圓貝 (MOKO新世紀廣場)

营业中

休息中

飲珍珠奶茶就一定唔健康？咁又未必，係中環開到嚟旺角嘅「圓貝」就係有健康嘅茶飲出品。「圓貝」有三大特點，天然甜味劑、自家製植物奶、超級食物手工珍珠。有別於其他品牌，從根本上着手，奶用植物奶、糖就用無花果糖、黑蜜糖等，珍珠都加入抹茶、竹炭等健康食物。做出嚟嘅奶茶自然較低卡路里、低昇糖。今次買咗兩杯特飲，一杯係朱古力杏仁奶base嘅非常可仁，另一杯係芋泥燕麥腰果奶底嘅黑蜜香芋奶，不過用羅漢果糖一個用黑蜜糖，兩款個甜味夠，但係又唔會有罪惡感，而且啲竹炭珍珠爽彈唔痴牙。仲有佢係有小食提供，麻糬曲奇、純素批都好高質，最鍾意就係佢哋嗰個抹茶麻糬曲奇同埋芝芝洋蔥素批。兩者都係好好食，做下午茶一流

✍︎︎減肥又想飲珍奶，圓貝完全啱我口味😍堅持每日新鮮製造自家製非堅果植物奶用咗純素珍珠同埋低糖配方☁️藍天白雲💙$48藍白色分層分明，好啱打卡🤭上層係椰子奶蓋，最底層有爽滑碟豆花奇亞籽果凍，而成杯嘅靈魂係超級食材物藍藻，羅漢果糖，岩鹽，柚子芒果等混合而成，整體清新得嚟又唔甜，加咗岩鹽多一番風味💜黑蜜香芋奶🧋$46 見到呢杯得104kcal😳可以品嘗到芋頭嘅清香同時罪惡感完全0阿 🤭估唔到黑糖同芋頭都保留到自己嘅味道🤤🍫特濃朱古力麻糬曲奇🍪+$24曲奇比較濕潤，但又唔會偏軟身，中間仲要有麻糬加哂分🥰🥟西西里菠菜素餃 +$28配西班牙莎莎醬即叫即煎😋熱辣辣送到上手唔油又健康😙下午茶食完全啱啱好❥#燕麦奶 #香港純素 #香港素食 #純素 #純素珍奶 #珍珠奶茶 #低卡糖 #低GI糖 #植物奶••••••••••••••••••••••••••••••🔎圓貝 旺角太子道西193號MOKO新世紀廣場MTR樓M31號舖••••••••••••••••••••••••••••••

🚸 植物奶「廢水」廢水唔廢，因為佢係使用值物奶，而且低糖高纖，又做到奶蓋濃厚芝士🧀感覺，好正👍🏻。🧋藍天白雲：係東南亞風味既飲品！白雲係綿滑椰子🥥奶蓋，帶點椰子花蜜味。藍色來自藍海藻岩鹽糖漿同蝶豆花奇亞籽啫喱，啫喱又滑又彈。加埋柚子、芒果🥭就好似飲芒椰奶西感覺！不過用燕麥腰果奶取代牛奶。🧋非常可仁：朱古力米奶蓋同樣好厚滑😆，燕麥奶同純素🌱朱古力醬好夾。🍵抹茶麻糬曲奇：軟曲奇好濃郁抹茶味，麻糬好吃，少少偏甜。🥟馬拉素巴東素批：用大樹菠蘿做既素肉好惹味，似食厚皮既咖哩批。味道 : 🔅🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

平日出街買飲品，都擔心飲品對身體做成負擔。 朋友告知Mother Pearl圓貝的飲品，用全自家製作食材的珍珠奶茶品牌，選用健康養生天然食材，及手工調製，飲後不用擔心有罪疚感。😋是日選擇：1️⃣藍天白雲 🍽內裡包含：柚子、椰子奶蓋、芒果、百香果、椰子花蜜、燕麥腰果奶、 蝶豆花、奇亞籽啫喱，非常豐富。而且新鮮製造的植物奶，口感香滑，質感輕盈，更健康！ 2️⃣黑蜜香芋奶🍽內裡包含：燕麥腰果奶、芋泥、黑帶糖蜜、活性炭珍珠，香濃的芋泥，啖啖芋泥，燕麥腰果奶香滑，珍珠煙韌，黑帶糖蜜甜度適中。3️⃣英倫伯爵麻糬 🍽濃郁伯爵茶香氣，外皮柔軟，煙韌，有嚼勁。 4️⃣芝芝洋蔥素批 🍽外層黃金，批皮酥脆，內裡鮮甜的洋蔥及濃郁的芝士，令人難以抗拒。

嗌咗兩杯嘢兩杯都係酸臭嘅，朱古力奶唔知點解有啲橙黃色嘅醬喺杯邊，抹茶芝麻奶啲芝麻係酸餿嘅；同店員反映後佢換咗兩杯黑糖芋頭奶俾我哋，點知都係酸嘅🤢🤮🤮又稀又酸，真係飲到把幾火😑

