地茂館甜品

营业中

休息中

之前已經聽過地茂館係九龍城非常出名嘅中式甜品店，喺將軍澳開咗之後，我基本上每個星期都會食一次，堂食同外賣都試過，相比起其他西式甜品店要三十幾至四十幾蚊一碗甜品，呢間嘅甜品算係相當划算。將軍澳呢間分店唔算太大，座位之間嘅距離都比較近，不過疫情期間就特登加咗膠板，感覺上都會安全一啲。佢嘅糖水選擇都幾多🎈糖不甩呢度嘅糖不甩煙煙韌韌，好容易就能夠沾上花生同糖粉，如果鍾意食好甜嘅，覺得唔夠花生同糖粉，可以問店員再拎🎈榴槤班戟呢個真係我嘅至愛！不過佢係其間限定，只有夏天先有佢裏面嘅cream非常幼滑，榴槤都非常新鮮，一食落口真係有好濃郁嘅榴槤香味，正🎈腐竹薏米白果佢嘅薏米同埋白果份量都唔少，冬天飲落去暖笠笠，而且唔會太甜🎈湘蓮紅豆沙啲紅豆起晒沙，煮得好綿，裏面仲加咗白果，食落去口感豐富啲之前都有喺呢一間食過綠豆沙，同樣都係好綿，起晒沙好好食，但係女仔食嘅話，綠豆沙就會過於寒涼，所以之後都係揀返紅豆沙溫馨提示❤️根據食咗咁多次嘅經驗，堂食嘅話會比外賣更足料！

無腐竹的腐竹雞蛋糖水。。我以為比錯，打去問，店員話正常，因為煮溶左。我即管相信！飲埋啲糖水，望一望，一點腐竹的碎都看不到，究竟腐竹煮溶左係真的無痕跡定其實佢無落有冇朋友食過話我知佢既腐竹雞蛋糖水係咪真係咁？

小肥妹崇洋，一向少食中式糖水，唯獨楊枝甘露例外，事關小肥妹真係好鐘意食芒果🤤🥭• 楊枝甘露 $31天氣熱辣辣，黎碗透心涼既糖水一定有分加先😚楊枝甘露最基本三種元素：芒果、西米同柚子肉。煮得好既西米，要熟透，唔會見到中心有白點，同時亦不能夠太淋太爛黏成一團，依度生熟度掌握得唔錯，夠Q彈，晶瑩剔透👏🏻芒果肉足料不過唔夠甜，但唔酸既，不完美但可接受👌🏻而柚子肉則有些少苦澀味呢😕

疫情關係，就算晚飯俾你趕得切9點食完，食完想食碗糖水都唔夠時間！以前9點10點先係糖水時間，而家無哂夜市，唯有買外賣糖水將軍澳本身好少舊式糖水舖，有時想食下芝麻糊/燉奶呢啲糖水都唔知邊度搵！自從將軍澳廣場呢邊開左地茂館之後都幫襯過幾次，覺得味道幾好，而家仲做promotion，6點後全部$20 一碗，即刻衝去買個燉蛋返屋企食❤️燉蛋夠滑，唔會太甜，蛋香味濃😛😛😛好味丫快啲去食啦，唔知優惠幾時完！

經過門口見到佢地做地夏日優惠，當日做芒果西米露$20一碗。價錢咁吸引，梗係入去試下。平時去地茂館甜品食開都係楊枝甘露，芝麻糊，今次襯有平試下芒西先。上到來，芒果肉係底要攪匀先食。食落每口都有芒果肉，西米，同埋佢個汁底都好夾，唔會太甜，夏天食好適合！我九點幾去到，隔一陣聽到話已經賣晒！似乎芒果西米露幾受街坊歡迎。老實講，$20一碗的確好抵食，料夠足。推介街坊去試下！下次試埋佢個蜜瓜西米露先。

將軍澳地茂館甜品，係呢區冇乜糖水甜品選擇下，都會經常幫襯下。今次我們2人，點了一個芝麻糊加湯圓，一個芒果豆腐花。由於夏天天氣炎熱，佢推出一個盛夏優惠，逢星期一至五每日都出一樣糖水特別平的，而我地今次就撞中星期一（芒果豆腐花），一於試試佢是好還是伏嘩，一上菜就見到勁多芒果，正。食落果然冇偷工減料，好重料，芒果甜，豆腐花滑，入口即溶另一個，芝麻糊加湯圓就麻麻好稀。以前食ok,現在食唔ok...湯圓都食唔落價錢方面正常所以不妨一試！

食開九龍城地茂館甜品，印象係非常好依兩日去咗將軍澳捃朋友，發現將軍澳廣場都開咗間分店，中午開12點，在四周行下等開入去食番碗先走啦一入座就叫了盅最愛嘅杏仁蓮子百合，當匙羹放入盅，就發覺完全唔係果回事在九龍城食開係好有份量又有質感夠杰度同香濃但今日食依盅⋯⋯⋯水量太多，似杏仁蓮子百合茶！ 杏仁味很淡很淡，蓮子未夠鬆化⋯⋯⋯整盅沒有過往嘅起沙狀態點解同九龍城食開嘅咁大差別？有冇QUALITY CONTROL㗎？真係好失望好失望！

