土耳其小城 (德範大廈) (已結業)

朋友同我都第二次食土耳其餐廳，網上睇到食評唔錯，所以特意黎試下，睇下可唔可以超越上次食嗰間。🌝👍🏻浮雲沙律，除咗有佢哋自家製土耳其沙律醬😉仲有足料嘅青瓜蕃茄生菜洋蔥😬中間仲有pat醃製過嘅酸紫椰菜，伴埋一齊，個調味就啱啱好👍🏻唔夠醬，可自行再加枱面上有三大支！😋😋土城羊膝燴水稻飯，羊膝份量十足，燴到非常入味👍🏻好濃香料味得黎又食到羊味，呢到嘅羊膝就貼地親民style☺️好有特色，連啲蕃茄都煮到半溶狀態，個醬真係好鍾意！😉💕食晒啲飯都未食晒啲汁同個羊，所以額外加個芝士烤餅點汁黎食，充分發揮到個醬汁嘅味道，烤餅個陣香烤味同芝士香，更係令到成件事升華晒！😆😆😆🙌🏻🙌🏻🙌🏻建議下次黎，可以先係網上bk位，因為到晚飯時間，我埋單時，店外都開始有人龍等入座啦！😜😋😚

朋友誠意推介呢度嘅嘢食幾特別又唔貴，就黎試下☺️☺️☺️聽佢講，羊膝羊肉都幾好食，一定要點咁話。所以我係點咗個土城羊膝燴水稻飯，個飯黎到，香噴噴咁上枱，個造型好似太陽咁🌞，跟埋個幾塊薄餅又幾好食，個飯係用長身啲嘅米整，口感幾得意😎個羊膝好濃香料味，配飯食一流，下次要單叫，有兩大舊先食得過癮！😀十分推介！另外仲落咗個咖哩地皇雞同蒜油烤餅，咖哩味好香濃，接近印度咖哩類，好多種香料調配成，唔太辣啱番香港人口味，雞肉都有唔少，真係堅要烤餅連咖哩汁食埋，個蒜油烤餅，望落有油光，食落超香口，個股面粉香，入面軟熟，配汁一流，最佳組合啊！！👨🏼‍🍳👨🏼‍🍳👨🏽‍🦳👍🏻個咖哩都一試難忘，介紹番俾個朋友先！😎🎉🎉

今晚專誠早少少去食晚餐，因為驚要排隊，去到成功第一枱客入座yeahhhh！點知侍應姐姐話，可以上OpenRice 訂位😂下次一定記得！btw 早黎有得坐卡位😬👍🏻我一早就target 咗要食烤野雞肉卷餅🌯☺️個卷餅無令我失望，入面包咗好多生菜🥬蕃茄，食落juicy多醬汁，雞肉又係烤過嘅雞肉碎上，仲有陣燒烤嘅味道，真係唔錯！😋😋😋另外一款香烤野雞土耳其水稻飯，呢個飯第一次食，啲米飯都幾香🍚🍚形狀比我地食開嘅米長，口感唔同，配烤雞肉，係土耳其版碟頭飯！🥸🥸🤨到上木桶烤雞先發現，原來今餐叫咗全雞宴啊！🤣🐥🐥呢隻烤雞切件上，就咁睇size，似係用咗春雞，表皮烤到焦香，香草味重，咬落啖啖肉！😋👍🏻仲有個蒜油烤餅，我地用佢黎包住烤雞食加埋枱面嗰支綠色醬黎食，意外地夾啊！！除咗無咁乾之外，有少少薄荷香草味🌿🌿添加一點清新嘅感覺！😌下次試其他雞肉之外嘅菜式啦！😂😂😂