食完飯想買杯廢水過下口癮，見佢門口棟住個牌話25蚊杯嘢飲咁平就一於試下啦，點知搭上一架超大型直升機，極伏！我哋一行兩人分別叫左茉莉珍珠奶茶（+抗氧抹茶珍珠）同祈門玫瑰奶茶（+竹炭排毒珍珠），分別都只係25蚊。落單同拎嘢飲嘅店員態度都好好，收銀有主動greet我哋，pick up時員工有主動講邊杯打邊杯，態度方面係無得彈嘅。可惜嘅係，嘢飲本身真係十。分。唔。掂！一入口，我同友人同時大叫：「嘩大佬，糖水嚟嘅喂！」明明落單果陣已經講左不另加糖，但兩杯都係好甜！甜都不突止，珍珠極度煙韌，比平時食開嘅珍珠煙韌好多，成杯嘢飲落口就係糖水+咬好耐先開嘅珍珠！朋友最尾都只係飲左一半就掉左了。雖然話25蚊唔應該有太大期望，但同我飲過其他價錢相近嘅珍珠奶茶比較，質素落差實在太大。可能其他非珍奶類飲品會有較好表現，但我實在係無興趣再試了，留返比其他勇者發掘🥲

坊間大部分台式飲品店都未必有提供植物奶選擇，而純素茶飲店Mother Pearl圓貝對於素食或患有乳糖不耐症者正是一大福音，繼中環、灣仔、銅鑼灣、尖沙咀及將軍澳後最近更落戶旺角MOKO新世紀廣場。有別於一般台式飲品店，食材從植物奶、珍珠以至於植物奶蓋均為全自家製作，並選用黑帶糖蜜、椰子花蜜、羅漢果糖等天然甜味劑取代高果糖玉米糖漿，顛覆珍珠奶茶毫無益處的固有印象。踏入秋季，「圓貝綱目－甘糀之醉」系列亦隨之推出，以甘糀為基調再結合雪燕、桂花、桃膠等養生食材，而甘糀其實亦即日本甘酒，由白米及米麴菌發酵而成並不含酒精，以養顏護膚功效見稱。金栗雪糀 ($52)將甘糀及栗子蓉融入黃金燕麥奶中，栗子蓉甜度溫醇適中，原粒栗子、抗炎黃金珠及雪燕令口感更加豐富，面層海鹽雲尼拿米蓋更會灑上蔗糖燒成焦糖脆面。桂糀薑烏龍 ($48)桂香甘糀與桂花相輔相成馥郁芬芳，結合鮮薑汁及炭焙烏龍茶甜度輕微，整體比較清淡，椰子奶蓋綿密細滑，配料方面包括黑糖薑啫喱及桃膠更加滋補。黑蜜香芋奶 ($46)雖然並非新產品但人氣長期高企，黃金燕麥奶加入黑帶糖蜜及芋泥，口感較坊間芋泥鮮奶清爽，而排毒炭黑珠則保持煙韌彈牙。

全港首個唯一採用自家製作食材嘅珍珠奶茶品牌, 全部飲品用上100%植物奶, 採用羅漢果糖代替精製糖, 連珍珠同配料都係走健康路線～平時飲開抹茶燕麥奶嘅我俾佢吸引咗🤩, 即刻嚟試吓先！🍵黑芝麻抹茶我鍾意佢哋用上純素健康嘅成份調配飲品, 宇治抹茶搭配黑芝麻醬, 加上抹茶珍珠, 係唔錯嘅組合！飲落有濃郁嘅黑芝麻味, 同時有淡淡抹茶香🍃, 轉咗用燕麥腰果奶做底, 口感香滑又有堅果味。雖然冇得少甜, 但佢嘅甜度主要來自植物奶, 所以整體唔太甜, 感覺健康, 啱我口味！🍂秋季新品「圓貝綱目」《甘糀之醉》系列, 以米糀為基調, 並融合富蛋白膠原嘅雪燕、養顏桃膠等養生食材, 有補氣養血、美顏作用！ 🥤桂糀薑烏龍炭焙烏龍茶加入鮮薑汁🫚、桃膠、黑糖薑啫喱、桂香甘糀, 上面有椰子奶蓋, 再灑上桂花作點綴。入口先感受到順滑嘅椰子奶蓋同金桂花香氣, 炭燒烏龍茶香同桂香甘糀嘅甘甜互相平衡, 仲有薑汁嘅微辛, 味道層次豐富～🥤金栗雪糀海鹽雲尼拿米蓋上有原粒栗子點綴🌰, 黃金燕麥奶中加入雪燕、栗子蓉、甘糀、抗炎黃金珠。栗子蓉有獨特烘烤味, 亦有著淡雅嘅甘糀味～ 裏面嘅雪燕有潤膚功效, 好適合女士們飲用呢！

在旺角東站商場見到呢間新開圓貝分店祁門玫瑰花奶茶加抗炎黃金珍珠，宇治抹茶🍵植物奶蓋 $34飲品本身話冇另外加糖，感覺好健康，飲唒整杯都唔覺好肥黃金珍珠含有薑黃，薑味道不重可接受宇治抹茶奶蓋夠creamy, 唔太甜輕盈。最可惜杯飲品茶底唔夠濃，加埋奶蓋一齊飲就更加唔出有玫瑰花茶味