影片
以上资料只供参考，请与餐厅确认详情
圆圆石磨肠粉真系几正。好多人净系会行过葵涌广场食嘢其实过一条街都有好多小食可以扫街，呢间石磨肠粉就系其中之一首先第一价钱好平，第二佢有忠实嘅客户排队但系又唔需要排长龙𠮶只，第三好食㖞个辣酱几特别！我叫咗牛肠，我见到佢即刻整，热辣辣嘅面粉浆见到都已经好滑溜，再放埋葱花同埋啲牛肉碎，闻到香喷喷简简单单就咁好食。确实唔系话咁易整就一定好味因为食过其他石磨肠粉有啲太厚粉浆，跟住又做定晒啲豉油都已经凝固晒咁就好难食。所以呢间推荐啦，我相信附近咁多学校学生，平日一定会更多人帮衬我今日系星期六嘅夜晚我谂大部份人都去咗出街食饭，所以比较冷清少少。不过唯一要改进嘅地方就系佢只收现金呢样有少少唔方便。
继续阅读