同老公試新野，我地兩個人都因為夏天無咩胃口，所以叫咗沙律，羊膝同水稻飯share食！😋😋👍🏻浮雲沙律🥗 ，真係同個emoji 一樣，個沙律好多青瓜，生菜同蕃茄啊，個沙律醬汁好特別，青綠色嘅，味道爽涼薄荷味，白色就似酸忌廉，混埋一齊覺得唔夠，再落多啲白色😆😆👍🏻就放係枱面，啱晒我呢啲醬汁人！！😬食完個沙律就好開胃啦！土城羊膝，輕輕叉落去啲肉已經分離，肉質好軟淋，燴得好入味，濃味得黎，蕃茄酸甜又唔會太膩，我自己就好鍾意個陣香料味，加埋洋蔥甜甜地咁食。☺️☺️👍🏻👍🏻👍🏻而個香烤野雞土耳其水稻飯都唔錯，60蚊大大碟，雞肉都幾多下，不過味道就比想像中嘅簡單，有少少似台灣雞肉飯咁，雞肉唔柴。🐤🐥🐣So far三樣嘢入面，最欣賞個羊膝，出面少見啲，會再為佢而黎😊😊😊

中西日意都食到有啲悶，今次就揀呢間充滿異國風情嘅土耳其餐廳一齊開餐🇹🇷🇹🇷🇹🇷🍴三個人叫咗四樣嘢，食到超飽！😆鬆化咖哩角$39 有三大舊，咬開入面，都幾多餡，有薯仔同香料素菜，味道比想像中嘅淡，唔係杰撻撻咖哩，而係近香港人口味啲嘅咖哩，作為前菜小食唔錯！👍🏻😊 然後就食重口味啲嘅土城羊膝$148，隻羊膝份量十足，用咗大量香料同蕃茄🍅去煮，加上半溶洋蔥🧅好啱伴飯食埋啲汁，咁啱上咗個香烤野雞土耳其水稻飯$60，雞肉面啲類似酸忌廉嘅醬好好味，加埋雞肉食，無咁膩之外，仲有提升味道層次，好味！我自己就再利用埋個羊膝汁都好夾！😙😙😙烤野雞肉卷餅🌯呢個正常發揮，好鍾意入面有好多洋蔥🧅同生菜🥬，一齊入口，感覺清新又健康，仲有其他口味揀㗎，如果一個人黎食，淨係食呢個卷餅都夠飽肚啊！！🙌🏻🙌🏻😋最後埋單人均先100蚊左右，好抵食，間中轉下口味都好嘛！！！👍🏻👍🏻👍🏻😬😬

星期六與家人來到荃灣位於德華公園對面的新餐廳-土耳其小城，一嚐土耳其風味🇹🇷🇹🇷/🌟中東牛肉 $98香辛惹味的咖喱醬，配煮得入味的軟腍牛腩好味道/⭐️蒜油烤餅 $24香脆烤餅沾上香濃咖喱汁，可以吃上兩塊/⭐️烤野雞肉捲餅 $60薄薄的餅皮，內餡有滿滿的椰菜絲和雞肉配上美味的醬汁，也不錯呢/⭐️鬆化咖喱角 $39超巨大咖喱角，上枱時都被嚇倒了🫣咖哩薯仔內餡夠辣好惹味不過外皮就太厚唔太鬆化了/⭐️咖喱海鮮炒飯 $88土耳其飯的口感原來像碎濕濕的米粉濃烈的黃薑??與不知名的香料抱歉不太合我胃口呢/整體來說都算抵食，會想再食咖哩系列及試下其他烤肉串燒類😊

同朋友行天橋之城-荃灣，梗係要發掘新嘢食啦！行過德華公園見到有間新開嘅土耳其餐廳，又未食過呢個系列菜式，一於就試試佢啦！今次試左幾個菜式，又估唔到咁好食喎。1.烤野雞肉捲餅$60捲餅上枱係熱辣辣，餅皮入面有雞肉，生菜，洋蔥，蕃茄，再加埋啲醬汁，好惹味，唔錯。2.蒜油烤餅$24 第一次食呢啲餅，好香軟，仲有淡淡嘅蒜香，因為佢將啲蒜油淋喺個餅嘅上面。枱面有三枝不同顏色醬汁，我就選擇左綠色果枝醬，原來係薄荷醬，用個烤餅點薄荷醬嚟食，又出奇咁夾喎。3.地皇雞$98第一次食有番茄味又辣嘅雞，佢用香料、香草、彩椒一齊去煮個雞肉，第一啖係好香嘅蕃茄味，再食落去就有辣味，都幾得意。4.風味雞軟骨粒$68呢一個雞肉有好香嘅燒烤味道又夠曬彈牙，比我想像中好食。因為我以前喺灣仔食呢啲烤雞炸雞全部都係乾爭爭，柴皮咁樣。呢一個雞軟骨粒好食好多。芒果乳酸$38呢個芒果乳酸有奶加乳酸溝埋啲芒果一齊整成，夏天飲好fresh，最重要唔太甜。下次要叫多啲朋友嚟，再試多幾款菜式

