聖安娜餅屋 (興隆中心)

营业中

休息中

聖安娜餅屋 (元朗)今日放假媽咪買咗蛋撻，聖安娜餅屋的蛋撻是曲奇皮的，現在$6/個$10有兩個。外賣會有紙盒載着，那就不用怕外攜回家會爛。而且蛋撻用錫紙兜，所以拎起手黎食也很方便。返屋企用焗爐焗大約10分鐘，便可以食用。曲奇味很香牛油味很趣，但不會太甜而且很滑，大型連鎖店來說蛋撻質素比其他傳統麵包店不相伯仲👍🏻地址：元朗壽富街29號興隆中心地下9號舖

今日搵咗幾間麵包店，只有聖安娜有年糕現貨。原價$103，用Master Card有優惠，折實$72.1。呢底年糕雖則唔算大盒，但價錢都相宜。一返到屋企就切左半底煎嚟試試，煎年糕一定少不了加雞蛋， 15分鐘後煎完就食得。年糕煎出嚟非常之香，可能加左雞蛋啦，但係椰香味一般，好彩煎出嚟都好淋。順帶提一提底年糕個有效日期over一個月，去到2月28號。煎半底發現唔係好夠，就會整多一塊全蛋排包，個包好重蛋香而鬆軟，加一啲果醬同牛油真係好啱味，如果唔係飽飽地都想整多塊。好在聖安娜有現貨，問過美心同東海堂要2月1號先有。如果唔係可能要等多兩至三星期先有年糕食~

呢期好興食流沙，流心芝士，流心月餅，而家連牛角包都出埋，聖安娜而家出左個日本芝士牛角包$14/1個，聲稱全日本材料，牛角包無東海堂鬆化，比較實一點，咬落皮不脆的，比較軟屬，不太甜，有牛油香，芝士系忌廉芝士，咬落會似食忌廉甘，可能凍左，無流心的，但好柔軟的，濃芝士味的。

無聊行過..見到個招牌話新出3款波羅包..於是買左2款試下正式個名已經唔記得..1隻係傳統既, 個面真係幾趣, 唔錯!1隻係朱古力, 都唔差! (但個人認為外表唔吸引, 好似'lung'左咁)得閒會去買埋第3隻試下~