, 亦因為體溫(我隻手) 接觸, 件糕一路食一路0係膠袋入面溶起來, 容易食到一面都係, 都幾狼狽.食完無乜感覺, 勝在$5 大大件, 叫做試過咁啦... 有下次的話, 都係試試我唔太好的砵仔糕好了.

第二站係坤記糕點! 黎到唔駛排隊, 我地首先買了芝麻糕, $6, 紅豆糕, $5! 芝麻糕有九層, 可以數得出, 老公食先, 見佢面口無乜驚喜, 我咬了一口, 糕身唔煙韌, 我覺得太腍, I prefer 蘭苑饎館! 紅豆糕既紅豆都幾多, 不過, 紅豆味唔濃! 我唯一欣賞既係唔太甜!食完見到佢有鬆糕, $4, 應該係最傳統, 細個常在街邊見到的...用紅糖做, 糕身濕潤, 質感較實! 唉...好一般, 點解我試既三種糕點都無一樣合我心水, 唔通我揀錯, 定係個人口味變, 要求高!街邊零食只係追求個人回憶, 兒時食到既街邊檔個個唔同, 所以呢個食評同其他人真係好極端!

我幾個月前食過佢d糕點...都可以叫做ok 既...前幾日多電視又有介紹...咪再去試下囉...點知...而家6蚊一舊...仲要細舊過之前囉~不過都叫做ok既...我食過佢好多糕點...最ok都可以叫做芝麻糕喇~^^大家可以去試下...不過...其他就......

D砵仔糕都唔同食法,凍的,我自己毫不太欣賞.味道不過不失, 又細舊, 所以唔值$4.D 阿姐D態度...算吧啦, 士多仔一間.

見咁多人讚,想嚟食好耐,今日嚟深水埗,專登走去排隊買,第一次幫襯,排咗一陣終於到我嘞,望咗唔夠5秒,亞姐巳經好唔耐煩問我後面個果要乜,好似我阻住地球轉咁,大姐!諗吓都得掛.最後好無奈咁要咗一件白糖糕,砵仔糕同紅荳糕,除咗砵仔糕外,其他所有糕点都係成底咁,亞姐揸把刀仔任佢,大細隨佢鐘意,唔知係咪心理作用,我果兩件超細件,望住件白糖糕,乜鬼心情胃口都無晒,一定唔會再幫襯,揾笨!

12.22 (Sat)聽TALK後去玩具街睇聖誕禮物，間店舖CASH ONLY就去附近ATM拎錢，咁岩又見到呢間野，當時又餓，就買左個紅豆糕頂住擋。多紅豆，但過『林』，而且又細件(仲要$6件)，態度又唔好。附近快D開多幾間糕點店舖（我知行遠少少有），唔好俾佢攏斷！