影片
以上资料只供参考，请与餐厅确认详情
真系好钟意呢间小店！经过蓝田无意中发现呢间店，店主好真诚有礼，野食都十分有心同好味，已经推介左比屋企人，价廉物美。知道香港小店不容易，好高兴香港有呢啲努力耕耘既小店，希望店主们可以坚持下去吧🥹🥹
继续阅读
第二次食依然觉得不得了，扁意粉火侯适中唔太腍太硬，酱汁hold 得住喺意粉度唔会水汪汪（食开餐厅意粉嘅人会明我讲乜），配料亦份量十足每一啖都食到𩠌。36蚊仲送汤呀大佬！楼上热狗舖系好食，但希望宝宝们都分散惩罚please
继续阅读
蓝田新开特色小食店！全部嘢食都系takeaway，舖头冇堂食。全部手抓饼、蛋饼、可丽饼都系即叫即整，绝对热辣辣。今次试咗个肉松火腿片手抓饼，酱汁可以拣沙律酱或者茄汁，我拣咗茄汁🌝🌝拎上手已经好热，咬落去仲脆ge！馅料都算几足，值得一试！值得一赞嘅系包装方面，除咗用纸袋包住个手抓饼，外面仲有一层胶袋，咁咪生好多又唔会成手油淋淋👍🏻
继续阅读
好多年无去汇景，今日去兜过圈。行行下好肚饿。于是去揾食。行到最尾度有间特色小食店。有蛋饼，可丽饼，热狗，手抓饼及意粉之类(好似去左台湾甘)。今次试左烟肉热狗!!卖相及味道好好。店主好有心机整。前面有客人买可丽饼，好似话D cream系佢地亲手打，下次一定要试下!!大肚婆特别肚饿，一于食埋佢个手抓饼!!好正呀!即食热辣辣添呀!!女店主好好笑容，仲同我倾左好多凑B经添!!下次路过试埋佢个甜品先
继续阅读
平时好钟意周围去小店揾食, 今日途经汇景见到有好多小店新开张, 意外地见到有至爱嘅手抓饼同可丽饼,当我偷望紧小朋友手拎住可丽饼的卖相时, 小店老板好亲切地问有冇需要介绍一下~ 老板话手抓饼的酱汁系佢亲自调教嘅秘制酱汁, 见佢亲切嘅笑容介绍下我就点左咸牛肉手抓饼同香蕉榛子可丽饼做晚餐, 而另我最意外系即叫即做, 原本谂住外卖返屋企慢慢叹, 但系见到老板热辣辣新鲜即做冇理由唔即场食吖 估唔到手抓饼嘅秘制酱汁酸酸甜甜好开胃, 而可丽饼软软又有蛋味, 而我只讲咗一句(好钟意食脆片) 老板好有心加左好多脆片同榛子汁畀我~呢啲服务态度只有小店可以做到, 希望老板会要keep住呢团火, 佢哋份量都几多, 唯有下次先再试下佢嘅秘制芝士汁热狗先
继续阅读