影片
食家推介
相关文章
每年农历新年，我都必吃酥角。前几天在电视看到这家位于深水埗42 年老饼家，每日新鲜出炉的酥角，我也想去买一些。想不到平日下午4点几都要排队，我仲要排咗2小时，到晚上6点几先至买到，最后买咗2磅。系咪真系咁好食？😳花生酥角(HK$140/一磅)．新鲜出炉的酥角，热辣辣的，咬一口，是非常酥脆，冻咗之后食，口感依然好酥脆，不油腻，好干身．角仔体质比较大只，花生馅料好松脆．好好食呀，明年我一定要早啲去买😋
继续阅读
什么业主迫迁，转到新店，端午节想去买粽食，但好多人买要排长龙最终放弃无买。近期经过买了两只糭和半磅鸡仔饼试食，的咸肉粽很淡味粽米煮得未够火喉未够软熟，咸疍黄和猪肉衹得一毫子咁大细，真是质素言过其甚，比一般的粥店所卖的粽还差。鸡仔饼无南乳味衹得一个甜字无厘好食，太子的奇妙饼店所卖的鸡仔饼好食好多。所以不要为所谓的悲情故事去买其食品。
继续阅读
很久没有吃角仔了，之前朋友介绍均深水埗香饼家，所以就去试试！除了角仔，还有蛋散，笑口枣，米通等...而角仔也有不同口味有原味，有榛子味👍🏻角仔真系很松化，类似酥皮，就算放咗几日口感也一样，不会淋晒！
继续阅读
年廿九去深水埗办年货☺️之前睇YouTube介绍贺年食品所以今日都算系特登过嚟买番啲返屋企自己食同埋俾屋企老人家食🙈均香饼家喺隧道隔离初头以为都系得几个人排紧队啫点知原来排到去隔咗一条巷口嘅酒楼门口😂一场嚟到冇理由唔排所以就踏上左呢个排队嘅旅程啦排左差唔多45分钟终于叫做企到去近少少均香饼家门口排队期间仲有个dee dee 捧住啱啱出炉嘅笑口枣出嚟比排队嘅人试食呢个动作真系好贴心啊❤️亦都成功吸引到我哋买咗一磅笑口枣返屋企😂因为新鲜出炉𠮶阵真系非常之好食！劲松脆再喺门口等多左15分钟左右新鲜炸起嘅角仔终于出场啦🤩基本上每一炸篮只系够三至四个客人买前提仲要系每个人都只系买一磅返屋企😂如果有人大手入货咁就真系有排等啦角仔$75半磅，$140一磅笑口枣$80一磅豆沙软角$70一磅我哋买咗:一磅角仔一磅笑口枣同埋$40豆沙软角一拎到上手即刻要拎返嚿角仔出嚟试吓先！热辣辣咁食更加香酥个皮系酥皮嚟嘅睇到有一层层加上个馅系花生碎成件事非常之香脆🤤争少少就食唔停口🤣冻咗之后食虽然冇咁出色不过都仲系好食嘅 唔会有油溢味至于个豆沙软角就麻麻地啦非常！非常！非常之油食落好似净系得油嘅味道咁样今日叮翻热佢嚟食就好少少嘅但系冻食嘅话就真系不如悭返啲quota食多个角仔好过😅奶奶俾咗包八仙饼家嘅笑口枣我哋下图左边大包啲嘅系八仙右边细包啲嘅系均香八仙嘅笑口枣比较细粒口感系相对上比较松化嘅不过个味道偏淡芝麻香亦略淡相反均香嘅笑口枣呢口感就实净啲个调味我觉得比较出色 够甜而且个芝麻香非常之出！所以个人嚟讲觉得均香嘅笑口枣系比较好食嘅😬
继续阅读
整个圣诞假期几乎都留在家中，日日除咗食同打机，就系食、食、食，食好友送的几款甜食⋯⋯油角、米通、芝麻花生糖😄朋友做通宵班，上年凌晨经过，小店尚灯火通明，各式应节食品不停出炉。呢间饼家的自家制油角好受欢迎👏，每年农历新年前都大排长龙。油角除咗传统嘅花生芝麻馅，少甜👍，还有肉松馅，咸咸地，好好食😋。芝麻花生糖，香脆唔太甜，好香花生味，正。米通，脆卜卜。今年疫情影响到各行各业，希望小店撑得过，大家继续都有好嘢食。
继续阅读