圓香

营业中

休息中

食物質素愈做愈差，其實廚師真係好重要。一個好廚師帶起一間餐廳，相反一個差既就分分鉒土會把客人都趕走了。這裏以前既菜式很是不錯，而且都是火候控制很好，但都已經是以前的事情了。最近再光顧不知道是甚麼原因，食物質素都下降了，煮過火，肉又柴又靭又燶，麵軟得都爛了，基本上切都很難切斷，叉子也卷了…..汁料過鹹而且嘗得出來是鹽，整體好像就是把東西都煮熟了然後炒埋一碟就上菜了，看得出來完全沒有用心，基本上沒有下次了。

印尼炒飯串燒都唔錯 雖然看上去非常乾 。炒飯有兩隻大蝦 幾粒肉 然後就沒有然後 。焗菠菜雞皇飯如果食客想有蔬菜🥦🥬平衡一下你的晚飯唔好考慮這盤焗菠菜雞皇飯 因為只有四條幼少得可憐嘅菜

【黃大仙區】【圓香】鑽石山站隔離啟鑽苑陸續有人入住，形成社區，啟鑽商場亦都已經開張。咁樣嘅情況，開業嘅當然唔少得餐廳。佢哋已經有幾間餐廳開咗，商場上面呢間茶餐廳係我第一間係呢個商場食嘅餐廳，就睇吓佢點。我當日下晝去嘅，所以係喺佢哋嘅下午茶時段。見到深海吉列魚柳系列呢個 $43 嘅「原條吉列魚柳」配漢堡扒牛乳炒蛋同牛油厚多士半件好似幾吸引就叫咗，結果就還好啦，魚柳都係一般貨色，炒蛋又係冇乜亮點，有漢堡扒食算係開心咗啲。餐飲我跟「熱奶茶」又反而幾好飲，叫做成個餐最大嘅特色。咁我寫一間餐廳通常都想食兩個餐嘅，寫到多啲嘢畀大家睇嘛。所以我喺粒粒金磚西多士系列叫咗 $43 嘅「粒粒金磚西多士配英倫糖漿」配惡魔炸雞髀等大家睇吓，唔算好食，一般啲囉，餐飲「熱杏霜」都係。不過兩個下午茶餐夾埋都係 $86，就算數啦。。。（地址：鑽石山彩虹道235號啟鑽商場1樓101號舖）

落街食個飯連續兩日嚟鋸扒跟餐叫丹麥酥兩日都係落完單先講冇😅係小失望，咁就唔要，唔使加$3本打算電子支付，點知埋單話冇得比電子支付，話因為減咗$3，差啲就冇cash找數好心員工之間溝通好少少😅你哋嘅錯誤要我嚟埋單餐具都比較污糟btw 牛扒嘅質素係唔錯

一家人去茶餐廳鋸扒, 遇上國慶優惠~晚上堂食有八八折好抵!成家都係食肉獸就全部一齊鋸扒啦😋我地全部都叫咗鴛鴦扒套餐～仲配左牛油多士添, 厚多士烤到好脆!雞扒同豬扒大大塊, 而且肉質都好嫩滑, 配上黑椒汁少少微辣好惹味～ 試咗屋企人嘅洋蔥汁都幾好食甜甜地～跟餐仲有個茄汁意粉, 甜甜酸酸幾開胃~ 成個餐份量都幾多, 性價比好高!椰汁紅豆冰都幾淋, 又唔會好甜～ 鴛鴦紅豆冰呢個配搭好特別! 餐廳環境都好闊落同埋裝修得好新淨企理, 感覺衛生都係幾好! 見到好多人食小菜，下次可以再過嚟試吓😆

啱啱入伙，已經食過幾次，下午茶好多選擇，味道好過樓下間紅豆，但每次嚟之前都因為間餐廳嘅衛生情況而躊躇滿步，猶疑不決，希望餐廳可以關注吓難得佢嘅鹹牛肉潛艇同埋西多士都唔錯，個包食得出係新鮮出爐，鬆軟唔會硬掘掘，希望我可以繼續幫襯餐廳裝修唔錯㗎，最入仲有落地玻璃窗，以睇住出面個景嚟high tea, 但可怕嘅衛生情況令我一直唔敢腳踏實地，好驚唔係踩到啲跌咗落地嘅食物，就係啲可能包住鼻涕口水嘅紙巾，覺得有啲浪漫咗咁好個裝修😔

