圓山台灣料理 (已結業)

口水雞既汁都幾辣幾惹味，涼拌青瓜都唔錯，係個小棠菜冇調味係白烚既 ，仙草奶茶 奶味好濃。另外試左個麻婆豆腐好出色，豆腐好滑好似豆腐花咁，價錢先$40，係尖沙咀黎講真係超抵食

多年前去飲茶，印象不錯，最近再去，點心自製，都係幾啱口味，蝦餃、叉燒腸、排骨、鳯爪、春卷都好過大型連鎖酒樓，鳯梨酥，好似自製嘅，熱熱地嘅，好正。星期六一行七人去食晚飯，都好滿意，價錢合理，用料都新鮮，冷盤蛋黃片肉，有特色，咸蛋黃好香，蒜片黃花魚好大條，多肉、少骨，味道調得好，沙茶牛仔排、滷肉、油鹽水海瓜子、屏東小炒都有水準，樟茶鴨、台式蒜香腸、炒A菜、新竹炒米粉都正常無伏。叫咗十樣嘢，每位$220，夠食又好味，值得捧場支持。

為老友慶生，一行5個中女去咗呢間超過20年冇去過嘅台灣老店。以前同第一個男朋友去銅鑼灣嗰間已經執咗笠好耐，估唔到尖沙咀呢間經過疫情後仍然屹立不倒。先點了兩個前菜皮蛋肉鬆豆腐及圓山拼盆：皮蛋流心，肉鬆酥香，豆腐好滑，唔錯；拼盆有生腸、鴨舌、鹽水鴨及手工蛋卷，冇諗過四樣食物都好有水準，尤其是鴨舌，比起台灣老X祿好吃好多，生腸冇諗過咁滑，鹽水鴨個皮好薄肉身又好爽，蛋卷好特別，應該用咸蛋黃整所以好香口，令我有點去左台灣嘅感覺，一個字，正！到主菜，有2個朋友從不吃魚，但難敵超筍價錢嘅關係，叫左兩個「有魚有雞」孖寶：1）蒜片炸黃花魚拼口水雞 及 2）酸菜水煮魚拼宮寶雞。原本諗住果兩位厭魚朋友冇啖好食，點知佢地都食都停唔到口，一路食一路話係黃花炸得香脆可口，連個汁都大讃巧巧味（唔好意思太心急食剩魚骨先影相🤣），口水雞既香且麻，無懈可擊；酸菜魚相比炸黃花比較失色，雖然魚好滑，但酸菜湯不太入味，可能煮得唔夠濃，宮寶雞不過不失。最後叫了一桶即整豆腐花，嘩！不得了，真係好滑，又香豆味，5人一桶剛剛好。整體來說今餐令我們很滿意，最重要係，價錢大眾化，食物水準高，不過有少少咸，可能台灣嘢係偏濃味，另外地方亦濶落

好多年前已幫襯圓山台式料理，食品好精緻，也好味。有一段時間沒有光顧了，今天經過，想嚐嚐舊味，但是上到去，還以為自己入錯舖頭 - - 格局是中式酒樓格局……冇所謂啦！也一試。店員遞上下午茶餐紙，基本上全部是中式點心，不過，就非常抵食！下午茶$55，竟然有一款主食 + 兩款點心。點心方面，竟然可以包括：蝦餃、腸粉、菜餃之類……平常酒樓是大點的食品。所以，抱著又懷疑又期待的心態。點心一上桌，心裏就想：市道真的差！點做呀？蝦餃是飽飽滿的，而且澄麵皮好煙韌，蝦也好彈牙，Honey對蝦餃讚不絕口。小籠包一般。棗蓉糕不太甜，棗味香濃，Honey也稱讚。山竹牛肉好大粒，也好味。腸粉也是飽飽滿，好軟滑的腸粉，每一節腸粉都有一塊豬潤，蒸得剛剛熟，仍然爽口。椰汁紅豆糕也是不太甜，不錯。所有點心都是熱辣辣上桌，很好！但，反而兩款台式主食：擔仔麵和肉燥飯，就好港式。說是台灣料理……😜……😜總之，食物抵食好食，就得啦！我們點了三個下午茶餐，三款主食，六款點心，兩位茶錢，結賬$201😱😱晚餐都幾乎不用吃！真的超值、好味、抵食！

我估呢間餐廳應該好多人經過不過無食過，係一個咁顯眼的corner位屹立咗咁多年應該有佢生存之道😏之前嚟食過一次，有獨立房間，仲聽到隔離唱K添! 獨立房間有最低消費免開瓶人不可以貌相，餐廳亦一樣。今巴利道個門口好細仲有行樓梯，裝修都好舊下，要有心理準備😎每次都會叫的巨型花枝丸好爽口彈牙花雕蟹又係必點，因為個汁次次都用嚟炒米粉，正到暈阿幾次相食胡椒蝦，個經理好誠實話唔新鮮，叫我地唔好叫...今次終於食到啦！好重胡椒味，蝦又多而且新鮮，炒得夠乾身

