聖安娜餅屋 (港鐵油麻地站)

营业中

休息中

聖安娜係周圍都有嘅，佢哋嘅麵包真係又大份又抵食。可能平時朝頭早買，覺得麵包都還可以，返工好忙，有麵包食好爽。我夜晚買麵包，個麵包真係好硬好硬。其實今次我係幫襯登打士街嘅聖安娜餅屋，但係我喺OpenRice度搵唔到呢一間分店。今日諗住夜晚做完嘢，咬個包食就算，冇諗過夜晚個麵包係可以咁難食。今次我食咗吞拿魚粟米蘑菇包，見佢$9.5，咁大個包咁抵食，就買咗啦。點知咬落去，個麵包真係有鞋又硬，食落去又冇乜味道。吞拿魚好柴，粟米又冇粟米味，總之三個字，好難食。如果佢哋有得整返熱個麵包，或者放啲麵包暖櫃度，可能會更好。總括而言，夜晚真係唔好去麵包舖食麵包。

如果有得揀，3間都未必會揀，但好多時候你返工趕時間，地鐵站入埋跟本冇得你揀。而依三間入邊，講到平均質素最差，聖安娜都當之無愧。如果有同事Farewell/結婚派餅，佢俾聖安娜嘅話，我真係當冇識過依個同事，斷絕來往就這麼😗咁當然，聖安娜生存左咁耐都有啲價值，依家咁難食嘅餅店都有一兩樣嘢，真心覺得唔錯。肉鬆捲 $12.5 🙂第一次我食呢個包，係響OK便利店買嘅，食完先至知道原來係聖安娜出嘅，真係估佢唔到。呢個包都幾簡單：外面一層芝麻，啲包就前後有啲肉鬆，中間就有啲美乃滋，個包好實在，唔會好似食咗空氣咁，肉鬆搭美乃滋個配搭好好，令人都幾開胃，食晒成個包肯定飽到lunch。幸運薩琪瑪 $32 🙂獨立包裝，一大包入邊有20小包。味道來講唔會太甜，軟硬又適中，最起碼唔會痴牙，其實依樣已經好過好多所謂嘅人手製/老字號。當你口痕嗰時喺Office食，每次一小包都唔錯。另外，喺OK買嘅港奶茶個味道都唔錯，甚至乎好過某啲茶餐廳。唔會太甜，睇返成份都係7.4克糖/100ml，比飲汽水好少少。奶同茶嘅味都夾，奶味少少偏重，但係$10一枝，真係好鬼抵。食早餐真係好重要，都係早啲起身，行去買加多利餅店好啲😗Mcm

今日晏就係地鐵站等朋友 等等下餓餓地 於是就去聖安娜諗住買個包🤪🤪🤪 見到好多西餅 諗左好耐 我今次就試左拿破倫卷 個卷中間有海綿蛋糕 餅乾 忌廉 層次好豐富😍😍 好中意呢種口感 但整體有d過甜 有d濟🤭下次會再試下其他西餅🥰🥰🥰🥰

近排聽收音機ㄧ個節目, 話題講香港人現在經常食的香腸, 午餐肉, 火腿...等都含有致癌物質 - 亞硝酸鈉, 醫生建議少吃為妙, 這個話題即時令我想起自己每日所吃既早餐來來去去都係這些致癌食物 - 腸仔包, 午餐肉包, 火腿旦包...諗起都有D驚, 於是我決定係早餐方面實行無肉計劃。翌日我去了兩間平時去開既麵包舖, 但發現無肉既麺包選擇好少, 得菠蘿包, 雞尾包同硬豬仔, 三款我都唔食, ㄧ係好高卡路里, ㄧ係就太硬, 食完個胃會唔舒服, 後來係mtr見到有聖安娜餅店, 就入去睇下, 見到有個叫紫薯包, 紫薯好有營養, 係最佳蔬菜類別榜首(世衛已確認), 而且個造型好趣緻, 係紫薯包面上沾上朱古力粉, 望落好似實物蕃薯形狀，食落麵包鬆軟, 包入面有好多蕃薯蓉, 好正! 往後日子既早餐非你莫屬