去開Aeon買餸，又黎食個糖水先。係將軍澳想搵間食主打中式糖水冇幾多間，呢間算係有水準。今日簡簡單單，叫左個腐竹薏米白果糖水食。上到來，睇落好似碗豆漿咁，原來佢地既腐竹係煲溶哂。食落好順口，豆香味好濃。堅正！平時來食開芝麻溝合桃，下次黎又多個選擇了。

食物ok, 但服務態度完全不堪。落單之後，等了很久，問落單員，有沒有落單，她唔有查之下，說落咗啦⋯⋯😡轉頭又走過嚟咁你食咩。完全不覺得自己有問題。態度完全不知所謂。P.S - 眼看堂食客人，沒有每一個為他們量體溫，糖水鋪不需要嗎？Food ok but service is terrible. Bad attitude of short hair waitress. Really bad experience in this shop.

呢間糖水舖我係中學已經成日係九龍城嗰間食咖喇🥰宜家連將軍澳都開埋咁近仲唔瘋狂去食(๑˃̵ᴗ˂̵)و我每次都必叫燉奶但係嗰日賣晒唯有叫碗豆腐花啦 但係都好好食啊(˶‾᷄ ⁻̫ ‾᷅˵)識叫一定叫熱嘅 我最鍾意食豆腐花啲黃糖同埋啲糖水 配埋暖暖地嘅豆腐花 sop一聲就落左去我胃 呢個糖水舖真係可以食完晚飯同屋企人一齊落街去幫襯 價錢又唔貴 覺得中式糖水其實真係抵食過西式好多 平時閒閒地食個冰都要差唔多要成100蚊 好推介大家去食♡

地茂館甜品將軍澳唐德街1號將軍澳廣場商場1樓036號舖將軍澳廣場好似得呢一間糖水舖，所以無論堂食定外賣，成日都好好生意今日自己行完街累累地想搵個地方歇一歇，但又唔想食得太飽，所以食糖水就最岩啦我見呢到有好多傳統嘅中式糖水可以揀，好似都唔錯，不過我都係鐘情於我既楊枝甘露呢個好足料， 芒果好甜西柚好清新又唔會太甜，岩晒我口味呢度除咗糖水，仲有啲傳統小食下次有機會要再黎試下

之前介紹過地茂館應該食舊式的中式甜品，但係個人未識欣賞之前食的兩款食物今次有朋自遠方來再次光臨此店，order了兩款不同的班戟但原來堂食服務非常差，幾個員工堆在一起聊天，落單時感到不耐煩芒果班戟 $32/2件薄薄的一層蛋皮，微微的蛋香味，配上了滑嘟嘟的一層忌廉，最入邊有一大塊芒果，份量非常足夠不會用上酸酸芒果肉榴槤班戟榴槤味濃郁，榴槤肉份量也很足夠蛋白燉鮮奶（熱） $26第一啖就食奶香味，滑嘟嘟的燉鮮奶味道 賣相 衞生 服務 抵食 推介

食完飯諗住去食下糖水，想食下芝麻糊咁，所以就黎試呢間糖水舖，未食過既。睇見佢「生磨」2個字，好似好正咁，所以都有啲期待。佢得熱既，食左第一啖之後，真係幾好，幾滑，又香，又濃味，好好食！（可能同之前食果間有對比）總結：非常值得推介芝麻糊，其他就未知，因為未食過

將軍澳附近甜品店比較少，要新式甜品要行到好遠，如果要食傳統的甜品最近的應該就是這間地茂館了，九龍城的總店是地道傳統甜品的傳門店，開了此分店也方便新界區的人品嚐這次外賣了2碗甜品芝麻糊豆腐花 豆腐花滑嘟嘟，配上不太甜的芝麻糊，比例也很好，但芝麻味不夠香，應該是用粉溝的，希望有改善渣咋 但如果用傳統甜品店來評分就剛合格，份量不多有紅豆，綠豆，也配上少有的西米，另配上少量椰汁 也是不太甜甜品味道 賣相 衞生 服務 抵食 推介

呢間甜品舖已經係將軍澳開咗一段時間但係佢喺商場裏面比較偏僻嘅位置 所以好多時候揀甜品都忘記咗佢嘅存在其實將軍澳係有非常之多嘅甜品舖 大部分都係以新式甜品做主打 好似順便賣埋中式糖水咁所以一般嚟講啲中式糖水都唔太高質素今次我哋試咗用3小時燉製嘅生磨杏仁蓮子百合星洲靚喳喳同埋擂沙湯圓三樣都非常出色首先你睇下張相就可以發現佢嘅份量其實係好充足 杏仁蓮子百合係非常濃，滑得黎又杰杰地咁喳喳好足料而我最鍾意嘅擂沙湯丸係好好味湯丸口感好好，煙韌彈牙芝麻餡唔會太甜而出面嘅擂沙都係非常香口唯一美中不足就係唔夠乾有少少水令到啲擂沙凝固咗