夜市收檔前食咗次，之前都食過，印象中人唔多食物都唔錯，但貴啲。再去食睇睇如何小食要咗個鴨舌同蛋，蛋唔記得咩名，但中間夾咗啲火腿，係手功嘢鴨舌有別於我認識嘅味道，都好味，醬味好濃叫左樟茶鴨，好乾，味道麻麻，肉質乾到無晒汁，又無嘢點，仲比個夾餅你夾，真係乾上加乾... 最慘係連肉都乾晒，唔新鮮有個煎蠔餅，香脆，味道尚可小炒王，呢個明明係港式大排檔嘢...但好食，有鑊氣整體覺味道唔係差，都好食，但叫台灣嘢就未免有啲掛羊頭賣狗肉...又或者話佢所謂嘅台灣嘢都唔及港式小炒好食...有兩樣不滿1)出菜！明明店唔多人，得三四張枱左右，但見到好幾次啲菜整起喺架車推埋出嚟都唔上枱...眼白白睇住我碟餸放涼，感覺好差...好似蠔餅同小食咁，睇住佢架車就停喺出面但死唔拎上嚟...管理可唔可以好少少？！2) 清潔而家疫情仲未過去，環境衛生都好緊要。好彩食完先見到！！！喺廚房隔離就洗手間...唔緊要，土地問題...但洗手間前面一開門就係上菜車！上面放咗出菜，仲有一啲出菜用嘅調味碟，全部都無遮掩咁放喺廁所前面 好嘔....食物唔係唔好食，但呢兩點就唔會回頭喇...

朋友話想食台灣菜，諗起次次都會經過開圓山就決定今日上試一試啦，感覺都開左好耐應該都唔錯！我地一上到去就感覺到有d中式酒樓，有魚缸個d😂😂咁我地就叫左4樣野食，包括炒蜆，鹽酥雞，三杯雞同炒油麥菜。一開始上蜆既時候，碟蜆唔係熱既係微暖。食頭幾隻都ok~但之後食到有d腥就冇再食，而且有d蜆仲未開口既鹽酥雞一上就聞到好香，但味道一般而且雞肉較乾。炒油麥菜好食，好香蒜蓉味三杯雞最好食，味道夠濃但又唔係過咸，雞皮香口，雞肉仲都嫩滑

實在太耐沒有去台灣旅遊了今晚與朋友想食下台灣菜記得數年前來光顧過....當時覺得味道不錯,所以想再嚟試下....優惠的二人餐其實菜色不錯不過與朋友都不想吃飯及麵所以決定單點菜式品嚐即晚的主廚精選推介多數是海鮮類的選擇也太有點像廣東菜並不是我們想吃的台式口味招牌海鮮之選特價供應,選擇也頗多台式三拼 $209蠔油生腸蛋黃小卷台式鴨舌花雕燕海中蝦 $238花雕酒味濃郁的蒸蝦蝦肉新鮮,口感彈牙陽明山炒劍筍 $188服務員推介這是特選的劍筍筍身肥美爽口

疫情前一年去幾次台灣，路過見到寫住台灣料理，突然好想食就試下。一打開餐牌，明明招牌寫台灣菜，但只佔少部份，其他都係小炒點心之類。點心係無問題既，正常發揮。滷肉飯唔夠味，淡左d，都可以接受。之但係，，胡椒餅完全貨不對版！應該叫鮮蝦酥皮卷，我唔知憑乜可以叫胡椒餅。完全同台灣既胡椒餅唔一樣囉。鹽酥雞，，聞落去感覺有d淡，食落去係怪味。。雞肉嫩既，但唔係鹽酥雞味。。未食過咁難食既台灣菜，，忍唔住要寫個食評。。

地點十分方便，喺Mira隔離，朋友好耐冇見想一齊飲茶，尖沙咀要食早市都搵左一輪，最後揀左圓山！11點就開門，諗住試下台式點心，早午市點心都同中式差唔多，但食落味道好有質素，叫左幾款大路點心試下～最愛鹹水角炸得好脆，炸物脆而不膩！😋黑糖馬拉糕熱騰騰入口軟棉棉，好好味！有款腸粉入面包左炸物外軟內脆，自覺好味，忍唔住食左兩件！燒賣大大粒，肉質嫩滑有肉汁！墨西哥叉燒包，入面叉燒醬夠惹味！煎餃子底煎得香脆，餃子內有肉汁！😌

