土司工坊 (荷李活商業中心) (已結業)

以前幫襯過，佢用紙碗盛熱喇沙粉，d粉黐住碗底，唔掂！不過起碼杯奶茶ok。今日就腳諗住速食，有奶茶飲，點知中伏！因為仲係用紙碗，所以我點碟頭飯。嘩！巴東牛柴到切唔開！請睇吓相中把刀⋯😠杯奶茶勁淺色，飲甜奶咁！我叫佢沖過杯多茶嘅先至有相中嘅樣，不過仍然唔得，南洋茶走去咗邊？永不錄用🙅🏻‍♀️ food quality is so poor! Can’t imagine their standard drop soooo much!

Came at 9pm, pricey food, long wait (can see the staff at the back eating whilst we are waiting to give the order) and COLD food (had the fish all noodles and the rice) worst toast box branch! Had much better elsewhere. Obvious there’s lack of manpower. Will never come here again.

等左20分鐘先有得食。食既人已經唔多，但D人食完，職員唔會執抬。非常垃圾，60幾蚊得兩隻雞翼唔熟（比少咗隻)，薯仔唔熟，咖喱雞翼飯啲雞翼同汁係凍既。想食粉無粉，結果個湯係凍哂，完全係攤左好耐先拎出來，應該係一早整定放咗喺度攤。好垃圾好垃圾好垃圾。最滿意佢哋嘅服務就係肯認錯，最終退錢了事知道自己間野垃圾肯退錢。

因為要等人 個幾鐘唯有在旺角找個唔會好多人但又可以俾我食住野涼住冷氣就係咁 去左toast box點餐位置 在門口 右邊 corner位就簡單咁 叫左個牛油咖椰傳統土司$16同樣地 都係叫好 拿埋震震 返埋自己位坐等著燈 再出去拿等ge同時見到內在環境都好舒服同朋友傾下計自己一個人靜靜地都好合適著燈了。。可以拿野食la土司 剛剛烘好 熱辣辣但個包包切到一薄一厚一開 見到女士天敵大牛油 雖然好好味 但都好邪惡全部都係kaya醬雖然好簡單 價錢都係$16但都算用心製造

係旺角行到攰，咁岩見到Toast Box 就入去食個tea 抖抖。叫左個黃薑牛肉飯。塊蝦片幾難食 ...可能因為放太耐關係，完全淋晒，咬都咬唔到。個飯同d 汁都ok 既，不過d 牛肉就太"鞋", 食黃薑飯不嬲d 牛都好淋，呢個有待改善。最後值得讚既係杯咖啡，都算幾好飲。

見廣告牌寫住health selection，就買碗外賣返屋企試下，第一啖就已經完全feel唔到健康，好咸，重口味。豬肉，皮蛋，薑葱量好好足夠，咸味係來自啲粥，唔係啲豬肉。

星期五嘅中午既趕時間又肚餓，我就決定食一個quick lunch，發現荷里活商業中心地下開了間 Toast Box，見無人等位就即刻叫餐啦。叻沙賣相吸引，令我食指大動，差點連食物相都忘記了影低。第一時間飲啖湯先... 湯底唔夠香濃又唔辣... 失望 😔 但最敗筆係 Laksa 個麵底 - 米線又軟身又碎，口感其差😖 若然米線換成油麵的話，成碗 Laksa 可以加分，不至於唔合格...Toast Box嘅熱奶茶係加煉奶，所以比較甜，我叫少甜，甜度剛剛好，不過我始終較喜歡茶餐廳嘅絲襪奶茶。PS. 喺旺角中午時份都無人等位嘅餐廳通常係會中伏😅

由於年尾各方好友都相繼結婚，近日都忙於做姊妹同出席飲宴，所以冇時間四出覓食，連食評都冇時間寫今日出去旺角買野，偶然下發現呢個宣傳👇3蚊!!!最初仲以為要買野食先可以加3蚊要杯野飲，一問之下，冇錯，係齋買杯野飲係3蚊!!!真係去便利店買支水都唔得，於是我買左南洋拉茶!!!仲要即叫即拉唔係外賣，可以坐低慢慢飲環境仲要係舒服既講返杯拉茶先，唔似港式奶茶，茶味唔重，奶味重d!!!甜度適中，唔係話好好飲，但質素絕對對得住3蚊!!!p.s.大家要留意番呢個優惠只限呢間分店