土耳其🇹🇷菜係中東料理特色，但呢間餐廳似印度菜多啲😂menu 基本上都係喺印度餐廳見過，不過啲野都幾好食～令人想再回頭假日無Lunch Set 覺得有少許貴，咖喱無配烤餅同飯，要另外加～但食過之後覺得好值得～今日呢個咖喱同烤餅Naan 真係無得輸～香九條街～～～～～～～～～～～～～～～～～～～奶油咖喱雞Chicken Makhni 呢個咖喱唔太辣～有少少奶油嘅酸～加上香草🌿 一上枱就香到口水都流埋🤤🤤蒜油烤餅 Garlic Naan$24 加一份烤餅配咖喱，有4大片～呢間嘅Naan 係我食過最最最好食嘅質感鬆軟～少少煙靭～蒜油香噴🧄 點上咖喱食，完全停唔到口本來想orde羊肉烤卷，點知手機落單, 自己點錯咗《土耳其卷餅》🌯，又係烤雞🐥🐥～其實Kebap配較濃味嘅肉類會更加好食～雞肉太淡口～嘛嘛哋～呢到嘅裝修都幾有特色～下次再試吓lunch set～（平日先有）

今日實在係太太太熱🥵諗住買啲野返屋企食下算，見到呢間土耳其野就決定試下新野🤓我嗌左個極品咖喱二人餐，價錢有啲貴，但一試無妨🤤鬆化咖喱角因為我冇乜點食過土耳其野，真係唔知個咖喱角咁大個，細食啲既人真係食一個就飽😂入面係香料同薯仔既混合物，啲香料唔係太搶，薯仔又好綿，的確係幾出色👍🏼係有啲油但唔影響體驗🤏🏼南印度馬薩拉雞呢個係一個蕃茄味好強既菜色，帶有甜味，非常討好既味道🥰雞肉係帶有碳烤既香氣但又好嫩，好好食🤤呢個應該係成個set最好食既一味👍🏼👍🏼蒜油烤餅呢個係第二好食既菜色！餅上面係有真・蒜粒，非常香口又惹味🤤點埋個馬薩拉雞索埋啲汁真係絕配！檸檬汁呢個檸檬汁我唔知佢係走甜定少甜，但如果係少甜既話佢都好勁😮因為係有一種佢係冇糖既感覺，但又唔會有澀味😮係非常岩岩好既味道👍🏼咖哩克勒雞肉炒飯講左啲我覺得好食既菜色後，都要講下啲我唔多岩食既品項🫡呢個飯係有好強好強既香料味，同埋我都唔係幾接受到呢個飯既口感😅只可以話唔岩我口味🥺浮雲沙律係一個雜菜沙律，本身係都幾正常🤔但入面有啲醃酸左既菜令我食到時有啲措手不及🫣佢上面有啲薄薄既麵包片係幾香幾好食😛但整體黎講對我黎講有啲怪😅喺呢個位有間土耳其野其實