地點十分方便，喺Mira隔離，朋友好耐冇見想一齊飲茶，尖沙咀要食早市都搵左一輪，最後揀左圓山！11點就開門，諗住試下台式點心，早午市點心都同中式差唔多，但食落味道好有質素，叫左幾款大路點心試下～最愛鹹水角炸得好脆，炸物脆而不膩！😋黑糖馬拉糕熱騰騰入口軟棉棉，好好味！有款腸粉入面包左炸物外軟內脆，自覺好味，忍唔住食左兩件！燒賣大大粒，肉質嫩滑有肉汁！墨西哥叉燒包，入面叉燒醬夠惹味！煎餃子底煎得香脆，餃子內有肉汁！😌

講起台灣菜 🇹🇼 通常都係諗起 珍珠奶茶 🧋 鹽酥雞肉燥飯蛋餅依一類比較地道平民美食但係香港比較小聽到人去酒樓/餐館食台灣菜今日同大老闆食送別飯其他菜食得比較多同事就提意試試依間台灣菜館小食類蛋皇小筒魷魚包住鹹蛋造嘅餡魷魚唔韌蛋皇適當地鹹不錯鹽水鴨 🦆 浸住鹽水上嘅鴨肉片比起一般嘅鴨 鹹小小但唔乸口而且肉質有咬口得黎夠濕夠滑同事食得津津樂道，encore 了一碟例牌皮蛋肉鬆豆腐呢道菜好食豆腐夠豆香夠綿滑👍🏻肉鬆係我食過最好食皮蛋有糖心兩樣食材配合得很好😋😋😋鴨舌個人麻麻無咩肉😟主菜類南瓜鮑魚比較普通 無特別喜歡炸子雞 🐓 可能因為無連皮食（怕肥）雞肉比較淡味皮都有味同幾香應該比香港平時食到嘅淡小小雞肉幾嫩滑，唔錯胡椒焗蝦 🦐 依道好好食焗完 蝦殼好脆可能連殼食胡椒嘅辣味係有，惹味，但適中無搶左蝦嘅鮮味蝦肉好鮮甜爽口一啲都唔霉花鵰膏蟹 🦀 膏量十分食落口好有鹹香而且無比花鵰搶左佢嘅鮮味殼下嘅蟹肉量唔少啖啖肉花鵰調味令每啖更出彩係菜單上搵唔到菜式名的肉味道上係有d 酸酸甜甜但唔似咕嚕肉咁濕咁漏咬落十分鬆軟好食整體黎講所有菜式都幾有水準係有某位中女侍應比較煩#hk#hkfoodie# #fi

老公生日，他很喜歡吃台灣菜。在網上找來找去都是吃牛肉麵珍珠奶茶的台灣輕食餐廳。請生日飯就不能太吝嗇啦～看到這間比較貴價的，就來試一試! 點的大多是都是食評推介的，但最令整家人驚喜的是酥炸黃魚。連平日不吃魚的老公都大讚。魚炸的通透乾脆，一點油膩感都沒有。基本上只有中間的魚骨沒被吃，連魚頭都被吃光。

一直都好鍾意台灣菜，可惜疫情好久不能去台灣，在香港找到了這家台式炒菜店，味道還不錯，鹽酥雞脆脆的，豆腐也不錯，擔擔麵好吃，a菜有點清淡，滷肉超好吃！雖然有肥肉，但是完全不膩，底下還有豆腐，吸滿了湯

本身我一年去幾次台灣，最鍾意就係去台灣食嘢，由夜市小吃、熱炒、甜點、到飲料等等都無一不歡。疫情關係，我已經一年冇去過台灣。無論係台灣嘅風土人情、優美風景、美味食物我都掛念得很。正值爸爸生日，我決定公器私用，請爸爸去食一餐台灣菜，順便安撫下自己嘅思念。打開餐牌，我已經眉頭一皺，點解食物嘅內容有超過一半係川菜同廣東菜呢？算數，都已成定局，就揀一啲台灣菜嚟叫。首先嚟嘅係一個小食，我哋食完都唔肯定個材料係啲乜嘢，中間應該係有鹹蛋黃做材料，但係側邊白色位置我哋食完哂都唔知道究竟係魷魚定係蛋白定係其他嘢。跟住嚟嘅係三杯雞，個煲拎到過嚟嗰陣時係好香嘅，但係裏面嘅雞肉其實好少，味道亦都冇乜特別。跟住仲有叫咗個炒A菜，算係吵得唔錯，好似鮮綠唔會炒過龍，但係都係冇乜特別。因為爸爸鍾意食炸大腸，所以雖然唔係台灣菜，我哋都叫咗。大腸切得好細片，得廿片左右，爸爸讚賞佢好多舊都有將腸裏面嘅肥肉都整走，但係我就食得好辛苦，我唔知因為咩原因我覺得呢碟大腸好臭，我喺其他地方食炸大腸都冇呢一陣臭味，我成日形住佢整得唔乾淨，所以都唔係好食得落。