8月17日揾食肥華和靚媽，被此店嘅小菜晚飯餐牌内容，吸引到去食晚飯，此餐肥華點了，中式牛柳及金銀蒜蒸班球，兩款都喺肥華及靚媽喜愛食品，不過卻有不同感受。首先上枱嘅，中式牛柳，份量對辨但牛肉煑得過熟，靚媽話此碟菜嘅主角牛柳，又柴又韌，俾配角嘅醬汁及料頭搶晒風頭，呢碟中式牛柳衹值C級評分。而踉住上枱個碟，金銀蒜蒸斑球，就令到肥華和靚媽，食得非常滿意，班球蒸得恰到好處，又夠厚身份量足夠，正常二人享用，呢碟小菜值得俾A+評分佢。而今餐最令肥華開心嘅，就喺跟餐個例湯，竟然喺肥華至愛，金銀菜豬骨湯，所以此餐值👍👍👍

今天晚飯, 一個人食, 我本想坐二人枱, 但那枱很髒, 還有食物汁沒抹乾淨, 我坐了旁邊的四人桌. 侍應(中年女人 好似大家姐咁):「 你不準坐四人枱」我回應「那二人枱髒, 你抹抹, 我便坐過去」 她回我說:「你先坐過去, 我便抹! 」然後我點食物, 我要的餐沒有, 我便說另一個餐. 我未開口, 她變掉頭走了. 我又叫回她, 點了扒餐, 我想講埋飲品,未開口, 她已掉頭走了. 唔知她趕什麼, 根本就冇乜客, 我食完走, 旁邊的四人桌依然空, 無人入座.另外, 我點的扒餐是牛扒加漢堡扒, 最後換了泰式魚餅, 牛扒蓋住, 食到底才知道. 哪位阿姐侍應, 根本沒有告知客人, 沒有漢堡扒提供. 最少起碼應該先諮詢一下客人, 是否願意以魚餅代替漢堡扒. 我不是海關, 雖不會用商品說明條例檢控店, 但那侍應的禮貌真係好差

乾炒牛河 $46牛肉肉質部份過淋，部分有筋，但食唔出有鬆肉粉味。河粉完整煙韌有趙頭，微暖有微微獲氣，調味好食，份量適中。金磚西多配炸髀 $43金黃不過火，有蛋香味及花生醬香味，微暖。炸雞髀偏細，雞髀調味好，有香茅味，但略嫌油炸過火，雞皮非常脆口好食，雞肉外層亦有點炸乾，幸好裡面仍有汁。凍奶茶：茶味OK但帶點微澀，叫小冰自行走冰後餘下2/3杯茶，落單多奶，奶味不足，奶茶茶身較厚可取。熱O水：檸檬兩片，算厚，接受。“圓香” 2人及4人卡位濶落好坐，餐紙餐具自助齊全。出菜好快，食物略為微䁔。40幾蚊下午茶餐有合理質素算係幾抵食，調味唔錯，是街坊閒時返頭食tea之選😊。

夜晚揾野食，因為果頭都係新居入伙，個商場啲舖頭都開哂，見到呢間餐廳款式多價錢合理，仲有酸菜魚食，就入去試下啦。話哂都係新舖，環境都叫乾淨企理嘅，啲位都唔算太逼，坐落都舒服。除了幾個小菜之外，重頭戲就係個酸菜魚，上菜係用個長方形盤裝住再用爐keep住加熱，入面係一條完整有頭有尾，炸過嘅魚。辣度任君選擇，咁我地就叫左微辣，食落係夠味，有酸、辣、麻，啱哂我呢啲中意食酸辣重口味野，但又唔係真係好食得辣嘅人過下口癮。配菜就有芽菜、木耳、豆卜、金針菇、萵筍，食落都好入味。整體不錯，但係飲品就比較遜色，柚子蜜同檸檬茶都好淡味。