聽朋友講有間食印度菜嘅餐廳，價錢唔貴，可以去試吓，所以今日有機會就去荃灣試吓。佢哋晚市六點先開門，不過五點八都已經有幾個人係度等。入到去環境都算舒服，眼見都整潔，不過坐低咗之後就開始有漏水，喺射燈位滴出嚟，好驚會漏電，好彩只係滴喺走廊位！兩個人就叫咗一杯芒果乳酸，同埋一杯原味乳酸飲品，都比較漏，好有飽肚感！另外叫咗一個海蝦沙律🥗極普通！我提議加啲三色沙律醬再調下味！烤羊膝印度飯，羊肉好煙韌，印度飯有食炸米粉嘅口感，唔好味。重有咖喱牛肉同蒜香烤餅，咖喱同烤餅都唔錯，都算有水準，其他就麻麻地，冇乜特別、冇驚喜，應該唔會專登再來。

突然好想食濃味野。諗起想食土耳其菜，但係荃灣😂😂。我又睇openrice。同上次食刨冰一樣。又見到呢到之前有篇食評寫到好差，我又本住試下啦。話晒附近無得揀。
試野唔叫咁多住😂點左兩樣。。地皇雞。呢個應該算係印度菜？點解我之前係印度餐廳食過。不過可以呀。佢嘅咖哩入面香料好多，但味道偏辣，雞肉煮到鬆軟晒。
。羊膝飯。
我本身都幾鍾意食羊。呢到羊羶味唔重，肉質都好滑，香料味煮到入晒去，唔錯！算係幾滿意。🥰為咗寫食評我有八掛問下店員姐姐，點解呢間店咁多其他菜系？搞到我都真係有啲亂。😅。我有啲以為自己食緊印度野。佢都解釋返呢個幾個菜系味道較類近，而且呢到既廚師叔叔都想將啲好食、就算不同菜系既野都放入去咁上下。雖然味道上唔差。但本住想食土耳其菜嘅我。食完都覺得係印度野多過土耳其野。😂。希望都留意下啦。特別如果係追求100％正宗，就唔太推薦。我覺得佢既味道係明顯調過更岩香港人食，因為如果食過正宗既印度＆土耳其菜，其實真係好好好濃味。

""偽"" 土耳其菜館！你騙到其他食客，你騙不到我！ 我本身是香料專家，亦係一位 葡萄牙菜 & 印度菜廚師，對好多中東菜亦非常有研究 ~近幾年中東菜開始在香港盛行 , 但真正懂得中東菜的人實在少之又少 , 所以才會被這種餐廳 , 混水摸魚 , 騙過去！值得一提的是 , 讀過 menu 就知道 , 這家餐廳賣的 , 大多數不是土耳其菜 , 反而是印度菜！ 這個已經好有問題！再講，土耳其同印度甚至沒有關聯，邊境也不接讓，土耳其的菜系 , 實在是歐洲跟阿拉伯的菜式的融合；而印度菜就是印度菜 ~最叫我火遮眼 , 心火盛 , 谷氣 , 憤怒 , 燥底 ,火上加油 , 怒髮衝冠 的就是 , 這家店在菜色的譯名 ..... Tandoori Chicken 擺到明 , 就是印度烤雞 (如果唔識的話 , 麻煩Google search 都會知道) , 但這店竟然譯作 "杜拜烤雞" (有圖有真相) !! "杜拜烤雞" 咪玩啦 !?Tandoor 一詞 , 本身就是"印度烤爐" 的意思 ..... 這店是什麼一回事!? 所有都被扭曲了 !! 可怒也 !!!!Humus : 這店竟然譯作 "綠洲沙律" ,

