聖安娜餅屋 (太和廣場東翼)

营业中

休息中

平時鍾意食Tiramisu, 今次生日蛋糕係聖安娜買咗個意式芝戀。網上下單，最快1日就可以門店自取，好方便。意式芝戀 (1磅裝) $238蛋糕夾心係咖啡蛋糕、芝士慕絲同手指餅，仲有經典嘅Tiramisu慕絲，味道唔錯。

火腿雞批$12  ✨：6/10  (唔同分店價錢唔同) 鬆脆度ok嘅個餡分量ok 似菜肉包個肉餡(?)😅冇特別鍾意 利申翻本身我冇特別鍾意批/撻而且即使要揀 我應該係甜批派 呢個雞批冇令我改觀🤣  煙肉芝士洋蔥包🧀🥓$14.5 (唔同分店價錢唔同)  ✨：4/10  呢個係有史以來最唔啱我口味嘅包😞煙肉似火腿 唔太出味芝士 聞落香過食落去嘅味🤣最令我驚訝嘅係洋蔥味好出 不過係偏生嘅洋蔥味 好似蒜頭咁😅如果係甜嘅洋蔥 應該正常啲

聖安娜嘅西餅，可以話由細食到大。由佢$10三件。食到而家$12三件。可見百物騰貴。至於點解會買聖安娜西餅。係因為家母好鍾意食西餅，二聖安娜就係正我屋企樓下。所以家母周不時都會買半打咁樣返嚟食。當下午茶又好。肚餓要來充飢都好。分別有雲石蛋糕，朱古力蛋糕，同檸檬蛋糕。先講雲石蛋糕，佢味道唔算太甜而且味道夠清淡。唔會話太多忌廉係面。而朱古力蛋糕。面頭朱古力份量都算多。而且亦都有好重嘅朱古力味。鍾意食朱古力嘅朋友一定會鍾意。最後就係檸檬蛋糕。蛋糕上面嘅檸檬。唔會話太酸或者太甜。味道適中。

今日路過太和商場諗住順便買埋聽日早餐，入去聖安娜麵包房，因為keep fit，就諗住同平時一樣簡麥包，見到紙袋裝著既果d包好似好少見，就簡左黑裸麥亞麻籽包。問店員可以擺幾耐，佢話僅可以食埋聽日，姐係保質期很短，得兩日。第二日，係爐都烤一下，脆脆地，但入邊麵包很鬆軟，外面一層亞麻籽脆脆地，同埋好似有d咸咸地，唔錯。其實坦白講，麥包唔會好食到去邊既，不過真系健康先簡ge嘛，成個包其實係半個麥包（半個9蚊，一個14蚊），125g，278kcal/100g，姐係話食曬成個包得350kcal，但會飽得製，好過果d雞尾包菠蘿包，高糖高油。同埋尼一款麵包因為加左大把亞麻籽油，蛋白質都高過其他一半麵包，10g/100g。膳食纖維3.5g/100g，都算係高掛，至少唔低，幫助排便，降低膽固醇。總之就很健康啦，125g分兩次食曬很滿足，下次有機會再見到可以買一整個，仲抵！

從店外看到彩虹內層的蛋白卷，很是吸引。雖然價錢稍貴，最後也買了試試。依不同彩色蛋糕層切下，逐少試試。藍莓、蛋白、朱古力脆片、草莓、綠茶和全蛋味的蛋糕層微甜、各款味道足，蛋糕質感鬆軟度達標，如更鬆軟更好；中層的朱古力片的脆口質感加上蛋糕的軟綿感覺配搭得很好，十分好吃而有特色，令人回味。蛋白外層清新幼滑微甜，配上蛋糕一起吃，讓人感到滿足。

咁啱經過聖安娜餅屋，見到新出品有個紫薯包好靚，於是買咗一個。 本來唔想為咗一個值七元幾嘅包寫OpenRice，但真係不吐不快。個包外面好靚，呈八角型兼牛角包外皮，但咬開後原來空心到嚇人！直情好似食空氣咁！再講個包嘅味道，一d都唔好味，又冇牛角包嘅口感，只食到又淋同咸咸哋嘅味道，紫薯餡太少，根本食唔到有乜味！好相信呢個包係失敗之作... Sorry, 應該係巧奪天工之作就真 !! 再講，依家聖安娜嘅麵包，大多數都係外表大大個咁，但實際包入面已縮水好多。

良朋聚首…買定蛋糕做下午點心幾乎係必備的…蛋糕食得多…人都會靚D甜D開心D…哈~~嘩…有新款試食價…仲要係綠茶紅豆卷咁好?!…大家一致決定要哩款唷!!...綠油油o既外表真係好吸引呢!6吋長度…足足可以分四厚件…蛋糕軟綿忌廉滑…甜度又適中…尤其勝在紅豆夠豐富而且保持洽好o既軟硬度, 令味道更濃口感更突出…配上淡淡茶香…大家一致讚好~原價$50…推廣優惠$39…忍吾住第二日即刻去買多卷啊…嘻嘻~~

好失望！差到爆（其實已經是2年多前！）話說小人很喜歡食「包」，行街口痕會誇張地買包食過口癮話說嗰次行經這間聖安娜（開左一段日子之後），一試難忘，有一輪怕左食包！。離晒譜唔知幾時開始，連鎖包餅店都興起在鋪位加設一「廚房」，一入去，又熱又濕又焗（唔知係米關蒸包事）都唔理啦，買左墨西哥，菠蘿，還有一個忘記了，沒錯，是為了過口癮，之後就邊行邊食。對眼留返黎睇路，所以就淨係用口o趙包食晒成個，即係幾啖，發覺怪怪地，但係無理到，之後就知出事啦！食個墨西哥，發覺真係好唔對路！中間濕到奶皇包餡咁，一望之下：中伏！綠色？！原本應該乾爽的包身，竟然濕淋淋，仲要係綠色…之前嗰一個包，扣喉都已經太遲…太恐怖…害我停左一段時間唔敢食包，以後見襯聖安娜都抱極差之態度。雖則或者以經唔同左，但對我黎講，包哩家野，「一次不忠，百次不用」真係避之則吉吧啦！

我呢個包迷 又怕肥又想食...唯有要限制一下自己~放學戈陣好想食波蘿包~於是返到屋企樓下..就去聖安娜買返個芝士波蘿包止下癮返屋企叮返熱佢..食落原來入面係有芝士粒的!!如果叮佢戈陣叮得溶D芝士就好了..不過價錢以$6.5來講真係算貴...耐吾耐一次就夠=P

突然好想食麵包..就落街買包包食..揀左好耐 見佢好多包都係岩岩出爐..終於揀左呢個有營亞麻籽包..$9.5食落好軟熟..仲發現原來入面有提子乾..都好既;個包吾駛咁單調@0@不過如果大個少少會更抵食!!

今日探完朋友後~順路到太和商場行行~見到新開張無幾耐的聖安娜餅屋見黑芝麻山形方包岩岩上架呀,所以買黎試下先都係第1次食~可能收銀的係新職員,效率比較低左少少呀每塊山形的方包,真係好多好多的黑芝麻呀,食落口有d脆卜卜的feel << 因為有黑芝麻>>真係幾好味呀~d包仲係軟軟的~唔駛加任右牛油,花生醬~都覺得好滿足,好味的!!!一包有4塊~ 8.5元! ←大約..