聖安娜餅屋 (天盛商場)

营业中

休息中

最近聖安娜餅屋出咗好幾款開心果味嘅嘢食，作為開心果味當然要去試吓啦！今次就試咗開心果味冬甩同埋開心果味麻糬波波，價錢唔算好貴，所以都好期待。開心果冬甩同最近日本過江龍冬甩係同一個款式，食落去味道都好似，都係一樣咁煙韌，但係價錢就平咗，真係幾抵食，唯一缺點係開心果味唔夠濃，下次再幫襯會想試其他口味多啲。開心果味麻糬波波都有同樣嘅問題，就係開心果味唔濃。加上麻糬波波比平時嘅硬，食落去都有啲攰，內容就唔推薦啦。另外就買一個芝士火腿潛艇，味道同平時嘅差唔多，都幾足料。總括嚟講佢哋啲開心果product都唔係好濃郁，鍾意食開心果嘅可能會失望啦。

聖安娜近年出嘅蛋糕多咗唔同花臣🤣今次就試吓聖安娜最近新推出嘅「Mango Lava 流心芒果」蛋糕及甜品系列。.兩款蛋糕有外表，食落亦有內涵😂流心芒果奶蓋蛋糕上嘅芝士奶蓋夠濃稠，味道亦幾香濃，本身就好喜歡食芝士奶蓋嘅我覺得唔錯！一解開圍住蛋糕嘅膠封片，啲芝士奶蓋就會慢慢流落嚟。蛋糕夾心係慕絲同海綿蛋糕，切開蛋糕入面有芒果流心醬。.流心楊枝甘露蛋糕口感會更豐富，因為入面有我一向好鐘意朱古力脆脆層😝蛋糕夾心係芒果椰子慕絲同海綿蛋糕，切開蛋糕入面有楊枝甘露醬，有真柚子果肉的呢。蛋糕中間呈透明球體嘅係柚肉寒天，寒天食落口感好似大菜糕咁，估唔到同個蛋糕又幾夾！.兩款蛋糕面都有唔少芒果肉，芒果亦夠甜，特別推薦俾喜歡食芒果嘅人🥭一個蛋糕可for約6人飯後share，另外同系列產品仲有楊枝甘露條($70)同獨享之選嘅芒果奶蓋寒天杯($23/杯)㗎。

前兩日男朋友細佬生日，食完生日飯就例牌要切蛋糕啦啦啦啦啦今次細佬要切既係聖安娜新出既“芒果400”雖然前幾次食佢地出品既蛋糕水準都係只屬一般，但依家芒果當做，又香又甜....而“芒果400”啲芒果多到可以排到成座芒果山咁，真係好吸引切開蛋糕見到有好多層呀，有芒果西米布甸、海綿蛋糕、朱古力脆脆、芒果慕斯同主角：鮮芒果！！！！個蛋糕好新鮮呀，蛋糕底軟熟唔乾，芒果超甜，加埋朱古力脆脆同滑滑既布甸及慕斯，吃到不同層次之餘味道真心唔差！食到大家都

抹茶朱古力脆皮外層是一層抹茶朱古力脆皮，杏仁碎，有d過甜。朱古力脆皮容易裂開。切開內有乾坤，一共有6層，包括抹茶慕絲、抹茶寒天、蜜糖慕絲、抹茶蛋糕、抹茶忌廉以及黑糖啫喱。味道芳香 馥濃。夾心內多層次味覺享受！蛋糕外層為抹茶朱古力脆皮及果仁，配合內層不同的軟滑口感。感覺上今次呢個蛋糕好創新,不過稍微覺得太甜,一路由熱茶中和番會好d值得一讚盒子可變碟,環保好

Size幾大又夠熱香夠脆，好似聖安娜不是間間都有熱墶同酥餅賣。今次幾好，因為剛出爐拿出黎，另外鋪頭又有個電熱板，可以一路保住其他酥餅既溫度。麵包店也進步了，開了眼界！

口痕一試,我對這家店的蛋撻本來不抱有很高期待。咬上一口，第一個感覺是很香，外皮比較有口感,好脆。內餡也比較有份量,嘴裡的紮實感強，飽足度也十足，以內餡來說香氣夠，滑順度高,蛋漿鮮奶味重。同時很強的蛋清味道，下次都一定會再買!

聖安娜開張幾日，妹妹開始當左佢係飯堂，返學又食放學又食！今日佢放學買左12.5元3個返家，給了我一個！蛋撻嘅形狀有別於平常般，都橢圓的，感覺上好似可以食多點點！餅底皮係我至愛，味道確實不錯，好香牛油味，鬆脆，一咬就粉開易食，而中間嘅蛋漿也不錯，甜甜的夠實淨，無爛開一舊舊，蛋黃味夠濃，香港人嘅下午茶就如此簡單！