一向都好鍾意士耳其菜 特別係卷餅可惜士耳其餐廳係香港唔算多不過多次想介紹一間係荃灣嘅士耳其餐廳有次誤打誤撞食到呢間驚喜的小店 ______________________________〰️ 𝗖𝗛𝗜𝗖𝗞𝗘𝗡 𝗠𝗔𝗦𝗔𝗟𝗔 $88呢款用上香草•蕃茄•洋蔥黎調味而且雞肉嘅份量好多 仲好嫩 肉質軟腍配埋烤餅一齊食真係好正好夾 推介!!〰️ 𝗖𝗛𝗜𝗖𝗞𝗘𝗡 𝗗𝗢𝗡𝗘𝗥 𝗥𝗢𝗟𝗟 $60同普通雞肉卷餅唔同 佢呢個中間係烤野雞肉所以會有燒雞嘅風味 更加香同惹味除左雞肉 仲有爽口生菜•蕃茄•洋蔥•醬汁不過最鍾意都係佢嘅餅皮 口感好軟熟比起普通嘅烤餅真係唔同 好鐘意呢個!!🫶🏻〰️ 𝗖𝗛𝗘𝗘𝗦𝗘 𝗡𝗔𝗔𝗡 $32呢個NAAN真係不得了 烤到外層帶焦香食落軟熟而且帶小麥香 中間夾雜住半融嘅鹹香芝士 真係好好食 好想encore 唯一係油左少少咁多多!〰️ 𝗛𝗨𝗠𝗠𝗨𝗦 $48HUMMUS都係我好鍾意食 但平時好少見 🤣鷹嘴豆蓉打得好smooth 帶乳酪香仲配埋烤餅 可以夾住一齊食😛睇到餐牌仲有好幾款二人餐同四人餐選擇價錢都幾合理 性價比唔錯去開荃灣的話會想再encore呢間WRAP同NAAN都好值得一試🔥

前晚約左朋友荃灣踩滑板， 大家放工都未食飯勁肚餓，所以就附近簡左間新開既土耳其餐廳醫醫肚。頭盤叫左陸州沙律 $48，係用鷹嘴豆磨成醬加入土耳其香料配以薄餅食，味道出奇的新鮮主菜就叫左南印度馬薩拉雞 $80、蒜油烤餅$24同咖哩克勦雞肉炒飯 $60南印度馬薩拉雞 新鮮雞件份量十足，汁料用了多印度香料、奶酪和番茄汁煮成，酸酸甜甜加上少少辣辣地，用蒜油烤餅點黎食定係淋落咖哩克勦雞肉炒飯食，都一樣好味食土耳其菜 當然唔少得卷餅 ，朋友唔食羊，所以叫左烤野雞肉卷餅 $60，同樣分量十分，薄餅卷住既餡料有烤得香口既雞條同新鮮爽口嘅生菜，配上沙律醬，令人一啖就停唔到口。最後同朋友各自叫左土耳其咖啡(熱) $30同Mango Lassi $36，土耳其咖啡，咖啡味突出唔會好苦易入口，mango lassi, 用新鮮芒果配以奶酪買來打成，酸酸甜甜解渴一流。新鮮芒果配以奶酪買來打成，酸酸甜甜解渴一流。

11-6-2022 (Sat)晚,決定同老公出行食飯,老公話去食過嘅蘇媽蘇媽(食評係2020年11月14日刊登嘅呢篇:https://www.openrice.com/zh/hongkong/review/yeah-%E6%BF%83%E5%91%B3-e3864042),但我又飽,食唔多嘢,我哋諗起新開嘅呢間,老公都有興趣試,於是走嚟,我哋嚟到啱啱係開飯時間,幸好仍有位,我哋睇完menu,決定唔要套餐而散叫,要咗:5. $38.00嘅原味乳酪有甜同鹹味揀,我哋揀咗鹹味,佢酸酸地只帶輕微鹹味,質地唔太杰身,剩低半杯時,味道同口感更同清水冇乜分別.味道:0.7分4. $38.00嘅芒果乳酪比原味乳酪杰身少少,芒果味夠,飲到最後雖然啲冰溶咗,但都仍有芒果味同少少杰度,好過原味乳酪.味道:4.5分1. $48.00嘅陸州沙律(三色豆醬)放低時連埋四塊薄餅,我估就係呢個,但老公驚佢哋俾錯,就問一問,店員答係呢個.三色豆醬同張相有好大分別.我哋塗上薄餅喥食,暖暖嘅薄餅口感軟熟,唔錯;三色豆醬味道都夠.味道:5分2. $45.00嘅脆皮乳酪卷呢個有外脆內軟,味道清淡,平平無奇.味道:3分3. $7