影片
行过乐富UNY，竟然见到以爆馅糯米糍而闻名嘅深水埗知名老字号「均香饼家」开咗限时快闪店，佢哋出名嘅手工糯米糍每日新鲜制作，口感柔软且拉丝，内馅充足，提供多种人气口味如开心果、芝麻和花生等，仲要系限量发售，今次真系唔使出深水埗唔使上淘宝，我即刻买晒四只口味嚟试！开心果💚呢只新口味可以话系佢哋依家知名度最高嘅招牌！真系好好味！虽然开心果嘅味道唔算好浓郁，但系外皮烟韧，内馅多到爆，食落去甜甜脆脆，开心果独特嘅醇厚香味令人食指大动，就算好大粒食完都系想继续食！朱古力榛子🍫好似金莎嘅口味！甜美嘅朱古力酱，加上脆口嘅榛子粒粒，系大人同细路仔都会钟意食嘅口味花生🥜经典口味1号，经典点解系经典，就系因为佢历久不衰点都好好食！花生碎加埋椰丝，简简单单就系几代人嘅美味记忆黑芝麻🖤经典口味2号，佢同其他三只口味唔同嘅地方就系佢唔甜，系好单纯嘅黑芝麻，冇炒㶶炒苦好香黑芝麻嘅香味，推荐比各位唔好太甜嘅朋友四只口味都好好食，而且每一只口味嘅外皮都香甜烟韧，厚薄适中，同埋限时店嘅店员叔叔姨姨都好亲切好有礼貌，即使唔系去咗深水埗店我都觉得好有亲切感
继续阅读