落單時問員工午餐的焗豬扒飯和下午茶的焗豬扒飯有咩分別，下午茶細啲，我就叫午餐，飯到了，坐我同台的搭台叫下午茶焗豬扒飯，他的豬扒比我的還要大塊，我忡錢時問他，他還不肯定講應該入火細啲，，我講了剛落單時你們說是有分別下午茶細啲，所以我先叫午餐，這間實在不誠實，還叫我下次試多次，價錢不是問題，但他們是否要講清楚，我請大家不要再幫襯佢地了

早餐選擇比較多，叫佐漢堡扒腸仔牛乳炒蛋米線+$3配奶油豬、熱華田漢堡扒睇上去好多黑椒，但其實一D都吾辣，吾食辣都絕對可以接受腸仔普通，牛乳炒蛋比較重牛乳味米線好食過普通茶餐廳嗰D奶油豬一到要第一時間食！好快吾脆，隨場食以加$3嘅質素算非常好，如果多D奶油同脆D就更好 （試過外賣十幾分鐘返屋企已經吾脆，吾推介外賣奶油豬！）阿華田就正正常常啦成間鋪D店員都好有禮貌同耐心，有問必答，見其他人催單都會認真同你跟單早餐大推

下午茶既一口西多士配雞翼 一口西多士炸得好好食，外層炸得酥，麵包都軟熟，糖漿係海量，好好食雞翼就有點油，炸得比較乾同硬 滑蛋叉燒飯做得幾好食，唔比出名既冰室差 滑蛋炒得好好食，半熟狀態軟綿綿，香濃蛋香 叉燒正常發揮，大部分都淋，肥瘦算係平均，mix埋燒味豉油成碟飯好惹味 另一個雞扒煎蛋飯就好普通，煎蛋係用模煎，冇荷包蛋既燶邊 雞扒都係普普通通，唔係好入味，唔算肉嫩不過好在冇雪藏味既 呢間餐廳算係人氣比較旺，周末下午茶時間都差唔多滿座如果坐到窗邊卡位都幾正，好似去左cafe咁不過服務就唔好expect太多，就係正常茶記 ，但係D野食都等左好耐，特別係個西多，差唔多食完2碟飯先黎餐廳太大但人手唔夠，成日都叫唔到人黎

今日去圓香食tea，叫左兩個tea ，都有配迷你茄通，個番茄湯有薯仔粒，個茄味好淡，比起初開業時期真係差咗，失望。但係最令人失望係隻雞脾‼️隻雞應該係bb雞嚟🐔🐔或者營養不良😂🤔好細隻，拳頭仲大過佢✊🏻但都唔緊要，最差嘅就係炸到好燶，一啲肉汁都冇，啲肉勁乾。。。真心，炸到咁燶就唔好比客啦。。。。。。😩茶餐廳嘅炸脾嘅質素竟然係咁😶‍🌫️😶‍🌫️😶‍🌫️🫠真係仲衰過大xx個啲連鎖快餐，冇下次🫥👋

用app叫外賣，見到圓香選擇都多，就試吓！Order之後好快就送到，而且仲係熱辣辣。外賣包裝整潔又企理，賣相又精美。⭐️⭐️⭐️⭐️⭐️叫咗個忌廉菠菜焗魚柳飯 & 鮮茄焗椰菜牛脷飯，免費送餐飲 熱咖啡、熱奶茶。個人推介忌廉菠菜焗魚柳飯，魚柳大大件，菠菜新鮮，整體好香口⭐️⭐️⭐️⭐️⭐️牛脷焗飯蕃茄汁鮮甜，西蘭花夠軟滑，牛脷厚身，亦係可以再試之選⭐️⭐️⭐️⭐️⭐️兩客都係賣相吸引，而且材料新鮮、大件豐富又多汁味道合適，唔會太鹹，好食會下次再試