聖安娜餅屋 (港鐵鑽石山站)

今日好肚饿，搭地铁成个脑都谂住忌廉棒，所以一见到圣安娜就冲入去，睇吓有冇忌廉棒，实在太好彩，真系有！而且呢度嘅忌廉棒竟然有咁多口味，我真系好震惊，有最普通的忌廉味，仲有黑糖味，仲有阿华田味，阿华田味真系第一次见，甚至其他牌子都未见过！所有味道均一价钱，都系$11 ，价钱相当优惠，点解咁讲呢，因为佢哋质素唔错，所以呢个价钱就算系优惠啦！阿华田忌廉棒$11首先他们的包装干净俐落，又有阿华田的特色，唔错。重点系面包够松软，面包够香，而且仲有好多阿华田忌廉，份量好足够，每一啖都有忌廉，刚刚好， 100分。你个平价嘅…查看更多

有啲饼咭都摆咗一段时间，所以今日就想开始用咁啦！同我一样嘅人当然唔少啦，所以喺地铁站嘅分店都几多人，2个职员系应付唔倒嘅，原因唔系因为真系好好生意，系因为用饼咭。去到见倒个大概50岁嘅女人想用饼咭换蛋糕，咁职员话俾佢知，蛋糕，蛋卷用饼咭换唔系用现金价计，系用原价计㗎，咁个女人就好无奈话唔要件蛋糕了，咁又续样问价钱，搅到职员好忟😡，因为旁边仲有其他客人等紧。等咗几分钟终于到我，我当然知我要用正价啦，拣咗嘅tiramisu 原价系35,之后我再要多包饼，咁收银姐姐话你张饼咭仲有5蚊㖞，咁我见咖啡8蚊罐咁我就要罐啦，佢话饼咭唔可以拣饮品㗎😱，咁……我要多包饼啰～🥺唉～到我走个50岁嘅女人都未搅掂，其实用张饼咭换啲野食下啫，死好多脑细胞啰～唔系个女人错，都唔系个职员问题，系舖嘅错啰😠～其实做生意可唔可以直接啲同诚实啲呢？婚展写饼咭7折，其实我就咁walk in去饼店用现金价买单件都有75 or 8折啦！揸张饼咭去用返正价根本唔抵仲要拣够50几蚊好辛苦呀，系知道呢个唔系单一问题，系好多商户都系咁，但收倒饼咭嘅我地真系好无奈㗎。😫讲返个Tiramisu, size就少少尴尬，一个人食太多，两个人食就唔够，味道都可以嘅，不过就唔够香同滑，但如果现金价买20几蚊都可接受嘅。…查看更多

50蚊好大条好抵！请购买🤣圣安娜都系黄店～本身都无咩expectation , 纯粹觉得圆形蛋糕有少少贵，又想过下口瘾就买呢个（隔离士多啤梨都好好食睇落！）Expect系唔同口味的卷蛋，但上手好重身🤣🤣🤣 原来中间夹左好大件的蜜桃🍑出面见唔到好surprise !好多汁好好食，红豆蓉都几多，百搭！忌廉虽然唔系抺茶味，普通忌廉，但轻身唔会过甜，中间夹左抺茶冻，似寒天，爽的口感，虽然无咩抺茶味，但口感唔错！美中不足系抺茶味好淡，得个颜色，但50蚊来讲抵食啊！…查看更多

落咗街行咗阵，我要买定听日嘅早餐，经过咗东海堂同埋圣安娜饼屋，左拣右拣最后都系入咗圣安娜买嘢。好耐冇入圣安娜饼屋里面买嘢，入面多咗好多选择㖞而家，最令我惊喜嘅系佢跟得上潮流，都系推行紧呢个健康面包 。我左拣右拣，最后拣咗一个由藜麦同埋𠮶啲小麦做嘅麦包。呢个面包大大个都几有惊喜因为都几抵食，。而且食落都好松软同埋呢入面有啲红梅嘅物体，所以食落呢，除咗有啲麦味之外呢，仲有少少酸酸地嘅味。整体嚟讲十几蚊呢个包都算唔错。 …查看更多